NOONNA THLOU 14
14
Ikoniam a Akthratrong Anraan
1Pekva Ikoniam a Judi ei sinakok a luutjousei, che anmah in antrongin Judi leh Kriik khalmo tam in Akpu amilotpei. 2Chuta amlotnoh Judi ei in Jental eita hou masuuknatu anrok mahche anmah unaota tuur thunna chirol antlohpei. 3Chunna anmah in Akpu relna karaang kanga tronga mah khanna soot amsei, anmah ankut a daang jikcha mahche salungkhouna thlou jikcha tloh a Akpu amlungsivaa trongrelna sakhi veisei. 4Chuta mah khuuboomna mii eikha ajejea inthreksei, mii arouin Judi ei toonga, mahche aktlei arouinla raangroiei toonga amsei. 5Jental leh Judiei in anmah ramngaak eisoh amahta manangnatu mahche lung dennatu ansuulpei, 6ta mahchuta anrom inva Likaonia vaa khuuboom Listra leh Derbe che amah aveel ramboom a tlaansei; 7che mahram chunna akthra trongta anraanpei.
Listra leh Derbe a Akthratrong Anraan
8Pekva Listra a akeh sehtheihnoh a pok akehtu kupakhat inbok a am. 9Paul in atrongta amah in minna arungeih; mahche keita kamthrattung ta amah in amlotkha Paul in amuh a amahta antlinga, 10arool inkaanga ason, “Nang nikehkhan chimma ngirro.” Chunna amah in inthomma sehsa. 11Paul in atlohthlouta miitam in anmuh inva anrool makaanga Likaonia tronga asonpei, “Rappu eiin miihoong loua inihkuunga trumsei.” 12Anmah in Barnabas ta akming Jias antihpei che Paul ta akming Hermes antihpei, alamva amahva akthloi trongraansei. 13Khuuboom amaatalla am mathruunna thlaamma Jias vaa thiimpu in mii tamsoh inthiimna a ankatja relna siilchal leili leh reikuul eita palthonga anthlenpei. 14Chuta raangroi Barnabas leh Paul in mahchuta antheih a, anpuunreita anthritche miitam ankaar a luutthop a ongsei, 15“Miieio, jarella mah i nantlohme? Kannihkho nannihsoh intrim miiung, nannih in mainang akanana amnoh thlou ita nga tloh a ringram, thalei, tuiiboom mahche mahsuunga am pumteta akseem akring Ringpu kuunga nanheinatu nankuunga akthra trongta kanthlenchou. 16Akcheche ringnatluun na amah in jaat naamteta anmah in amidon lamma ansehnahtu ajehsei; 17chuta amahtu sakhi amnoh avah mahnoh, alamva amah in marvaanna khuta masuur a akthra manjangnuram inimlan; amah in akthrata atlohpei, saak iin mahche roomthoksoh inruuia nannih nanrilta ampelpei.” 18Mah trongchu ansonphao mii in anmah kuunga inthiimnahtu poot ankatsam luungkho anmah insuulla matlohnoh ei.
19 #
2 Kor 11:25
Chuta Antiok leh Ikoniam nata Judi arouin mah khanna thlengsei; mahche mii eita anmisohpei, anmah in Paul ta lunga andenche thi inaisa amidonna khuuboom apaalla ankaipei. 20Chuta aroi eiin amahta kooia an amlai, amah in inthoua khuboomma luutsa; mahche akhuvar a amah in Barnabas soh Derbe a sehsei.
Siria nata Antiok a Inleng
21Anmah in khuuboom khanna akthra trongta anraanpei mahche aroi tam anseemche anmah in Listra, Ikonia mahche Antiok a inlengsei, 22aroiei anlita matranga mahche malottinga inngainoh natu anmahta bungthok a asonei, trihkhop a klah knang jikchata doua inih in Ringpu kurung huunna a luut ume. 23Mahche anmah turelna khakla relta anmah in anparuulta phom anthunei, che buh hella ngenna anmah in amlot mii eita Akpu kuunga amisilei.
24Mahche anmah in Pisidia inthruh a ansehche Pamphilia a thlengsei. 25Che anmah in akthra trongta raanna amilanche Attalia a jungsei; 26mahcheva anmah in amipaangthlou kharelna Ringpu vaa malungsi in anmahta amisilna amun Antiok phah a muli chuunga thlengsei. 27Mah khanna antlungin khakla anaamteta matlonna amichunche Ringpu in anmah anpaalla antlohthlou naamte che Ringpu in Jental jaat in amilotnatu akhaar amhoong peita anmah kuunga sonna amidangpei. 28Che anmah in aroi eisoh inruuia mahmun khanna soot amsei.
Currently Selected:
NOONNA THLOU 14: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
NOONNA THLOU 14
14
Ikoniam a Akthratrong Anraan
1Pekva Ikoniam a Judi ei sinakok a luutjousei, che anmah in antrongin Judi leh Kriik khalmo tam in Akpu amilotpei. 2Chuta amlotnoh Judi ei in Jental eita hou masuuknatu anrok mahche anmah unaota tuur thunna chirol antlohpei. 3Chunna anmah in Akpu relna karaang kanga tronga mah khanna soot amsei, anmah ankut a daang jikcha mahche salungkhouna thlou jikcha tloh a Akpu amlungsivaa trongrelna sakhi veisei. 4Chuta mah khuuboomna mii eikha ajejea inthreksei, mii arouin Judi ei toonga, mahche aktlei arouinla raangroiei toonga amsei. 5Jental leh Judiei in anmah ramngaak eisoh amahta manangnatu mahche lung dennatu ansuulpei, 6ta mahchuta anrom inva Likaonia vaa khuuboom Listra leh Derbe che amah aveel ramboom a tlaansei; 7che mahram chunna akthra trongta anraanpei.
Listra leh Derbe a Akthratrong Anraan
8Pekva Listra a akeh sehtheihnoh a pok akehtu kupakhat inbok a am. 9Paul in atrongta amah in minna arungeih; mahche keita kamthrattung ta amah in amlotkha Paul in amuh a amahta antlinga, 10arool inkaanga ason, “Nang nikehkhan chimma ngirro.” Chunna amah in inthomma sehsa. 11Paul in atlohthlouta miitam in anmuh inva anrool makaanga Likaonia tronga asonpei, “Rappu eiin miihoong loua inihkuunga trumsei.” 12Anmah in Barnabas ta akming Jias antihpei che Paul ta akming Hermes antihpei, alamva amahva akthloi trongraansei. 13Khuuboom amaatalla am mathruunna thlaamma Jias vaa thiimpu in mii tamsoh inthiimna a ankatja relna siilchal leili leh reikuul eita palthonga anthlenpei. 14Chuta raangroi Barnabas leh Paul in mahchuta antheih a, anpuunreita anthritche miitam ankaar a luutthop a ongsei, 15“Miieio, jarella mah i nantlohme? Kannihkho nannihsoh intrim miiung, nannih in mainang akanana amnoh thlou ita nga tloh a ringram, thalei, tuiiboom mahche mahsuunga am pumteta akseem akring Ringpu kuunga nanheinatu nankuunga akthra trongta kanthlenchou. 16Akcheche ringnatluun na amah in jaat naamteta anmah in amidon lamma ansehnahtu ajehsei; 17chuta amahtu sakhi amnoh avah mahnoh, alamva amah in marvaanna khuta masuur a akthra manjangnuram inimlan; amah in akthrata atlohpei, saak iin mahche roomthoksoh inruuia nannih nanrilta ampelpei.” 18Mah trongchu ansonphao mii in anmah kuunga inthiimnahtu poot ankatsam luungkho anmah insuulla matlohnoh ei.
19 #
2 Kor 11:25
Chuta Antiok leh Ikoniam nata Judi arouin mah khanna thlengsei; mahche mii eita anmisohpei, anmah in Paul ta lunga andenche thi inaisa amidonna khuuboom apaalla ankaipei. 20Chuta aroi eiin amahta kooia an amlai, amah in inthoua khuboomma luutsa; mahche akhuvar a amah in Barnabas soh Derbe a sehsei.
Siria nata Antiok a Inleng
21Anmah in khuuboom khanna akthra trongta anraanpei mahche aroi tam anseemche anmah in Listra, Ikonia mahche Antiok a inlengsei, 22aroiei anlita matranga mahche malottinga inngainoh natu anmahta bungthok a asonei, trihkhop a klah knang jikchata doua inih in Ringpu kurung huunna a luut ume. 23Mahche anmah turelna khakla relta anmah in anparuulta phom anthunei, che buh hella ngenna anmah in amlot mii eita Akpu kuunga amisilei.
24Mahche anmah in Pisidia inthruh a ansehche Pamphilia a thlengsei. 25Che anmah in akthra trongta raanna amilanche Attalia a jungsei; 26mahcheva anmah in amipaangthlou kharelna Ringpu vaa malungsi in anmahta amisilna amun Antiok phah a muli chuunga thlengsei. 27Mah khanna antlungin khakla anaamteta matlonna amichunche Ringpu in anmah anpaalla antlohthlou naamte che Ringpu in Jental jaat in amilotnatu akhaar amhoong peita anmah kuunga sonna amidangpei. 28Che anmah in aroi eisoh inruuia mahmun khanna soot amsei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.