Sam 129
129
Tinepatepa Vina Kilasadi Ri pu Kana La pa Izireli
1Gamu na tie Izireli, mi tozi vura nia sa ṉinovaṉovala sapu taveteni gamu rina mia kana,
podalae sipu ta evaṉae na keke butubutu vaqura si gamu,
2“Podalae sipu na butubutu vaqura si gami
si ṉoṉovala va kaleana gami rina mami kana,
ba lopu hite va kilasa gami rini.
3Sari na dia hilihiliburuana si va bakorai sari na mudi mami.
Lohi sari na bakora guana geligeliana pa inuma pu geli va lohi pa pepeso.
4Ba se Zihova sapu toṉoto si vata rupaha gami pa tinoa pinausu,” gua.
5Sarini pu kukiti nia sa popoa Zaione
si madi tava kilasa meke govete pule.
6Madi guana duduli pu toa pa batu vetu si arini,
sapu lopu ele ta rabutu palae ba ele harahara kenu tu;
7meke loke tie pakepakete kote pudiki vagi,
na iqoso varigara ni si arini.
8Mani loke tie ene holadi si kote zama guahe koarini,
“Mani manani gamu Tamasa!
Manani gamu gami si gamu pa korapa Pozana e Zihova,” gua.
Currently Selected:
Sam 129: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
