2 KORINTHIAMI 4
4
Aghungulo Kinikhuki
1Alhou kukupu vechewo akumlapu saje hipau ningu tsukehu ninguye amlo hauve chemoe. 2Ninguye tuqhotugho kumla eno akukujopu kumla jeli kumtsu qhikhavae; ninguye muqumugha shi chemoe momu Alhou tsa suchighi chemoe, ikemu kuchou ghili pepheghi ninguye Alhou zulo xuacheni eno timi kumtsu kivikusa lokutsu zulo ninguno xu cheni. 3Kughengu atsakiviu hu kusuluve namu tiye khunoqomi puhaveno ani keno tipaqo lau likhino kusuluve ake. 4Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke. 5Kughengu ninguye nilikhi ni suqhekeu sheshu chemoe; ninguno Jisu Khristo ye Ampeu ke eno ninguye Jisu je ghenguno nongu qemi kepi asheshu cheni. 6Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.
7Ikemu ningu hipau ngu agha kinikhuki akemiqoye ayeghili toi akemiqo ke, tiye akuka akiqheu ye Alhou wu kethono ningu wu kumokepi piyeniye ke. 8Alaghi thwokha lono ningu tsadaqhike ikemu munuqhivemoe, ninguye amlo itamujuyike ikemu amlo hauvemoe; 9ningu shikighimeqhike ikemu Alhou ye ningu phevemoe; eno ningu hekuluqhike ikemu pithivemoe. 10Pulhapuju niphimpilo Jisu kithi pepu acheni tishianguno Jisu kuxu ghi niphimpi lono ithulupe niyeke. 11Jisu je ghenguno nikuxu kupuju akithipulo ikhiphetsu acheni tishianguno niphimpi hipaulo pa kuxu ithulupe niyeke. 12Tishiaye akithino nishou mla itha ani, ikemu akuxupuye nongu shou mlaitha anike.
13Kuchoyesuno, “Ino pululuve ke ghenguno ino pivae” ninguye akupulu ngugha anike ghenguno pulu ani kehu pi ani. 14Ninguno ithi akeuno Alhou no Ampeu Jisu xuputhu kehu pano Jisu gholono ningu ghi xuputhu nani, eno ningu kumtsa pa zulo saghi nani. 15Hipaqo kumtsu nongu ghenguno ke tishianguno Alhou kupukinino timi lau alau ikowo keshi, Alhou kimthe jukuvupu ghenguno panonguno shikimthikeu alau tsuape niyeke.
Akupulu lono Xuani
16Highenguno ninguye khilemu amlo hauve chemoe. Ni phiashiye tsu-ma ayeakemu, ni loloye tsalakipetsu akithe shikithevetsu ani. 17Ninguno ghicheghime dolo ikhonhei sholu akeu huye kiunomu pe kimghimlakeu lhokta kimthe jukuvu lakhi saghitsu nani. 18Kughengu ninguye ithukulu thime shou nimlo tsuqhiyi ithu chemo ikemu ithu kumla thime shou nimlo tsuqhiyi acheni. Ithukulu thimeqoye ado ikhonhei ghengu likhi acheni ikemu ithukumla thimeqoye alhokupuju ghengunoke.
Currently Selected:
2 KORINTHIAMI 4: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
2 KORINTHIAMI 4
4
Aghungulo Kinikhuki
1Alhou kukupu vechewo akumlapu saje hipau ningu tsukehu ninguye amlo hauve chemoe. 2Ninguye tuqhotugho kumla eno akukujopu kumla jeli kumtsu qhikhavae; ninguye muqumugha shi chemoe momu Alhou tsa suchighi chemoe, ikemu kuchou ghili pepheghi ninguye Alhou zulo xuacheni eno timi kumtsu kivikusa lokutsu zulo ninguno xu cheni. 3Kughengu atsakiviu hu kusuluve namu tiye khunoqomi puhaveno ani keno tipaqo lau likhino kusuluve ake. 4Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke. 5Kughengu ninguye nilikhi ni suqhekeu sheshu chemoe; ninguno Jisu Khristo ye Ampeu ke eno ninguye Jisu je ghenguno nongu qemi kepi asheshu cheni. 6Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.
7Ikemu ningu hipau ngu agha kinikhuki akemiqoye ayeghili toi akemiqo ke, tiye akuka akiqheu ye Alhou wu kethono ningu wu kumokepi piyeniye ke. 8Alaghi thwokha lono ningu tsadaqhike ikemu munuqhivemoe, ninguye amlo itamujuyike ikemu amlo hauvemoe; 9ningu shikighimeqhike ikemu Alhou ye ningu phevemoe; eno ningu hekuluqhike ikemu pithivemoe. 10Pulhapuju niphimpilo Jisu kithi pepu acheni tishianguno Jisu kuxu ghi niphimpi lono ithulupe niyeke. 11Jisu je ghenguno nikuxu kupuju akithipulo ikhiphetsu acheni tishianguno niphimpi hipaulo pa kuxu ithulupe niyeke. 12Tishiaye akithino nishou mla itha ani, ikemu akuxupuye nongu shou mlaitha anike.
13Kuchoyesuno, “Ino pululuve ke ghenguno ino pivae” ninguye akupulu ngugha anike ghenguno pulu ani kehu pi ani. 14Ninguno ithi akeuno Alhou no Ampeu Jisu xuputhu kehu pano Jisu gholono ningu ghi xuputhu nani, eno ningu kumtsa pa zulo saghi nani. 15Hipaqo kumtsu nongu ghenguno ke tishianguno Alhou kupukinino timi lau alau ikowo keshi, Alhou kimthe jukuvupu ghenguno panonguno shikimthikeu alau tsuape niyeke.
Akupulu lono Xuani
16Highenguno ninguye khilemu amlo hauve chemoe. Ni phiashiye tsu-ma ayeakemu, ni loloye tsalakipetsu akithe shikithevetsu ani. 17Ninguno ghicheghime dolo ikhonhei sholu akeu huye kiunomu pe kimghimlakeu lhokta kimthe jukuvu lakhi saghitsu nani. 18Kughengu ninguye ithukulu thime shou nimlo tsuqhiyi ithu chemo ikemu ithu kumla thime shou nimlo tsuqhiyi acheni. Ithukulu thimeqoye ado ikhonhei ghengu likhi acheni ikemu ithukumla thimeqoye alhokupuju ghengunoke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.