1 Samuel 21

Saul'a Kona David Ajam

1 # Matt 12:3-4; Mrk 2:25-26; Luk 6:3. Chujouvin David Ahimelech thempu henga Nob'a ahungin ahi. Chule David to akimuto chu Ahimelech akichan, ajah-a, Ipidinga nachangseh nahi hija, koimatoh kilhonlou nahim? ati.

2Chuin David'in Ahimelech thempu jah-a, Lengpan kinkhatna eisola, kajah-a, Keiman kasolna thudol le kathupeh hi koimacha hetsah hih-in, ati ahi. Chule keiman kasohte hilai khulai mun'a chu kasol ahi. 3Hijeh chun tun nakhutna ipi umam? kakhutna changlhah nga ahiloule nakoma um umchu neipen, ati. 4Chuin thempu pan David adonbutnin, Kakhutna changlhah lham aumpon, changlhah thengbou aume; gollhangho chu numeija kon beh-a akichintup uva ahile, ati.

5Chuin David'in thempu pa chu adonbutnin, ajah-a, Atahbeh-in kahunga pat nithum tobang keiho-a kona numei ho kichomkoi ahin, chule gollhangho belho hi athenga ahi, chule changlhah chu tunia belsunga kisutheng hijongle, gelkhatna alham ahi ati.

6 # Thmpu 24:5-9. Hitichun thempupan changlhah theng chu apetai; ajehchu khat akilahdoh tengle changlhah sapeh akhela koidinga Pakai angsunga kona kiladoh vetsahna changlhah tailou changlhah ding umlou ahi.

7Tun hicheni chun Saul sohte khat hia chun Pakai anga anakihenin; aminchu Doeg ahin, Edom mi Saul ganchingho lah-a apipuipen ahi.

8Chuin David'in Ahimelech henga, Nakhutna tengcha ahiloule chemjam umlou ham? ajehchu lengpa thuchu thukin ahijeh-in kachemjam le kagal manchah kahin poman tapoi, ati.

9 # 1 Sam 17:51. Chuin thempu pan, Ven, Elah phaichama natha Philistine mipa Goliath chemjam chu hia thempu sangkhol nunga ponin akijelin aume: nadeile hichu kilah-in; ajehchu hiche tailou chu adang aumpoi, ati. Chuin David'in, Chekal lhah chu umding ham; neipe jengin, ati.

10Chuin David akipatdoh-in, hicheni chun Saul ginna in ajamin, Gath lengpa Achish henga chetai. 11#1 Sam 18:7; 29:5. Chuin Achish sohten ajah-a, Hichehi chuche gam lengpa David hilouham? Mihon achung changa lampuma khat le khat kidonbut to-a la asah uva, Saul'in sangkhat athatnin, David'in sangsom athatne, atiuchu hilouham? atiuve.

12 # Labu 56 (Thupi). Chuin Davidn'in thuhochu alungsunga aching pai jengin, Gath lengpa Achish chu akicha lheh jengtan ahi. 13#Labu 34 (Thupi). Hitichun amasanguva achondan khelin, amitnuva chun akingolsah-in, kotpi kotkhah ho ajihpol letlut in, akhamul achun achilche akaisah dehduh-in ahi. 14Chujouvin Achish'in asohte jah-a, Veuvin, mingol ahi henasa ibola kahenga nahin pui uham? 15Mingol kangaichat hija, ka-angsunga angolna-a kichem dinga hitobang mihi nahin pui uham? Hitobang miho ka-insunga hunglut diham? ati.

Currently Selected:

1 Samuel 21: THADBSI

Highlight

Copy

Compare