Sam 13
13
Vinaravara Tinepa Tinokae
(Keke kinera te Devita)
1Kei Zihova, ve seunae gua si kaqu muliṉi nau Goi si arau? Ninae rane?
Ve seunae gua si kaqu va paere pule Nigo koa rau si Goi?
2Ve seunae gua si kaqu koa ta sigiti si rau pa maqomaqoqu,
meke koa talotaṉa pa buloqu doduru rane?
Ve seunae gua si kaqu koa mataqara hola koa rau sari na qua kana?
3Kei Zihova, qua Tamasa, Mu balabala au, Mamu toka nau.
Mamu turaṉau pa Mua kalalasa,
pude qu lopu puta pa minate.
4Madi lopu zama sari na qua kana, “Ele va kilasia gami si asa,” gua.
Madi lopu qetu nia rini sa qua tinasuna.
5Ba raṉea rau sa Mua tataru nabuna,
meke qetuqetu sa buloqu sina kaqu harupau Goi.
6Kaqu kera vahesi Igo rau si Goi Zihova,
sina tavete valeana mae koa rau si Goi.
Currently Selected:
Sam 13: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
