Dtiicanĩ cĩg ꞌThooyyiahu 27
27
Ũũk Paaulo ꞌtaaũnaa cobbi ĩcĩ ꞌRooma
1Ma baa udukia thõõth ꞌcĩ hooyyia Itali, ũũk aaꞌnyĩhoothĩk Paaulo hĩ baabuuthnya ũgĩ, ꞌgaalac cĩ ũũrũta ꞌcĩ haĩ Jullio. Baa ĩĩn Jullio eet cĩ aggam ũũrũta ꞌcĩg mẽẽlĩg cĩg habu cobbi cĩ ꞌRooma. 2Ma ho, hotoddia haahũl ꞌcĩ baa aku ꞌtaaũnaa ꞌcĩ haĩ Adaramittio, ꞌcĩ baa õbõhĩ ũũk ĩĩcĩ dẽmẽt ꞌcĩ ꞌgoolliok ꞌcĩg abĩllĩ haahũlĩta looccaa cĩ Aaꞌthia, nĩngĩtĩ hedeceeka ĩĩcĩ bũlũcõ. Baa aaĩ eet umwaa ꞌcĩ haĩ Arithtarko, ꞌcĩ baa aku looccaa cĩ Maccedoonia ꞌtaaũnaa cĩ Tẽꞌthaloonika.
3Ma loohoth cĩnnĩ, hiita hõdõlatta ꞌtaaũn cĩ ꞌThidõõnẽ, ma nĩngaata ikia atamaatĩk Jullio Paaulo, nĩngĩtĩ ẽlẽmaakĩ ĩnõõnnõ hũũk hĩcĩn ꞌgõõnõgĩ, hõõt haanytĩk ĩnõõnnõ hẽlẽggĩ ꞌcĩg adiim nẽẽnĩ. 4Ma nĩngaata, haggamta haahũl tarĩ nẽ hẽꞌngẽrkẽẽthatta ngaatĩ õbõhõõ hĩ dtuung cĩ Ciporo ꞌcĩ aaĩ bũlũca hõrggẽẽna, hĩnĩngĩtĩ baa uuhanniaakeet ngõõtĩ ꞌcĩ attiran gẽrrẽẽt. 5Ma baa habaaktea ngaatĩ õbõhõõ hĩ dẽmẽt cĩ bũlũc cĩ looc cĩ ꞌCilicia hĩ cĩ Pamvilia, hoottia hudhuktaawa dẽmẽtaa ꞌcĩ abĩllĩ haahũlĩta ꞌtaaũnaa cĩ Mĩĩra hĩ ꞌtaaũn cĩ Liicia. 6Ma nĩngaata, ũmmũda ꞌgaalacĩ cĩ ũũrũta haahũl ꞌcĩ aku Alethandria ꞌcĩ baa õkõ Itali, nĩngĩtĩ otodeekeeta. 7Hotooyyia hĩdĩĩc hĩdĩĩc waathinniook ꞌcĩg mẽẽlĩg pĩĩrnattaa cobbi gẽrrẽẽt, ĩꞌthõng hoboktooa hĩ ꞌtaaũn ꞌcĩ haĩ Cinido. Ma baa ikia alaameet ngõõtĩ ngaatĩ haĩ hedeccieeha cũrũmũũm, hiita hoottia ngaatĩ õbõhĩ hĩ nĩngĩtĩ haĩ ꞌThalamõõnẽ, ꞌcĩ aaĩ dtuungaa cĩ Kerete ꞌcĩ aaĩ bũlũcatõõ hõrggẽẽna. 8Hunuyyia dẽmẽt pĩĩrnatta ĩꞌthõng hõdõlatta nĩngĩtĩ haĩ Nĩngĩtĩ Ganõõnõ, ngaatĩ õbõhõõ hĩ ꞌtaaũn cĩ Lathea.
9Ikia uduhoothĩk ꞌthaa ꞌcĩ maka nẽ ẽꞌngẽjõõthĩ ngõõtĩ ngaatĩ hooyyia haahũlaa ĩcĩ oou, hĩnĩngĩtĩ baa allacanĩ Kõrra cobbi ꞌcĩ Ammaannĩkĩ Nyekuci eet cĩgĩnnĩg.#27:9 Kõr ꞌcĩ Ammaannĩkĩ Nyekuci eet cĩgĩnnĩg: Ĩĩn ciee kõr ꞌcĩ õkõõĩ paadĩrĩ cobbi Ngaatĩ Aꞌngirannii Ẽllẽẽmĩth Gẽrrẽẽt ꞌCieethaa cĩ Nyekuci nẽ ũũk urwacaneek biyyi ngaatĩ aayyi Nyekuci, hátĩ hatamaatĩk Nyekuci eet hĩnĩngĩtĩ ꞌthẽccanẽẽt cĩggĩĩng. Ĩĩn ciee kõr ꞌcĩ ẽdẽtaanĩ eeta cĩg Ĩꞌthĩraẽlĩ eleeti ꞌgẽẽna. Tigiil ꞌBuuk cĩ Levitiko 16; Dtiicanĩ cĩg ꞌThooyyiahu 27:9; Ebereei 9:1-8. Nĩngĩtĩ aduhaakĩ Paaulo makayyiook cĩg haahũlaak thõõth icci. 10“Hõlõ, hacinoothi naa abathĩ hatĩ weet cĩnaac ko gẽrrẽẽt hatĩ hõõ ĩcĩ oou, aaꞌnyeet hatĩ hudhuktoothĩk ijjio cĩggaac tuu, hĩ haahũl hĩ rũgẽt cĩnaac buúk.” 11Baa hinnia aĩnana ꞌgaalacĩ cĩ ũũrũta ẽlẽ cĩnnĩ ngaatĩ hõllõngaa athĩknĩ thõõth cĩ Paaulo nẽ ĩthĩk thooꞌthiok ꞌcĩg aduhaak ꞌthukannioohiti hĩ baattĩ haahũlõ. 12Hĩnĩngĩtĩ baa abathĩ dẽmẽt ꞌcĩ abĩllĩ haahũlĩta tagĩĩtha#27:12 Tagĩĩth: Looccaa cĩ Ĩꞌthĩraẽlĩ, alalĩ lõõcĩ tagĩĩtha nẽ ĩtĩĩl gẽrrẽẽt. Uuhan ngõõtĩ cobbi gẽrrẽẽt ĩnõõ ꞌcĩ hõllõngaa occa aayyi haahũlĩ nĩngaata nẽ abathĩ gẽrrẽẽt ngaatĩ occa õvvõõĩ haahũlĩta maamĩtõõ. gẽrrẽẽt, ikia ẽlẽmaakeet lothippiti ngaatĩ hedeceeka ĩĩcĩ oou, muhẽẽttaa cĩ hõdõlanna ꞌtaaũn cĩ Venihi hoottia hedecciaaha waathinniook cĩg ngõõt ꞌcĩ attiran ko ĩĩca. Baa aaĩ Venihi dtuungaa cĩ Kerete hẽẽngaa cĩ baa aitiõõnnĩ ngõõtĩ tõõ.
Ngõõt bũlũcatõõ cobbi
13Ma baa iꞌthianaaĩ uuhan ngõõtĩ ꞌcĩ aku ĩĩcĩ hujjieen, ammuhuneek hinnia eeta aĩ, ikia kõrra ꞌcĩ hadĩmanĩ thooꞌthiok baag adiim nẽẽgĩ. Nĩngĩtĩ õdõngĩ ꞌthiihit ꞌcĩ adĩddĩngĩĩ ꞌcĩ abĩllĩ haahũlĩ nẽ hedeccia dẽmẽt cĩ Kerete. 14Ma hĩdĩĩkoothong, uuhana ngõõtĩ ꞌcĩ attiran gẽrrẽẽt, ꞌcĩ haĩ “Ngõõt ꞌcĩ aku ĩĩcĩ uruto, hẽẽngaa cĩ uruto cĩ dtuungo.” 15Ikia ataddaan ngõõtĩ nicciee haahũl gẽrrẽẽt hanyamaneet ngaatĩ hooyyia ĩĩcĩ oou. Nĩngĩtĩ halahaneeka haahũl hũũhĩ ngõõtĩ. 16Hiita hoottia ĩꞌthõng dtuung ꞌcĩ haĩ Kaũda, habanytaa cĩ hiꞌthihi ngõõt ꞌcĩ attiran ꞌcĩ aaĩ noho. Baa hoꞌngonyoonna ngaatĩ hecebeeka haahũl ꞌcĩ hidici haahũlatõõ cobbi, hátĩ hiittiõõ hõllõngaa adhuhi. 17Ma baa õdõngtaak eeta haahũl ꞌcĩ hidici ĩttõõ, iita ecebit thõng. Ma ho, uꞌthuuktik ꞌlõõrõngĩt haahũlaa cobbi loota nẽ ecebit hiittiõõ hõllõngaa alibi. Baa itieelli nẽẽg ngaatĩ aꞌthĩkĩĩhanoothĩk haahũlĩ hathaac cĩ dẽmẽt cĩ ꞌThirti. Nĩngĩtĩ adhuhẽẽkĩ ꞌthiihit ꞌcĩ adĩddĩngĩĩ hõtõ haahũlĩ hĩdĩĩc huuhanõõthĩ ngõõtĩ. 18Baa hoꞌngonyoonna hĩ ngõõt gẽrrẽẽt. Ma baa kõr ꞌcĩ ꞌrĩĩng, iꞌthiattaaĩ eeta udhukteek ijjio tuu. 19Ma baa kõr ꞌcĩ ĩĩn iyyio, iita udhukteek eeta hẽlẽggĩ ũgĩ ꞌcĩg adticaniini haahũlatõõ bũlũcatõõ. 20Baa hõllõngaa hacĩnna kõr hode mũnyũny waathinniook ꞌcĩg mẽẽlĩg gẽrrẽẽt. Baa ara uuhana ngõõtĩ ꞌcĩ attiran gẽrrẽẽt, nĩngĩtĩ hadhuka muhẽẽnĩt ꞌcĩ occa nga harũgna ũdũt.
21Ma baa adak eet magĩthĩ waathinniook ꞌcĩg mẽẽlĩg, ĩtĩnga Paaulo ĩbĩl muumtinii cĩggĩĩng nẽ õthõõth ĩĩ, “Hõlõ, occa ꞌthẽk baa ĩthĩktaangu nganĩĩta! ꞌYioko ꞌthẽk baa aaut Kẽrẽta, occa ꞌyioko hõllõngaa hõmmõtõõ hĩ pĩĩrnanĩt hĩ ngaatĩ hadhuhẽẽkĩ ijjio tuu. 22Nẽẽthĩ ꞌyioko, aanytĩk ꞌthinneeti hokomit, hĩnĩngĩtĩ iitiõõ hatĩ niig hõllõngaa adaaknu. Haahũl hatĩ dioo ꞌcĩ alibi hĩĩ lõõcĩ ꞌthĩĩ. 23Hĩĩnĩ naa eet cĩ Nyekuci nẽ habuluthi naa ĩnõõnnõ. Ĩꞌthõõa nẽẽ aajĩlõ umwa aabaal, 24hikia hĩĩnnĩhaa nganĩĩt, ‘Paaulo, ma hiteelli! Õkõ hatĩ abili nii muumaa cĩ habu cobbi cĩ ꞌRooma. Nẽ hĩnĩngĩtĩ nganiita, ẽẽla hatĩ Nyekuci eet ꞌcĩg ookorru haahũlatõõ ho vẽlẽk.’ 25Nẽẽthĩ ꞌyioko, aanytĩk ꞌthĩnneeti hokomit, hĩnĩngĩtĩ haꞌnyahi naa lemiinit hĩ Nyekuc! Adtican hatĩ nẽẽ thõõth hĩ baa aduhaaka nganĩĩta. 26Nẽẽthĩ, okooyyeet hatĩ ngõõtĩ ĩꞌthõng hũũk hilibi haahũlĩ dtuungaa ꞌcĩ aaĩ bũlũca hõrggẽẽna.”
Ilibi haahũlĩ
27Waathinniook hĩ baalinniook õmmõtõ hĩ ꞌwec, uuhanootheet ngõõtĩ awanĩtteet bũlũc cĩ Adria. Ma baa ẽttẽẽdĩ baalini, ummuhutteek ꞌthukanniooha cĩg haahũlaak ngaatĩ õbõhõõĩ lõõcĩ ꞌcĩ õdõhõhĩĩ. 28Nĩngĩtĩ õõrĩkĩ ꞌloorong umwa ꞌcĩ uuni ꞌcĩ attĩmanĩ maam. Ammũda hinnia nga uuthik aꞌnyak mĩĩtĩrꞌnya hẽẽn ꞌwec. Ma uruta hĩdĩĩc, ĩttĩmanit tarĩ nẽ ummuddia nga aꞌnyak mĩĩtĩrꞌnya hẽẽn iyyio. 29Baa itieelli nẽẽg aĩ, õkõ mõnõ hatĩ ĩdda haahũlĩ lõbarab thõng. Nĩngĩtĩ õkõlẽẽkĩ thĩĩk ꞌcĩg adĩddĩngĩĩ ꞌwec uruta cĩ haahũlõ nẽ alayyio hatĩ hikia waathĩnĩ.
30Baa adiim avvir ꞌthukanniooha cĩg haahũlaak thõng. Nĩngĩtĩ õõgĩkĩ nẽẽg haahũl ꞌcĩ hidici, hũũk maamĩtõõ haau hĩcĩ okoleek thĩĩk ꞌcĩg adĩddĩꞌngĩ ĩcĩ õõ cĩ haahũlõ. 31Ma ho, uduhaak Paaulo ꞌgaalac hĩ ũũrũta ĩĩnnĩk, “Má ꞌthẽk hõllõngaa aattĩg ꞌthukanniooha haahũlatõõ, aitiõõ ꞌthẽk hatĩ hõllõngaa arũgnu ũdũt.” 32Nĩngĩtĩ ẽttẽẽdĩ ũũrũtana ꞌloorong ꞌcĩ ẽcẽbõõthĩkĩ haahũlĩ ꞌcĩ hidici haahũl cobbi nẽ aanytĩk hũũhĩ ngõõtĩ haahũl ꞌcĩ hidici ho.
33Ma baa nga hõbõrrõõng uruto, ikia amammaayan Paaulo eet hadahit ꞌgẽẽn ꞌcĩ abadtẽc. Baa aduhaak nẽẽ ĩhõõggõ anneek, “Waathinnioohĩĩ cĩg ĩĩn õmmõtõ hĩ ꞌwec ko vẽlẽk, baa ommothiinnu gẽrrẽẽt hiittiõõ hõllõngaa adaku ꞌgiimwa ũdũt. 34Halayyuung nuun atarit ꞌgẽẽn ꞌcĩ abadtẽc. Hĩnĩngĩtĩ aaĩ rũgẽtĩ cunuung ꞌgẽẽna. Ĩdĩmanit hoti, hatĩ hiittiõõ ẽẽtĩ ꞌcĩ adaahĩ tõõ.” 35Ma baa uduha nẽẽ thõõth icci, ittiha ũbũnĩ umwa, nẽ ĩĩnnĩk Nyekuc ĩlaallẽ hẽbẽrẽẽnnĩĩ cĩggĩĩng vẽlẽk. Nĩngĩtĩ ẽꞌngẽrĩ ũbũnĩ nẽ uduk nẽẽ umwa. 36Ma nĩngaata, iita okomit ĩhõõggõ vẽlẽk ꞌthinneeti, nĩngĩtĩ aduhẽẽnĩ. 37Baa ĩĩn eeta vẽlẽk haahũlatõõ ꞌmiiaꞌnya ꞌramma hĩ hẽẽn tũkĩramma hĩ tõrkõnõn (276), 38ma baa udukto eeta ẽlẽk, iita udhukteek lohoddwa cĩg ꞌgẽẽmẽ bũlũcatõõ hatĩ hõõlõl haahũlĩ.
Ĩꞌthaan ngõõtĩ haahũl
39Ma baa ĩĩ waathĩn lõõcĩ, ĩcĩttõõthĩ ꞌthukanniooha dẽmẽt umwa ꞌcĩ ẽrẽk ĩhõõggõ, nẽẽthĩ hinnia, baa edeenyothi nẽẽg nĩngĩtĩ ꞌcĩ tẽllĩ ꞌcĩ abũnnaa ngaatĩ abĩllĩ haahũlĩ. Nĩngĩtĩ aĩnnĩ, hõõt hibilli haahũl ngaata. 40Ma baa ohodit thĩĩk ꞌcĩg adĩddĩngĩĩ, ũtũngteek ĩhõõggõ bũlũcatõõ nẽ nĩngaata noho, etteedito ꞌlõõrõngĩt ꞌcĩg aggam ꞌgõrõmõõlõ ꞌcĩ athuhaniini haahũlĩ. Ma tarĩ ho, odongteek cẽrẽm haahũla hujjieen, hátĩ huuhanõõthĩ haahũl ngõõtĩ hedeceehi ĩĩcĩ demeto. 41Aꞌthĩkĩĩhanoothĩk hinnia haahũlĩ hathaac noho ꞌthĩkĩk, hiittiõõ hõllõngaa õvvõ tarĩ. Aggam hathaac haahũl ĩĩcĩ oou, hiittiõõ hõllõngaa õvvõ tarĩ nẽ ĩꞌthaanito maama uruto cĩ haahũlõ hĩĩ ꞌthĩĩ.
42Ma nĩngaata, idiimito uruhit ũrũtana baabuuthnya, hĩnĩngĩtĩ baa ammuk nẽẽg aĩ, adhuhoothĩk mõnõ hatĩ bũlũcatõõ nẽ ukulit thõng. 43Nẽẽthĩ, baa adiim ꞌgaalacĩ cĩ ũũrũta ẽẽla Paaulo hũrũg, nĩngĩtĩ aduhaakĩ eet ꞌcĩg ũũrũta hiittiõõ hõllõngaa adĩman thõõth ꞌcĩ ammuk nẽẽg ko. Ma nĩngaata, uduhaak eet ꞌcĩg aganeek maam, hudhuktoothĩk maamĩtõõ habaaktĩ hõõt ngaatĩ õdõhõhĩĩ. 44Nẽ baa uduhaak eet ũgĩ buúk, haggamit hibiẽẽt ꞌcĩg baag avvahanniaa haahũla. ꞌGõõlaa cĩ, iita abaaktĩ eeta vẽlẽk hõdõlanit looc ꞌcĩ õdõhõhĩĩ lõꞌngõõc.
Currently Selected:
Dtiicanĩ cĩg ꞌThooyyiahu 27: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Dtiicanĩ cĩg ꞌThooyyiahu 27
27
Ũũk Paaulo ꞌtaaũnaa cobbi ĩcĩ ꞌRooma
1Ma baa udukia thõõth ꞌcĩ hooyyia Itali, ũũk aaꞌnyĩhoothĩk Paaulo hĩ baabuuthnya ũgĩ, ꞌgaalac cĩ ũũrũta ꞌcĩ haĩ Jullio. Baa ĩĩn Jullio eet cĩ aggam ũũrũta ꞌcĩg mẽẽlĩg cĩg habu cobbi cĩ ꞌRooma. 2Ma ho, hotoddia haahũl ꞌcĩ baa aku ꞌtaaũnaa ꞌcĩ haĩ Adaramittio, ꞌcĩ baa õbõhĩ ũũk ĩĩcĩ dẽmẽt ꞌcĩ ꞌgoolliok ꞌcĩg abĩllĩ haahũlĩta looccaa cĩ Aaꞌthia, nĩngĩtĩ hedeceeka ĩĩcĩ bũlũcõ. Baa aaĩ eet umwaa ꞌcĩ haĩ Arithtarko, ꞌcĩ baa aku looccaa cĩ Maccedoonia ꞌtaaũnaa cĩ Tẽꞌthaloonika.
3Ma loohoth cĩnnĩ, hiita hõdõlatta ꞌtaaũn cĩ ꞌThidõõnẽ, ma nĩngaata ikia atamaatĩk Jullio Paaulo, nĩngĩtĩ ẽlẽmaakĩ ĩnõõnnõ hũũk hĩcĩn ꞌgõõnõgĩ, hõõt haanytĩk ĩnõõnnõ hẽlẽggĩ ꞌcĩg adiim nẽẽnĩ. 4Ma nĩngaata, haggamta haahũl tarĩ nẽ hẽꞌngẽrkẽẽthatta ngaatĩ õbõhõõ hĩ dtuung cĩ Ciporo ꞌcĩ aaĩ bũlũca hõrggẽẽna, hĩnĩngĩtĩ baa uuhanniaakeet ngõõtĩ ꞌcĩ attiran gẽrrẽẽt. 5Ma baa habaaktea ngaatĩ õbõhõõ hĩ dẽmẽt cĩ bũlũc cĩ looc cĩ ꞌCilicia hĩ cĩ Pamvilia, hoottia hudhuktaawa dẽmẽtaa ꞌcĩ abĩllĩ haahũlĩta ꞌtaaũnaa cĩ Mĩĩra hĩ ꞌtaaũn cĩ Liicia. 6Ma nĩngaata, ũmmũda ꞌgaalacĩ cĩ ũũrũta haahũl ꞌcĩ aku Alethandria ꞌcĩ baa õkõ Itali, nĩngĩtĩ otodeekeeta. 7Hotooyyia hĩdĩĩc hĩdĩĩc waathinniook ꞌcĩg mẽẽlĩg pĩĩrnattaa cobbi gẽrrẽẽt, ĩꞌthõng hoboktooa hĩ ꞌtaaũn ꞌcĩ haĩ Cinido. Ma baa ikia alaameet ngõõtĩ ngaatĩ haĩ hedeccieeha cũrũmũũm, hiita hoottia ngaatĩ õbõhĩ hĩ nĩngĩtĩ haĩ ꞌThalamõõnẽ, ꞌcĩ aaĩ dtuungaa cĩ Kerete ꞌcĩ aaĩ bũlũcatõõ hõrggẽẽna. 8Hunuyyia dẽmẽt pĩĩrnatta ĩꞌthõng hõdõlatta nĩngĩtĩ haĩ Nĩngĩtĩ Ganõõnõ, ngaatĩ õbõhõõ hĩ ꞌtaaũn cĩ Lathea.
9Ikia uduhoothĩk ꞌthaa ꞌcĩ maka nẽ ẽꞌngẽjõõthĩ ngõõtĩ ngaatĩ hooyyia haahũlaa ĩcĩ oou, hĩnĩngĩtĩ baa allacanĩ Kõrra cobbi ꞌcĩ Ammaannĩkĩ Nyekuci eet cĩgĩnnĩg.#27:9 Kõr ꞌcĩ Ammaannĩkĩ Nyekuci eet cĩgĩnnĩg: Ĩĩn ciee kõr ꞌcĩ õkõõĩ paadĩrĩ cobbi Ngaatĩ Aꞌngirannii Ẽllẽẽmĩth Gẽrrẽẽt ꞌCieethaa cĩ Nyekuci nẽ ũũk urwacaneek biyyi ngaatĩ aayyi Nyekuci, hátĩ hatamaatĩk Nyekuci eet hĩnĩngĩtĩ ꞌthẽccanẽẽt cĩggĩĩng. Ĩĩn ciee kõr ꞌcĩ ẽdẽtaanĩ eeta cĩg Ĩꞌthĩraẽlĩ eleeti ꞌgẽẽna. Tigiil ꞌBuuk cĩ Levitiko 16; Dtiicanĩ cĩg ꞌThooyyiahu 27:9; Ebereei 9:1-8. Nĩngĩtĩ aduhaakĩ Paaulo makayyiook cĩg haahũlaak thõõth icci. 10“Hõlõ, hacinoothi naa abathĩ hatĩ weet cĩnaac ko gẽrrẽẽt hatĩ hõõ ĩcĩ oou, aaꞌnyeet hatĩ hudhuktoothĩk ijjio cĩggaac tuu, hĩ haahũl hĩ rũgẽt cĩnaac buúk.” 11Baa hinnia aĩnana ꞌgaalacĩ cĩ ũũrũta ẽlẽ cĩnnĩ ngaatĩ hõllõngaa athĩknĩ thõõth cĩ Paaulo nẽ ĩthĩk thooꞌthiok ꞌcĩg aduhaak ꞌthukannioohiti hĩ baattĩ haahũlõ. 12Hĩnĩngĩtĩ baa abathĩ dẽmẽt ꞌcĩ abĩllĩ haahũlĩta tagĩĩtha#27:12 Tagĩĩth: Looccaa cĩ Ĩꞌthĩraẽlĩ, alalĩ lõõcĩ tagĩĩtha nẽ ĩtĩĩl gẽrrẽẽt. Uuhan ngõõtĩ cobbi gẽrrẽẽt ĩnõõ ꞌcĩ hõllõngaa occa aayyi haahũlĩ nĩngaata nẽ abathĩ gẽrrẽẽt ngaatĩ occa õvvõõĩ haahũlĩta maamĩtõõ. gẽrrẽẽt, ikia ẽlẽmaakeet lothippiti ngaatĩ hedeceeka ĩĩcĩ oou, muhẽẽttaa cĩ hõdõlanna ꞌtaaũn cĩ Venihi hoottia hedecciaaha waathinniook cĩg ngõõt ꞌcĩ attiran ko ĩĩca. Baa aaĩ Venihi dtuungaa cĩ Kerete hẽẽngaa cĩ baa aitiõõnnĩ ngõõtĩ tõõ.
Ngõõt bũlũcatõõ cobbi
13Ma baa iꞌthianaaĩ uuhan ngõõtĩ ꞌcĩ aku ĩĩcĩ hujjieen, ammuhuneek hinnia eeta aĩ, ikia kõrra ꞌcĩ hadĩmanĩ thooꞌthiok baag adiim nẽẽgĩ. Nĩngĩtĩ õdõngĩ ꞌthiihit ꞌcĩ adĩddĩngĩĩ ꞌcĩ abĩllĩ haahũlĩ nẽ hedeccia dẽmẽt cĩ Kerete. 14Ma hĩdĩĩkoothong, uuhana ngõõtĩ ꞌcĩ attiran gẽrrẽẽt, ꞌcĩ haĩ “Ngõõt ꞌcĩ aku ĩĩcĩ uruto, hẽẽngaa cĩ uruto cĩ dtuungo.” 15Ikia ataddaan ngõõtĩ nicciee haahũl gẽrrẽẽt hanyamaneet ngaatĩ hooyyia ĩĩcĩ oou. Nĩngĩtĩ halahaneeka haahũl hũũhĩ ngõõtĩ. 16Hiita hoottia ĩꞌthõng dtuung ꞌcĩ haĩ Kaũda, habanytaa cĩ hiꞌthihi ngõõt ꞌcĩ attiran ꞌcĩ aaĩ noho. Baa hoꞌngonyoonna ngaatĩ hecebeeka haahũl ꞌcĩ hidici haahũlatõõ cobbi, hátĩ hiittiõõ hõllõngaa adhuhi. 17Ma baa õdõngtaak eeta haahũl ꞌcĩ hidici ĩttõõ, iita ecebit thõng. Ma ho, uꞌthuuktik ꞌlõõrõngĩt haahũlaa cobbi loota nẽ ecebit hiittiõõ hõllõngaa alibi. Baa itieelli nẽẽg ngaatĩ aꞌthĩkĩĩhanoothĩk haahũlĩ hathaac cĩ dẽmẽt cĩ ꞌThirti. Nĩngĩtĩ adhuhẽẽkĩ ꞌthiihit ꞌcĩ adĩddĩngĩĩ hõtõ haahũlĩ hĩdĩĩc huuhanõõthĩ ngõõtĩ. 18Baa hoꞌngonyoonna hĩ ngõõt gẽrrẽẽt. Ma baa kõr ꞌcĩ ꞌrĩĩng, iꞌthiattaaĩ eeta udhukteek ijjio tuu. 19Ma baa kõr ꞌcĩ ĩĩn iyyio, iita udhukteek eeta hẽlẽggĩ ũgĩ ꞌcĩg adticaniini haahũlatõõ bũlũcatõõ. 20Baa hõllõngaa hacĩnna kõr hode mũnyũny waathinniook ꞌcĩg mẽẽlĩg gẽrrẽẽt. Baa ara uuhana ngõõtĩ ꞌcĩ attiran gẽrrẽẽt, nĩngĩtĩ hadhuka muhẽẽnĩt ꞌcĩ occa nga harũgna ũdũt.
21Ma baa adak eet magĩthĩ waathinniook ꞌcĩg mẽẽlĩg, ĩtĩnga Paaulo ĩbĩl muumtinii cĩggĩĩng nẽ õthõõth ĩĩ, “Hõlõ, occa ꞌthẽk baa ĩthĩktaangu nganĩĩta! ꞌYioko ꞌthẽk baa aaut Kẽrẽta, occa ꞌyioko hõllõngaa hõmmõtõõ hĩ pĩĩrnanĩt hĩ ngaatĩ hadhuhẽẽkĩ ijjio tuu. 22Nẽẽthĩ ꞌyioko, aanytĩk ꞌthinneeti hokomit, hĩnĩngĩtĩ iitiõõ hatĩ niig hõllõngaa adaaknu. Haahũl hatĩ dioo ꞌcĩ alibi hĩĩ lõõcĩ ꞌthĩĩ. 23Hĩĩnĩ naa eet cĩ Nyekuci nẽ habuluthi naa ĩnõõnnõ. Ĩꞌthõõa nẽẽ aajĩlõ umwa aabaal, 24hikia hĩĩnnĩhaa nganĩĩt, ‘Paaulo, ma hiteelli! Õkõ hatĩ abili nii muumaa cĩ habu cobbi cĩ ꞌRooma. Nẽ hĩnĩngĩtĩ nganiita, ẽẽla hatĩ Nyekuci eet ꞌcĩg ookorru haahũlatõõ ho vẽlẽk.’ 25Nẽẽthĩ ꞌyioko, aanytĩk ꞌthĩnneeti hokomit, hĩnĩngĩtĩ haꞌnyahi naa lemiinit hĩ Nyekuc! Adtican hatĩ nẽẽ thõõth hĩ baa aduhaaka nganĩĩta. 26Nẽẽthĩ, okooyyeet hatĩ ngõõtĩ ĩꞌthõng hũũk hilibi haahũlĩ dtuungaa ꞌcĩ aaĩ bũlũca hõrggẽẽna.”
Ilibi haahũlĩ
27Waathinniook hĩ baalinniook õmmõtõ hĩ ꞌwec, uuhanootheet ngõõtĩ awanĩtteet bũlũc cĩ Adria. Ma baa ẽttẽẽdĩ baalini, ummuhutteek ꞌthukanniooha cĩg haahũlaak ngaatĩ õbõhõõĩ lõõcĩ ꞌcĩ õdõhõhĩĩ. 28Nĩngĩtĩ õõrĩkĩ ꞌloorong umwa ꞌcĩ uuni ꞌcĩ attĩmanĩ maam. Ammũda hinnia nga uuthik aꞌnyak mĩĩtĩrꞌnya hẽẽn ꞌwec. Ma uruta hĩdĩĩc, ĩttĩmanit tarĩ nẽ ummuddia nga aꞌnyak mĩĩtĩrꞌnya hẽẽn iyyio. 29Baa itieelli nẽẽg aĩ, õkõ mõnõ hatĩ ĩdda haahũlĩ lõbarab thõng. Nĩngĩtĩ õkõlẽẽkĩ thĩĩk ꞌcĩg adĩddĩngĩĩ ꞌwec uruta cĩ haahũlõ nẽ alayyio hatĩ hikia waathĩnĩ.
30Baa adiim avvir ꞌthukanniooha cĩg haahũlaak thõng. Nĩngĩtĩ õõgĩkĩ nẽẽg haahũl ꞌcĩ hidici, hũũk maamĩtõõ haau hĩcĩ okoleek thĩĩk ꞌcĩg adĩddĩꞌngĩ ĩcĩ õõ cĩ haahũlõ. 31Ma ho, uduhaak Paaulo ꞌgaalac hĩ ũũrũta ĩĩnnĩk, “Má ꞌthẽk hõllõngaa aattĩg ꞌthukanniooha haahũlatõõ, aitiõõ ꞌthẽk hatĩ hõllõngaa arũgnu ũdũt.” 32Nĩngĩtĩ ẽttẽẽdĩ ũũrũtana ꞌloorong ꞌcĩ ẽcẽbõõthĩkĩ haahũlĩ ꞌcĩ hidici haahũl cobbi nẽ aanytĩk hũũhĩ ngõõtĩ haahũl ꞌcĩ hidici ho.
33Ma baa nga hõbõrrõõng uruto, ikia amammaayan Paaulo eet hadahit ꞌgẽẽn ꞌcĩ abadtẽc. Baa aduhaak nẽẽ ĩhõõggõ anneek, “Waathinnioohĩĩ cĩg ĩĩn õmmõtõ hĩ ꞌwec ko vẽlẽk, baa ommothiinnu gẽrrẽẽt hiittiõõ hõllõngaa adaku ꞌgiimwa ũdũt. 34Halayyuung nuun atarit ꞌgẽẽn ꞌcĩ abadtẽc. Hĩnĩngĩtĩ aaĩ rũgẽtĩ cunuung ꞌgẽẽna. Ĩdĩmanit hoti, hatĩ hiittiõõ ẽẽtĩ ꞌcĩ adaahĩ tõõ.” 35Ma baa uduha nẽẽ thõõth icci, ittiha ũbũnĩ umwa, nẽ ĩĩnnĩk Nyekuc ĩlaallẽ hẽbẽrẽẽnnĩĩ cĩggĩĩng vẽlẽk. Nĩngĩtĩ ẽꞌngẽrĩ ũbũnĩ nẽ uduk nẽẽ umwa. 36Ma nĩngaata, iita okomit ĩhõõggõ vẽlẽk ꞌthinneeti, nĩngĩtĩ aduhẽẽnĩ. 37Baa ĩĩn eeta vẽlẽk haahũlatõõ ꞌmiiaꞌnya ꞌramma hĩ hẽẽn tũkĩramma hĩ tõrkõnõn (276), 38ma baa udukto eeta ẽlẽk, iita udhukteek lohoddwa cĩg ꞌgẽẽmẽ bũlũcatõõ hatĩ hõõlõl haahũlĩ.
Ĩꞌthaan ngõõtĩ haahũl
39Ma baa ĩĩ waathĩn lõõcĩ, ĩcĩttõõthĩ ꞌthukanniooha dẽmẽt umwa ꞌcĩ ẽrẽk ĩhõõggõ, nẽẽthĩ hinnia, baa edeenyothi nẽẽg nĩngĩtĩ ꞌcĩ tẽllĩ ꞌcĩ abũnnaa ngaatĩ abĩllĩ haahũlĩ. Nĩngĩtĩ aĩnnĩ, hõõt hibilli haahũl ngaata. 40Ma baa ohodit thĩĩk ꞌcĩg adĩddĩngĩĩ, ũtũngteek ĩhõõggõ bũlũcatõõ nẽ nĩngaata noho, etteedito ꞌlõõrõngĩt ꞌcĩg aggam ꞌgõrõmõõlõ ꞌcĩ athuhaniini haahũlĩ. Ma tarĩ ho, odongteek cẽrẽm haahũla hujjieen, hátĩ huuhanõõthĩ haahũl ngõõtĩ hedeceehi ĩĩcĩ demeto. 41Aꞌthĩkĩĩhanoothĩk hinnia haahũlĩ hathaac noho ꞌthĩkĩk, hiittiõõ hõllõngaa õvvõ tarĩ. Aggam hathaac haahũl ĩĩcĩ oou, hiittiõõ hõllõngaa õvvõ tarĩ nẽ ĩꞌthaanito maama uruto cĩ haahũlõ hĩĩ ꞌthĩĩ.
42Ma nĩngaata, idiimito uruhit ũrũtana baabuuthnya, hĩnĩngĩtĩ baa ammuk nẽẽg aĩ, adhuhoothĩk mõnõ hatĩ bũlũcatõõ nẽ ukulit thõng. 43Nẽẽthĩ, baa adiim ꞌgaalacĩ cĩ ũũrũta ẽẽla Paaulo hũrũg, nĩngĩtĩ aduhaakĩ eet ꞌcĩg ũũrũta hiittiõõ hõllõngaa adĩman thõõth ꞌcĩ ammuk nẽẽg ko. Ma nĩngaata, uduhaak eet ꞌcĩg aganeek maam, hudhuktoothĩk maamĩtõõ habaaktĩ hõõt ngaatĩ õdõhõhĩĩ. 44Nẽ baa uduhaak eet ũgĩ buúk, haggamit hibiẽẽt ꞌcĩg baag avvahanniaa haahũla. ꞌGõõlaa cĩ, iita abaaktĩ eeta vẽlẽk hõdõlanit looc ꞌcĩ õdõhõhĩĩ lõꞌngõõc.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.