Аман өһө 3
3
Муударас улуу туһата
1Уолум! Мин үөрэппит үөрэхпин умнума,
кэскиллээх кэс тылбын сүрэххэр сөҥөрөн сырыт.
2Мин үөрэҕим олоҕуҥ күнүн-дьылын үксэтиэ,
дьолу-соргуну, эйэни эйиэхэ эбэн биэриэ.
3Бигэ тапталы, кырдьыгы бэйэҕиттэн тэйитимэ:
кылдьыы киэргэл курдук моонньугар кэтэ сырыт,
сүрэҕиҥ ньууругар сурунан кэбис,
4оччоҕо эйиэхэ Таҥараттан уонна бар дьонтон
амарах алгыс, үтүө аат-суол тосхойуо.
5 Айыы Тойоҥҥо ис сүрэххиттэн эрэн –
бэйэҥ өйгөр-санааҕар эрэнимэ.
6Бары суолгар барытыгар Кинини билэргэ дьулус –
Кини эйигин барыахтаах суолгар салайан биэриэҕэ.
7Муударайбын диэн сананыма;
Айыы Тойонтон толун, куһаҕантан дьалты тутун,
8оччоҕо этиҥ-хааныҥ үтүөрүө,
уҥуоҕуҥ-иҥиэҕиҥ бөҕөргүө.
9 Айыы ТойонУ ытыктаан, баайгыттан-дуолгуттан,
сириҥ бастыҥ үүнүүтүттэн Киниэхэ өлүүлүү сырыт,
10оччоҕо ампаарыҥ аһынан-үөлүнэн, бурдугунан ыга туолуоҕа,
бинэгирээтиҥ саҥа арыгыта үллэ-балла туруоҕа.
11Уолум, Айыы Тойон буойарын баардылаабат буолума,
сыыһаҕын-халтыгын көннөрдөҕүнэ, хомойума.
12Амарах аҕа таптыыр уолун дьарыйарыныы,
Айыы Тойон эмиэ таптыыр киһитин дьарыйар.
13Ким муудараһы көрдөөн булан ылбыт,
уһуну-киэҥи толкуйдуур тобуллаҕас өйдөммүт, ол дьоллоох.
14Муударас үрүҥ көмүстээҕэр туһалаах,
кыһыл көмүстээҕэр сыаналаах,
15ханнык да бэйэлээх эриэккэс таастааҕар күндү;
эн бу күн сиригэр баҕара саныыргыттан
киниэхэ тэҥнэһэр кыахтаах туох да суох.
16Дириҥ муударас уҥа илиитигэр уһун үйэ баар,
хаҥас илиитигэр – баай-тала, албан аат.
17Кини тутуһар суола-ииһэ үөрүүлээх,
кэлэр-барар ыллыга барыта эйэлээх.
18Муудараһы булан ылбыт дьоҥҥо кини – олох Аал луук маһа;
ким кинилиин арахсыспат, ол дьоллоох.
19 Айыы Тойон дириҥ муудараһынан сири олохтообута,
өркөн өйүнэн халлааннары оҥорбута.
20Кини мындыр ыйааҕынан киэҥ далайдар арыллаллар,
ир былыттар көй сиигинэн аллаллар.
21Уолум! Муудараһы хараҕыҥ далыттан хаһан да таһаарыма.
Ыллыктаах өйгүн ыһыктыма, чэгиэн өйгүн-санааҕын саймаардыма.
22Кинилэринэн эн дууһаҥ тыыннаах сылдьыаҕа,
кинилэр эн киһилии сэбэрэҕин кэрэтитиэхтэрэ.
23Дьэ оччоҕо барар-кэлэр суолуҥ очура-чочура суох буолуоҕа,
эн туохтан да ончу бүдүрүйүөҥ суоҕа;
24утуйардыы сыттаххына, куттанары-куойары билиэҥ суоҕа,
түүҥҥү түлүк ууҥ минньигэс буолуоҕа;
25уолуйуоҥ суоҕа аан алдьархай соһуччу адаҕыйарыттан,
куһаҕан санаалаахтар эйигин өлөрөрдүү куомуннаһалларыттан,
26ол курдук эн Айыы Тойоҥҥо бигэ эрэллээх буолуоҕуҥ;
Кини эйигин кэнтиккэ киллэртэриэ суоҕа.
27Кыахтаах эрэ буолларгын,
кыһалҕалаахха көмөлөһөргүн кэрэйимэ.
28Ыалыҥ киһиэхэ бэрсэрдээх тураҥҥын:
«Кэлин кэлээр, сарсын биэриэм», – диэн кэтэһиннэримэ.
29Эйигин эрэнэн тулаҕар олорор дьоҥҥун-сэргэҕин утары
уодаһыннаах суолга сананыма.
30Эйиэхэ куһаҕаны оҥорботох киһини кытары
кураанахха бурайсыма.
31Батталлаахтар баайдарыгар баҕарыма,
кинилэр хайа да суолларынан барыма,
32тоҕо диэтэххэ, Айыы Тойон оҕуруктаахтары абааһы көрөр,
Кини көнө дьону эрэнэр.
33Хара дьайдаахтар дьиэлэригэр Айыы Тойон кырыыһа түһэр,
көнө сүрэхтээхтэр дьиэлэригэр Кини алгыһа иҥэр.
34Итэҕэли күлээччилэри Кини бэйэлэрин күлүү гыныаҕа,
оттон сытыары майгылаахтарга амарахтык сыһыаннаһыаҕа.
35Муударай өйдөөхтөр албан аатырыахтара,
оттон акаарылар саакка-суукка барыахтара.
Currently Selected:
Аман өһө 3: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Аман өһө 3
3
Муударас улуу туһата
1Уолум! Мин үөрэппит үөрэхпин умнума,
кэскиллээх кэс тылбын сүрэххэр сөҥөрөн сырыт.
2Мин үөрэҕим олоҕуҥ күнүн-дьылын үксэтиэ,
дьолу-соргуну, эйэни эйиэхэ эбэн биэриэ.
3Бигэ тапталы, кырдьыгы бэйэҕиттэн тэйитимэ:
кылдьыы киэргэл курдук моонньугар кэтэ сырыт,
сүрэҕиҥ ньууругар сурунан кэбис,
4оччоҕо эйиэхэ Таҥараттан уонна бар дьонтон
амарах алгыс, үтүө аат-суол тосхойуо.
5 Айыы Тойоҥҥо ис сүрэххиттэн эрэн –
бэйэҥ өйгөр-санааҕар эрэнимэ.
6Бары суолгар барытыгар Кинини билэргэ дьулус –
Кини эйигин барыахтаах суолгар салайан биэриэҕэ.
7Муударайбын диэн сананыма;
Айыы Тойонтон толун, куһаҕантан дьалты тутун,
8оччоҕо этиҥ-хааныҥ үтүөрүө,
уҥуоҕуҥ-иҥиэҕиҥ бөҕөргүө.
9 Айыы ТойонУ ытыктаан, баайгыттан-дуолгуттан,
сириҥ бастыҥ үүнүүтүттэн Киниэхэ өлүүлүү сырыт,
10оччоҕо ампаарыҥ аһынан-үөлүнэн, бурдугунан ыга туолуоҕа,
бинэгирээтиҥ саҥа арыгыта үллэ-балла туруоҕа.
11Уолум, Айыы Тойон буойарын баардылаабат буолума,
сыыһаҕын-халтыгын көннөрдөҕүнэ, хомойума.
12Амарах аҕа таптыыр уолун дьарыйарыныы,
Айыы Тойон эмиэ таптыыр киһитин дьарыйар.
13Ким муудараһы көрдөөн булан ылбыт,
уһуну-киэҥи толкуйдуур тобуллаҕас өйдөммүт, ол дьоллоох.
14Муударас үрүҥ көмүстээҕэр туһалаах,
кыһыл көмүстээҕэр сыаналаах,
15ханнык да бэйэлээх эриэккэс таастааҕар күндү;
эн бу күн сиригэр баҕара саныыргыттан
киниэхэ тэҥнэһэр кыахтаах туох да суох.
16Дириҥ муударас уҥа илиитигэр уһун үйэ баар,
хаҥас илиитигэр – баай-тала, албан аат.
17Кини тутуһар суола-ииһэ үөрүүлээх,
кэлэр-барар ыллыга барыта эйэлээх.
18Муудараһы булан ылбыт дьоҥҥо кини – олох Аал луук маһа;
ким кинилиин арахсыспат, ол дьоллоох.
19 Айыы Тойон дириҥ муудараһынан сири олохтообута,
өркөн өйүнэн халлааннары оҥорбута.
20Кини мындыр ыйааҕынан киэҥ далайдар арыллаллар,
ир былыттар көй сиигинэн аллаллар.
21Уолум! Муудараһы хараҕыҥ далыттан хаһан да таһаарыма.
Ыллыктаах өйгүн ыһыктыма, чэгиэн өйгүн-санааҕын саймаардыма.
22Кинилэринэн эн дууһаҥ тыыннаах сылдьыаҕа,
кинилэр эн киһилии сэбэрэҕин кэрэтитиэхтэрэ.
23Дьэ оччоҕо барар-кэлэр суолуҥ очура-чочура суох буолуоҕа,
эн туохтан да ончу бүдүрүйүөҥ суоҕа;
24утуйардыы сыттаххына, куттанары-куойары билиэҥ суоҕа,
түүҥҥү түлүк ууҥ минньигэс буолуоҕа;
25уолуйуоҥ суоҕа аан алдьархай соһуччу адаҕыйарыттан,
куһаҕан санаалаахтар эйигин өлөрөрдүү куомуннаһалларыттан,
26ол курдук эн Айыы Тойоҥҥо бигэ эрэллээх буолуоҕуҥ;
Кини эйигин кэнтиккэ киллэртэриэ суоҕа.
27Кыахтаах эрэ буолларгын,
кыһалҕалаахха көмөлөһөргүн кэрэйимэ.
28Ыалыҥ киһиэхэ бэрсэрдээх тураҥҥын:
«Кэлин кэлээр, сарсын биэриэм», – диэн кэтэһиннэримэ.
29Эйигин эрэнэн тулаҕар олорор дьоҥҥун-сэргэҕин утары
уодаһыннаах суолга сананыма.
30Эйиэхэ куһаҕаны оҥорботох киһини кытары
кураанахха бурайсыма.
31Батталлаахтар баайдарыгар баҕарыма,
кинилэр хайа да суолларынан барыма,
32тоҕо диэтэххэ, Айыы Тойон оҕуруктаахтары абааһы көрөр,
Кини көнө дьону эрэнэр.
33Хара дьайдаахтар дьиэлэригэр Айыы Тойон кырыыһа түһэр,
көнө сүрэхтээхтэр дьиэлэригэр Кини алгыһа иҥэр.
34Итэҕэли күлээччилэри Кини бэйэлэрин күлүү гыныаҕа,
оттон сытыары майгылаахтарга амарахтык сыһыаннаһыаҕа.
35Муударай өйдөөхтөр албан аатырыахтара,
оттон акаарылар саакка-суукка барыахтара.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022