Аман өһө 22
22
1Үтүө аат-суол үлүскэн үптээҕэр ордук,
дьон-сэргэ ытыктабыла көмүстээҕэр күндү.
2Баай уонна дьадаҥы биир майгыннаһар өрүттээхтэр:
хайаларын да Айыы Тойон айбыта.
3Өйдөөх киһи алдьархай ааҥнаан эрэрин көрдөҕүнэ, саһар,
оттон кэнэн – иннин хоту баран киирэн биэрэр.
4 Айыы ТойонУ ытыктыыр көрсүө-сэмэй дьоҥҥо
баай-дуол, үтүө аат-суол уонна уһун олох тосхойуо.
5Сымыйаччы суола-ииһэ барыта – эрбэһин икки угаайы икки,
олоҕун күндүргэтэр киһи оннук суолунан барыа суоҕа.
6Уол оҕону айанын аартыгар такайдахха,
сорсуйан да баран, ол суолуттан туоруо суоҕа.
7Баай дьадаҥыга тойон,
иэстээх иэс биэрээччигэ кулут.
8Сиэрэ суох быһыыланааччы иэдээҥҥэ түбэһиэҕэ,
көҥүл күөдүлгэхтээбитэ уурайыаҕа.
9Аччыктаабыты аһатар амарах киһи
Айыы Таҥара алгыһын ылыаҕа.
10Кэрээнэ суоҕу үүрэн кэбис, оччоҕо иирээн намырыа,
үөхсүү-этиһии уурайыа.
11Ыраас сүрэхтээх, үтүө тыллаах-өстөөх киһини
ыраахтааҕы доҕор оҥостуоҕа.
12 Айыы Тойон кырдьыгы кыраҕытык маныыр,
уодаһыннаахтар албын тылларын саралыыр.
13Сүрэҕэ суох этэр: «Таһырдьа хахай сылдьар!
Таҕыстым да, миигин тырыта тыытар!»
14Содур дьахтар тыла-өһө – чөҥөрө чүөмпэ,
онно Айыы Тойон уордайбыт киһитэ түһүөҕэ.
15Уол оҕо сүрэҕэр уйаламмыт акаары санааны
чыпчаххай тоҕо тэбээн таһаарыаҕа.
16Барыһырар туһугар дьадаҥылары атаҕастыыр,
баайдарга бэрик биэрэр киһи быста дьадайыаҕа.
Отут муударай этии
17Аны билигин кулгааххын чөрбөтөн
муударай өйдөөхтөр тылларын иһит,
эйиэхэ үөрэтэрбин болҕойуоххунан болҕой.
18Бу тыллары сүрэххэр сөҥөрөн сылдьарыҥ бэйэҕэр үөрүүлээх буолуоҕа,
онон, кимниин да буоллун, үллэстэргэ өрүү бэлэм сырыт.
19 Айыы Тойоҥҥо бигэ эрэллээх буоларыҥ туһугар,
бу бүгүн эйигин үөрэтэн эрэбин.
20Мин эйиэхэ отут этиини суруйдум,
онон мантан үтүө сүбэни, бигэ билиини сомсоҥҥун
21эн дьиҥ кырдьык тылыгар үөрэниэҥ,
эйигин үөрэттэрэ ыыппыт дьоҥҥор үтүө хоруйдаах эргиллэр кыахтаныаҥ.
– 1 –
22Кыра-хара эрэ диэн дьадаҥыны халаама,
куорат олбуорун айаҕар#22:22 Куорат олбуорун айаҕа дьон-сэргэ саамай тоҕуоруһар сирэ этэ. Онно норуот аҕа баһылыктара кэлэн дьыаланы-куолуну быһаараллара, дьону сууттууллара, дуогабар түһэрсэллэрэ. турар кыһалҕалааҕы атаҕастаама:
23 Айыы Тойон, кинилэр муҥатыйалларын иһиттэҕинэ,
былдьаан ылбыт буруйгар дууһаҕын былдьыаҕа.
– 2 –
24Уордааҕы кытта бодоруһума,
ыгымы кытта ыксалаһыма,
25аны кинилэри үтүктэн дэҥ үктэниэҥ,
кэнтиккэ киирэн биэриэҥ.
– 3 –
26Илии бэрсэргэ тиэтэйимэ,
атын киһи иэһин төлүөх буолан эрэннэримэ.
27Тугунан да төлүүр кыаҕыҥ суох буоллаҕына,
утуйар тэллэххин кытта туура тутан ылыахтара.
– 4 –
28Сириҥ-уотуҥ былыргы быыһын –
өбүгэлэриҥ быыһаабыттарын – сыҕарытыма.
– 5 –
29Үлэтин-хамнаһын кыайа тутар мындыр киһини эн көрбүтүҥ дуо?
Кини ыраахтааҕыга үлэлиэҕэ –
көннөрү дьоҥҥо үлэлиэ суоҕа.
Currently Selected:
Аман өһө 22: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Аман өһө 22
22
1Үтүө аат-суол үлүскэн үптээҕэр ордук,
дьон-сэргэ ытыктабыла көмүстээҕэр күндү.
2Баай уонна дьадаҥы биир майгыннаһар өрүттээхтэр:
хайаларын да Айыы Тойон айбыта.
3Өйдөөх киһи алдьархай ааҥнаан эрэрин көрдөҕүнэ, саһар,
оттон кэнэн – иннин хоту баран киирэн биэрэр.
4 Айыы ТойонУ ытыктыыр көрсүө-сэмэй дьоҥҥо
баай-дуол, үтүө аат-суол уонна уһун олох тосхойуо.
5Сымыйаччы суола-ииһэ барыта – эрбэһин икки угаайы икки,
олоҕун күндүргэтэр киһи оннук суолунан барыа суоҕа.
6Уол оҕону айанын аартыгар такайдахха,
сорсуйан да баран, ол суолуттан туоруо суоҕа.
7Баай дьадаҥыга тойон,
иэстээх иэс биэрээччигэ кулут.
8Сиэрэ суох быһыыланааччы иэдээҥҥэ түбэһиэҕэ,
көҥүл күөдүлгэхтээбитэ уурайыаҕа.
9Аччыктаабыты аһатар амарах киһи
Айыы Таҥара алгыһын ылыаҕа.
10Кэрээнэ суоҕу үүрэн кэбис, оччоҕо иирээн намырыа,
үөхсүү-этиһии уурайыа.
11Ыраас сүрэхтээх, үтүө тыллаах-өстөөх киһини
ыраахтааҕы доҕор оҥостуоҕа.
12 Айыы Тойон кырдьыгы кыраҕытык маныыр,
уодаһыннаахтар албын тылларын саралыыр.
13Сүрэҕэ суох этэр: «Таһырдьа хахай сылдьар!
Таҕыстым да, миигин тырыта тыытар!»
14Содур дьахтар тыла-өһө – чөҥөрө чүөмпэ,
онно Айыы Тойон уордайбыт киһитэ түһүөҕэ.
15Уол оҕо сүрэҕэр уйаламмыт акаары санааны
чыпчаххай тоҕо тэбээн таһаарыаҕа.
16Барыһырар туһугар дьадаҥылары атаҕастыыр,
баайдарга бэрик биэрэр киһи быста дьадайыаҕа.
Отут муударай этии
17Аны билигин кулгааххын чөрбөтөн
муударай өйдөөхтөр тылларын иһит,
эйиэхэ үөрэтэрбин болҕойуоххунан болҕой.
18Бу тыллары сүрэххэр сөҥөрөн сылдьарыҥ бэйэҕэр үөрүүлээх буолуоҕа,
онон, кимниин да буоллун, үллэстэргэ өрүү бэлэм сырыт.
19 Айыы Тойоҥҥо бигэ эрэллээх буоларыҥ туһугар,
бу бүгүн эйигин үөрэтэн эрэбин.
20Мин эйиэхэ отут этиини суруйдум,
онон мантан үтүө сүбэни, бигэ билиини сомсоҥҥун
21эн дьиҥ кырдьык тылыгар үөрэниэҥ,
эйигин үөрэттэрэ ыыппыт дьоҥҥор үтүө хоруйдаах эргиллэр кыахтаныаҥ.
– 1 –
22Кыра-хара эрэ диэн дьадаҥыны халаама,
куорат олбуорун айаҕар#22:22 Куорат олбуорун айаҕа дьон-сэргэ саамай тоҕуоруһар сирэ этэ. Онно норуот аҕа баһылыктара кэлэн дьыаланы-куолуну быһаараллара, дьону сууттууллара, дуогабар түһэрсэллэрэ. турар кыһалҕалааҕы атаҕастаама:
23 Айыы Тойон, кинилэр муҥатыйалларын иһиттэҕинэ,
былдьаан ылбыт буруйгар дууһаҕын былдьыаҕа.
– 2 –
24Уордааҕы кытта бодоруһума,
ыгымы кытта ыксалаһыма,
25аны кинилэри үтүктэн дэҥ үктэниэҥ,
кэнтиккэ киирэн биэриэҥ.
– 3 –
26Илии бэрсэргэ тиэтэйимэ,
атын киһи иэһин төлүөх буолан эрэннэримэ.
27Тугунан да төлүүр кыаҕыҥ суох буоллаҕына,
утуйар тэллэххин кытта туура тутан ылыахтара.
– 4 –
28Сириҥ-уотуҥ былыргы быыһын –
өбүгэлэриҥ быыһаабыттарын – сыҕарытыма.
– 5 –
29Үлэтин-хамнаһын кыайа тутар мындыр киһини эн көрбүтүҥ дуо?
Кини ыраахтааҕыга үлэлиэҕэ –
көннөрү дьоҥҥо үлэлиэ суоҕа.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022