2 KORINTHIAMI 3
3
Puloshoqhi Akitheu qemiqo
1Ninguye itaghi nilikhi ni sheqhe thuve akesha? Timi khami toi, nongu launo momu nongu kudau ninguye sheqhekeu yesu avehupu shi ani kesha? 2Nongu ampino niwu sheqhekepu yesuke, nimlolo yepe puani eno timi kumtsuno ti ithi peni eno phipeniyeke. 3Nonguye mutsuqheyino Khristo launo ighikeu, ninguno ikhiphe sughi keu yesu lakhike. Hiye akiyezu pesu atu luphaqo shou yepuku keu kumono Alhou Ghungu pesu timi mlolo yesupukukeu ke. #Ipe 24.12; Jere 31.33; Ezek 11.19; 36.29
4Ninguno hipatsa pilu akeuye Khristo vechewo Alhou lau ningu kupukhu akeu ghenguno ke. 5Nilikhi niloloye hipau kumla shikulupu kiumu phukulupu kuhae. Nino shikulupu shikeuye Alhou launo ighike, 6kughengu pano ningu pelo puloshoqhi akitheu huthukemi shilupeke, tiye yepuakeu-yeh lakhi ke kumoe ikemu Aghungu lonoke. Yepe puakeu yezah no akithi sughi cheni ikemu Aghungu no akuxupu tsu cheni. #Jere 31.31
7Ayezah huye atu pha shou chhitha puzu yepukuke eno tipau tsukelo Alhou kimthe jukuvu ipeghike. Ti mlapuyikeu jukuvu shishe akehu tiye hauvekemu Israilmi ye Muse gilo jupuku mlave. Akithipu sughikeu yezah tsukelo tikithipu kimthe jukuvu ighiaye. #Ipe 34.29 8Aghungu no peithatsukeu loye tinguno alau mlapuyikeu jukuvu gholono ighimoni kesha? 9Kughengu timi pevekepu kughuthalo akimthe jukuvupu shiaye, timi pesu achipiu shitsukeu kughuthaye tinguno alau akimthe jukuvupu shikepue! 10Ninguno pikulupushi akeuno itehi akimthe jukuvupu akeu huye shishe mlapuyi kehu puzuu akimthe jukuvupu shisheno akeu huye hauvae. 11Kughengu ado ikhonhei anikeu loghi akimthe jukuvupu anapiaye, pulhapuju achenikeu loye akimthe jukuvupu shishe ani putsae.
12Ninguye lajupu hipau anike ghenguno ningu mlo ithamono achenike. 13Ninguye Muse toimoke, paye agikusho phi pesu pa gi kuzuluve keuye Israilmi pelo mulapuyikeu jukuvu ashekha shi hailokeu ithulu pemoniyeke. #Ipe 34.33 14Panongu kukumsuye kuchouno xukhomoke kughengu ishi kutolo kughono panonguno puloshoqhi aqau kaku phini keno agikusho phi tipau huno panongu nhethi kuzupe ani. Timi lakhino kughono Khristo sasu xukimelu kelo likhino agikusho phi hu ikhivelu cheni. 15Kuchouno ishi kutolo, kughokughomu panonguno Muse yezah phisuni keno agi kusho phino panongu kukumsu kuzupe acheni. 16Ikeghi kuchoyesulo Muse no kiu shikeno tipau ishi pipuani, “Kughokughomu pano Ampeu lau tsughu idewo nikeno agi kusho phi hiye ikhive che.” #Ipe 34.34 17Ike “Ampeu” ipi puakeu huye Aghungu ke; eno khilehi Ampeu Ghungu ani keno tilehi amlo ililayikeu anie. 18Ningu kumtsuno agi kuzupumono Ampeu kimthe jukuvu yebide achenipe, eno tipau kimthe jukuvu huno pa kimihi kuchoulo akimthe jukuvu alau lono ningu pesu miviu tsu acheni; kughengu hiye Ampeu khuu Aghungu keno pa launo ighikeuke.
Currently Selected:
2 KORINTHIAMI 3: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
2 KORINTHIAMI 3
3
Puloshoqhi Akitheu qemiqo
1Ninguye itaghi nilikhi ni sheqhe thuve akesha? Timi khami toi, nongu launo momu nongu kudau ninguye sheqhekeu yesu avehupu shi ani kesha? 2Nongu ampino niwu sheqhekepu yesuke, nimlolo yepe puani eno timi kumtsuno ti ithi peni eno phipeniyeke. 3Nonguye mutsuqheyino Khristo launo ighikeu, ninguno ikhiphe sughi keu yesu lakhike. Hiye akiyezu pesu atu luphaqo shou yepuku keu kumono Alhou Ghungu pesu timi mlolo yesupukukeu ke. #Ipe 24.12; Jere 31.33; Ezek 11.19; 36.29
4Ninguno hipatsa pilu akeuye Khristo vechewo Alhou lau ningu kupukhu akeu ghenguno ke. 5Nilikhi niloloye hipau kumla shikulupu kiumu phukulupu kuhae. Nino shikulupu shikeuye Alhou launo ighike, 6kughengu pano ningu pelo puloshoqhi akitheu huthukemi shilupeke, tiye yepuakeu-yeh lakhi ke kumoe ikemu Aghungu lonoke. Yepe puakeu yezah no akithi sughi cheni ikemu Aghungu no akuxupu tsu cheni. #Jere 31.31
7Ayezah huye atu pha shou chhitha puzu yepukuke eno tipau tsukelo Alhou kimthe jukuvu ipeghike. Ti mlapuyikeu jukuvu shishe akehu tiye hauvekemu Israilmi ye Muse gilo jupuku mlave. Akithipu sughikeu yezah tsukelo tikithipu kimthe jukuvu ighiaye. #Ipe 34.29 8Aghungu no peithatsukeu loye tinguno alau mlapuyikeu jukuvu gholono ighimoni kesha? 9Kughengu timi pevekepu kughuthalo akimthe jukuvupu shiaye, timi pesu achipiu shitsukeu kughuthaye tinguno alau akimthe jukuvupu shikepue! 10Ninguno pikulupushi akeuno itehi akimthe jukuvupu akeu huye shishe mlapuyi kehu puzuu akimthe jukuvupu shisheno akeu huye hauvae. 11Kughengu ado ikhonhei anikeu loghi akimthe jukuvupu anapiaye, pulhapuju achenikeu loye akimthe jukuvupu shishe ani putsae.
12Ninguye lajupu hipau anike ghenguno ningu mlo ithamono achenike. 13Ninguye Muse toimoke, paye agikusho phi pesu pa gi kuzuluve keuye Israilmi pelo mulapuyikeu jukuvu ashekha shi hailokeu ithulu pemoniyeke. #Ipe 34.33 14Panongu kukumsuye kuchouno xukhomoke kughengu ishi kutolo kughono panonguno puloshoqhi aqau kaku phini keno agikusho phi tipau huno panongu nhethi kuzupe ani. Timi lakhino kughono Khristo sasu xukimelu kelo likhino agikusho phi hu ikhivelu cheni. 15Kuchouno ishi kutolo, kughokughomu panonguno Muse yezah phisuni keno agi kusho phino panongu kukumsu kuzupe acheni. 16Ikeghi kuchoyesulo Muse no kiu shikeno tipau ishi pipuani, “Kughokughomu pano Ampeu lau tsughu idewo nikeno agi kusho phi hiye ikhive che.” #Ipe 34.34 17Ike “Ampeu” ipi puakeu huye Aghungu ke; eno khilehi Ampeu Ghungu ani keno tilehi amlo ililayikeu anie. 18Ningu kumtsuno agi kuzupumono Ampeu kimthe jukuvu yebide achenipe, eno tipau kimthe jukuvu huno pa kimihi kuchoulo akimthe jukuvu alau lono ningu pesu miviu tsu acheni; kughengu hiye Ampeu khuu Aghungu keno pa launo ighikeuke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.