Sam 137
137
Kinabokabo tadi na Tie Izireli pa Korapa Tinaraovo
1Pa taqeledi rina ovuku pa Babiloni si habotu kabokabo si gami,
sipu balabala ia gami sa popoa Zaione.
2Va sigoto veko ni gami koari na huda vasina sari na mami mike,
meke kabokabo si gami.
3Sarini pu raovo vagi gami si tepa gami pude kera,
meke sarini pu va sisireni gami si hivani gami pude kerakera poni pa qinetuqetu,
meke zama, “Kera poni gami kaiqa kinerana sa popoa Zaione!” gua.
4Ba vegua meke boka kera ni gami pa votiki popoa
sari na kinerana e Zihova?
5Kei Zihova, be muliṉi Nigo rau, si lea gequ mani mate sa lima mataoqu,
pude maqu lopu boka mike vahesi Igo rau.
6Mani napiti sage pa damaqu sa meaqu, pude maqu lopu boka kera pule,
be muliṉi nigo rau si goi Zerusalema,
meke be lopu balabala ia rau sapu agoi sa qua qinetuqetu nomana hola.
7Kei Zihova, Mu balabala ia gua sapu evaṉia ri na tie Edomu,
totoso vagia ri na kana sa popoa Zerusalema.
Balabala ia sapu gua zama pilipule nia rini, sapu guahe:
“Huaria! Huaria! Huara va kamoa koari na sinokiraena! gua.”
8Kei, gamu na tiena sa popoa Babiloni, gamu na tie zazalo,#Rev 18:6
qetu tugo si arini pu seke hobea sa mia ṉinovaṉovala koa gami.
9Mani qetu si asa pu oki gore lani pa patu
sari na mia koburu haha!
Currently Selected:
Sam 137: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
