Sam 128
128
Sam Kratrtqki-esz'-nzpnu-li-nrade-rtqmz (128)
Trte Kx Mailzle Lr Ma Nyzde
Nabz kx nzngrnelzngr Jerusalem mz nzangiongr.
1Yawe sa na-amrlzle trte kx amrluele nide,
X o-zli-zvzle nzti rde.
2Murde da kx naokatrle lr ma nyzde navzpxm mz nzwz-krde,
X na-abrtz-ngrde nzmnc-zpwx-krdr.
3Olvz nalzde na-apule nc bia kc nrade tqkqlu,
Murde doa nedrng kalr na-apulr nrtr ngr nc brpi mz nzwxbu-ngalelvz-krdr nyr pnrde.
4Delc Yawe tqamrlz-ngrde
Trte kx amrluele nide.
5-6Yawe, mz nzmncpx-krme Mangr-nzangiongr,
Amrlz nigr lr Israel, murde namnc-zpwxkr.
X trtegr lcng namc-zvzlr da kxmrlzting kcng tqaleme bagr, nigr lr Jerusalem.
X namc-kzlr nzmnckr doa ne doa nedrng, x sc tzbz-ateng.
Currently Selected:
Sam 128: ntu
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
