Аман өһө 4
4
Муударас туохтааҕар да суолталаах
1Истиҥ, оҕолоруом, аҕаҕыт такайан этэрин,
болҕойон истэҥҥит өйгүтүн үксэтиҥ.
2Мин эһиэхэ үтүөнү эрэ үөрэтэбин,
онон кэскиллээх кэс тылбын сиргэ-буорга тэпсимэҥ.
3Хаһан эрэ мин да аҕа курдук аҕалаах уолчаан этим,
мин эмиэ, ийэ соҕотох оҕото, төрөппүт иһирэх тапталын билбитим.
4Аҕам миигин үөрэтэн этэр буолара:
«Сүбэлээн этэрбин сүрэххэр-быаргар сөҥөрөн ис,
кэриэс-хомуруос тылбынан олоххун оҥкуллан.
5Муудараска үөрэн, билиигэ-көрүүгэ дьулус,
эйиэхэ эппиппин умнума – барытын тутус.
6Муудараһы хаалларыма – кини эйигин араҥаччылыы сылдьыаҕа,
кинини таптаа, оччоҕо эйигин харыстыаҕа.
7Туохтааҕар да дириҥ өй суолталаах, онон муудараска үөрэн,
төһөлөөх да үлүскэн үптээҕэр үтүө өйү күндүргэт.
8Муудараһы үрдүктүк тут – кини эйигин өрө таһаарыаҕа,
кинилиин тутуспутунан сырыт, оччоҕо эйигин албан аатырдыаҕа;
9үтүөкэннээх бөнүөгү төбөҕөр кэтэрдиэҕэ,
килбиэннээх мэнньиэһи эйиэхэ бэлэхтиэҕэ».
10Иһит эрэ, тоойуом! Мин үөрэтэрбин ылыннаххына,
олоҕуҥ күнэ-дьыла эбиллэн биэриэҕэ.
11Мин эйиэхэ муударас ыллыгын ыйабын,
көнө суолунан эйигин сирдиибин.
12Бу суолунан бардаххына, хардыыҥ хаһан да кыарыа суоҕа,
сүүрдэххинэ да, сүһүөххүн сүтэриэҥ суоҕа.
13Эйиэхэ үөрэтэн этэрбин кытаанахтык өйдөөн кэбис, тугу да умнума,
барытын бигэтик тутуһа сырыт: мин тылым эйиэхэ олоххун оҥкуллуо.
14Кэдэрги кэмэлдьилээхтэр кэптэрин кэтимэ,
хара дьайдаахтар ыллыктарын батыма,
15сылдьар ыырдарыттан туораан таҕыс, ол суолу тутуһума,
атын сиринэн эргийэн бар, кый ырааҕынан тумнан аас.
16Кинилэр куһаҕаны оҥорботохторуна утуйуохтара суоҕа,
киһини бүдүрүппэтэхтэринэ уулара көтүөҕэ.
17Кэдэрги кэмэлдьилээхтэр мэҥиэстэр килиэптэрэ – кэрээнэ суох кэбилэнии,
утахтанар арыгылара – бардамнык быһыыланыы.
18Оттон үтүө дьон суола-ииһэ сарсыардааҥҥы сарыал кэриэтэ,
күн халлаан оройугар тэмтэйэ ойуор диэри улам сырдаан иһэр.
19Хара дьайдаахтар суоллара им балай хараҥа,
ханна тиийэн бүдүрүйүөхтэрин бэйэлэрэ да билбэттэр.
20Уолум, мин тылбын болҕойон иһит,
өйдөтөн этэрбин долоҕойгор хатаан кэбис.
21Бу үөрэхтэн хараххын хаһан да араарыма:
сүрэххэр-быаргар сөҥөрөн өйдүү-саныы сырыт.
22Ким бу этиллибити тутуһар, ол уһун үйэлэниэҕэ,
бүтүн бэйэтэ чэбдигириэҕэ.
23Ханнык да күндү кылааттааҕар сүрэххин харыстаа,
олоҕуҥ дьүүктэтэ сүрэххиттэн сүүрдэр эбээт.
24Сымыйаны саҥарартан аккаастан,
албын-көлдьүн тылы киэр кыйдаа.
25Инниҥ диэки көнөтүк көр –
сири-буору кымыстаама.
26Үтүө аартыгы тобул,
тутуһар суолуҥ барыта бигэ буоллун.
27Уҥа-хаҥас халбаҥнаама,
куһаҕантан дьалты хаамп.
Currently Selected:
Аман өһө 4: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Аман өһө 4
4
Муударас туохтааҕар да суолталаах
1Истиҥ, оҕолоруом, аҕаҕыт такайан этэрин,
болҕойон истэҥҥит өйгүтүн үксэтиҥ.
2Мин эһиэхэ үтүөнү эрэ үөрэтэбин,
онон кэскиллээх кэс тылбын сиргэ-буорга тэпсимэҥ.
3Хаһан эрэ мин да аҕа курдук аҕалаах уолчаан этим,
мин эмиэ, ийэ соҕотох оҕото, төрөппүт иһирэх тапталын билбитим.
4Аҕам миигин үөрэтэн этэр буолара:
«Сүбэлээн этэрбин сүрэххэр-быаргар сөҥөрөн ис,
кэриэс-хомуруос тылбынан олоххун оҥкуллан.
5Муудараска үөрэн, билиигэ-көрүүгэ дьулус,
эйиэхэ эппиппин умнума – барытын тутус.
6Муудараһы хаалларыма – кини эйигин араҥаччылыы сылдьыаҕа,
кинини таптаа, оччоҕо эйигин харыстыаҕа.
7Туохтааҕар да дириҥ өй суолталаах, онон муудараска үөрэн,
төһөлөөх да үлүскэн үптээҕэр үтүө өйү күндүргэт.
8Муудараһы үрдүктүк тут – кини эйигин өрө таһаарыаҕа,
кинилиин тутуспутунан сырыт, оччоҕо эйигин албан аатырдыаҕа;
9үтүөкэннээх бөнүөгү төбөҕөр кэтэрдиэҕэ,
килбиэннээх мэнньиэһи эйиэхэ бэлэхтиэҕэ».
10Иһит эрэ, тоойуом! Мин үөрэтэрбин ылыннаххына,
олоҕуҥ күнэ-дьыла эбиллэн биэриэҕэ.
11Мин эйиэхэ муударас ыллыгын ыйабын,
көнө суолунан эйигин сирдиибин.
12Бу суолунан бардаххына, хардыыҥ хаһан да кыарыа суоҕа,
сүүрдэххинэ да, сүһүөххүн сүтэриэҥ суоҕа.
13Эйиэхэ үөрэтэн этэрбин кытаанахтык өйдөөн кэбис, тугу да умнума,
барытын бигэтик тутуһа сырыт: мин тылым эйиэхэ олоххун оҥкуллуо.
14Кэдэрги кэмэлдьилээхтэр кэптэрин кэтимэ,
хара дьайдаахтар ыллыктарын батыма,
15сылдьар ыырдарыттан туораан таҕыс, ол суолу тутуһума,
атын сиринэн эргийэн бар, кый ырааҕынан тумнан аас.
16Кинилэр куһаҕаны оҥорботохторуна утуйуохтара суоҕа,
киһини бүдүрүппэтэхтэринэ уулара көтүөҕэ.
17Кэдэрги кэмэлдьилээхтэр мэҥиэстэр килиэптэрэ – кэрээнэ суох кэбилэнии,
утахтанар арыгылара – бардамнык быһыыланыы.
18Оттон үтүө дьон суола-ииһэ сарсыардааҥҥы сарыал кэриэтэ,
күн халлаан оройугар тэмтэйэ ойуор диэри улам сырдаан иһэр.
19Хара дьайдаахтар суоллара им балай хараҥа,
ханна тиийэн бүдүрүйүөхтэрин бэйэлэрэ да билбэттэр.
20Уолум, мин тылбын болҕойон иһит,
өйдөтөн этэрбин долоҕойгор хатаан кэбис.
21Бу үөрэхтэн хараххын хаһан да араарыма:
сүрэххэр-быаргар сөҥөрөн өйдүү-саныы сырыт.
22Ким бу этиллибити тутуһар, ол уһун үйэлэниэҕэ,
бүтүн бэйэтэ чэбдигириэҕэ.
23Ханнык да күндү кылааттааҕар сүрэххин харыстаа,
олоҕуҥ дьүүктэтэ сүрэххиттэн сүүрдэр эбээт.
24Сымыйаны саҥарартан аккаастан,
албын-көлдьүн тылы киэр кыйдаа.
25Инниҥ диэки көнөтүк көр –
сири-буору кымыстаама.
26Үтүө аартыгы тобул,
тутуһар суолуҥ барыта бигэ буоллун.
27Уҥа-хаҥас халбаҥнаама,
куһаҕантан дьалты хаамп.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022