Sam 42
42
Buka Vina Karua
Sam 42 kamo Sam 72
Sa Vinaravara Tana Keke Tie Ta Raovona#42:0 Sari Sam 42 meke 43 pa zinama Hiburu si kekeke Sam mo.
(Keke kinera tadi na Livaeti pa tutina Kora)
1Kei qua Tamasa, guana “dia”#42:1 Keke kurukuru made nene si ta pozae “dia” si asa. sapu memeha nia sa kolo pa leana,
si gua tugo si arau sapu hata sisigitigo.
2Okoro hola nia rau sa Tamasa, sa Tamasa toana.
Panavisa kaqu mae si rau pa kenuna Sa pude vahesia si Asa!
3Lopu hite va manotau rini si rau,
sipu va sisire nau rina qua kana doduru totoso,
“Sa mua Tamasa, ba lopu kaqu toka nigo!” gua.
4Talotaṉa hola sa buloqu sipu balabala pulei rau sari na totoso
pu hoke luli si rau koari na tinoni,
meke turaṉa nuquru ni rau pa Zelepade te Zihova,
meke kera na velavela pa qinetuqetu si arini,
pa vinahesina sa Tamasa.
5Na vegua ke talotaṉa na balabala mamata si rau?
Kaqu raṉea rau se Zihova,
meke kaqu vahesi pulea rau sa qua Hinarupu meke sa qua Tamasa.
6-7Lodu mate sa buloqu pa tinaraovo,
gua asa ke balabala ia rau sa Tamasa.
Va maei Sa sari na tinalotaṉa pu vari tomotomoi guana bogusu pa qua tinoa.
Sa tinahuara si totolo mae guana naqe koarau.
Guana titisi pa toqere Hemoni meke pa toqere Miza,
sapu zoloro gore la pa Ovuku Zodani.
8Pana rane si tataru nau Sa pa Nana tataru nabuna,
gua asa ke kera vahesia rau se Zihova pana boṉi.
Asa sa qua vinaravara la koe Tamasa pu poni nau sa tinoa.
9Zama la si rau koe Tamasa sa qua Patu Aqoroana,
“Na vegua ke veko pani au Goi?
Na venagua, ke kaqu koa ta sigiti lani mo rau sari na ṉinovaṉovala tadi na qua kana?”
10Guana ta muzara va umumu sa tiniqu sipu lopu makudo,
zama au rini, “Avei tu sa mua Tamasa,” gua.
11Na vegua ke talotaṉa na balabala mamata si rau?
Kaqu raṉea rau sa Tamasa,
sina kaqu vahesi pulea rau sa qua Hinarupu meke sa qua Tamasa.
Currently Selected:
Sam 42: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
