Taeka n Rabakau 26
26
Tai Nanobaba
1Karinean te nanobaba
kaanga kaantaningan te tinoo
n te aumaiaki ma te karau
n tain te m'auteretere.
2Te kamaraia ae bon tiaki mwiin am m'akuri
e na anai baina ni kiba ma ni kiba nako
kaanga te tibaro ke te tuwaaro.
3A na riai n oreaki ao ni bweenaki
te aoti ma te aati,
ao ai uana naba ma taian nanobaba
4Tai kananobabako i bon iroum
ni kaekaa te nanobaba.
5Ma ngkana ko kaeka te nanobaba,
ao kaeka n te kaeka ae e nanobaba,
ao ane e na ataia iai b'a e aki wanawana riki nakoim.
6Kanakoan te rongorongo iroun ae e nanobaba
kaanga ai aron ae ko bon korea waem
ao ko nima te boitin.
7Kaanga ai aron te anterobe
ae e aki konaa ni kam'akuri waena
ana taeka ni wanawana te nanobaba.#26.7 ae e aki konaa...waena: Teuana mai buakon nanon te taeka n Ebera e matoatoa nanona.
8Ko nang karinea te nanobaba?
E aera ngkai ko aki kabaea ni kakooa am kanoa
ao ko a bana?
9Akea bonganan te taeka n rabakau
ae e nako man wiin te nanobaba,
b'a kaanga ai aron te kai ae e kateketeke
ae e niroaa bain te tia mooi manging.
10E aki tabe te aba ma katebeaia
taani m'ananga ni kabane aika a rirarikim
nakon ae ko kaboia ni kam'akuriia te koraki
aika a nanobaba. #26.10 nanobaba: Teuana mai buakon nanon te taeka n Ebera ae e matoatoa ane n te kibu 10.
11A okira mumutaia kamea ni manga kanna,
kaanga ai aroia nanobaba ni kaokioki
nanobabaia.
12Bon iai riki te kaantaninga iroun ae e nanobaba
nakona ae ane e na kaangai temanna,
“I rangi ni wanawana!”
13Tai kaakangai, “Iai te raian i tinaniku!”
i bukin taningarotim.
14E minomino te mataroa i aon ana intiti,
ma te aomata ae e taningaroti
e rarairairia i aon ana kainiwene.
15Bon iai naba i buakora aika a rangi n taningaroti
n te aro are a aki konaa naba n tabeki baiia
ni karei wiia i bon irouia ngkana a am'arake.
16E taku ana taeka te aomata ae e taningaroti,
“I wanawana
riki nakoia aomata ni kabane.”
17E raoiroi riki ngkana ko taui
taningan te kamea ae e baba
nakon ae ko na ira buakon
te meremere ae akea am b'ai iai.
18Ko aki taraa ni baba riki ngkana ko katebea nako
te kanoa ni katebe ae e ura ae e kakang
19nakon ae ko na kam'aneia aomata ni keweia ao ko a manga kaangai,
“I boni manikangare.”
20Ngkana akea te b'a
ao e mate te ai;
Ngkana akea te b'ab'arantiko
ao e na toki te ngurengure.
21A karikirakea te kiriwe taani kakiriwe,
kaanga ai aron te tib'aake ao te b'aa
aika a karekea te ura.
22Bon akea riki te b'ai ae e kangkang
nakon te b'ab'arantiko!
e rannako i nanon te wii.
23Karabaan iango ni kairiribai
i akuun taeka aika a raraoi #26.23 taeka aika a raraoiTe rairai nikawai teuana; Ebera “riribai.” te taetae
bon ai aron ae ko rabuna aon te b'aata n te tano
ni mannangin te tirewa.
24E karabai riki iango ni kam'ane
ana taetaenikawai aika karewerewe
te kairiribai
25nakon ae e konaa ni warekaki
ma ngaia ae, tai kakoaua te taeka!
26A na bane aomata n noora nanon
iango ni kam'ane akanne.
27Ko na manga boni b'aka i nanon te m'anono
are ko kenna;
Ngkana ko moan karabinoa te atiibu,
ao e na manga rabino n okiriko.
28Tarataraia raoi akana
a tataekina te kewe ma te karang
a otinako b'a a na raweiko.
Currently Selected:
Taeka n Rabakau 26: KNVB
Highlight
Share
Compare
Copy
Want to have your highlights saved across all your devices? Sign up or sign in
