KALUMLU 12
12
Nkhavlou khang Huayneymei
1He Ringhpouc, aniw ta nkhavlou o,
meicgaymei gaanv khat na sini maek khe;
kalung nthanmei ta phutow dat mak khe.
2Kaniw meic guayna khat lev khat khou saraamc the;
kapaengc khou sachuyna khat khat ta guat the.
3He Ringhpouc, kapaengc khou na
sa chuy bammei baley guay tei dan ganclou o!
4“Aniw mwang rui aniw ngam e.
Aniw sa nii niimei sa puni;
meic gaanv khat na rui sini
aniw ta thingc ngam mak ge,”
twna gaenghsw bammei mwang guay tei thingclou o.
5 Ringhpouc rui sa the,
“Suanmei ta rai bammei zaeng rui,
lungcsimei nunc ryanrana kalangh bammei zaeng rui,
ntaw thu ai thau puni the,
kumna kaniw rui machunh bammei giuga dat lakmei
bamv khou ai rui kaniw ta lou puni.”
6 Ringhpouc lat guay hei kaling e;
mi guay tei mai khou langc nthan luan chaneimei daandi kumc kaling e.
7Meicsimei nunc hei ruan lik sikh sik bam e,
khatni simei ta meic kathuicna thuanc bam e.
8Mi zaeng rui, he Ringhpouc,
aniw ta kaganv kathuic gaeklou o,
mi kumhmei mei nunc khou rui kanlou o.
Currently Selected:
KALUMLU 12: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
