Sam 84
84
Okoro Hola nia sa Vetu Hopena te Tamasa
(Keke kinera tanisa butubutu te Kora)
1Nake tolavaena hola sa Mua Zelepade, kei Zihova Tadi na Qeto Minate!
2Okoro la somana hola si rau vasina!
Balabala hola ia rau si pude la nuquru somana pa Zelepade te Zihova.
Pa doduru buloqu si kera vahesia pa qinetuqetu,
koasa Tamasa Toana.
3Kamo tu koari na pitikole, ba tavete dia vori,
meke sari na hiuheze ba ari dia kokoana tugo.
Vasina kopu ni rini sari na tunadi tata pa Mua hope,
kei Zihova Tadi na Qeto Minate; qua Baṉara meke na qua Tamasa.
4Tamanae tugo sarini pu koa koasa Mua Zelepade,
meke kera vahesi Igo doduru totoso!
5Tamanae tugo sarini pu tava ṉiṉira koa Goi,
sapu okoro ene sagea sa siraṉa la pa toqere Zaione.
6Totoso ene hola gua rini koasa lolomo pa Baka,
si ta evaṉae na vasina koa ia na bukaha kolo lomosodi,
meke kamo sa totoso ruku si siṉi sari na kopi koasa vasina asa.
7Ṉiṉira lala dia si arini pa dia inene,
osolae ta dogoro sa Tamasa tadi na tamasa koa rini pa Zaione.
8Kei Zihova, Tamasa Tanisa Qeto Minate,
Mu avoso mae au,
kei Tamasa te Zekopi.
9Mu mana nia sa mami baṉara
pu ele vizatia Goi, kei Tamasa.
10Kekeke rane pa Mua Zelepade
si leana hola ni sari na tina rane pa votiki vasidi.
Leana hola koa rau si pude turu mo pa sasadana sa vetu Tanisa qua Tamasa;
hola nia si pude nuquru pa vetu tadi na tie kaleadi.
11E Zihova Tamasa sa nada kalalasa, meke na nada lave ṉiṉirana,
manani gita Sa pa Nana tataru na vina lavata.
Lopu korona poni ni tiṉitoṉa leadi Sa sari na tie toṉoto.
12Kei Zihova Tadi na Qeto Minate,
ta manae tugo sarini pu kalavarae koa Goi.
Currently Selected:
Sam 84: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
