Dtiicanĩ cĩg ꞌThooyyiahu 28
28
Õdõlan Paaulo dtuung cĩ Maalta
1Ma baa hõdõlatta dẽmẽt lõꞌngõõc, hiita hummuddiaawa ĩko haĩ dtuung tĩho Maalta. 2Baa accamanaanneet maajihi lootu gẽrrẽẽt, nĩngĩtĩ aadeekeet ꞌgwoo ꞌcĩ hĩrraanna naag vẽlẽk, hĩnĩngĩtĩ baa atĩĩlĩ tammu nẽ alal lõõcĩ gẽrrẽẽt. 3Ma baa ũlũta Paaulo ꞌrĩĩma ũgĩ nẽ aarĩk ꞌgwoyyiatõõ, alangan hatĩ hũkaat ꞌcĩ baa aaĩ ꞌrĩĩmatõõ abuurꞌthet, nĩngĩtĩ õgõllaanĩ akuuni battaala hikia hĩtĩttĩĩranoothĩk Paaulo aꞌthiit. 4Ma baa acĩn maajihi lootu ngaatĩ atĩttĩĩranõõthĩkĩ hũkaat attiaa cĩ Paaulo ho, õtõngõmtõõ ĩĩtõ, “Aruk gõõng ẽẽtĩ ciee eeta, tananga baa avvũran bũlũcatõõ, aruk hatĩ ĩnõõnnõ buúk eet ꞌcĩ ẽttẽẽd thooꞌthiok.” 5Ma ho, uturureek Paaulo hũkaat ꞌgwoyyiatõõ nẽ aau cẽmẽẽth. 6Nĩngĩtĩ ammuhunẽẽkĩ eeta ĩnõõnnõ ngaatĩ occa iiyyi ẽlẽ hode ẽttẽẽd looc hĩdĩĩkoothong hadaak. Ma baa ereeyyio ĩꞌthõng nẽ hõllõngaa acĩn ꞌgiimwa ꞌcĩ adak Paaulo buúk ko, iita ummuhit ĩĩtõ, “Ĩĩn ẽẽtĩ ciee Nyekuc!”
7Baa haĩ ꞌgaalac cĩ dtuungo Pubilio, baa aꞌnyak nẽẽ õlõ nĩngaata. Ma ho, ikia ũtũvveet nẽẽ ngagĩĩt halangatõõ cĩnnĩ nẽ hõõt haautta waathinniook iyyio nĩngaata. 8Ĩko nẽẽ õmmõõrĩ Pubilio maaꞌnyia gẽrrẽẽt, oongi ꞌrabacõõnnĩ ahũd lajjõ nẽ uhuc hẽẽng nẽ tarĩ ĩcĩĩd biyyi. Ma ho, uduhunoothĩk Paaulo ĩnõõnnõ nẽ alaõõĩ. Ma nĩngaata, ataadĩk aꞌthiit cĩnnĩ ẽllaa cĩ moorriakto nẽ aaꞌnyĩk ĩnõõnnõ hũbũna. 9Ma urutaa cĩ thõõth icci, iita moorriaha cĩg dtuungak hũtũrũũr hĩ Paaulo, nĩngĩtĩ aaꞌnyĩkĩ nẽẽ ĩhõõggõ hũbũttaathõ. 10Baa iꞌngoliinneet eeta gẽrrẽẽt ꞌgoolliohĩĩ ꞌcĩg mẽẽlĩg, ma baa hũkũmattoothĩha hotoddia haahũl, iita eellieet hẽlẽggẽẽnnĩĩ ꞌcĩg hadiimma.
Õdõlan Paaulo ꞌtaaũn cobbi cĩ ꞌRooma
11Ma baa urutaa cĩ nyĩlõhĩ iyyio, hĩtĩngaayyia hotoddia haahũl ꞌcĩ baa iyyioman dtuunga, ĩꞌthõng hedeccia tagĩĩthĩ. Baa ĩĩn haahũlĩ tĩho ꞌcĩ aku ĩcĩ ꞌtaaũn cĩ Alethandria, ꞌcĩ baa eceboothĩk ꞌthoourẽẽta cĩg nyekuꞌnya ꞌcĩg ĩĩn cũũdĩ ĩĩcĩ oou, ꞌcĩg haĩ Kathto hĩ Pollu. 12Nĩngĩtĩ hau hõdõlanna ꞌtaaũn ꞌcĩ haĩ Thirako nẽ haautta nĩngaata waathinniook iyyio. 13Ma nĩngaata, hedeccieeha haahũla ĩꞌthõng hõdõlatta ꞌtaaũn ꞌcĩ haĩ ꞌReejio. Ma loohoth cĩnnĩ, iꞌthianaaĩ uuhanniaaheet ngõõtĩ ꞌcĩ aku ĩĩcĩ hujjieen nẽ ma baa loohoth cĩnnĩ, hõdõlatta ꞌtaaũn ꞌcĩ haĩ Puteli. 14Ma nĩngaata, hoottia hummuddiaawa nuyyiook ũgĩ cĩg Makayyioohit Yeesu, ꞌcĩg baag hutuvvuyyeet hoottia nõõ hũrũmteea hĩ ĩhõõggõ lomidika hõdẽĩ. Ma nĩngaata, hotooyyia ꞌthõõnĩ ĩꞌthõng hõdõlatta ꞌtaaũn cobbi cĩ ꞌRooma. 15Ĩko ĩthĩhĩt nuyyiooha cĩg Makayyioohit Yeesu ngaatĩ hauunna, nĩngĩtĩ au athirriaamanneet ꞌCuuhaa cĩ Aappio nẽ tarĩ iita ithirriaamatteet ꞌcieethinii ꞌcĩg ĩĩn iyyio, ĩcĩg ooginni eeta. Ma baa ma acĩn Paaulo eet iccig ko, atal Nyekuc, nĩngĩtĩ õkõmmĩ ĩnõõnnõ ꞌthĩnĩt.
16Ma baa hõdõlatta ꞌRooma, õõt ẽlẽmtaahĩ ꞌgaala cĩg ꞌRooma Paaulo haau ẽmmẽn, nẽẽthĩ, baa aaꞌnyĩhoothĩk athẽgẽrẽẽcĩ hẽbẽk ĩnõõnnõ.
Irrioonĩk Paaulo eet cĩg ꞌJudeei ꞌRoomattĩ
17Ma baa urutaa cĩ waathinniook iyyio, ũũk ũtũvva Paaulo makayyiook cĩg ꞌJudeei. Ma baa uluttia nẽẽg vẽlẽk, ikia uduhaak nẽẽ ĩhõõggõ ĩĩnnĩk, “ꞌGotoonoga hĩ ngoonoga, tananga nga hĩdĩmaneek naa eet cĩggaac ꞌgii ꞌcĩ abathĩ, hode nga hẽꞌthẽcan nyepiteeꞌnya cĩg hĩbaangĩ cĩggaac, baa haggammi ꞌJeruꞌthalẽma nẽ haꞌnyĩhoothĩha eet cĩg ꞌRooma hĩĩ baabutheenit. 18Baa iita ittiamanit ꞌgaala thooꞌthiok ꞌcĩg abĩlla eeta lokihooa ho nẽ idiimito õõgtawaanĩ, hĩnĩngĩtĩ nga hẽꞌthẽcan ꞌgiimwa ꞌcĩ occa hẽttẽẽdõõthĩkĩĩ daahĩth. 19Ma baa ũtũbũrĩt eeta cĩg ꞌJudeei, hikia hĩttĩnganoothĩha hũũk hĩbĩl hĩ habu cobbi cĩ ꞌRooma, tananga aitiõõ nẽẽ thõõth ꞌcĩ occa habĩllĩ naa eet cĩgannĩg lokihooa ẽmmẽn tõõ. 20Ĩnõõ ꞌyioko ꞌcĩ hauyyuung hiita hothooꞌthio ho. Hecebbi naa nyerikooꞌnyanĩ ĩĩcĩg, hĩnĩngĩtĩ muhẽẽnĩt cĩ abũnnaa cĩ Ĩꞌthĩraẽlĩ.”
21Baa ẽdẽcĩ makayyiooha cĩg ꞌJudeei aĩ, “Nga hummuddiaawa waragẽẽt ũgĩ ꞌcĩg au ꞌJudeea, hĩnĩngĩtĩ nganiita. Nẽ nga haꞌnyaktaaheet eeta cĩggaang ꞌcĩg au ꞌJudeea, nyeemuut hode thõõth umwa ꞌcĩ abathĩ ꞌcĩ adĩmani niina. 22Hatabba ꞌyioko hathĩkna, aĩ muhẽẽnĩtĩ cunni neegi, hĩnĩngĩtĩ hagayya lokor nicci vẽlẽk, õthõõth eeta lothippit ꞌcĩ nga ĩĩn ngeju ho ꞌbuth.”
23Nĩngĩtĩ aarĩkĩ kõr umwa ꞌcĩ au õmmõtõõnĩ hĩ Paaulo. Ma ho, iita ꞌthẽk othohottia nẽẽg eet ꞌcĩg mẽẽlĩg ngaatĩ baa aayyi nẽẽ ho. Ma kõr niccia ngerrenita ĩꞌthõng hutub lõõcĩ, irrioonĩk Paaulo eet nẽ uduhaak ĩhõõggõ habuccieet cĩ Nyekuci. Baa attĩman gẽrrẽẽt, ngaatĩ alũllũũmanẽẽkĩ ĩhõõggõ thõõth cĩ Yeesu, nyattaalaa cĩ Mũũꞌtha hĩ thooꞌthiohĩĩ ꞌcĩg ẽhẽẽd põrõvẽtaaꞌnya. 24Ma ho, iita elemit eeta ũgẽẽgĩ thooꞌthiok ꞌcĩg aduha Paaulo ho, nẽẽthĩ hinnia, baa abũrĩ ũgẽẽgĩ. 25Nĩngĩtĩ au ẽppẽhanõõnĩ nẽẽg ẽmmẽn, heꞌngerrio hĩꞌthaattĩ urutaa ꞌcĩ ẽdẽcaahĩ Paaulo thõõth ꞌcĩ adtuurna ꞌcĩ aĩ, “Baa õthõõth Lorii ꞌcĩ Ẽllẽẽmĩth thõõth ꞌcĩ ĩĩn dĩdĩ, baa aduhaak hĩbaangĩ cugguung ũtũũgaa cĩ põrõvẽtaac Iꞌthaia aĩnnĩ,
26“ ‘Bĩĩt mũdoothĩk eet niccig nẽ ĩĩnnĩhuu,
“Arayyu hatĩ athĩkneennu nẽẽthĩ hinnia, hõllõngaa agayyu ũdũt;
arayyu hatĩ atarraabannu nẽẽthĩ hinnia, hõllõngaa ammũdaannu ũdũt.”
27Hĩnĩngĩtĩ õkõmĩ ĩhõõggõ vẽlẽk ooti;
iita idiitti ĩĩna cĩggĩĩng pĩd,
nẽ ĩĩtõ rubettĩg hẽbẽrĩ cĩggĩĩng.
ꞌYioko baa hiittiõõ hõllõngaa aattĩg nẽẽg hoti,
occa ꞌyioko acĩnĩ hẽbẽrẽẽnnĩĩ cĩggĩĩng,
nẽ ĩthĩktõ ĩĩnĩĩ cĩggĩĩng,
nẽ ꞌyioko baa hagaacõ ꞌthinneetinitõõ cĩggĩĩng
nẽ iita hĩ nganĩĩta, occa thĩ baa hẽẽla ĩhõõggõ.’#Tigiil ꞌBuuk cĩ Iꞌthaia 6:9-10
28“Nẽẽthĩ, hadiimi naa agaac niig, baa ikia nyeemuut ꞌcĩ aku ẽẽlanĩ Nyekuci eet ꞌcĩg hõllõngaa ĩĩn ꞌJudeei. Nẽ athĩknĩ ꞌthẽk hatĩ nẽẽgĩ.” 29Ma baa uduha Paaulo thõõth icci, iita ũtũngteek eeta cĩg ꞌJudeei pẽkan.
30Baa aꞌnyak Paaulo irkiꞌnyia ꞌramma ꞌcieethaa ꞌcĩ baa adũman nẽẽnĩ, ẽlẽmĩ eet vẽlẽk ꞌcĩg baag au acĩn ĩnõõnnõ. 31Nĩngĩtĩ arrĩcanaanĩ Paaulo irriõõnĩ habuccieet cĩ Nyekuci nẽ illimaneek eet thõõth cĩ Makayyioohit Yeesu Krĩstõ nẽ baa hiꞌthihi eet ꞌcĩ ũũlũ ngaatĩ abĩllĩ ĩnõõnnõ ũdũt.
Currently Selected:
Dtiicanĩ cĩg ꞌThooyyiahu 28: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Dtiicanĩ cĩg ꞌThooyyiahu 28
28
Õdõlan Paaulo dtuung cĩ Maalta
1Ma baa hõdõlatta dẽmẽt lõꞌngõõc, hiita hummuddiaawa ĩko haĩ dtuung tĩho Maalta. 2Baa accamanaanneet maajihi lootu gẽrrẽẽt, nĩngĩtĩ aadeekeet ꞌgwoo ꞌcĩ hĩrraanna naag vẽlẽk, hĩnĩngĩtĩ baa atĩĩlĩ tammu nẽ alal lõõcĩ gẽrrẽẽt. 3Ma baa ũlũta Paaulo ꞌrĩĩma ũgĩ nẽ aarĩk ꞌgwoyyiatõõ, alangan hatĩ hũkaat ꞌcĩ baa aaĩ ꞌrĩĩmatõõ abuurꞌthet, nĩngĩtĩ õgõllaanĩ akuuni battaala hikia hĩtĩttĩĩranoothĩk Paaulo aꞌthiit. 4Ma baa acĩn maajihi lootu ngaatĩ atĩttĩĩranõõthĩkĩ hũkaat attiaa cĩ Paaulo ho, õtõngõmtõõ ĩĩtõ, “Aruk gõõng ẽẽtĩ ciee eeta, tananga baa avvũran bũlũcatõõ, aruk hatĩ ĩnõõnnõ buúk eet ꞌcĩ ẽttẽẽd thooꞌthiok.” 5Ma ho, uturureek Paaulo hũkaat ꞌgwoyyiatõõ nẽ aau cẽmẽẽth. 6Nĩngĩtĩ ammuhunẽẽkĩ eeta ĩnõõnnõ ngaatĩ occa iiyyi ẽlẽ hode ẽttẽẽd looc hĩdĩĩkoothong hadaak. Ma baa ereeyyio ĩꞌthõng nẽ hõllõngaa acĩn ꞌgiimwa ꞌcĩ adak Paaulo buúk ko, iita ummuhit ĩĩtõ, “Ĩĩn ẽẽtĩ ciee Nyekuc!”
7Baa haĩ ꞌgaalac cĩ dtuungo Pubilio, baa aꞌnyak nẽẽ õlõ nĩngaata. Ma ho, ikia ũtũvveet nẽẽ ngagĩĩt halangatõõ cĩnnĩ nẽ hõõt haautta waathinniook iyyio nĩngaata. 8Ĩko nẽẽ õmmõõrĩ Pubilio maaꞌnyia gẽrrẽẽt, oongi ꞌrabacõõnnĩ ahũd lajjõ nẽ uhuc hẽẽng nẽ tarĩ ĩcĩĩd biyyi. Ma ho, uduhunoothĩk Paaulo ĩnõõnnõ nẽ alaõõĩ. Ma nĩngaata, ataadĩk aꞌthiit cĩnnĩ ẽllaa cĩ moorriakto nẽ aaꞌnyĩk ĩnõõnnõ hũbũna. 9Ma urutaa cĩ thõõth icci, iita moorriaha cĩg dtuungak hũtũrũũr hĩ Paaulo, nĩngĩtĩ aaꞌnyĩkĩ nẽẽ ĩhõõggõ hũbũttaathõ. 10Baa iꞌngoliinneet eeta gẽrrẽẽt ꞌgoolliohĩĩ ꞌcĩg mẽẽlĩg, ma baa hũkũmattoothĩha hotoddia haahũl, iita eellieet hẽlẽggẽẽnnĩĩ ꞌcĩg hadiimma.
Õdõlan Paaulo ꞌtaaũn cobbi cĩ ꞌRooma
11Ma baa urutaa cĩ nyĩlõhĩ iyyio, hĩtĩngaayyia hotoddia haahũl ꞌcĩ baa iyyioman dtuunga, ĩꞌthõng hedeccia tagĩĩthĩ. Baa ĩĩn haahũlĩ tĩho ꞌcĩ aku ĩcĩ ꞌtaaũn cĩ Alethandria, ꞌcĩ baa eceboothĩk ꞌthoourẽẽta cĩg nyekuꞌnya ꞌcĩg ĩĩn cũũdĩ ĩĩcĩ oou, ꞌcĩg haĩ Kathto hĩ Pollu. 12Nĩngĩtĩ hau hõdõlanna ꞌtaaũn ꞌcĩ haĩ Thirako nẽ haautta nĩngaata waathinniook iyyio. 13Ma nĩngaata, hedeccieeha haahũla ĩꞌthõng hõdõlatta ꞌtaaũn ꞌcĩ haĩ ꞌReejio. Ma loohoth cĩnnĩ, iꞌthianaaĩ uuhanniaaheet ngõõtĩ ꞌcĩ aku ĩĩcĩ hujjieen nẽ ma baa loohoth cĩnnĩ, hõdõlatta ꞌtaaũn ꞌcĩ haĩ Puteli. 14Ma nĩngaata, hoottia hummuddiaawa nuyyiook ũgĩ cĩg Makayyioohit Yeesu, ꞌcĩg baag hutuvvuyyeet hoottia nõõ hũrũmteea hĩ ĩhõõggõ lomidika hõdẽĩ. Ma nĩngaata, hotooyyia ꞌthõõnĩ ĩꞌthõng hõdõlatta ꞌtaaũn cobbi cĩ ꞌRooma. 15Ĩko ĩthĩhĩt nuyyiooha cĩg Makayyioohit Yeesu ngaatĩ hauunna, nĩngĩtĩ au athirriaamanneet ꞌCuuhaa cĩ Aappio nẽ tarĩ iita ithirriaamatteet ꞌcieethinii ꞌcĩg ĩĩn iyyio, ĩcĩg ooginni eeta. Ma baa ma acĩn Paaulo eet iccig ko, atal Nyekuc, nĩngĩtĩ õkõmmĩ ĩnõõnnõ ꞌthĩnĩt.
16Ma baa hõdõlatta ꞌRooma, õõt ẽlẽmtaahĩ ꞌgaala cĩg ꞌRooma Paaulo haau ẽmmẽn, nẽẽthĩ, baa aaꞌnyĩhoothĩk athẽgẽrẽẽcĩ hẽbẽk ĩnõõnnõ.
Irrioonĩk Paaulo eet cĩg ꞌJudeei ꞌRoomattĩ
17Ma baa urutaa cĩ waathinniook iyyio, ũũk ũtũvva Paaulo makayyiook cĩg ꞌJudeei. Ma baa uluttia nẽẽg vẽlẽk, ikia uduhaak nẽẽ ĩhõõggõ ĩĩnnĩk, “ꞌGotoonoga hĩ ngoonoga, tananga nga hĩdĩmaneek naa eet cĩggaac ꞌgii ꞌcĩ abathĩ, hode nga hẽꞌthẽcan nyepiteeꞌnya cĩg hĩbaangĩ cĩggaac, baa haggammi ꞌJeruꞌthalẽma nẽ haꞌnyĩhoothĩha eet cĩg ꞌRooma hĩĩ baabutheenit. 18Baa iita ittiamanit ꞌgaala thooꞌthiok ꞌcĩg abĩlla eeta lokihooa ho nẽ idiimito õõgtawaanĩ, hĩnĩngĩtĩ nga hẽꞌthẽcan ꞌgiimwa ꞌcĩ occa hẽttẽẽdõõthĩkĩĩ daahĩth. 19Ma baa ũtũbũrĩt eeta cĩg ꞌJudeei, hikia hĩttĩnganoothĩha hũũk hĩbĩl hĩ habu cobbi cĩ ꞌRooma, tananga aitiõõ nẽẽ thõõth ꞌcĩ occa habĩllĩ naa eet cĩgannĩg lokihooa ẽmmẽn tõõ. 20Ĩnõõ ꞌyioko ꞌcĩ hauyyuung hiita hothooꞌthio ho. Hecebbi naa nyerikooꞌnyanĩ ĩĩcĩg, hĩnĩngĩtĩ muhẽẽnĩt cĩ abũnnaa cĩ Ĩꞌthĩraẽlĩ.”
21Baa ẽdẽcĩ makayyiooha cĩg ꞌJudeei aĩ, “Nga hummuddiaawa waragẽẽt ũgĩ ꞌcĩg au ꞌJudeea, hĩnĩngĩtĩ nganiita. Nẽ nga haꞌnyaktaaheet eeta cĩggaang ꞌcĩg au ꞌJudeea, nyeemuut hode thõõth umwa ꞌcĩ abathĩ ꞌcĩ adĩmani niina. 22Hatabba ꞌyioko hathĩkna, aĩ muhẽẽnĩtĩ cunni neegi, hĩnĩngĩtĩ hagayya lokor nicci vẽlẽk, õthõõth eeta lothippit ꞌcĩ nga ĩĩn ngeju ho ꞌbuth.”
23Nĩngĩtĩ aarĩkĩ kõr umwa ꞌcĩ au õmmõtõõnĩ hĩ Paaulo. Ma ho, iita ꞌthẽk othohottia nẽẽg eet ꞌcĩg mẽẽlĩg ngaatĩ baa aayyi nẽẽ ho. Ma kõr niccia ngerrenita ĩꞌthõng hutub lõõcĩ, irrioonĩk Paaulo eet nẽ uduhaak ĩhõõggõ habuccieet cĩ Nyekuci. Baa attĩman gẽrrẽẽt, ngaatĩ alũllũũmanẽẽkĩ ĩhõõggõ thõõth cĩ Yeesu, nyattaalaa cĩ Mũũꞌtha hĩ thooꞌthiohĩĩ ꞌcĩg ẽhẽẽd põrõvẽtaaꞌnya. 24Ma ho, iita elemit eeta ũgẽẽgĩ thooꞌthiok ꞌcĩg aduha Paaulo ho, nẽẽthĩ hinnia, baa abũrĩ ũgẽẽgĩ. 25Nĩngĩtĩ au ẽppẽhanõõnĩ nẽẽg ẽmmẽn, heꞌngerrio hĩꞌthaattĩ urutaa ꞌcĩ ẽdẽcaahĩ Paaulo thõõth ꞌcĩ adtuurna ꞌcĩ aĩ, “Baa õthõõth Lorii ꞌcĩ Ẽllẽẽmĩth thõõth ꞌcĩ ĩĩn dĩdĩ, baa aduhaak hĩbaangĩ cugguung ũtũũgaa cĩ põrõvẽtaac Iꞌthaia aĩnnĩ,
26“ ‘Bĩĩt mũdoothĩk eet niccig nẽ ĩĩnnĩhuu,
“Arayyu hatĩ athĩkneennu nẽẽthĩ hinnia, hõllõngaa agayyu ũdũt;
arayyu hatĩ atarraabannu nẽẽthĩ hinnia, hõllõngaa ammũdaannu ũdũt.”
27Hĩnĩngĩtĩ õkõmĩ ĩhõõggõ vẽlẽk ooti;
iita idiitti ĩĩna cĩggĩĩng pĩd,
nẽ ĩĩtõ rubettĩg hẽbẽrĩ cĩggĩĩng.
ꞌYioko baa hiittiõõ hõllõngaa aattĩg nẽẽg hoti,
occa ꞌyioko acĩnĩ hẽbẽrẽẽnnĩĩ cĩggĩĩng,
nẽ ĩthĩktõ ĩĩnĩĩ cĩggĩĩng,
nẽ ꞌyioko baa hagaacõ ꞌthinneetinitõõ cĩggĩĩng
nẽ iita hĩ nganĩĩta, occa thĩ baa hẽẽla ĩhõõggõ.’#Tigiil ꞌBuuk cĩ Iꞌthaia 6:9-10
28“Nẽẽthĩ, hadiimi naa agaac niig, baa ikia nyeemuut ꞌcĩ aku ẽẽlanĩ Nyekuci eet ꞌcĩg hõllõngaa ĩĩn ꞌJudeei. Nẽ athĩknĩ ꞌthẽk hatĩ nẽẽgĩ.” 29Ma baa uduha Paaulo thõõth icci, iita ũtũngteek eeta cĩg ꞌJudeei pẽkan.
30Baa aꞌnyak Paaulo irkiꞌnyia ꞌramma ꞌcieethaa ꞌcĩ baa adũman nẽẽnĩ, ẽlẽmĩ eet vẽlẽk ꞌcĩg baag au acĩn ĩnõõnnõ. 31Nĩngĩtĩ arrĩcanaanĩ Paaulo irriõõnĩ habuccieet cĩ Nyekuci nẽ illimaneek eet thõõth cĩ Makayyioohit Yeesu Krĩstõ nẽ baa hiꞌthihi eet ꞌcĩ ũũlũ ngaatĩ abĩllĩ ĩnõõnnõ ũdũt.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.