Sam 126
126
Keke Tinepatepa Vinasare
1Sipu turaṉa pule lani gita e Zihova si gita pa Zerusalema,
si guana putagita si gita.
2Hegere na kera qetuqetu si gita,
meke vari zamae sari na votiki butubutu,
“E Zihova si evaṉi sari na tiṉitoṉa variva magasadi koarini,” gua.
3Meke hinokara tugo, evaṉi tugo e Zihova sari na tiṉitoṉa nomanomadi koa gita,
ke ele qetuqetu hola si gita!
4Kei Zihova, Mu va koa valeana pule gami,
guana ruku pu vala puleni kolo sari na ovuku popadi.
5Sarini pu lelete pa kolomata,
si madi pakepakete pa qinetuqetu!
6Sarini pu paleki sari na kiko pa kinabokabo pude la lelete,
si kaqu kera qetuqetu pa dia pinule mae;
totoso paleki rini sari na vuadi.
Currently Selected:
Sam 126: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
