Саалтыр 98
98
1 Айыы Тойон – Ыраахтааҕы; титирэстиэхтиннэр норуоттар!
Кини Херувимнар үрдүлэринэн бүрүстүөлгэ олорор;
титирэстиэхтин сир үрдэ!
2 Айыы Тойон Сиоҥҥа сүдү кыахтаах;
Кини бары норуоттар үрдүлэринэн былаастаах.
3Уруйдаатыннар кинилэр Эн улуукан дьулаан ааккын;
Эн аатыҥ сибэтиэй!
4Көнө дьүүлү таптыыр күүстээх Ыраахтааҕы,
Эн кырдьыктаах быһыыны-майгыны олохтообутуҥ,
Иаковка көнө дьүүлү, кырдьыгы көрдөрбүтүҥ.
5Уруйдааҥ Айыы Тойон Таҥарабытын;
сүгүрүйүҥ Кини бүрүстүөлүн атаҕар;
Кини сибэтиэй!
6Кини аҕабыыттарын кэккэлэригэр
Моисейдаах Аарон бааллара;
Кини аатын ыҥырааччылар ортолоругар
Самуил эмиэ баара.
Кинилэр Айыы Тойону ыҥыраллара,
оччоҕо Кини хардарара.
7 Айыы Тойон былыт остуолбатыттан саҥарара;
кинилэр Айыы Тойон уураахтарын,
кинилэргэ биэрбит сокуоннарын тутуһаллара.
8 Айыы Тойон Таҥарабыт, Эн кинилэргэ хардарарыҥ,
төһө да, буруйу оҥордохторуна, дьарыйарыҥ иһин,
Эн кинилэри бырастыы гынар Таҥара этиҥ.
9Уруйдааҥ Айыы Тойон Таҥарабытын,
сүгүрүйүҥ Киниэхэ сибэтиэй хайатын үрдүгэр;
Айыы Тойон, биһиги Таҥарабыт, сибэтиэй.
Currently Selected:
Саалтыр 98: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
