Buka Linge 13
13
1Aghe Lord, ivei vaho ke vagha na hauna ko niu ponolio?
Ke va me va? Mi vei vaho ke vagha na hauna
ge ko reirei va tana balu halautu?
2Mi vei vaho ke vagha na hauna
ku ghutu vevehea na vahaghitaili tana tarungagu,
mi tana dikalio tana tobagu tughu bongi?
Mi vei vaho ke vagha na hauna
ge na ghagua na levunimate kara talu datoi na limadira?
3Ko ririu mai mo ko bosa tughu,
Aghe Lord, nigua na God!
Talugonia na marara mai tana matagu,
na pukuna ge ku bei mate gea.
4Bei lubatira na ghagua na levunimate
ge kara batobatou, ma kara ghaghua,
“Ighai tai laga vulea gaia!”
Mo ko bei lubatira ge kara togotogo tagua na kutu horu.
5Mi nau tu varava ngasi so ta nimua na dolo ke mua tughu.
Mu ku nia togotogo na pukuna to lavi kehau.
6Inau ku linge vania Lord,
na pukuna gaia te uto vaniu inau.
Currently Selected:
Buka Linge 13: nlg
Highlight
Copy
Compare
Share
Want to have your highlights saved across all your devices? Sign up or sign in
Copyright © 2015 Wyciiffe Bible Translators, Inc. All rights reserved.
