Dtiicanĩ cĩg ꞌThooyyiahu 19
19
Paaulo ꞌtaaũnaa cĩ Eevvetho
1Ma baa nga aaĩ Appoolo ꞌtaaũnaa cĩ Korinthia, ĩtĩnga Paaulo õyõyyõr ĩꞌthõng, hũũk hõdõlan ꞌtaaũn cĩ Eevvetho. Ma ĩĩca, ũũk ũmmũda nuyyiook, 2nẽ ijin ĩhõõggõ ĩĩnnĩk, “Aaꞌnyĩhoothĩhuung baa Lorii ꞌcĩ Ẽllẽẽmĩth, kõr baa elemmu niig Yeesu?”
Ẽdẽcĩ nẽẽg aĩ “Aitiõõ, baa nga hĩthĩkta ngaatĩ aayyi Lorii ꞌcĩ Ẽllẽẽmĩthĩ.”
3Nĩngĩtĩ ajini Paaulo ĩhõõggõ annẽẽkĩ, “Baattithimo ꞌcĩ baa aaĩ hutuno ꞌcĩ aggamu niig ko?”
Ẽdẽcĩ nẽẽg aĩ “Baattithimo cĩ Yõaannẽ.”
4Nĩngĩtĩ annẽẽkĩ Paaulo nuyyiook tĩko, “Baa ĩĩn baattithimo cĩ Yõaannẽ, baattithimo ꞌcĩ ũũnnõthõõthĩkĩ ꞌthẽccanẽẽta. Baa aduhaak Yõaannẽ eet helemit eet ꞌcĩ nga aku urutaa cĩnnĩ. Nẽ baa õthõõth nẽẽ thõõth cĩ Yeesu.” 5Ma baa athĩhĩ nẽẽg thõõth icci ho, iita aggamit baattithimo ꞌthaarĩĩ cĩg Makayyioohit Yeesu. 6Ma ho, ataadĩk Paaulo athĩn cĩgĩnnĩg ootinii cĩggĩĩng. Nĩngĩtĩ akuuni Lorii ꞌcĩ Ẽllẽẽmĩth hĩ ĩhõõggõ nẽ othoothito nẽẽg thooꞌthiohĩĩ cĩg ꞌrĩĩng hĩ ngaatĩ aduhaanĩ thooꞌthiok ꞌcĩg hatĩ nga au horumwa. 7Baa ĩĩn eeta cieeg vẽlẽk õmmõtõ hĩ ꞌramma.
8Nẽ baa aduhun Paaulo ꞌCieethaa cĩ Laiitto nẽ irrioon komiitta thõõth nĩngaata nyĩlõhĩ iyyio, allimaneek eet habuccieet cĩ Nyekuci. 9Nẽẽthĩ, baa hinnia ĩllõõrĩth eeta ũgẽẽgĩ hõrggẽẽnaa cĩnĩĩng nẽ ũtũbũrĩt ngaatĩ ẽlẽmmĩ nyeemuut cĩnnĩ, nẽ tarĩ othoothito lothippita nyeemuut cĩ Yeesu ꞌbuth. Nĩngĩtĩ ũũnnĩkĩ Paaulo ꞌcieeth cĩ laiitto nẽ ookorit hĩ lemmiook, hõõt hatĩ gõõng hothooꞌthio hĩ ĩhõõggõ hõdõõkõthĩ, ꞌcieethaa cĩ ꞌlimmaanõ ĩcĩ eet ꞌcĩ haĩ ꞌTirannu. 10Baa ẽtẽttẽd ꞌlimmanĩ ciee irkiꞌnyia ꞌramma, hátĩ hĩthĩhĩt eeta cĩg ꞌJudeei hĩ cĩg ꞌGirihi, ꞌcĩg aattĩg looccaa cĩ Aaꞌthia#19:10 Looc cĩ Aaꞌthia: Ĩĩn ciee dhoorit cĩ looc ꞌcĩ ꞌyioko haĩ Tuurkia ho. thõõth cĩ Makayyiookto.
Lõhõlẽẽtĩg Cẽẽva
11Baa aaꞌnyĩk Nyekuci Paaulo ꞌtirrian ꞌcĩ adĩmanĩ thooꞌthiok ꞌcĩg mẽẽlĩg ꞌcĩg ĩnaat eeta, 12hátĩ haꞌnyaktoothĩk eeta ceremwa ꞌcĩg baag ahimit Paaulo, eet ꞌcĩg õmmõõrĩ hiita hũbũttaathõ nẽ ũtũngteek loriẽẽta ꞌcĩg abathĩ#19:12 Loriẽẽt ꞌcĩg abathĩ: Baa ĩĩn cieeg aajĩlẽẽt ꞌcĩg baag arũmĩ hĩ Nyekuc hẽẽtahujjieen nẽ iita ũtũbũrĩt nẽẽg Nyekuc, nĩngĩtĩ iiggiaĩ Nyekuci ĩhõõggõ hẽẽtahujjieen. Nẽ ꞌyioko iita accananit loriẽẽta cieeg eet loota nĩnga. Tigiil ꞌBuuk cĩ Terethiitto 12:7-9. ĩhõõggõ.
13Ma ho, ĩtĩngaacõ eeta cĩg ꞌJudeei ũgẽẽgĩ iꞌthiattaaĩ ngaatĩ iiggiaĩ loriẽẽt ꞌcĩg abathĩ ꞌthaarĩĩ cĩg Makayyioohit Yeesu. Baa anneek nẽẽg loriẽẽt ꞌcĩg abathĩ, “ꞌThaarĩĩ cĩg Makayyioohit Yeesu ꞌcĩ allimaneek Paaulo eet thõõth cĩnnĩ ho, hanneekii duhuna battaala.” 14Baa adĩman lõhõlẽẽtĩg eet ꞌcĩ haĩ Cẽẽva ꞌcĩ ĩĩn paadĩr cobbi cĩ ꞌJudeei thõõth icci. 15Ma kõr umwa, ĩĩnnĩk lorii umwaa ꞌcĩ abathĩ lõhõlĩ cĩg Cẽẽva ho, “Haga naa Yeesu nẽ hagawa Paaulo buúk. Ma niig hĩ nganĩ niig?” 16Nĩngĩtĩ ĩꞌngothoothĩkĩ ẽẽtĩ ꞌcĩ aꞌnyak lori ꞌcĩ abathĩ ho ĩhõõggõ nẽ anyamũũtana ꞌtirriaana cĩnnĩ. Ma ho, udtwalan ĩhõõggõ hulubta battaala ꞌcieetõõ arriẽẽn heterriõõthĩ ꞌjieena habath lõõcĩ dtẽc.
17Ma baa athĩhĩ eeta cĩg ꞌJudeei hĩ eet ꞌcĩg ꞌGirihi ꞌcĩg baag aattĩg Eevvetho thõõth icci ho, iita itieelli gẽrrẽẽt hiita hubuluthit ꞌthaar cĩg Makayyioohit Yeesu. 18Nĩngĩtĩ auuni eeta ꞌcĩg baag ĩĩtõ lemmiook, aduhaakĩ eet vẽlẽk ꞌthẽccanẽẽt ꞌcĩg baag adĩman nẽẽgĩ. 19Eeta ũgẽẽgĩ ꞌcĩg baag gõõng aꞌngarrĩ thõng, iita aꞌnyakta ꞌbuuhẽt cĩggĩĩng hiita hũtũũthĩtõ lothippita. Baa õõĩ ꞌbuuhẽta cieeg ꞌrabbẽẽt ꞌcĩg kũtũrĩg#19:19 ꞌRabbẽẽt ꞌcĩg kũtũrĩg: Adticanni ẽẽtĩ kõr hõdẽẽthõng nẽ aggam ꞌrabbaacit ꞌcĩ hũtũrĩ hõdẽẽthõng. aalibꞌnya hẽẽn ꞌtur. 20Nĩngĩtĩ ĩꞌthanõthõõthĩkĩ nyeemuut cĩ Makayyiookto eet vẽlẽk, hikia hittiran gẽrrẽẽt.
ꞌGẽrẽnyõõn ꞌtaaũnaa cĩ Eevvetho
21Ma urutaa cĩ thooꞌthiok iccig vẽlẽk, ummuk Paaulo ngaatĩ õkõõyyĩ ꞌJeruꞌthalẽma adukni ꞌgõõlaa ꞌcĩ õkõ looccaa cĩ Maccedoonia hĩ looccaa cĩ Acaia. Nĩngĩtĩ aĩnnĩ Paaulo, “Ma hõdõlana ĩĩca, hõkõ hatĩ heheeroni ĩꞌthõng hõdõlan ꞌRooma buúk.” 22Ma ho, ĩꞌthõ nẽẽ elliook cĩgĩnnĩg ꞌrammaattĩg, Timotteeo hĩ Erathto hõõt Maccedoonia, baa nga aaĩ nẽẽ looccaa cĩ Aaꞌthia hĩdĩhĩdĩĩc.
Jore ꞌtaaũnaa cĩ Eevvetho
23Kõr niccia, baa aaĩ pĩĩrnanĩtĩ ꞌcĩ abathĩ dtẽc, hĩnĩngĩtĩ ꞌGõõl cĩ Makayyioohit Yeesu. 24Baa aaĩ eet umwaa cĩ lohippongoro ꞌcĩ haĩ ꞌthaar Demetirio. Baa attura nẽẽ ꞌthoourẽẽt ꞌcĩg ĩĩn maccĩrẽẽn cĩg nyekuc ꞌcĩ ngayyi ꞌcĩ haĩ Artemi. Eeta ꞌcĩg baag adticanoothĩk Demetirio, baa ammũda ꞌrabbẽẽt ꞌcĩg mẽẽlĩg gẽrrẽẽt. 25Ma ho, ũlũta Demetirio eet vẽlẽk ꞌcĩg ũũtẽnĩ ijjio ꞌcĩg aduhõõ hĩ cĩgĩnnĩg ko thõng nẽ ĩĩnnĩk, “Lõggõõ, agayyu niig ngaatĩ hammũdaanĩ naag ꞌrabbẽẽt dtiicaa cĩ. 26Nẽẽthĩ, baa ĩthĩktu niig ꞌgõõl ꞌcĩ alũllũũmanĩ ẽẽtĩ ciee haĩ Paaulo ho eeta. Alũllũũman nẽẽ eet Eevvetho ĩꞌthõng loonyin vẽlẽk Aaꞌthia. Aduha Paaulo aĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg ẽhẽnyta eeta ho, hõllõngaa ĩĩn nyekuꞌnya ꞌcĩg ĩĩn dĩdĩ ũdũt. 27Aaĩ bathi, hĩnĩngĩtĩ aꞌnyak hatĩ tũũẽẽnĩtĩ cĩnaac ꞌthaar ꞌcĩg abathĩ. Iittiõõ hatĩ ẽẽtĩ ꞌcĩ nga iꞌngolli ꞌcieeth cĩ nyekuc cĩnaac ꞌcĩ ngayyi Artemi, ꞌcĩ ꞌyioko abuluth eeta Aaꞌthia hĩ looc hũtũrũũr ko tõõ. Ataarriothĩ hatĩ eeta nyekuc cĩnaac.”
28Ma baa athĩhĩ dticcianniooha thõõth icci ho, iita ĩlĩĩllẽẽcõ gẽrrẽẽt nẽ iꞌthiattaaĩ awacahit ĩĩtõ, “Abuli Artemi cĩ eet cĩg Eevvetho!” 29Ma hĩdĩĩkoothong, ẽggẽrẽnytõõ eeta ꞌtaaũn hũtũrũũr, nĩngĩtĩ agurri eeta ũgẽẽgĩ ꞌGaio hĩ Arithtarko, eet ꞌcĩg baag õõkõra hĩ Paaulo looccaa cĩ Maccedoonia. Ma nĩngaata, ũllũnganĩ lothippiti ũũk ngaatĩ gõõng õmmõtõõnĩ eeta ꞌtaaũna, hatĩ atuhan thooꞌthiok. 30Baa atab Paaulo hũũk hothooꞌthio hĩ lothippit, nẽẽthĩ hinnia, baa ẽdẽnẽẽkĩ nuyyiooha cĩg Makayyiooktak ĩnõõnnõ ngaatĩ õkõõyyĩ. 31Baa aattĩg makayyiooha ũgẽẽgĩ ꞌcĩg agaõõ hĩ Paaulo, nĩngĩtĩ ĩꞌthõõanĩ eet umwa hikia huduhaak Paaulo hiittiõõ hõllõngaa õkõ ngaatĩ õmmõtõõnĩ lothippiti ho.
32Nẽ tarĩ, baa atalmaanyanni lothippiti cĩ eetu vẽlẽk haaga. Ẽggẽrꞌnyõõnĩ ũgẽẽgĩ thõõth hõdẽẽthõng nẽ ẽggẽrẽnytõõĩ ũgẽẽgĩ ꞌgii ꞌcĩ ꞌrĩĩng. Nẽ eeta ꞌcĩg mẽẽlĩg ꞌrĩng, hõllõngaa aga, õõ baa ꞌthẽk nẽẽg ĩĩca hĩnĩngĩtĩ ne. 33Ma ho, eektĩk eeta cĩg ꞌJudeei eet umwa ꞌcĩ haĩ Alĩthandoro ĩĩcĩ õõ cĩ lothippito nẽ uduktaak ĩnõõnnõ thõõth ꞌcĩ occa aduha. 34Ma baa adtuuha lothippiti ngaatĩ ĩĩnnĩ nẽẽ ꞌJudeeinit ko, awacahit ĩĩtõ, “Abuli Artemi nyekuci ꞌcĩ ngayyi cĩ eet cĩg Eevvetho!”
35Ma ho, aaꞌnyĩk teheeddiohiti cĩ ꞌtaaũnõõ lothippit haau loota nẽ õthõõth ĩĩ, “Eeta cĩg Eevvetho, nganĩ looccaa nĩĩcĩ ꞌcĩ hõllõngaa aga ꞌtaaũn cĩnaac ngaatĩ ĩĩnnĩ hilib cobbi cĩ ꞌcieeth cĩ nyekuc ꞌcĩ ngayyi ꞌcĩ maka cĩ Artemithi? Nganĩ ꞌcĩ hõllõngaa aga ngaatĩ adhukiaanĩ ꞌthooura cĩ Artemi ꞌcĩ ꞌyioko aaĩ ngaati ho hẽẽtahujjieen? 36Nẽẽthĩ ꞌyioko, hĩcĩ ĩĩn thooꞌthioha cieeg dĩdĩ ho, aitiõõ ẽẽtĩ ꞌcĩ ẽppẽhan tõõ. Adiim thĩ hinnia occa emmeethiku thõng, hĩllõõan ngaatĩ adĩmannu thõõth ꞌcĩ abathĩ. 37Aꞌnyaktaau thĩ ꞌyioko eet iccig ngaati haaga noho, tananga nga higorithit ꞌcieethi cĩg nyekuꞌnyaannu, hode õdõõm nyekuc cĩnaac ꞌcĩ ngayyi ho. 38Má abĩllĩ Demetirio hĩ dticcianniook cĩgĩnnĩg eet iccig, haꞌnyak naag lokiho hĩ habuẽẽt ꞌcĩg ẽttẽẽd thooꞌthiok. Aꞌnyĩĩk ĩhõõggõ hõõt bĩlẽta lokihooa. 39Nẽ ma nga aaĩ thõõth umwaa ꞌcĩ nga adiimmu othooꞌthu, occa hatĩ aꞌnyahaannu hẽttẽẽdĩ lokihooa. 40Ma aaĩ hĩ ꞌyioko ho, hĩĩnattaak naag eleeti thõõth ꞌcĩ abathĩ hĩ ꞌgaala, hĩnĩngĩtĩ ꞌgẽrẽnyõõn ꞌcĩ hĩkõõtha kõr icci ho. Aitiõõ ꞌthẽk hatĩ hõllõngaa hũũnnothoothĩk, hĩnĩngĩtĩ erekeet thõõth ꞌcĩ hatĩ haduha, hĩnĩngĩtĩ ꞌgẽrẽnyõõn icci ũdũt.” 41Ma baa ẽdẽcaak Demetirio ngaatĩ aduhaanĩ thõõth icci, ikia uduhaak eet hĩꞌthaattĩ.
Currently Selected:
Dtiicanĩ cĩg ꞌThooyyiahu 19: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Dtiicanĩ cĩg ꞌThooyyiahu 19
19
Paaulo ꞌtaaũnaa cĩ Eevvetho
1Ma baa nga aaĩ Appoolo ꞌtaaũnaa cĩ Korinthia, ĩtĩnga Paaulo õyõyyõr ĩꞌthõng, hũũk hõdõlan ꞌtaaũn cĩ Eevvetho. Ma ĩĩca, ũũk ũmmũda nuyyiook, 2nẽ ijin ĩhõõggõ ĩĩnnĩk, “Aaꞌnyĩhoothĩhuung baa Lorii ꞌcĩ Ẽllẽẽmĩth, kõr baa elemmu niig Yeesu?”
Ẽdẽcĩ nẽẽg aĩ “Aitiõõ, baa nga hĩthĩkta ngaatĩ aayyi Lorii ꞌcĩ Ẽllẽẽmĩthĩ.”
3Nĩngĩtĩ ajini Paaulo ĩhõõggõ annẽẽkĩ, “Baattithimo ꞌcĩ baa aaĩ hutuno ꞌcĩ aggamu niig ko?”
Ẽdẽcĩ nẽẽg aĩ “Baattithimo cĩ Yõaannẽ.”
4Nĩngĩtĩ annẽẽkĩ Paaulo nuyyiook tĩko, “Baa ĩĩn baattithimo cĩ Yõaannẽ, baattithimo ꞌcĩ ũũnnõthõõthĩkĩ ꞌthẽccanẽẽta. Baa aduhaak Yõaannẽ eet helemit eet ꞌcĩ nga aku urutaa cĩnnĩ. Nẽ baa õthõõth nẽẽ thõõth cĩ Yeesu.” 5Ma baa athĩhĩ nẽẽg thõõth icci ho, iita aggamit baattithimo ꞌthaarĩĩ cĩg Makayyioohit Yeesu. 6Ma ho, ataadĩk Paaulo athĩn cĩgĩnnĩg ootinii cĩggĩĩng. Nĩngĩtĩ akuuni Lorii ꞌcĩ Ẽllẽẽmĩth hĩ ĩhõõggõ nẽ othoothito nẽẽg thooꞌthiohĩĩ cĩg ꞌrĩĩng hĩ ngaatĩ aduhaanĩ thooꞌthiok ꞌcĩg hatĩ nga au horumwa. 7Baa ĩĩn eeta cieeg vẽlẽk õmmõtõ hĩ ꞌramma.
8Nẽ baa aduhun Paaulo ꞌCieethaa cĩ Laiitto nẽ irrioon komiitta thõõth nĩngaata nyĩlõhĩ iyyio, allimaneek eet habuccieet cĩ Nyekuci. 9Nẽẽthĩ, baa hinnia ĩllõõrĩth eeta ũgẽẽgĩ hõrggẽẽnaa cĩnĩĩng nẽ ũtũbũrĩt ngaatĩ ẽlẽmmĩ nyeemuut cĩnnĩ, nẽ tarĩ othoothito lothippita nyeemuut cĩ Yeesu ꞌbuth. Nĩngĩtĩ ũũnnĩkĩ Paaulo ꞌcieeth cĩ laiitto nẽ ookorit hĩ lemmiook, hõõt hatĩ gõõng hothooꞌthio hĩ ĩhõõggõ hõdõõkõthĩ, ꞌcieethaa cĩ ꞌlimmaanõ ĩcĩ eet ꞌcĩ haĩ ꞌTirannu. 10Baa ẽtẽttẽd ꞌlimmanĩ ciee irkiꞌnyia ꞌramma, hátĩ hĩthĩhĩt eeta cĩg ꞌJudeei hĩ cĩg ꞌGirihi, ꞌcĩg aattĩg looccaa cĩ Aaꞌthia#19:10 Looc cĩ Aaꞌthia: Ĩĩn ciee dhoorit cĩ looc ꞌcĩ ꞌyioko haĩ Tuurkia ho. thõõth cĩ Makayyiookto.
Lõhõlẽẽtĩg Cẽẽva
11Baa aaꞌnyĩk Nyekuci Paaulo ꞌtirrian ꞌcĩ adĩmanĩ thooꞌthiok ꞌcĩg mẽẽlĩg ꞌcĩg ĩnaat eeta, 12hátĩ haꞌnyaktoothĩk eeta ceremwa ꞌcĩg baag ahimit Paaulo, eet ꞌcĩg õmmõõrĩ hiita hũbũttaathõ nẽ ũtũngteek loriẽẽta ꞌcĩg abathĩ#19:12 Loriẽẽt ꞌcĩg abathĩ: Baa ĩĩn cieeg aajĩlẽẽt ꞌcĩg baag arũmĩ hĩ Nyekuc hẽẽtahujjieen nẽ iita ũtũbũrĩt nẽẽg Nyekuc, nĩngĩtĩ iiggiaĩ Nyekuci ĩhõõggõ hẽẽtahujjieen. Nẽ ꞌyioko iita accananit loriẽẽta cieeg eet loota nĩnga. Tigiil ꞌBuuk cĩ Terethiitto 12:7-9. ĩhõõggõ.
13Ma ho, ĩtĩngaacõ eeta cĩg ꞌJudeei ũgẽẽgĩ iꞌthiattaaĩ ngaatĩ iiggiaĩ loriẽẽt ꞌcĩg abathĩ ꞌthaarĩĩ cĩg Makayyioohit Yeesu. Baa anneek nẽẽg loriẽẽt ꞌcĩg abathĩ, “ꞌThaarĩĩ cĩg Makayyioohit Yeesu ꞌcĩ allimaneek Paaulo eet thõõth cĩnnĩ ho, hanneekii duhuna battaala.” 14Baa adĩman lõhõlẽẽtĩg eet ꞌcĩ haĩ Cẽẽva ꞌcĩ ĩĩn paadĩr cobbi cĩ ꞌJudeei thõõth icci. 15Ma kõr umwa, ĩĩnnĩk lorii umwaa ꞌcĩ abathĩ lõhõlĩ cĩg Cẽẽva ho, “Haga naa Yeesu nẽ hagawa Paaulo buúk. Ma niig hĩ nganĩ niig?” 16Nĩngĩtĩ ĩꞌngothoothĩkĩ ẽẽtĩ ꞌcĩ aꞌnyak lori ꞌcĩ abathĩ ho ĩhõõggõ nẽ anyamũũtana ꞌtirriaana cĩnnĩ. Ma ho, udtwalan ĩhõõggõ hulubta battaala ꞌcieetõõ arriẽẽn heterriõõthĩ ꞌjieena habath lõõcĩ dtẽc.
17Ma baa athĩhĩ eeta cĩg ꞌJudeei hĩ eet ꞌcĩg ꞌGirihi ꞌcĩg baag aattĩg Eevvetho thõõth icci ho, iita itieelli gẽrrẽẽt hiita hubuluthit ꞌthaar cĩg Makayyioohit Yeesu. 18Nĩngĩtĩ auuni eeta ꞌcĩg baag ĩĩtõ lemmiook, aduhaakĩ eet vẽlẽk ꞌthẽccanẽẽt ꞌcĩg baag adĩman nẽẽgĩ. 19Eeta ũgẽẽgĩ ꞌcĩg baag gõõng aꞌngarrĩ thõng, iita aꞌnyakta ꞌbuuhẽt cĩggĩĩng hiita hũtũũthĩtõ lothippita. Baa õõĩ ꞌbuuhẽta cieeg ꞌrabbẽẽt ꞌcĩg kũtũrĩg#19:19 ꞌRabbẽẽt ꞌcĩg kũtũrĩg: Adticanni ẽẽtĩ kõr hõdẽẽthõng nẽ aggam ꞌrabbaacit ꞌcĩ hũtũrĩ hõdẽẽthõng. aalibꞌnya hẽẽn ꞌtur. 20Nĩngĩtĩ ĩꞌthanõthõõthĩkĩ nyeemuut cĩ Makayyiookto eet vẽlẽk, hikia hittiran gẽrrẽẽt.
ꞌGẽrẽnyõõn ꞌtaaũnaa cĩ Eevvetho
21Ma urutaa cĩ thooꞌthiok iccig vẽlẽk, ummuk Paaulo ngaatĩ õkõõyyĩ ꞌJeruꞌthalẽma adukni ꞌgõõlaa ꞌcĩ õkõ looccaa cĩ Maccedoonia hĩ looccaa cĩ Acaia. Nĩngĩtĩ aĩnnĩ Paaulo, “Ma hõdõlana ĩĩca, hõkõ hatĩ heheeroni ĩꞌthõng hõdõlan ꞌRooma buúk.” 22Ma ho, ĩꞌthõ nẽẽ elliook cĩgĩnnĩg ꞌrammaattĩg, Timotteeo hĩ Erathto hõõt Maccedoonia, baa nga aaĩ nẽẽ looccaa cĩ Aaꞌthia hĩdĩhĩdĩĩc.
Jore ꞌtaaũnaa cĩ Eevvetho
23Kõr niccia, baa aaĩ pĩĩrnanĩtĩ ꞌcĩ abathĩ dtẽc, hĩnĩngĩtĩ ꞌGõõl cĩ Makayyioohit Yeesu. 24Baa aaĩ eet umwaa cĩ lohippongoro ꞌcĩ haĩ ꞌthaar Demetirio. Baa attura nẽẽ ꞌthoourẽẽt ꞌcĩg ĩĩn maccĩrẽẽn cĩg nyekuc ꞌcĩ ngayyi ꞌcĩ haĩ Artemi. Eeta ꞌcĩg baag adticanoothĩk Demetirio, baa ammũda ꞌrabbẽẽt ꞌcĩg mẽẽlĩg gẽrrẽẽt. 25Ma ho, ũlũta Demetirio eet vẽlẽk ꞌcĩg ũũtẽnĩ ijjio ꞌcĩg aduhõõ hĩ cĩgĩnnĩg ko thõng nẽ ĩĩnnĩk, “Lõggõõ, agayyu niig ngaatĩ hammũdaanĩ naag ꞌrabbẽẽt dtiicaa cĩ. 26Nẽẽthĩ, baa ĩthĩktu niig ꞌgõõl ꞌcĩ alũllũũmanĩ ẽẽtĩ ciee haĩ Paaulo ho eeta. Alũllũũman nẽẽ eet Eevvetho ĩꞌthõng loonyin vẽlẽk Aaꞌthia. Aduha Paaulo aĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg ẽhẽnyta eeta ho, hõllõngaa ĩĩn nyekuꞌnya ꞌcĩg ĩĩn dĩdĩ ũdũt. 27Aaĩ bathi, hĩnĩngĩtĩ aꞌnyak hatĩ tũũẽẽnĩtĩ cĩnaac ꞌthaar ꞌcĩg abathĩ. Iittiõõ hatĩ ẽẽtĩ ꞌcĩ nga iꞌngolli ꞌcieeth cĩ nyekuc cĩnaac ꞌcĩ ngayyi Artemi, ꞌcĩ ꞌyioko abuluth eeta Aaꞌthia hĩ looc hũtũrũũr ko tõõ. Ataarriothĩ hatĩ eeta nyekuc cĩnaac.”
28Ma baa athĩhĩ dticcianniooha thõõth icci ho, iita ĩlĩĩllẽẽcõ gẽrrẽẽt nẽ iꞌthiattaaĩ awacahit ĩĩtõ, “Abuli Artemi cĩ eet cĩg Eevvetho!” 29Ma hĩdĩĩkoothong, ẽggẽrẽnytõõ eeta ꞌtaaũn hũtũrũũr, nĩngĩtĩ agurri eeta ũgẽẽgĩ ꞌGaio hĩ Arithtarko, eet ꞌcĩg baag õõkõra hĩ Paaulo looccaa cĩ Maccedoonia. Ma nĩngaata, ũllũnganĩ lothippiti ũũk ngaatĩ gõõng õmmõtõõnĩ eeta ꞌtaaũna, hatĩ atuhan thooꞌthiok. 30Baa atab Paaulo hũũk hothooꞌthio hĩ lothippit, nẽẽthĩ hinnia, baa ẽdẽnẽẽkĩ nuyyiooha cĩg Makayyiooktak ĩnõõnnõ ngaatĩ õkõõyyĩ. 31Baa aattĩg makayyiooha ũgẽẽgĩ ꞌcĩg agaõõ hĩ Paaulo, nĩngĩtĩ ĩꞌthõõanĩ eet umwa hikia huduhaak Paaulo hiittiõõ hõllõngaa õkõ ngaatĩ õmmõtõõnĩ lothippiti ho.
32Nẽ tarĩ, baa atalmaanyanni lothippiti cĩ eetu vẽlẽk haaga. Ẽggẽrꞌnyõõnĩ ũgẽẽgĩ thõõth hõdẽẽthõng nẽ ẽggẽrẽnytõõĩ ũgẽẽgĩ ꞌgii ꞌcĩ ꞌrĩĩng. Nẽ eeta ꞌcĩg mẽẽlĩg ꞌrĩng, hõllõngaa aga, õõ baa ꞌthẽk nẽẽg ĩĩca hĩnĩngĩtĩ ne. 33Ma ho, eektĩk eeta cĩg ꞌJudeei eet umwa ꞌcĩ haĩ Alĩthandoro ĩĩcĩ õõ cĩ lothippito nẽ uduktaak ĩnõõnnõ thõõth ꞌcĩ occa aduha. 34Ma baa adtuuha lothippiti ngaatĩ ĩĩnnĩ nẽẽ ꞌJudeeinit ko, awacahit ĩĩtõ, “Abuli Artemi nyekuci ꞌcĩ ngayyi cĩ eet cĩg Eevvetho!”
35Ma ho, aaꞌnyĩk teheeddiohiti cĩ ꞌtaaũnõõ lothippit haau loota nẽ õthõõth ĩĩ, “Eeta cĩg Eevvetho, nganĩ looccaa nĩĩcĩ ꞌcĩ hõllõngaa aga ꞌtaaũn cĩnaac ngaatĩ ĩĩnnĩ hilib cobbi cĩ ꞌcieeth cĩ nyekuc ꞌcĩ ngayyi ꞌcĩ maka cĩ Artemithi? Nganĩ ꞌcĩ hõllõngaa aga ngaatĩ adhukiaanĩ ꞌthooura cĩ Artemi ꞌcĩ ꞌyioko aaĩ ngaati ho hẽẽtahujjieen? 36Nẽẽthĩ ꞌyioko, hĩcĩ ĩĩn thooꞌthioha cieeg dĩdĩ ho, aitiõõ ẽẽtĩ ꞌcĩ ẽppẽhan tõõ. Adiim thĩ hinnia occa emmeethiku thõng, hĩllõõan ngaatĩ adĩmannu thõõth ꞌcĩ abathĩ. 37Aꞌnyaktaau thĩ ꞌyioko eet iccig ngaati haaga noho, tananga nga higorithit ꞌcieethi cĩg nyekuꞌnyaannu, hode õdõõm nyekuc cĩnaac ꞌcĩ ngayyi ho. 38Má abĩllĩ Demetirio hĩ dticcianniook cĩgĩnnĩg eet iccig, haꞌnyak naag lokiho hĩ habuẽẽt ꞌcĩg ẽttẽẽd thooꞌthiok. Aꞌnyĩĩk ĩhõõggõ hõõt bĩlẽta lokihooa. 39Nẽ ma nga aaĩ thõõth umwaa ꞌcĩ nga adiimmu othooꞌthu, occa hatĩ aꞌnyahaannu hẽttẽẽdĩ lokihooa. 40Ma aaĩ hĩ ꞌyioko ho, hĩĩnattaak naag eleeti thõõth ꞌcĩ abathĩ hĩ ꞌgaala, hĩnĩngĩtĩ ꞌgẽrẽnyõõn ꞌcĩ hĩkõõtha kõr icci ho. Aitiõõ ꞌthẽk hatĩ hõllõngaa hũũnnothoothĩk, hĩnĩngĩtĩ erekeet thõõth ꞌcĩ hatĩ haduha, hĩnĩngĩtĩ ꞌgẽrẽnyõõn icci ũdũt.” 41Ma baa ẽdẽcaak Demetirio ngaatĩ aduhaanĩ thõõth icci, ikia uduhaak eet hĩꞌthaattĩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.