Zechariah THUMAKAI
THUMAKAI
LEKHABU MIN CHULE ASUNNA: Zechariah kiti min hin “Pathen kigeldoh” tina ahi. Amahi thempu jong, chule themgao jong ahin, amahi Haggai themgao toh phat khatna ana umkhom lhon ahi. Hiche lekhabu hi Zechariah themgao amatah lekhabun akihen ahi.
ZECHARIAH THEMGAO AHINA: Zechariah hi Babylon'a peng ahi. Amahi Levi phunga kon thempu khat ahin, chule Iddo tupa ahi (Neh.12:4,16). Amahi thempu minthang ahin, Zerubbabel makaina noija 537 BC gal hinga kaimanga aumnaova kona hung kile kit, thempu insung ho lah-a aluchang khat ahi. Zechariah hi themgao natong dinga ahung kipat hin khangdong cha anahi (2:4). Aman Haggai themgao toh phat khat sungin ana umkhom lhonne (520 BC). Zechariah hi Judah ho kum 70 jouva Judah gama ahung kile kit laijuva themgao natong ana hi-e.
ASUNGA UM THUPI HO: Lekhabu ahin vetsahna lim tamtah aume. Hiho chu themgao thu ledohna ahicheh-e. Messiah thudola themgao thilmu akisunin; Christa hung ding thu aseije (9:9; Matt.21:1-11, Zech.14:3,4). Haggai le Malachi hetna sangin Zechariah'in amoh hung kilekit Judah ho chenna kimvela chidang namdangte thahatna chunga Pathen lunggel akimui. Houin kitundoh kit, khonunga Messiah hung kitding, chule loupia avaipoh ding thu aseijin; Israel chate kisih-a alung hemna dingu nikho ho akimun ahi. Zechariah Lekhabu hi 520 BC phat sunga kisunna ahi.
ASUNGA THU UMHO
Gihsalna le kinepna thu (1:1-8:23)
Israel hengle komho chunga thutanna (9:1-8)
Ahunglhung ding khantouna le chamna (9:9-14-21)
Currently Selected:
Zechariah THUMAKAI: THADBSI
Highlight
Copy
Compare
Share
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.