Sam 121
121
E Zihova mo sa Nada Tie Kopu
1Eṉa sage la koari na toqere si rau meke balabala,
“Pavei si kaqu mae gua sa qua tinokae?”
2Sa qua tinokae si kaqu mae gua koe Zihova
sapu tavetena sa maṉauru meke na pepeso.
3Kaqu kopu nigo Sa si goi pude lopu gulazoro hoqa nigo.
Asa sapu kopu nigo si kote koa vaṉunu la mo.
4Dotu, Asa sapu kopu nia se Izireli
si lopu kaqu rorodoko, na puta.
5E Zihova si na mua Tie Kopu;
koa tata koa goi si Asa pude kopu nigo.
6Sa rimata si lopu kaqu va sigitigo pana rane,
meke gua tugo sa sidara pana boṉi.
7E Zihova si kaqu kopu nigo pa doduru tinasuna;
kaqu va sare igo Sa si goi.
8Kaqu kopu nigo e Zihova si goi koari doduru mua inene,
kamahire meke ninae rane ka rane.
Currently Selected:
Sam 121: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
