ꞌRuuth 3
3
ꞌRuuth hĩ ꞌBõath hilongana
1Kõr umwa, baa anneek Naoomi alaannĩnĩ ꞌRuuth, “Loholeec caannĩ, hadiimi heelli naa nganiit diima eet ꞌcĩ olommi nganiit ꞌcĩ hatĩ arũmeennu jurrung. 2Baa arũmeennu niig hĩ dticcianniook ꞌcĩg ngayyig cĩg ꞌBõathĩ nẽ aga nii buúk ngaatĩ ĩĩnnĩ ꞌBõathĩ ittioonniohit cĩnaac dẽẽdẽ. Aany hatĩ nẽẽ haal hatĩjjiaat hilongana. 3Bĩĩt ꞌraanĩ nẽ uudi ngõõrra ꞌcĩ õꞌngõlĩ ẽmmẽdĩ nẽ itihimuu ceremwa cugunnig ꞌcĩg ẽllẽẽmĩthĩ. Nẽ uuhu hilonganaa cĩnnĩ. Nẽẽthĩ, ma haaꞌnyihi ꞌBõath hicini ĩꞌthõng hẽdẽcaak ꞌgẽẽn. 4Ma ũũk ũꞌnyaahĩ, behooth nĩngĩtĩ õkõ oongiyyi jurrung. Ma ohoddia ũꞌnyaaha, bĩĩt dõõng cẽrẽm cĩ bungẽẽttõ nẽ atangu ĩĩcĩ ꞌthoonu. Ma ĩcĩnĩ, aduhaaki hatĩ nẽẽ nganiit thõõth ꞌcĩ occa adĩmani.”
5Ẽdẽcĩ ꞌRuuthi aĩ, “Hõkõ ꞌthẽk hatĩ hadĩmani naa thõõth vẽlẽk hĩcĩ aduha nii ho.” 6Ma nĩngaata, ũllũũcĩ ꞌRuuthi baalin niccia ũũk ĩĩcĩ hilonganõ, nĩngĩtĩ õkõ adĩmanĩ thooꞌthiok vẽlẽk baag aduhaak inyinninẽẽnĩ.
7Ma baa ẽdẽcaak ꞌBõathĩ ꞌgẽẽn nẽ accamanoothĩha, ũũk atangu nẽẽ ngaatĩ baa arruthanõõthĩkĩ haala ĩĩcĩ gõlla. Ma nĩngaata, ĩnĩha ꞌRuuthi ikia õdõng cẽrẽm ꞌcĩ abungẽẽnĩ ꞌBõathĩ ĩĩcĩ ꞌthoonu, nĩngĩtĩ oongiyyi nĩngaata. 8Ma baa baal hõrggẽẽna, ukuleek ꞌBõathĩ ꞌjieen. Ma baa ũũkcĩ ho, acĩn hinnia ngaa umwa oongi ĩĩcĩ ꞌthoo cĩgĩnnĩg!
9Nĩngĩtĩ ajini ꞌBõathĩ ngaa tĩho annẽẽkĩ, “Nganiit nganĩ?”
Ẽdẽcĩ ngaa tĩho ꞌBõath anneek, “Makayyioohit caannĩ, nganĩĩt ꞌRuuth, bungaa baaĩ nuun eetocaa cĩ cẽrẽm cunni,#3:9 Bungaa baaĩ nuun eetocaa cĩ cẽrẽm cunni: Aĩ thõõth ciee eetinii cĩg Ĩꞌthĩraẽlĩ, lõmaa nganĩĩta. Nyepiteaa cĩ Ĩꞌthĩraẽlĩ, ẽlẽmaakĩ eeta ngaa hẽbẽra eet ꞌcĩ õlõm ĩnõõnnõ. hĩnĩngĩtĩ ĩĩnĩ nii lommioohit cĩ halang caannĩ.”
10Ma ngaati, ẽdẽc ꞌBõathĩ ĩĩ, “Aꞌnyĩĩk Makayyioohit haggataniina loholeec caannĩ. Hĩnĩngĩtĩ hõllõngaa ammĩnani nii iꞌnyinnuni diooni, ammĩnani eet cĩg halang cunni vẽlẽk, hátĩ hubuluꞌthiaa ꞌthaara cĩg maac cunni baa adaaha. Nẽ tarĩ hõllõngaa aallahi ngaatĩ occa aꞌthũwanni nyahaappanĩta, tananga ꞌcĩg aballi hode ꞌcĩg ĩĩn hullaha, akuu hinnia hĩ nganĩĩt nẽ ĩĩnnĩhaa lõmaanĩ. 11Nẽẽthĩ ꞌyioko, ma hiꞌngolli thõõth umwa loholeec caannĩ. Hadĩmaneekii ꞌthẽk hatĩ naa nganiit ꞌgii vẽlẽk ꞌcĩ adiimmaa nii nganĩĩt hĩdĩmaneehiina, hĩnĩngĩtĩ agayyi eeta vẽlẽk cĩgannĩg cĩg ꞌtaaũnaak nganiit ngaatĩ ĩĩnnĩ ngaa ꞌcĩ abũnna gẽrrẽẽt. 12Nẽ dĩdĩ, hĩĩnĩ naa ittioonniohit cunuung ꞌcĩ maac cunni ꞌcĩ occa holommii nganiita, nẽẽthĩ hinnianĩ, aaĩ ittioonniohiti umwaa cĩ hattũũg cĩ maac cunni dẽẽdẽ. 13Tangu ngaati baalin icci, ma ngerrenita, hõõ hatĩ hothoothonna hĩ nganĩĩta. Nẽ má ẽlẽmĩ ngaatĩ olommiina, abũnnaa hatĩ gẽrrẽẽt. Aꞌnyĩĩk ĩnõõnnõ holomiina. Nẽẽthĩ, má hõllõngaa ẽlẽmĩ, bũtĩ hĩ Makayyioohiti, holommii hatĩ naa dẽẽdẽ! Nẽẽthĩ ꞌyioko, tangu ngaati ĩꞌthõng haal lõõcĩ.”
14Nĩngĩtĩ oongiyyi ꞌRuuthi ĩĩcĩ ꞌthoo cĩg ꞌBõathĩ ĩꞌthõng hõbõhĩ alĩĩthĩ, nẽẽthĩ, baa ĩꞌngaathĩ nẽẽ baa nga hõbõrrõõng uruto. Ma nĩngaata, uduhaak ꞌBõathĩ ꞌRuuth ĩĩnnĩk, “Ma haaꞌnyihi eet umwa haga ngaatĩ akuuni baa ngaa umwaa hilongana ngaati baal.” 15Ma nĩngaata, ĩĩnnĩk tarĩ ꞌBõathĩ ꞌRuuth, “Daaĩ ngĩtõõga cunni hataa nẽ ẽbbẽttaanu ngaati.” Nĩngĩtĩ adamtiaakĩ ꞌBõathĩ ĩnõõnnõ haal tabattĩ tõrkõnõn nẽ ĩcĩĩdĩhĩ ngĩtõõgawatõõ nẽ õdõngẽẽhĩ iꞌnyiaawa. Nĩngĩtĩ õbõdõõꞌthĩ ꞌBõathĩ ꞌtaaũna.
16Ma baa õbõdõõthĩ ꞌRuuthi ũmmũdoothĩk inyinnini, ũũk ijin Naoomi ĩnõõnnõ ĩĩnnĩk, “Õkõ thĩnõ aaĩ thõõth hutuno loholeec caannĩ?”
Nĩngĩtĩ ẽddẽẽbakĩ ꞌRuuthi Naoomi thooꞌthiok vẽlẽk ꞌcĩg baag adĩmaneek ꞌBõathĩ ĩnõõnnõ. 17Nẽ tarĩ ĩĩnnĩk nẽẽ inyinnini, “Adamtuaaka ꞌBõathĩ nganĩĩt haal iccig tabattĩ tõrkõnõn nẽ ĩĩnnĩhaa, ‘Ma hobodoothi hĩ iꞌnyinnuni athĩnĩ ꞌtẽl.’ ”
18Ma ho, ĩĩnnĩk Naoomi ꞌRuuth, “ꞌRẽẽõ loholeec caannĩ, ĩꞌthõng thĩĩk thõõth ꞌcĩ hatĩ adukiaa. Aitiõõ hatĩ ꞌBõathĩ hõllõngaa iyyioman ĩꞌthõng hũkũmanoothĩk thõõth ciee kõr nicci.”
Currently Selected:
ꞌRuuth 3: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌRuuth 3
3
ꞌRuuth hĩ ꞌBõath hilongana
1Kõr umwa, baa anneek Naoomi alaannĩnĩ ꞌRuuth, “Loholeec caannĩ, hadiimi heelli naa nganiit diima eet ꞌcĩ olommi nganiit ꞌcĩ hatĩ arũmeennu jurrung. 2Baa arũmeennu niig hĩ dticcianniook ꞌcĩg ngayyig cĩg ꞌBõathĩ nẽ aga nii buúk ngaatĩ ĩĩnnĩ ꞌBõathĩ ittioonniohit cĩnaac dẽẽdẽ. Aany hatĩ nẽẽ haal hatĩjjiaat hilongana. 3Bĩĩt ꞌraanĩ nẽ uudi ngõõrra ꞌcĩ õꞌngõlĩ ẽmmẽdĩ nẽ itihimuu ceremwa cugunnig ꞌcĩg ẽllẽẽmĩthĩ. Nẽ uuhu hilonganaa cĩnnĩ. Nẽẽthĩ, ma haaꞌnyihi ꞌBõath hicini ĩꞌthõng hẽdẽcaak ꞌgẽẽn. 4Ma ũũk ũꞌnyaahĩ, behooth nĩngĩtĩ õkõ oongiyyi jurrung. Ma ohoddia ũꞌnyaaha, bĩĩt dõõng cẽrẽm cĩ bungẽẽttõ nẽ atangu ĩĩcĩ ꞌthoonu. Ma ĩcĩnĩ, aduhaaki hatĩ nẽẽ nganiit thõõth ꞌcĩ occa adĩmani.”
5Ẽdẽcĩ ꞌRuuthi aĩ, “Hõkõ ꞌthẽk hatĩ hadĩmani naa thõõth vẽlẽk hĩcĩ aduha nii ho.” 6Ma nĩngaata, ũllũũcĩ ꞌRuuthi baalin niccia ũũk ĩĩcĩ hilonganõ, nĩngĩtĩ õkõ adĩmanĩ thooꞌthiok vẽlẽk baag aduhaak inyinninẽẽnĩ.
7Ma baa ẽdẽcaak ꞌBõathĩ ꞌgẽẽn nẽ accamanoothĩha, ũũk atangu nẽẽ ngaatĩ baa arruthanõõthĩkĩ haala ĩĩcĩ gõlla. Ma nĩngaata, ĩnĩha ꞌRuuthi ikia õdõng cẽrẽm ꞌcĩ abungẽẽnĩ ꞌBõathĩ ĩĩcĩ ꞌthoonu, nĩngĩtĩ oongiyyi nĩngaata. 8Ma baa baal hõrggẽẽna, ukuleek ꞌBõathĩ ꞌjieen. Ma baa ũũkcĩ ho, acĩn hinnia ngaa umwa oongi ĩĩcĩ ꞌthoo cĩgĩnnĩg!
9Nĩngĩtĩ ajini ꞌBõathĩ ngaa tĩho annẽẽkĩ, “Nganiit nganĩ?”
Ẽdẽcĩ ngaa tĩho ꞌBõath anneek, “Makayyioohit caannĩ, nganĩĩt ꞌRuuth, bungaa baaĩ nuun eetocaa cĩ cẽrẽm cunni,#3:9 Bungaa baaĩ nuun eetocaa cĩ cẽrẽm cunni: Aĩ thõõth ciee eetinii cĩg Ĩꞌthĩraẽlĩ, lõmaa nganĩĩta. Nyepiteaa cĩ Ĩꞌthĩraẽlĩ, ẽlẽmaakĩ eeta ngaa hẽbẽra eet ꞌcĩ õlõm ĩnõõnnõ. hĩnĩngĩtĩ ĩĩnĩ nii lommioohit cĩ halang caannĩ.”
10Ma ngaati, ẽdẽc ꞌBõathĩ ĩĩ, “Aꞌnyĩĩk Makayyioohit haggataniina loholeec caannĩ. Hĩnĩngĩtĩ hõllõngaa ammĩnani nii iꞌnyinnuni diooni, ammĩnani eet cĩg halang cunni vẽlẽk, hátĩ hubuluꞌthiaa ꞌthaara cĩg maac cunni baa adaaha. Nẽ tarĩ hõllõngaa aallahi ngaatĩ occa aꞌthũwanni nyahaappanĩta, tananga ꞌcĩg aballi hode ꞌcĩg ĩĩn hullaha, akuu hinnia hĩ nganĩĩt nẽ ĩĩnnĩhaa lõmaanĩ. 11Nẽẽthĩ ꞌyioko, ma hiꞌngolli thõõth umwa loholeec caannĩ. Hadĩmaneekii ꞌthẽk hatĩ naa nganiit ꞌgii vẽlẽk ꞌcĩ adiimmaa nii nganĩĩt hĩdĩmaneehiina, hĩnĩngĩtĩ agayyi eeta vẽlẽk cĩgannĩg cĩg ꞌtaaũnaak nganiit ngaatĩ ĩĩnnĩ ngaa ꞌcĩ abũnna gẽrrẽẽt. 12Nẽ dĩdĩ, hĩĩnĩ naa ittioonniohit cunuung ꞌcĩ maac cunni ꞌcĩ occa holommii nganiita, nẽẽthĩ hinnianĩ, aaĩ ittioonniohiti umwaa cĩ hattũũg cĩ maac cunni dẽẽdẽ. 13Tangu ngaati baalin icci, ma ngerrenita, hõõ hatĩ hothoothonna hĩ nganĩĩta. Nẽ má ẽlẽmĩ ngaatĩ olommiina, abũnnaa hatĩ gẽrrẽẽt. Aꞌnyĩĩk ĩnõõnnõ holomiina. Nẽẽthĩ, má hõllõngaa ẽlẽmĩ, bũtĩ hĩ Makayyioohiti, holommii hatĩ naa dẽẽdẽ! Nẽẽthĩ ꞌyioko, tangu ngaati ĩꞌthõng haal lõõcĩ.”
14Nĩngĩtĩ oongiyyi ꞌRuuthi ĩĩcĩ ꞌthoo cĩg ꞌBõathĩ ĩꞌthõng hõbõhĩ alĩĩthĩ, nẽẽthĩ, baa ĩꞌngaathĩ nẽẽ baa nga hõbõrrõõng uruto. Ma nĩngaata, uduhaak ꞌBõathĩ ꞌRuuth ĩĩnnĩk, “Ma haaꞌnyihi eet umwa haga ngaatĩ akuuni baa ngaa umwaa hilongana ngaati baal.” 15Ma nĩngaata, ĩĩnnĩk tarĩ ꞌBõathĩ ꞌRuuth, “Daaĩ ngĩtõõga cunni hataa nẽ ẽbbẽttaanu ngaati.” Nĩngĩtĩ adamtiaakĩ ꞌBõathĩ ĩnõõnnõ haal tabattĩ tõrkõnõn nẽ ĩcĩĩdĩhĩ ngĩtõõgawatõõ nẽ õdõngẽẽhĩ iꞌnyiaawa. Nĩngĩtĩ õbõdõõꞌthĩ ꞌBõathĩ ꞌtaaũna.
16Ma baa õbõdõõthĩ ꞌRuuthi ũmmũdoothĩk inyinnini, ũũk ijin Naoomi ĩnõõnnõ ĩĩnnĩk, “Õkõ thĩnõ aaĩ thõõth hutuno loholeec caannĩ?”
Nĩngĩtĩ ẽddẽẽbakĩ ꞌRuuthi Naoomi thooꞌthiok vẽlẽk ꞌcĩg baag adĩmaneek ꞌBõathĩ ĩnõõnnõ. 17Nẽ tarĩ ĩĩnnĩk nẽẽ inyinnini, “Adamtuaaka ꞌBõathĩ nganĩĩt haal iccig tabattĩ tõrkõnõn nẽ ĩĩnnĩhaa, ‘Ma hobodoothi hĩ iꞌnyinnuni athĩnĩ ꞌtẽl.’ ”
18Ma ho, ĩĩnnĩk Naoomi ꞌRuuth, “ꞌRẽẽõ loholeec caannĩ, ĩꞌthõng thĩĩk thõõth ꞌcĩ hatĩ adukiaa. Aitiõõ hatĩ ꞌBõathĩ hõllõngaa iyyioman ĩꞌthõng hũkũmanoothĩk thõõth ciee kõr nicci.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.