ꞌThianaattõ 36
36
Hattũũg cĩ õlõ cĩ Eꞌthaau
1Haĩ ꞌthaar cĩg Eꞌthaau ũgĩ Edom. Nẽ hattũũg cĩnnĩ ho cieeni. 2Baa aꞌthũwan Eꞌthaau ngaaĩ cĩg looc cĩ Kanaanĩ ꞌcĩg haĩ Aada hĩ Oholibama. Baa ĩĩn Aada tĩnaatĩ eet ꞌcĩ Hiiti ꞌcĩ haĩ Elon. Nẽ baa ĩĩn Oholibama tĩnaatĩ eet cĩ Hiivvi ꞌcĩ haĩ Ana, ꞌcĩ baa ĩĩn ngeertĩ Thibeonĩ. 3Nẽ aꞌnyak Eꞌthaau ngaa umwa tarĩ ꞌcĩ haĩ Bathemath. Baa ĩĩn Bathemathĩ tĩnaatĩ Ithimaĩlĩ nẽ ĩĩ ngõõnĩ Nebaiothĩ buúk.
4Baa arrita Aada loholeec ꞌcĩ haĩ Elivath nẽ ittira Bathemathĩ ꞌcĩ haĩ ꞌReuel. 5Ma urutaa cĩnnĩ, iita ittirria Oholibama hĩ Eꞌthaau lõhõlĩ ꞌcĩg haĩ ꞌJeuth hĩ Jalam hĩ Kõõra. Baa arrita ngaaĩ cĩg Eꞌthaau ho buul iccig vẽlẽk looccaa cĩ Kanaanĩ.
6Ma nĩngaata, ũlũta Eꞌthaau ngaaĩ hĩ lõhõlĩ hĩ ittioonniok hĩ hẽlẽggĩ hĩ ijjio cĩgĩnnĩg vẽlẽk baag ammũda nẽẽ looccaa cĩ Kanaanĩ nẽ uluug ũtũngeek ꞌgõtõnĩ Yakobo nĩngaata nẽ ũũk looccaa umwaanĩ. 7Baa aluug nẽẽ, hĩnĩngĩtĩ baa akadan hẽlẽggĩ arteeniti looccaa ꞌcĩ arũmẽẽnĩ nẽẽ hĩ Yakobo ho. Hĩnĩngĩtĩ baa abal nẽẽg hẽlẽggĩ ꞌcĩg mẽẽlĩg nẽ aꞌnyaman ngaatĩ arũmẽẽnĩ hõdẽĩ. 8Nĩngĩtĩ õkõ õlõmanĩ Eꞌthaau ꞌcĩ haĩ ꞌthaar ũgĩ Edom ko, muurriõhĩĩ cĩg looc cĩ Theiri.
9Nẽ lõhõlĩ cĩg Eꞌthaau baag au ĩĩn maajihi eet ꞌcĩg haĩ Edom muurriõhĩĩ cĩg looc cĩ Theiri cieegi:
10Hattũũg cĩ lõhõlĩ cĩg Eꞌthaau cieeni:
Baa ĩĩn Elivathĩ ngeertĩ Eꞌthaau ꞌcĩ arrita Aada nẽ ĩĩn ꞌReuel ngeerĩnĩ cĩ ngaa ꞌcĩ haĩ Bathemath.
11Ma nĩngaata, ikia ittira Elivathĩ buul ꞌtur ꞌcĩg haĩ:
Teman hĩ Õmar hĩ ꞌThevvo hĩ ꞌGatam hĩ Kẽnaath.
12Nẽ ikia ittira ngaa cĩ Elivathĩ umwaa tarĩ ꞌcĩ haĩ Tĩmĩna ngeerĩnĩ ꞌcĩ haĩ Amalek. Lõhõlĩ cĩg buul cĩg Eꞌthaau hĩ Aada cieeg vẽlẽk.
13Ikia ũꞌthũwanõõ ꞌReuelĩ buúk nẽ aꞌnyak buul ꞌwec ꞌcĩg haĩ:
Nahath hĩ ꞌThẽẽra hĩ ꞌThamma hĩ Miiꞌtha. Baa lõhõlĩ cĩg ngaa cĩ Eꞌthaau ꞌcĩ haĩ Bathemath ko cieegi.
14Nẽ aꞌnyak Oholibama ngaa cĩ Eꞌthaau ꞌcĩ baa ĩĩn tĩnaatĩ Ana, lõhõlĩ ꞌcĩg maacĩg iyyio ꞌcĩg kaĩ:
ꞌJeuth hĩ Jalam hĩ Kõõra. Baa ĩĩn Ana loholeec cĩ tĩnaatĩ eet ꞌcĩ haĩ Thibeone.
15Ma baa urutaa cĩ irkiꞌnyia ũgĩ, iita ĩĩtõ lohollia cĩg lõhõlĩ cĩg Eꞌthaau ũgẽẽgĩ habuẽẽta.
Baa ĩĩn Elivathĩ loholeec cĩ Eꞌthaau ꞌcĩ oou maaꞌnyĩ habuẽẽt ꞌcĩg haĩ:
Teman hĩ Õmar hĩ ꞌThevvo hĩ Kẽnaath 16hĩ Kõõra hĩ ꞌGatam hĩ Amalek. Baa ĩĩn cieeg vẽlẽk habuẽẽt ꞌcĩg baag ĩĩn lõhõlĩ cĩg Elivathĩ, ngeertĩ ngaa baa haĩ Aada. Baa arrittiaa buul cieeg vẽlẽk Edoma.
17Baa nẽ iita ĩĩtõ lohollia cĩg ꞌReuel habuẽẽta, haĩ ꞌthaarriok cĩggĩĩng:
Nahath hĩ ꞌThẽẽra hĩ ꞌThamma hĩ Miiꞌtha. Baa ĩĩn cieeg habuẽẽt ꞌcĩg au ĩĩcĩ hattũũg cĩ ꞌReuel looccaa cĩ Edomĩ, baa ĩĩn nẽẽg lõhõlĩ cĩg lõhõlĩ cĩg ngaa cĩ Eꞌthaau baa haĩ Bathemath.
18Lõhõlẽẽnĩĩ cĩg ngaa cĩ Eꞌthaau baa haĩ Oholibama tĩnaatĩ Ana,
baa iita ĩĩtõ ꞌJeuthĩ hĩ Jalam hĩ Kõõra buúk habuẽẽta. 19Baa ĩĩn eeta cieeg vẽlẽk lõhõlĩ cĩg Eꞌthaau ꞌcĩ baa haĩ ꞌthaar ũgĩ Edom.
Lõhõlĩ cĩg Theiri
20Baa aku Theiri habuccieetaa cĩ eet cĩg Hõõrĩ looccaa cĩ Edomĩ, baa nga hittirria Eꞌthaau. Aꞌnyak Theiri Hooritheniti lõhõlĩ ꞌcĩg haĩ:
Lõtan hĩ Thõbal hĩ Thibeone hĩ Ana, 21hĩ Dithon hĩ Ẽthẽr hĩ Dithan. Baa ĩĩn lohollia cieeg Theiri Edoma habuẽẽt cĩg eet cĩg Hõõrĩ.
22Baa lõhõlĩ cĩg Lõtanĩ hĩ
Hori hĩ Hẽmam. Baa haĩ ngõõnĩ Lõtanĩ Tĩmĩna.
23Baa aꞌnyak Thõbalĩ buúk lõhõlĩ ꞌcĩg maacĩg ꞌcĩg haĩ:
Alavan hĩ Manahath hĩ Ebal hĩ ꞌTheevo hĩ Õnam.
24Baa aꞌnyak Thibeonĩ lõhõlĩ ꞌcĩg maacĩg ꞌramma ꞌcĩg haĩ:
Aia hĩ Ana. Baa Ana ꞌcĩ baa õrõõta wĩĩtaneec ꞌcĩ aaburii mõrõtõõ tõõ baa ũũha thigirẽẽt cĩg maacõnĩ.
25Nẽ baa ikia ĩĩ Ana maaꞌnyĩ buulenit ꞌcĩ haĩ:
Dithon hĩ bũhẽẽc ꞌcĩ haĩ Oholibama.
26Nẽ ikia ĩĩ Dithonĩ maaꞌnyĩ buul ꞌcĩg haĩ:
Hemdan hĩ Ethban hĩ Ithran hĩ Keran.
27Ma baa ikia ĩĩ maka Ẽthẽrĩ, ikia ittiho nẽ aꞌnyak lõhõlĩ ꞌcĩg haĩ:
Bĩlhan hĩ ꞌThaavan hĩ Akan.
28Baa haĩ lõhõlĩ ꞌcĩg maacĩg cĩg Dithanĩ
Uth hĩ Aran.
29Baa makayyiook cĩg eet cĩg hattũũg cĩ eet cĩg Hõõrĩ cieegi:
Lõtan hĩ Thõbal hĩ Thibeone hĩ Ana, 30hĩ Dithon hĩ Ẽthẽr hĩ Dithan. Baa akannoothĩk hattũũgẽt cĩg Hõõrĩ ꞌthaarrioha cĩg makayyiook cĩggĩĩng, ꞌcĩg baag aattĩg looccaa cĩ Theiri.
Habuẽẽt cĩg Edomĩ
31Baa nga haꞌnyahit eeta cĩg Ĩꞌthĩraẽlĩ habuẽẽt cĩggĩĩng, baa aattĩg habuẽẽta ũgẽẽgĩ ꞌcĩg baag aggam looc cĩ Edomĩ. Nẽ ꞌthaarriok cĩggĩĩng ko cieegi:
32Baa habu ꞌcĩ haĩ ꞌBẽẽla, ngeertĩ Beorĩ ꞌcĩ baa ĩĩn habu Edoma ĩĩcĩ oou. Baa aaĩ nẽẽ ꞌtaaũnaa ꞌcĩ haĩ Dinhaba.
33Ma baa adaak ꞌBẽẽla, ikia irigith habuui ꞌcĩ haĩ ꞌJõbaab ngeertĩ ꞌThẽẽra cĩ looc cĩ Bõthõra ĩnõõnnõ.
34Ma baa tarĩ adaak ꞌJõbaabĩ, ikia irigith ĩnõõnnõ habuui ꞌcĩ haĩ Hutham cĩ eet ꞌcĩg haĩ Tẽẽma.
35Ma urutaa cĩ daahĩth cĩ Huthamĩ, ikia irigith ĩnõõnnõ habuui ꞌcĩ haĩ Hadad ꞌcĩ ĩĩn ngeertĩ eet ꞌcĩ haĩ Bẽdaad. Baa iiggia Hadadĩ eet cĩg Midianĩ jora looccaa cĩ Mõabĩ. Baa haĩ ꞌtaaũn ꞌcĩ aayyi nẽẽ Avith.
36Ma baa tarĩ adaak Hadadĩ, ikia ĩĩ ẽẽtĩ ꞌcĩ haĩ Thamla habu. Baa ĩĩn Thamla eet cĩ looc ꞌcĩ haĩ Mathẽrẽka.
37Ma baa adaak Thamla, ikia irigith ĩnõõnnõ habuui ꞌcĩ haĩ ꞌThaaulo cĩ looc ꞌcĩ haĩ Rehoboth ꞌcĩ õbõhõõ hĩ hidioo.#36:37 Õbõhõõ hĩ hidioo: Aĩ thõõth ꞌcĩ aĩ õbõhõõ hĩ hidioo ho, hidioo cĩ Euvaratẽthĩ.
38Nẽ tarĩ baa ikia adaak ꞌThaaulo, ikia ĩĩ ẽẽtĩ ꞌcĩ haĩ ꞌBaal Hanan habu. Baa ĩĩn ꞌBaal Hananĩ ngeertĩ eet ꞌcĩ haĩ Acbor.
39Ma baa urutaa cĩ daahĩth cĩ ꞌBaal Hananĩ, ikia irigith habuui ꞌcĩ haĩ Hadad cĩ looc ꞌcĩ haĩ Pau. Baa haĩ ngaa cĩnnĩ Mehetabel tĩnaatĩ eet ꞌcĩ haĩ Matereed ꞌcĩ ĩĩn tĩnaatĩ eet ꞌcĩ haĩ Methahab.
40Baa habuẽẽt ꞌcĩg au hattũũgaa cĩ Eꞌthaau cieegi:
Tĩmĩna hĩ Alava hĩ ꞌJetheth, 41hĩ Oholibama hĩ Ela hĩ Pinon, 42hĩ Kẽnaath hĩ Teman hĩ Mibthar, 43hĩ Magdiel hĩ Iram. Baa habuẽẽt cĩg Edomĩ cieeg vẽlẽk. Baa aattĩg nẽẽg cũũmõ cũũmõ ꞌgoolliohĩĩ cĩg ꞌthaarriok cĩg loonyin cĩggĩĩng.
Baa hattũũg cĩ õlõ cĩ Eꞌthaau maaꞌnyĩ eet cĩg Edomĩ cieeni.
Currently Selected:
ꞌThianaattõ 36: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
