NOONNA THLOU 13
13
Barnabas leh Saul ta Charra Amithlah
1Pekva Antiok ah am khakla ah raangroiei, lulok ei, Barnabas, Niker an ong Simeon, Sairini na Lusias, Herot koolla akjao Manian mahche Saul, 2anmah in Akputa amithruunlai mahche buh hella anngenlai, Akseeng Li in ankuunga asonei, “Thlou antlohnatu keiin kiong Barnabas leh Saul kha kei turella threk eive.” 3Cheva buh hella anngenche ankutta anchunga ansihche anmahta amithlahpei.
Saipras a Akthratrong Anraan
4Li Akseeng in amthlah eia anmah in Seleukia a jungsei, che mah khannata Saipras a muli chuunga sehsei. 5Anmah in Salamis antlunglai, anmah in Judi ei Sinakokrel Ringpu atrongta anraan. Che anmahta majoomnatu John ta amiruui. 6Tuiikoiram ta anmah in vanna Paphos a anseh in, mahchunna leiva aktloh theihsoh che chimnoh ringraan akming Bar–Jisu an ong Judi khatsoh intuuksei. 7Amahva Serkias Paulas antih rampuui khatsoh inruuimii, mahmii rampuui in Ringpu trongta arungeihja hanga Barnabas leh Saul ta aongei. 8Chuta rampuui in amlot khannata mathlahnatu leiva theih Elimas in (alamva amahmingi amilengin mainanga suuk) anmahta athingei. 9Chuta akming Paul kho an ong Saul in Li Akseeng sip a amahta antlinga ason, 10“Seitan asa kupa, akchimlamseh naamteta andah mahche billam mii masimna miileemleh thranoh in sip nang, Akpu vaa antluun lamta amkor dongnoh umangcheme? 11Chunna pekva anro, nang nichunga Akpu akut am, nimit chotu mahche lai kak kini muhcheknoh uche.” Kak hanga sumphai leh inthim in achunga tlasa mahche amah akutta matuh a ansehpinatu miita maalla ajonpei. 12Cheva rampuui khanna aksuuk thloukhata amuh inva amlotpei, alamva Akpu rella amitheihna khanna amahva salungkhou khemsa.
Antiok leh Pisidia ah Akthratrong Anraan
13Pekva Paul mahche anruuipiei in Paphos nata Pamphilia khuuboom Perka a muli chuunga thlengsei. Mah khanna John in anmahta amah eiche Jerusalem a inlengsei; 14chuta anmah in Perka nata Pisidia na Antiok ah thlengsei. Che sabat nia anmah in sinakok a luut a inboksei. 15Trongsuur nata che ringraan in amijih niriknata anpaache, sinakok akpuui ei in anmah kuunga mii mathlah a anson, “Unaoeio, miita bungthoknatu nantrongsam amchoule, mahchu sonve.”
16Ochunna Paul in ngirra akut a khoh an ason, “Israel ei mahche Ringpu aktrih eio, rungaive. 17Israel vaa Ringpu in ipa ipu eita acharpei mahche anmah in Ijip a an amlai anmahta matheih matamma amliinei, che anmahta akutbaanga domma mah khannata anthruhpiei. 18Che raprilla kum soplivak anruuipiei. 19Che amah in Canaan ramma jaatboom sirihta ammaangche, anpa anpuin an amna ram phahphu veia anmahta amlannei, mahkha kum reija manli alei sopngavak luut. 20Mahchuche aknua ringraan Samuel phah a amah in trongtloh eita amlannei. 21Che anmah in kurung khat thunnatu annihpei; chunna Ringpu in Benjamin jatihna Kis asa kupa Saul ta kum sopli anchunga paalnatu amlannei. 22Che Ringpu in amah aphomnata alohche, Davit ta anmah kurung amveipei; mah churella sakhi veia asonpei, ‘Keiin Jesi asa kupa Davit kuunga kiril kikditta kphahpei, keiin kamdon anaamte amah in atlohtu.’ 23Ringpu atrongchet nujuih a mahmii atute a Israel ta Akkal Jisu amthlahpei. 24#Mak 1:1–4; Luk 3:3Amah in athlengnoh maa a Israel annaamte in anril thlengatu John in trong araanpei. 25#Jon 1:20; Met 3:11; Mak 1:7; Luk 3:16; Jon 1:27Mahche John in athlou achetumma asonei, ‘Nannih in keita tumeta namidon angme? Keiva mahmii khanoh ang, chuta amahva kiknua thlengmang, keiva amah akehkhraang arui majakho kimtik amnoh.’
26“Unaoeio, Abraham innsuungvaa asa kupaeio, mahche nannih nankaar a Ringpu aktrih eio, inihkuunga amah chaanringvaa akthra trongi amthlahpei. 27Alamva Jerusalem a am mii mahche anchunga akpaalei in Akpu ta asak maromnoh ei, chekho sabat nirel anpaa ringraanei antrongta lou theihnoh ei, amahta malaalla, matsah a inphoongche khata amithlungna amiveipei. 28#Met 27:22,23; Mak 15:13,14; Luk 23:21–23; Jon 19:15Amahta thatnatu alam tuuknoh seiklakho Pilat kuunga annihpei. 29#Met 27:57–61; Mak 15:42–47; Luk 23:50–56; Jon 19:38–42Che amahrella injih naamte anmah in amithlungpei, amahta thingkharh nata anlohche rusuun khat a ansihpei. 30Chuta Ringpu in amahta kthinata amringpei; 31#Noon 1:3mahche Kalili nata Jerusalem a athlengpijou mii ankuunga nijan khalmo soot a atakta ammuh ei, anmah in pekva mii kuungah sakhi veisei. 32Che ipa ipu ankuunga Ringpu atrongchet akthra trongraanta nankuunga kanthlenchou, 33Jisu ta amringche anmah ansakuunga mah ita amthlungpei; che mah i leila nirik innih tihpia injih inangsa, ‘Nangva kei kisa kupache, mi in keiin nangta kpokpeiche.’ 34Che amah in athihche amringpei, che kmaang kremma veikhat inlengnoh usa, nga tloh a amah in ason, ‘Keiin Davit vaa akseeng mahche doieita kamlan uche.’ 35Alamchuna aktlei leila nirik akho ason, ‘Nang nimii akseeng khata nangin akthi mamuhnoh uche.’ 36Davit relnava, amah atak ringnatluun in Ringpu in amdonrouta atlohche thisa mahche apa apu rusuunpiia amahkho anphuumpei, che aruungin thusa 37chuta Ringpu in amringche amah invah thi muhnohsa. 38Alamchunna unaoeio, maita nankuunga marom kikdit mah chuvah amah apaalla alehnata ipnatu trongi kanraanchou. 39Moses vaa trongsuur apaalla nannih in alehnata nanningtam phahnoh choukha amahta malot apaalla mii naamtein alehnata ningtam nanphahpei. 40Ringraanei in anson nirik a injih eikha nantak a tlaknohnatu cheksilve. 41‘Anve, mii manuihtrang eio, salungkhouve maangve; alamva keiin nannih laia thloukhat kitloh, mii khat in mahchu nankuunga sonna marom slakho, thloukhat i nannih in tiknikho malotnohchou.’ ”
42Anmah in anthruhsoh, mah ivah akthleng sabat nia anmah kuunga ansonnatu mii in inruruh a ansonpei. 43Mahche sinakok a inchunkha ankoisoh, Judi mahche Judiei heikoh a akluut Ringpu ta ril luut a amlot miitam in Paul leh Barnabas annuuta anjuihpei, raangroi in anmah kuunga tronga che anmah in Ringpu vaa malungsia chat amnoh a an amnahtu antak ei.
44Akhuvar sabat nia khuuboomna miitam in Ringpu trongta rungeihnatu inboomsei. 45Chuta Judi in miitam khata anmuh inva, anmah in kallak a phuulsei, Paul in ason trongkhata mathleng tlamma anmahta andah a inhaangkanga trongsei. 46Mahchunna Paul leh Barnabas in pirkenga a trongseia antihpei, “Matsahrem kannih in Ringpu atrongi nannih nankuunga sonnoh janohsa. Chuta nannih inva mah i indahschou, mahche ache amnoh ringna phah i nantaksaak in matik chanohta pichaar nantlohsaak taningva, anve kannihva Jental tinga inheia sehsung. 47Alamva nga tloh a Akpu in kankuunga trongthuunta malanna kanisonpei, ‘Keiin nangta Jental jatih turella akvaar kamvei peiche, mahchunna thalei achenakhem phah a nangin chaanringta nithlennatu.’ ”
48Mah ita Jental jatih in antheih inva anmah in anroomthoksa mahche Ringpu trongta paar anmithratpei; mahche ache amnoh ringna phahnahtu ancharmii in anmilotpei. 49Mahcheva Akpu trongta anmah ram avel apumtea anraanpei. 50Chuta Ringpu ta ril luut a amlot kumeiei, injah aja kumeiei mahche khuuboomna aklok kupa eita Judi in hou masuuk a, che Paul leh Barnabas ta andah a anchutche, anmah ramsiintinga aminompei. 51#Met 10:14; Mak 6:11; Luk 9:5; 10:11Chuta anmahta andahna veia ankehna uphulta antatche amithiimpei, cheva Ikoniam a sehsei. 52Mahche aroi eiin roomthok khatkho Li Akseeng in sipsei.
Currently Selected:
NOONNA THLOU 13: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
NOONNA THLOU 13
13
Barnabas leh Saul ta Charra Amithlah
1Pekva Antiok ah am khakla ah raangroiei, lulok ei, Barnabas, Niker an ong Simeon, Sairini na Lusias, Herot koolla akjao Manian mahche Saul, 2anmah in Akputa amithruunlai mahche buh hella anngenlai, Akseeng Li in ankuunga asonei, “Thlou antlohnatu keiin kiong Barnabas leh Saul kha kei turella threk eive.” 3Cheva buh hella anngenche ankutta anchunga ansihche anmahta amithlahpei.
Saipras a Akthratrong Anraan
4Li Akseeng in amthlah eia anmah in Seleukia a jungsei, che mah khannata Saipras a muli chuunga sehsei. 5Anmah in Salamis antlunglai, anmah in Judi ei Sinakokrel Ringpu atrongta anraan. Che anmahta majoomnatu John ta amiruui. 6Tuiikoiram ta anmah in vanna Paphos a anseh in, mahchunna leiva aktloh theihsoh che chimnoh ringraan akming Bar–Jisu an ong Judi khatsoh intuuksei. 7Amahva Serkias Paulas antih rampuui khatsoh inruuimii, mahmii rampuui in Ringpu trongta arungeihja hanga Barnabas leh Saul ta aongei. 8Chuta rampuui in amlot khannata mathlahnatu leiva theih Elimas in (alamva amahmingi amilengin mainanga suuk) anmahta athingei. 9Chuta akming Paul kho an ong Saul in Li Akseeng sip a amahta antlinga ason, 10“Seitan asa kupa, akchimlamseh naamteta andah mahche billam mii masimna miileemleh thranoh in sip nang, Akpu vaa antluun lamta amkor dongnoh umangcheme? 11Chunna pekva anro, nang nichunga Akpu akut am, nimit chotu mahche lai kak kini muhcheknoh uche.” Kak hanga sumphai leh inthim in achunga tlasa mahche amah akutta matuh a ansehpinatu miita maalla ajonpei. 12Cheva rampuui khanna aksuuk thloukhata amuh inva amlotpei, alamva Akpu rella amitheihna khanna amahva salungkhou khemsa.
Antiok leh Pisidia ah Akthratrong Anraan
13Pekva Paul mahche anruuipiei in Paphos nata Pamphilia khuuboom Perka a muli chuunga thlengsei. Mah khanna John in anmahta amah eiche Jerusalem a inlengsei; 14chuta anmah in Perka nata Pisidia na Antiok ah thlengsei. Che sabat nia anmah in sinakok a luut a inboksei. 15Trongsuur nata che ringraan in amijih niriknata anpaache, sinakok akpuui ei in anmah kuunga mii mathlah a anson, “Unaoeio, miita bungthoknatu nantrongsam amchoule, mahchu sonve.”
16Ochunna Paul in ngirra akut a khoh an ason, “Israel ei mahche Ringpu aktrih eio, rungaive. 17Israel vaa Ringpu in ipa ipu eita acharpei mahche anmah in Ijip a an amlai anmahta matheih matamma amliinei, che anmahta akutbaanga domma mah khannata anthruhpiei. 18Che raprilla kum soplivak anruuipiei. 19Che amah in Canaan ramma jaatboom sirihta ammaangche, anpa anpuin an amna ram phahphu veia anmahta amlannei, mahkha kum reija manli alei sopngavak luut. 20Mahchuche aknua ringraan Samuel phah a amah in trongtloh eita amlannei. 21Che anmah in kurung khat thunnatu annihpei; chunna Ringpu in Benjamin jatihna Kis asa kupa Saul ta kum sopli anchunga paalnatu amlannei. 22Che Ringpu in amah aphomnata alohche, Davit ta anmah kurung amveipei; mah churella sakhi veia asonpei, ‘Keiin Jesi asa kupa Davit kuunga kiril kikditta kphahpei, keiin kamdon anaamte amah in atlohtu.’ 23Ringpu atrongchet nujuih a mahmii atute a Israel ta Akkal Jisu amthlahpei. 24#Mak 1:1–4; Luk 3:3Amah in athlengnoh maa a Israel annaamte in anril thlengatu John in trong araanpei. 25#Jon 1:20; Met 3:11; Mak 1:7; Luk 3:16; Jon 1:27Mahche John in athlou achetumma asonei, ‘Nannih in keita tumeta namidon angme? Keiva mahmii khanoh ang, chuta amahva kiknua thlengmang, keiva amah akehkhraang arui majakho kimtik amnoh.’
26“Unaoeio, Abraham innsuungvaa asa kupaeio, mahche nannih nankaar a Ringpu aktrih eio, inihkuunga amah chaanringvaa akthra trongi amthlahpei. 27Alamva Jerusalem a am mii mahche anchunga akpaalei in Akpu ta asak maromnoh ei, chekho sabat nirel anpaa ringraanei antrongta lou theihnoh ei, amahta malaalla, matsah a inphoongche khata amithlungna amiveipei. 28#Met 27:22,23; Mak 15:13,14; Luk 23:21–23; Jon 19:15Amahta thatnatu alam tuuknoh seiklakho Pilat kuunga annihpei. 29#Met 27:57–61; Mak 15:42–47; Luk 23:50–56; Jon 19:38–42Che amahrella injih naamte anmah in amithlungpei, amahta thingkharh nata anlohche rusuun khat a ansihpei. 30Chuta Ringpu in amahta kthinata amringpei; 31#Noon 1:3mahche Kalili nata Jerusalem a athlengpijou mii ankuunga nijan khalmo soot a atakta ammuh ei, anmah in pekva mii kuungah sakhi veisei. 32Che ipa ipu ankuunga Ringpu atrongchet akthra trongraanta nankuunga kanthlenchou, 33Jisu ta amringche anmah ansakuunga mah ita amthlungpei; che mah i leila nirik innih tihpia injih inangsa, ‘Nangva kei kisa kupache, mi in keiin nangta kpokpeiche.’ 34Che amah in athihche amringpei, che kmaang kremma veikhat inlengnoh usa, nga tloh a amah in ason, ‘Keiin Davit vaa akseeng mahche doieita kamlan uche.’ 35Alamchuna aktlei leila nirik akho ason, ‘Nang nimii akseeng khata nangin akthi mamuhnoh uche.’ 36Davit relnava, amah atak ringnatluun in Ringpu in amdonrouta atlohche thisa mahche apa apu rusuunpiia amahkho anphuumpei, che aruungin thusa 37chuta Ringpu in amringche amah invah thi muhnohsa. 38Alamchunna unaoeio, maita nankuunga marom kikdit mah chuvah amah apaalla alehnata ipnatu trongi kanraanchou. 39Moses vaa trongsuur apaalla nannih in alehnata nanningtam phahnoh choukha amahta malot apaalla mii naamtein alehnata ningtam nanphahpei. 40Ringraanei in anson nirik a injih eikha nantak a tlaknohnatu cheksilve. 41‘Anve, mii manuihtrang eio, salungkhouve maangve; alamva keiin nannih laia thloukhat kitloh, mii khat in mahchu nankuunga sonna marom slakho, thloukhat i nannih in tiknikho malotnohchou.’ ”
42Anmah in anthruhsoh, mah ivah akthleng sabat nia anmah kuunga ansonnatu mii in inruruh a ansonpei. 43Mahche sinakok a inchunkha ankoisoh, Judi mahche Judiei heikoh a akluut Ringpu ta ril luut a amlot miitam in Paul leh Barnabas annuuta anjuihpei, raangroi in anmah kuunga tronga che anmah in Ringpu vaa malungsia chat amnoh a an amnahtu antak ei.
44Akhuvar sabat nia khuuboomna miitam in Ringpu trongta rungeihnatu inboomsei. 45Chuta Judi in miitam khata anmuh inva, anmah in kallak a phuulsei, Paul in ason trongkhata mathleng tlamma anmahta andah a inhaangkanga trongsei. 46Mahchunna Paul leh Barnabas in pirkenga a trongseia antihpei, “Matsahrem kannih in Ringpu atrongi nannih nankuunga sonnoh janohsa. Chuta nannih inva mah i indahschou, mahche ache amnoh ringna phah i nantaksaak in matik chanohta pichaar nantlohsaak taningva, anve kannihva Jental tinga inheia sehsung. 47Alamva nga tloh a Akpu in kankuunga trongthuunta malanna kanisonpei, ‘Keiin nangta Jental jatih turella akvaar kamvei peiche, mahchunna thalei achenakhem phah a nangin chaanringta nithlennatu.’ ”
48Mah ita Jental jatih in antheih inva anmah in anroomthoksa mahche Ringpu trongta paar anmithratpei; mahche ache amnoh ringna phahnahtu ancharmii in anmilotpei. 49Mahcheva Akpu trongta anmah ram avel apumtea anraanpei. 50Chuta Ringpu ta ril luut a amlot kumeiei, injah aja kumeiei mahche khuuboomna aklok kupa eita Judi in hou masuuk a, che Paul leh Barnabas ta andah a anchutche, anmah ramsiintinga aminompei. 51#Met 10:14; Mak 6:11; Luk 9:5; 10:11Chuta anmahta andahna veia ankehna uphulta antatche amithiimpei, cheva Ikoniam a sehsei. 52Mahche aroi eiin roomthok khatkho Li Akseeng in sipsei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.