ꞌThianaattõ 5
5
Hattũũg cĩ Aadamĩ
1Hattũũg cĩ õlõ cĩ Aadamĩ cieeni.
Baa ẽhẽnyta Nyekuci eet hĩ ngaaĩ haauto hĩ nẽẽnĩ. 2Baa aggatan nẽẽ ĩhõõggõ nẽ akateek ꞌthaar ꞌcĩg kaĩ eeta.
3Ma baa õdõlanit irkiꞌnyia cĩg Aadamĩ ĩĩtõ ꞌmiia hõdẽĩ hĩ hẽẽn iyyio (130), ikia ittira loholeec umwa ꞌcĩ aaĩ hĩ nẽẽ dẽẽdẽ nẽ akateek ĩnõõnnõ ꞌthaar ꞌcĩg haĩ Thẽth. 4Ikia aꞌnyak Aadamĩ lõhõlĩ ũgĩ tarĩ, 5nẽ adaak baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ hẽẽn iyyio (930).
6Ma baa õdõlanit Thẽth irkiꞌnyia cĩgĩnnĩg ĩĩtõ ꞌmiia hõdẽĩ hĩ ꞌtur (105), ikia ittira nẽẽ loholeec ꞌcĩ maacĩ ꞌcĩ haĩ Ẽnõth. 7Ma baa ittirria Ẽnõthĩ, ikia aau ꞌThẽẽthĩ ĩꞌthõng hõdõlanit irkiꞌnyia hĩĩtõ ꞌmiiaꞌnya turkiyyio hĩ tũrkĩramma (807) nẽ aꞌnyak lõhõlĩ ũgĩ tarĩ. 8Nĩngĩtĩ adaaknĩ nẽẽ baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ õmmõtõ hĩ ꞌramma (912).
9Ma baa õdõlanit Ẽnõthĩ irkiꞌnyia cĩgĩnnĩg ĩĩtõ hẽẽn tũrkũwwec (90), ikia ittira loholeec ꞌcĩ maacĩ ꞌcĩ haĩ Kẽnaan. 10Ma baa ittirria Kẽnaanĩ, ikia aau Ẽnõthĩ ĩꞌthõng hõdõlanit irkiꞌnyia hĩĩtõ ꞌmiiaꞌnya turkiyyio hĩ õmmõtõ hĩ ꞌtur (815) nẽ aꞌnyak lõhõlĩ ũgĩ tarĩ. 11Nĩngĩtĩ adaaknĩ Ẽnõthĩ baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ ꞌtur (905).
12Ma baa õdõlanit Kẽnaan irkiꞌnyia ĩĩtõ hẽẽn tũrkĩramma (70), ikia ittira loholeec ꞌcĩ maacĩ ꞌcĩ haĩ Mahalalẽl. 13Ma baa ittirria Mahalalẽlĩ, ikia aau Kẽnaanĩ ĩꞌthõng hõdõlanit irkiꞌnyia hĩĩtõ ꞌmiiaꞌnya turkiyyio hĩ hẽẽn ꞌwec (840) nẽ aꞌnyak lõhõlĩ ũgĩ tarĩ. 14Nĩngĩtĩ adaaknĩ Kẽnaanĩ baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ õmmõtõ (910).
15Ma baa õdõlanit irkiꞌnyia cĩg Mahalalẽlĩ ĩĩtõ hẽẽn tõrkõnõn hĩ ꞌtur (65), ikia ittira loholeec ꞌcĩ maacĩ ꞌcĩ haĩ ꞌJaarẽd. 16Ma baa ittirria ꞌJaarẽdĩ, ikia aau Mahalalẽlĩ ĩꞌthõng hõdõlanit irkiꞌnyia cĩgĩnnĩg hĩĩtõ ꞌmiiaꞌnya turkiyyio hĩ hẽẽn iyyio (830) nẽ aꞌnyak lõhõlĩ ũgĩ tarĩ. 17Nĩngĩtĩ adaaknĩ Mahalalẽlĩ baa ĩĩtõ irkiꞌnyia ꞌmiiaꞌnya turkiyyio hĩ hẽẽn tũrkũwwec hĩ ꞌtur (895).
18Ma baa õdõlanit ꞌJaarẽdĩ irkiꞌnyia ĩĩtõ ꞌmiia hõdẽĩ hĩ hẽẽn tõrkõnõn hĩ ꞌramma (162), ikia ittira nẽẽ loholeec ꞌcĩ maacĩ ꞌcĩ haĩ Ẽẽnõk. 19Ma baa ittirria Ẽẽnõhĩ, ikia aau ꞌJaarẽdĩ ĩꞌthõng hõdõlanit irkiꞌnyia hĩĩtõ ꞌmiiaꞌnya turkiyyio (800) nẽ aꞌnyak lõhõlĩ ũgĩ tarĩ. 20Nĩngĩtĩ adaaknĩ ꞌJaarẽdĩ baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ hẽẽn tõrkõnõn hĩ ꞌramma (962).
21Ma baa õdõlanit irkiꞌnyia cĩg Ẽẽnõhĩ ĩĩtõ hẽẽn tõrkõnõn hĩ ꞌtur (65), ikia ittira nẽẽ loholeec ꞌcĩ maacĩ ꞌcĩ haĩ Methuthẽla. 22Ma baa ittirria Methuthẽla, iita ookorriõõ Ẽẽnõhĩ hĩ Nyekuc irkiꞌnyia ꞌmiiaꞌnya iyyio (300) nẽ aꞌnyak lõhõlĩ ũgĩ tarĩ. 23Baa ĩĩn irkiꞌnyia cĩg Ẽẽnõhĩ vẽlẽk ꞌmiiaꞌnya iyyio hĩ hẽẽn tõrkõnõn hĩ ꞌtur (365). 24Baa aga Ẽẽnõhĩ ngaatĩ aayyi Nyekuci hĩ ĩnõõnnõ hõdõõkõthĩ waathinnioohĩĩ cĩg rũgẽt cĩnnĩ vẽlẽk, nĩngĩtĩ õkõõĩ Nyekuci ĩnõõnnõ, hĩnĩngĩtĩ baa ammĩnan Nyekuci ĩnõõnnõ gẽrrẽẽt.
25Ma baa õdõlanit irkiꞌnyia cĩg Methuthẽla ĩĩtõ ꞌmiia hõdẽĩ hĩ hẽẽn turkiyyio hĩ tũrkĩramma (187), ikia ittira loholeec ꞌcĩ maacĩ ꞌcĩ haĩ Lamẽk. 26Ma baa ittirria Lamẽhĩ, ikia aau Methuthẽla ĩꞌthõng hõdõlanit irkiꞌnyia cĩgĩnnĩg hĩĩtõ ꞌmiiaꞌnya tũrkĩramma hĩ hẽẽn turkiyyio hĩ ꞌramma (782) nẽ aꞌnyak lõhõlĩ ũgĩ tarĩ. 27Nĩngĩtĩ adaaknĩ Methuthẽla baa iita ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ hẽẽn tõrkõnõn hĩ tũrkũwwec (969).
28Ma baa õdõlanit Lamẽk irkiꞌnyia ĩĩtõ ꞌmiia hõdẽĩ hĩ hẽẽn turkiyyio hĩ ꞌramma (182), ikia ittira loholeec ꞌcĩ maacĩ. 29Nĩngĩtĩ akannẽẽkĩ ĩnõõnnõ ꞌthaar ꞌcĩg haĩ Nõõa.#5:29 Nõõa: Aĩ ꞌthaara ꞌcĩg haĩ Nõõa ho Ebereeiyyi, ꞌyiomman. Nẽ õthõõth Lamẽhĩ ĩĩ, “Aku hatĩ aꞌnyahaakeet loholeec ciee ꞌyiomman pĩĩrnattaa cĩ dtiic cĩnaac ko vẽlẽk looccaa ĩbaa accĩĩn Makayyioohiti ho.” 30Ma baa ittirria Nõõa, ikia aau Lamẽhĩ ĩꞌthõng hõdõlanit irkiꞌnyia hĩĩtõ ꞌmiiaꞌnya ꞌtur hĩ hẽẽn tũrkũwwec hĩ ꞌtur (595) nẽ aꞌnyak lõhõlĩ ũgĩ tarĩ. 31Nĩngĩtĩ adaaknĩ baa iita ĩĩtõ irkiꞌnyia cĩgĩnnĩg ꞌmiiaꞌnya tũrkĩramma hĩ hẽẽn tũrkĩramma hĩ tũrkĩramma (777).
32Ma baa õdõlanit Nõõa irkiꞌnyia ĩĩtõ ꞌmiiaꞌnya ꞌtur (500), ikia ittira nẽẽ lõhõlĩ iyyio ꞌcĩg maacĩg. Haĩ ꞌcĩ oou ꞌThẽm, haĩ ꞌcĩ anũẽẽkĩ Haam nẽ hĩĩtõ ꞌcĩ ĩĩn nyangorori ꞌJavẽth.
Currently Selected:
ꞌThianaattõ 5: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
