ꞌRuuth 4
4
Õlõm ꞌBõathĩ ꞌRuuth
1Ma kõr niccia noho, ũũk ꞌBõathĩ ĩĩcĩ hattũũg cobbi cĩ ꞌtaaũnõõ, ngaatĩ gõõng õthõõthĩ eeta lokihẽẽt hĩ thooꞌthiok cĩg lootu nẽ ũũk iccioloongan nĩngaata. Ma ho, uppwaanna ittioonniohiti baa aduha ꞌBõathĩ, nĩngĩtĩ avvĩyyĩ ꞌBõathĩ ĩnõõnnõ annẽẽkĩ, “Ijjia dako ꞌcioloongan loota ngaati ꞌgõõna, hadiimi hõthõõthõõ.” Nĩngĩtĩ ammũdõõthĩkĩ nẽẽ ꞌBõath nẽ õõt aauto nẽẽg vẽlẽk loota hõdẽĩ.
2Ma nĩngaata, ũtũvva ꞌBõathĩ makayyiook cĩg ꞌtaaũnaak õmmõtõ nẽ uduhaak ĩhõõggõ ĩĩnnĩk, “Iccioloonganit loota ngaati, ĩĩtõ hẽbẽrĩ cĩg thõõth icci.” Nĩngĩtĩ aattiyyi loota. 3Ma nĩngaata, ĩĩnnĩk ꞌBõathĩ ittioonniohit tĩho, “Ũũtẽnĩ Naoomi baa õbõda looccaa cĩ Mõabĩ looc cĩ ittioonniohit cĩnaac Elimelek. 4Baa hammuhi haini, occa hõthõõth hĩ nganiit thõõth icci, hátĩ tũũwa looc. Má adiimi ũũta, tũũwa hẽbẽrẽẽnnĩĩ cĩg makayyiook iccig. Nẽẽthĩ má hõllõngaa adiimi, duhaahaa nganĩĩt haga, hĩnĩngĩtĩ iini nii eet cobbi nẽ hanueeki naa nganiita.”
Nĩngĩtĩ ẽdẽcĩ ẽẽtĩ tĩho aĩnnĩ, “Hũũta hatĩnĩ.”
5Ma nĩngata, uduhaak ꞌBõathĩ ĩnõõnnõ ĩĩnnĩk, “Dĩdĩ, kõr ꞌcĩ hatĩ ũũtanĩĩ nii looc hĩ Naoomi, adiim olomi nii ꞌRuuth cĩ looc cĩ Mõabĩ buúk. Ĩĩn nẽẽ ngaatĩbõyyĩ. ꞌGõõlaa nĩĩca, aꞌnyak hatĩ ꞌRuuthi loholeec ꞌcĩ maacĩ ꞌcĩ hatĩ abulꞌtha maac cĩnnĩ baa adaaha nẽ ũꞌthũũtĩ loholeec looc cĩ halang cĩnĩĩng.”
6Ẽdẽcĩ ittioonniohiti ciee ꞌBõath anneek, “Aitiõõ naa hõllõngaa occa hũũta looc iccia, hĩnĩngĩtĩ hadhuheehi hatĩ looc caannĩ ho tuu uruta. Tũũwa nẽẽ nii looc, aitiõõ naa hõllõngaa occa hũũta.”
7Waathinniook nicciag, baa gõõng aꞌnyak eeta cĩg Ĩꞌthĩraẽlĩ nyepitee ꞌcĩ aĩ, ma adiim eeta ꞌramma ũũtõõ ijjio hode ataalõnĩ ijjio, appũrcca umwaa caawac nẽ aaꞌnyĩk tuuyyiohit, hode aaꞌnyĩk tuuyyiohiti baattĩ ijjioonnu, hátĩ hagaacõ eeta cĩg Ĩꞌthĩraẽlĩ ngaatĩ, ũkũmanõõthĩhĩ thõõthaa.
8Nĩngĩtĩ appũrccaanĩ ittioonniohiti cĩ halang cĩ umwa ho caawac nẽ ĩĩnnĩk ꞌBõath, “Tũũ looc.”
9Ma nĩngaata, uduhaak ꞌBõathĩ makayyiook hĩ eet vẽlẽk ꞌcĩg baag aattĩg nĩngaata ĩĩnnĩk, “Iiginnu ꞌyioko niig vẽlẽk hẽbẽrĩ kõr nicci ꞌcĩg acinnu ngaatĩ hũtũũwaĩĩ naa hĩ Naoomi looc vẽlẽk baa Elimẽlẽhĩ, hĩ cĩ Kilionĩ hĩ cĩ Mahalonĩ, 10nẽ tarĩ hõlõma ꞌRuuth cĩ Mõabĩ, ngaatĩbõyyĩ baa ĩĩn ngaa cĩ Mahalonĩ. ꞌGõõlaa cĩ, aꞌnyak hatĩ nẽẽ loholeec ꞌcĩ maacĩ ꞌcĩ abulꞌtha maac cĩ ꞌRuuthi baa adaaha nẽ irigith ijjio cĩg halang cĩnnĩ, hátĩ hiittiõõ hõllõngaa aꞌnginoothi ꞌthaara cĩg Mahalonĩ lothippitaa cĩ eet cĩgĩnnĩg hĩ cĩg ꞌtaaũn cĩ Bẽtẽlẽmĩ. Iiginnu niig vẽlẽk kõr nicci hẽbẽrĩ.”
11Nĩngĩtĩ ẽdẽcĩ makayyiooha hĩ eet vẽlẽk ꞌcĩg baag aattĩg hattũũgaa cobbi aĩnnĩ, “Hĩĩgĩnna naag hẽbẽrĩ cĩg thõõth icci! Aꞌnyĩĩk Makayyioohit haaꞌnyĩk ngaa icci aku õlõõ cunni ho, hittira lõhõlĩ ꞌcĩg mẽẽlĩg haau hĩ baa Rakĩlẽ hĩ Lẽẽa, baag arrittiaanĩ eeta cĩg Ĩꞌthĩraẽlĩ! Aꞌnyĩĩk haaꞌnyi Makayyioohiti baliinit hattũũgaa cĩ Ẽvarathĩ nẽ ubuli Bẽtẽlẽma. 12Aꞌnyĩĩk Makayyioohit haaꞌnyi lõhõlĩ ꞌcĩg hatĩ arrita ngaa ciee hĩĩtõ mẽẽlĩg haauto hĩ lohollia cĩg baangeet cĩnaac Pẽrẽth, ngeertĩ Tamarĩ hĩ ꞌJuuda.”#4:12 Tamar hĩ ꞌJuuda: Itigiilit thõõth cĩnĩĩng hĩ loholeec cĩnĩĩng Pẽrẽth ꞌBuuhaa cĩ ꞌThianaattõ 38:6-30.
13Nĩngĩtĩ õkõõĩ ꞌBõathĩ ꞌRuuth halangatõõ cĩnnĩ nẽ õõt ũrũmtĩ hĩ ĩnõõnnõ. Ma baa oogin nẽẽ hĩ ꞌRuuth ko, ikia ẽẽl Makayyioohiti ĩnõõnnõ haꞌnyahõ nẽ ittira loholeec ꞌcĩ maacĩ. 14Nĩngĩtĩ annẽẽkĩ ngaaĩ cĩg ꞌtaaũnaak Naoomi, “Hĩdĩhĩthĩt Makayyioohit ꞌcĩ ꞌyioko aaꞌnyi loholeec ꞌcĩ abulꞌtha halang cunni ho! Aꞌnyĩĩk loholeec icci hubuli Ĩꞌthĩraẽla. 15Aaꞌnyi hatĩ nẽẽ nganiit muhẽẽnĩt ꞌcĩ abũnnaa nẽ uꞌthuutti hatĩ atahaanyu, hĩnĩngĩtĩ ĩĩn nẽẽ loholeec cĩ alaannuni. Nẽ ammĩnannii ꞌRuuthi nganiit nẽ mẽẽn nẽẽ hĩllõõan lõhõlĩ cugunnig baag maacĩg ĩĩn tũrkĩramma.”
16Nĩngĩtĩ õdõngĩ Naoomi loholeec nẽ ĩꞌnyaag athaa nẽ ũꞌthũũtĩ ĩnõõnnõ. 17Baa õthõõth ngaaĩ ꞌcĩg baag aattĩg nĩngaata aĩ, “Aꞌnyak Naoomi loholeec ꞌcĩ maacĩ.” Nĩngĩtĩ akannẽẽkĩ ĩnõõnnõ ꞌthaar ꞌcĩg haĩ Obeede. Baa ĩĩn Obeede maaꞌnyĩ ꞌJeeꞌthe nẽ ĩĩ ꞌJeeꞌthe maaꞌnyĩ habu Daavide.#4:17 Daavide: Baa ĩĩn nẽẽ habu ꞌcĩ abuli cĩ Ĩꞌthĩraẽlĩ nẽ ĩĩ hattũũg cĩnnĩ hĩbaangĩ cĩg Yeesu. Tigiil Maatteeo 1:1-16.
Hattũũg cĩ õlõ cĩ habu Daavide
18Hattũũg cĩ õlõ cĩ Pẽrẽthĩ cieeni:
Baa ĩĩn Pẽrẽthĩ maaꞌnyĩ Hethoronĩ.
19Nẽ ĩĩ Hethoronĩ maaꞌnyĩ Ramĩ.
Ĩĩn Ramĩ maaꞌnyĩ Ammĩnadabĩ.
20Baa ĩĩn Ammĩnadabĩ maaꞌnyĩ Nahathõnĩ.
Nẽ ĩĩ Nahathõnĩ maaꞌnyĩ ꞌThalmõõnẽ.
21Ĩĩn ꞌThalmõõnẽ maaꞌnyĩ ꞌBõathĩ.
Nẽ ĩĩ ꞌBõathĩ maaꞌnyĩ Obeede.
22Baa ĩĩn Obeede maaꞌnyĩ ꞌJeeꞌthe.
Nẽ ĩĩ ꞌJeeꞌthe maaꞌnyĩ habu Daavide.
Currently Selected:
ꞌRuuth 4: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌRuuth 4
4
Õlõm ꞌBõathĩ ꞌRuuth
1Ma kõr niccia noho, ũũk ꞌBõathĩ ĩĩcĩ hattũũg cobbi cĩ ꞌtaaũnõõ, ngaatĩ gõõng õthõõthĩ eeta lokihẽẽt hĩ thooꞌthiok cĩg lootu nẽ ũũk iccioloongan nĩngaata. Ma ho, uppwaanna ittioonniohiti baa aduha ꞌBõathĩ, nĩngĩtĩ avvĩyyĩ ꞌBõathĩ ĩnõõnnõ annẽẽkĩ, “Ijjia dako ꞌcioloongan loota ngaati ꞌgõõna, hadiimi hõthõõthõõ.” Nĩngĩtĩ ammũdõõthĩkĩ nẽẽ ꞌBõath nẽ õõt aauto nẽẽg vẽlẽk loota hõdẽĩ.
2Ma nĩngaata, ũtũvva ꞌBõathĩ makayyiook cĩg ꞌtaaũnaak õmmõtõ nẽ uduhaak ĩhõõggõ ĩĩnnĩk, “Iccioloonganit loota ngaati, ĩĩtõ hẽbẽrĩ cĩg thõõth icci.” Nĩngĩtĩ aattiyyi loota. 3Ma nĩngaata, ĩĩnnĩk ꞌBõathĩ ittioonniohit tĩho, “Ũũtẽnĩ Naoomi baa õbõda looccaa cĩ Mõabĩ looc cĩ ittioonniohit cĩnaac Elimelek. 4Baa hammuhi haini, occa hõthõõth hĩ nganiit thõõth icci, hátĩ tũũwa looc. Má adiimi ũũta, tũũwa hẽbẽrẽẽnnĩĩ cĩg makayyiook iccig. Nẽẽthĩ má hõllõngaa adiimi, duhaahaa nganĩĩt haga, hĩnĩngĩtĩ iini nii eet cobbi nẽ hanueeki naa nganiita.”
Nĩngĩtĩ ẽdẽcĩ ẽẽtĩ tĩho aĩnnĩ, “Hũũta hatĩnĩ.”
5Ma nĩngata, uduhaak ꞌBõathĩ ĩnõõnnõ ĩĩnnĩk, “Dĩdĩ, kõr ꞌcĩ hatĩ ũũtanĩĩ nii looc hĩ Naoomi, adiim olomi nii ꞌRuuth cĩ looc cĩ Mõabĩ buúk. Ĩĩn nẽẽ ngaatĩbõyyĩ. ꞌGõõlaa nĩĩca, aꞌnyak hatĩ ꞌRuuthi loholeec ꞌcĩ maacĩ ꞌcĩ hatĩ abulꞌtha maac cĩnnĩ baa adaaha nẽ ũꞌthũũtĩ loholeec looc cĩ halang cĩnĩĩng.”
6Ẽdẽcĩ ittioonniohiti ciee ꞌBõath anneek, “Aitiõõ naa hõllõngaa occa hũũta looc iccia, hĩnĩngĩtĩ hadhuheehi hatĩ looc caannĩ ho tuu uruta. Tũũwa nẽẽ nii looc, aitiõõ naa hõllõngaa occa hũũta.”
7Waathinniook nicciag, baa gõõng aꞌnyak eeta cĩg Ĩꞌthĩraẽlĩ nyepitee ꞌcĩ aĩ, ma adiim eeta ꞌramma ũũtõõ ijjio hode ataalõnĩ ijjio, appũrcca umwaa caawac nẽ aaꞌnyĩk tuuyyiohit, hode aaꞌnyĩk tuuyyiohiti baattĩ ijjioonnu, hátĩ hagaacõ eeta cĩg Ĩꞌthĩraẽlĩ ngaatĩ, ũkũmanõõthĩhĩ thõõthaa.
8Nĩngĩtĩ appũrccaanĩ ittioonniohiti cĩ halang cĩ umwa ho caawac nẽ ĩĩnnĩk ꞌBõath, “Tũũ looc.”
9Ma nĩngaata, uduhaak ꞌBõathĩ makayyiook hĩ eet vẽlẽk ꞌcĩg baag aattĩg nĩngaata ĩĩnnĩk, “Iiginnu ꞌyioko niig vẽlẽk hẽbẽrĩ kõr nicci ꞌcĩg acinnu ngaatĩ hũtũũwaĩĩ naa hĩ Naoomi looc vẽlẽk baa Elimẽlẽhĩ, hĩ cĩ Kilionĩ hĩ cĩ Mahalonĩ, 10nẽ tarĩ hõlõma ꞌRuuth cĩ Mõabĩ, ngaatĩbõyyĩ baa ĩĩn ngaa cĩ Mahalonĩ. ꞌGõõlaa cĩ, aꞌnyak hatĩ nẽẽ loholeec ꞌcĩ maacĩ ꞌcĩ abulꞌtha maac cĩ ꞌRuuthi baa adaaha nẽ irigith ijjio cĩg halang cĩnnĩ, hátĩ hiittiõõ hõllõngaa aꞌnginoothi ꞌthaara cĩg Mahalonĩ lothippitaa cĩ eet cĩgĩnnĩg hĩ cĩg ꞌtaaũn cĩ Bẽtẽlẽmĩ. Iiginnu niig vẽlẽk kõr nicci hẽbẽrĩ.”
11Nĩngĩtĩ ẽdẽcĩ makayyiooha hĩ eet vẽlẽk ꞌcĩg baag aattĩg hattũũgaa cobbi aĩnnĩ, “Hĩĩgĩnna naag hẽbẽrĩ cĩg thõõth icci! Aꞌnyĩĩk Makayyioohit haaꞌnyĩk ngaa icci aku õlõõ cunni ho, hittira lõhõlĩ ꞌcĩg mẽẽlĩg haau hĩ baa Rakĩlẽ hĩ Lẽẽa, baag arrittiaanĩ eeta cĩg Ĩꞌthĩraẽlĩ! Aꞌnyĩĩk haaꞌnyi Makayyioohiti baliinit hattũũgaa cĩ Ẽvarathĩ nẽ ubuli Bẽtẽlẽma. 12Aꞌnyĩĩk Makayyioohit haaꞌnyi lõhõlĩ ꞌcĩg hatĩ arrita ngaa ciee hĩĩtõ mẽẽlĩg haauto hĩ lohollia cĩg baangeet cĩnaac Pẽrẽth, ngeertĩ Tamarĩ hĩ ꞌJuuda.”#4:12 Tamar hĩ ꞌJuuda: Itigiilit thõõth cĩnĩĩng hĩ loholeec cĩnĩĩng Pẽrẽth ꞌBuuhaa cĩ ꞌThianaattõ 38:6-30.
13Nĩngĩtĩ õkõõĩ ꞌBõathĩ ꞌRuuth halangatõõ cĩnnĩ nẽ õõt ũrũmtĩ hĩ ĩnõõnnõ. Ma baa oogin nẽẽ hĩ ꞌRuuth ko, ikia ẽẽl Makayyioohiti ĩnõõnnõ haꞌnyahõ nẽ ittira loholeec ꞌcĩ maacĩ. 14Nĩngĩtĩ annẽẽkĩ ngaaĩ cĩg ꞌtaaũnaak Naoomi, “Hĩdĩhĩthĩt Makayyioohit ꞌcĩ ꞌyioko aaꞌnyi loholeec ꞌcĩ abulꞌtha halang cunni ho! Aꞌnyĩĩk loholeec icci hubuli Ĩꞌthĩraẽla. 15Aaꞌnyi hatĩ nẽẽ nganiit muhẽẽnĩt ꞌcĩ abũnnaa nẽ uꞌthuutti hatĩ atahaanyu, hĩnĩngĩtĩ ĩĩn nẽẽ loholeec cĩ alaannuni. Nẽ ammĩnannii ꞌRuuthi nganiit nẽ mẽẽn nẽẽ hĩllõõan lõhõlĩ cugunnig baag maacĩg ĩĩn tũrkĩramma.”
16Nĩngĩtĩ õdõngĩ Naoomi loholeec nẽ ĩꞌnyaag athaa nẽ ũꞌthũũtĩ ĩnõõnnõ. 17Baa õthõõth ngaaĩ ꞌcĩg baag aattĩg nĩngaata aĩ, “Aꞌnyak Naoomi loholeec ꞌcĩ maacĩ.” Nĩngĩtĩ akannẽẽkĩ ĩnõõnnõ ꞌthaar ꞌcĩg haĩ Obeede. Baa ĩĩn Obeede maaꞌnyĩ ꞌJeeꞌthe nẽ ĩĩ ꞌJeeꞌthe maaꞌnyĩ habu Daavide.#4:17 Daavide: Baa ĩĩn nẽẽ habu ꞌcĩ abuli cĩ Ĩꞌthĩraẽlĩ nẽ ĩĩ hattũũg cĩnnĩ hĩbaangĩ cĩg Yeesu. Tigiil Maatteeo 1:1-16.
Hattũũg cĩ õlõ cĩ habu Daavide
18Hattũũg cĩ õlõ cĩ Pẽrẽthĩ cieeni:
Baa ĩĩn Pẽrẽthĩ maaꞌnyĩ Hethoronĩ.
19Nẽ ĩĩ Hethoronĩ maaꞌnyĩ Ramĩ.
Ĩĩn Ramĩ maaꞌnyĩ Ammĩnadabĩ.
20Baa ĩĩn Ammĩnadabĩ maaꞌnyĩ Nahathõnĩ.
Nẽ ĩĩ Nahathõnĩ maaꞌnyĩ ꞌThalmõõnẽ.
21Ĩĩn ꞌThalmõõnẽ maaꞌnyĩ ꞌBõathĩ.
Nẽ ĩĩ ꞌBõathĩ maaꞌnyĩ Obeede.
22Baa ĩĩn Obeede maaꞌnyĩ ꞌJeeꞌthe.
Nẽ ĩĩ ꞌJeeꞌthe maaꞌnyĩ habu Daavide.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.