Саалтыр 53
53
1Хуор салайааччытыгар. Устурууналаах инструмент доҕуһуолунан. Давид үөрэтиитэ. 2Зифейдэр Саулга кэлэн «Давид биһиэхэ саһан сылдьар эбит буолбат дуо?» диэбиттэригэр.
3Айыы Таҥара, Бэйэҥ ааккынан миигин быыһаа,
модун кыаххынан мин кырдьыкпын таһаар.
4Айыы Таҥара, иһит мин үҥэрбин,
болҕой Эйиэхэ этэрбин.
5Туора дьон миигин утары өрө турдулар,
күүстээхтэр мин дууһабар суудайдылар;
кинилэр иннилэригэр Таҥараны көрбөттөр. Села
6Ол эрэн миэхэ Таҥара көмөлөһөр,
Айыы Тойон мин куппун-сүрбүн бөҕөргөтөр.
7Өстөөхтөрүм өһүөннэрин Кини иэстиэҕэ;
Эн кинилэри кырдьыгыҥ күүһүнэн имири эс.
8Ис сүрэхпиттэн мин Эйиэхэ сиэртибэ биэриэм,
Эн үтүөкэннээх ааккын, Айыы Тойон, албан аатырдыам.
9Эн миигин бары иэдээнтэн өрүһүйдүҥ,
онон мин өстөөхтөрбүн өрөгөйдүү көрдүм.
Currently Selected:
Саалтыр 53: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
