Sam 23
23
Zihova tugo sa Qua Sepati
(Keke kinera te Devita)
1Zihova tugo sa qua Sepati,
lopu kaqu ehaka nia rau si keketoṉa.
2Va eko au Sa pa duduli buma,#Rev 7:17
meke turaṉau Sa pa kolo bulebulena.
3Va ṉiṉira ia Sa sa maqomaqoqu,
turaṉau Sa koari na siraṉa tana tinoṉoto
pa vina lavatana sa Pozana Sa.
4Be ene si rau pa korapa lolomo hupohuporona vasina tata sa minate,
ba lopu kaqu matagutu si rau sina koa turaṉau Goi.
Sa Mua hodu meke na tinokae si va manotau koari na totoso tasuna.
5Va nama poni nau Goi sa gequ ginani
pa kenudi rina qua kana.
Lumulumua Goi sa batuqu,
siṉi ta luluapae sa qua kapa.
6Gilania rau sapu sa Mua lineana na tinokae mo
si kaqu luli au ninae rane pa qua tinoa,
meke kaqu koa si rau pa vetu te Zihova ninae rane ka rane.
Currently Selected:
Sam 23: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
