Taeka n Rabakau 5
5
Kakaonimaki nakon Buum
1Natiu te m'aane, ngkana ko kakauongo raoi
nakon wanawanau ma au iangoraoi,
2E na bon riai n iai ana babaaire nanom,
ao ko na bon riai n taai nako n ataia
b'a tera ae ko riai n taekinna.
3A karewerewe kaanga ana karewe te manibeeru
ana taeka te aine ae e buakaka
ao a maranran n ai aroni b'aan te oriwa.
4Ma b'aai ni kabane akana ko karekei
man reitakim ma ngaia
bon taian boitin aika a maai ao taiani kammaraki.
5Ngkana ko iririia,
ao e na kairiko rikaaki
nakon aia aonnaba maate.
6E a tia n tibanako kawaina man te kawai
are e nakon te maiu
ao e aki roko n te ataia.
7Natiu te m'aane, ongora irou
ao karaoi b'aai ni kabane aika I taekin.
8Kararoako mairoun te aine ae buakaka!
Ko na aki naba kaaniia mataroan
ana auti.
9Ane e na mauna karineam
ao n tokina ko na bae
irouia tabeman aomata aika a iowawa
ni kabane bongin maium.
10A na anaa am m'ane iruwa
ma b'aai ni kabane
ake ko a tia ni m'akuri i bukiia.
11Ao ngkana ko a roko n tokin am bong,
ao e na bane korakoran rab'atam,
ngkana ko ngirangira 12ma n takaarua,
“I ribaai taeka n reirei ma kaetakiu!
13I aki kubariia
au taan reirei,
14ao ngkai I a kab'ainrangaki
i mataia aomata nako.”
15Ko riai ni kakaonimaki
nakoni buum,
n ai aron ae ko anaa te ran
mani bon oin am m'anib'a. #5.15 oin am m'anib'a: Inanon tain te b'aib'ara ao a aki rangi ni m'aiti taiani m'anib'a ai ngaia are a kaawakinaki raoi man teiakinaki.
16Ao ko na aki riki b'a kaanga te raanga n ran
are a na kareke nimaia mai iai
aine nako.
17Kaawakiniko i bukin buum
ao tai wenenibure
ma aine tem'angina.
18Ko na kukurei ma buum
are ko mare ma ngaiia
ngke ko rorobuaka.
19Bon te aine ae e tikiraoi mani kakukurei,
kaanga ai aron te ria
ao ngkoe ko riai n anaa nanona naba i matana
ma n tiku n ami tangira ae e nene.
20Ko na aki karangirangko iroun te aine
ae e aki kakaonimaki
nakon are bon oin buuna!
21E noori b'aai ni kabane te UEA
ao e tarataraira raoi.
22A m'ane taani bure
ni bon oin aia m'akuri ake a tia ni karaoi.
23A bua mani mate
i bukin nanobabaia
ao mamaaran tauan aroia i bon irouia.
Currently Selected:
Taeka n Rabakau 5: KNVB
Highlight
Share
Compare
Copy
Want to have your highlights saved across all your devices? Sign up or sign in
