Thempudan THUMAKAI
THUMAKAI
LEKHABU UMDOL: Hiche Thempu Dan hi Mosi'n asut danbu nga holah-a athum chana chu ahi. Hiche Thempu dan kitihi Hebrai paovin “Wayyiqra” akitin, hichun “Chuin aman anakouve” tina ahi. Hinla Thempu dan kiti min vanghi Septuagint kiti (Greek paova thulhunlui Kiledoh) Pathen thutheng bu-a kimang minjoh ahin, hichu Thempu dan tina ahi. Thempu dan lekhabu sunga hin Israelte Pathen houdan le thempuhon ajuidiu dan ho chu phatechan akisunin ahi. Israelte hinkho-a ding, changval hinkho-a ding, nam pumpi-a dinga hijongle hiche lekhabu hi manchah khohtah chu hia ahi. Israel ten Pathen houna hi amoh bol theiju ahipoi; hichea manchah ding gancha ho chule changbong le thao ngaicha ho jouse chu hiche lekhabu sunga hin akimun ahi.
Hiche lekha kisut laihin Israel ten ponna kisa ‘houbuh’ chu aneitaove, chule hiche houbuh insunga lhacha ding thempu Aaron insung mi apang pan taove. Sinai molsang chunga kon Dan thupeh alah niuva patna houna dan hohi hung kipana ahitai. Hiche Danthu kipe-a dungjuija chu kivaihomu ahin, hiche thuho jouse chu apumpin Thempu Dan'a hin kicheh chetnin apen ahi.
LEKHABU KISUTLONA:Thempu danin ahilpen tah chu Pathen le mihem kah-a kiguijop theilouna thil thenglouho suhmanga aum theina dinga ganna kilhaina dan kisun ajuidiu; chule Pathen le mihem kah-a kiloikhomna ding dan kisun ajuidiu, chule Israel nam pumpi chu Pathen dinga namtheng ahinao chunga dan kisun ho ajuidiu hi ahi.
ASUTPHAT: Thempu dan lekhabu kisutna hi Israelte gamthip laija acham sungu 1491 BC apat 1451 BC kum 40 sung akholjin nao sunguva Mosi'n asut ahi, tihi alhangpia tahsan ahi.
ASUNGA THU UMHO
Thilto le ganlhai thudola danthu (1:1-7:38)
Aaron le achapate thempu dinga kikatdoh (8:1-10:20)
Houdan-a thenle thenlou thudola danthu (11:1-15:33)
Lhatdohna nikho (16:1-34)
Hinkho le Pathen hou thudola danthu (17:1-27:34)
Currently Selected:
Thempudan THUMAKAI: THADBSI
Highlight
Copy
Compare
Share
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.