ꞌThianaattõ 10

Hattũũgẽt cĩg lõhõlĩ cĩg Nõõa

1Baa urutaa cĩ tawaanõ, iita ittirria lohollia cĩg Nõõa ꞌThẽm hĩ Haam hĩ ꞌJavẽth lõhõlĩ cĩggĩĩng ꞌcĩg mẽẽlĩg ꞌrĩng.

Lõhõlĩ cĩg ꞌJavẽthĩ

2Baa aꞌnyak ꞌJavẽthĩ lõhõlĩ ꞌcĩg maacĩg ꞌcĩg haĩ:

ꞌGõmẽr hĩ Magõg hĩ Madaĩ hĩ ꞌJavan hĩ Tubal hĩ Methek hĩ ꞌTirath.

3Baa nẽ ikia aꞌnyak ꞌGõmẽrĩ buul ꞌcĩg haĩ:

Athĩkena, hĩ Rivath hĩ Tõgarma.

4Nẽ baa ikia aꞌnyak ꞌJavanĩ buúk buul ꞌcĩg haĩ:

Eliiꞌtha hĩ Tarthith hĩ Kittim hĩ ꞌcĩ haĩ ꞌRodanim. 5Nẽ baa ikia ĩĩ ꞌJavẽthĩ maaꞌnyĩ eet ꞌcĩg baag õlõman dẽmẽtaa cĩ bũlũc cobbi. Nĩngĩtĩ au õlõmanĩ eeta cieeg loonyini cũũmõ cũũmõ. Baa õthõõth eeta cieeg thooꞌthiohĩ cũũmõ cũũmõ loonyinii hĩ hattũũgẽtĩĩ cĩggĩĩng.

Lõhõlĩ cĩg Haamĩ

6Baa aꞌnyak Haamĩ buúk lõhõlĩ ꞌcĩg maacĩg ꞌcĩg haĩ:

Kuuth hĩ Mĩthiraim#10:6 Mĩthiraim: Aĩ ꞌthaara ꞌcĩg haĩ Mĩthiraim ko Ebereeiyyi, looc cĩ Ijjibi. hĩ Puut hĩ ꞌcĩ haĩ Kanaan.

7Nẽ baa ikia aꞌnyak Kuuthĩ lõhõlĩ ꞌcĩg maacĩg ꞌcĩg haĩ:

ꞌThẽẽba hĩ Havvila hĩ Thabta hĩ Raama hĩ ꞌcĩ haĩ Thabteka.

Nẽ baa aꞌnyak Raama buul ꞌcĩg haĩ:

ꞌThẽẽba hĩ Dedan.

8Baa aꞌnyak Kuuthĩ ngeerĩnĩ umwa tarĩ ꞌcĩ haĩ Nimirod ꞌcĩ baa aku ĩĩn toromeec ꞌcĩ atiman ngaatĩ aggamĩ looc nicci vẽlẽk. 9Baa ẽẽl Makayyioohiti ĩnõõnnõ hikia hĩĩ likioohit cobbi gẽrrẽẽt. Ĩnõõ ꞌcĩ õthõõthĩ eeta aĩnnĩ, “Aꞌnyĩĩk Nyekuc haaꞌnyi au hĩ likioohiti Nimirodĩ.” 10Baa iꞌthianaanĩ Nimirodĩ aggam eet cĩg ꞌtaaũnniook cĩg Babiloonnia hĩ cĩg Ereecĩ hĩ Akkaad hĩ cĩg Kalne looccaa ꞌcĩ haĩ ꞌThĩnaar. 11Ma nĩngaata, ũũk looccaa cĩ Athiiria nẽ ẽtẽhẽny ꞌtaaũnniook ꞌcĩg obbitig ꞌcĩg haĩ Nineve hĩ Rehoboth Ir hĩ ꞌcĩ haĩ Kala, 12hĩ ꞌcĩ ꞌRẽthẽnĩ, ꞌcĩ baa aaĩ hõrggẽẽnaa cĩ Nineve hĩ Kala.

13Nẽ baa ĩĩ Mĩthiraimi maaꞌnyĩ eet ꞌcĩg haĩ:

Lud hĩ cĩg Anamĩ hĩ cĩg Lehabĩ hĩ eet cĩg Navtu, 14hĩ cĩg Pathuru hĩ cĩg Kathulu, ꞌcĩg arrittiaanĩ eeta ꞌcĩg haĩ Viliꞌthia hĩ Kavtor.

15Baa ĩĩn Kanaanĩ maaꞌnyĩ buulenit ꞌcĩ oou ꞌcĩ haĩ ꞌThidõõnẽ, hĩ eet ꞌcĩg haĩ Hiiti.

16Baa ĩĩn Kanaanĩ buúk maaꞌnyĩ:

Eet cĩg ꞌJeebu hĩ cĩg Amoorĩ hĩ cĩg ꞌGirgathĩ, 17hĩ cĩg Hiivvi hĩ cĩg Arki hĩ cĩg Thini 18hĩ eet cĩg Arvadĩ hĩ cĩg Themari hĩ cĩg Haamĩ.

Ma baa urutaa ꞌcĩ iita ĩꞌthaattõthõõthĩhĩ habuccieeꞌnya cĩg eet cĩg Kanaanĩ Kanaana, 19baa õdõlan lõkõõrĩ cĩ looc cĩ Kanaanĩ ꞌgõõl ꞌcĩ aku ĩĩcĩ ꞌThidõõnẽ ĩꞌthõng hõdõlan ꞌGerar, ngaatĩ õbõhõõ hĩ ꞌGaaꞌtha. Nẽ ĩĩcĩ hujjieen, õdõlan ꞌThõõdõm hĩ ꞌGõmõõra hĩ Adma hĩ ꞌTheboiim ngaatĩ õbõhõõ hĩ Laatha.

20Nẽ hattũũgẽt cĩg Haamĩ ho cieegi, ꞌcĩg baag õlõman habuccieeꞌnyanĩĩ cĩggĩĩng nẽ othoothito thooꞌthiok cĩggĩĩng cũũmõ cũũmõ, loonyinii ꞌcĩg aattiyyi.

Lõhõlĩ cĩg ꞌThẽmĩ

21Baa ĩĩn ꞌThẽmĩ ꞌgõtõnĩ ꞌJavẽthĩ cobbi nẽ baa aꞌnyak nẽẽ lõhõlĩ. Baa ĩĩn Ẽbẽrĩ ngeertĩ loholeec cĩ loholeec cĩ ꞌThẽmĩ.

22Nẽ baa aꞌnyak ꞌThẽmĩ buul ꞌcĩg haĩ:

Ẽlam hĩ Athur hĩ Arpakthad hĩ Lud hĩ ꞌcĩ haĩ Aram.

23Baa aꞌnyak Aramĩ buúk buul ꞌcĩg haĩ:

Uth hĩ Hul hĩ ꞌGetheri hĩ ꞌcĩ haĩ Methek.

24Ma baa ho, ikia ĩĩ Arpakthadĩ maaꞌnyĩ ꞌThẽẽla,

nẽ ikia ĩĩ ꞌThẽẽla maaꞌnyĩ Ẽbẽrĩ.

25Baa aꞌnyak Ẽbẽrĩ lõhõlĩ ꞌcĩg maacĩg ꞌramma.

Haĩ ꞌcĩ oou Pẽlẽk,#10:25 Pẽlẽk: Aĩ ꞌthaara ꞌcĩg haĩ Pẽlẽk ko Ebereeiyyi, ngẽrõõnĩt. hĩnĩngĩtĩ baa ẽꞌngẽrõõ eeta loota nĩnga vẽlẽk waathinnioohĩĩ ĩbaag arrittiaanĩ nẽẽnĩ. Nẽ haĩ umwa ꞌJõktan.

26Baa ĩĩn ꞌJõktanĩ maaꞌnyĩ

Almodadi hĩ ꞌThelevi hĩ Hatharmaveth hĩ ꞌJera, 27hĩ Hadoram hĩ Uthal hĩ Dĩkĩla 28hĩ Õbal, hĩ Abimael, hĩ ꞌThẽẽba. 29Nẽ baa ĩĩn ꞌJõktanĩ buúk maaꞌnyĩ Ovviri hĩ Havvila hĩ ꞌJõbaab. Baa ĩĩn cieeg vẽlẽk lõhõlĩ cĩg ꞌJõktanĩ.

30Baa iꞌthianaanĩ lõõcĩ ꞌcĩ õlõman ꞌJõktanĩ ho looccaa ꞌcĩ haĩ Mẽẽtha ĩꞌthõng hõdõlan muurriok cĩg ꞌThẽẽvarĩ ĩĩcĩ uruto.

31Nẽ baa õlõman lohollia cĩg ꞌThẽmĩ habuccieeꞌnyanĩ nẽ othoothito thooꞌthiohĩĩ cĩggĩĩng cũũmõ cũũmõ loonyinii ꞌcĩg baag aattiyyi.

32Ĩĩn eeta cieeg vẽlẽk hattũũg cĩ lõhõlĩ cĩg Nõõa. Baa aattĩg nẽẽg loonyini hĩ ꞌgoolliohĩĩ baag arrittiaanĩ baa urutaa cĩ tawaanõ. Baa eet ꞌcĩg au ĩꞌthanothoothĩk looc vẽlẽk ko cieegi.

Currently Selected:

ꞌThianaattõ 10: did

Highlight

Copy

Compare