JONA 2
2
Jona rui Huayneymei
1Khav bung lungc khou rui Jona rui Ringhpouc kaRacguangc khou kumna huayney the:
2“He Ringhpouc, ryanramei ganv khou ai nang ta kaw khwan e,
kumna nang rui dawlou khwan e.
nkhavlou khang taruaih thangc rui ai kauc khwan e,
kumna nang rui dawlou khwan e.
3Nang rui ata duipuisyng thangc phaic keylou khwan e,
nthukmei duisyng khou,
khou tei dui rui ata gumliam khwan e,
kumna nang tuang tanhmei
duimuat rui ata liak bin the.
4Nang rui ata ganclou the kumna nang tuang nthanmei
Ravkai tei how dat pw lak khe twna kakhanh the.
5Ai hei dui khou kalimh key the kumna athiu thingc the;
duipui rui ata gum bin the,
duipui pantamv rui apy kasiath liam the.
6Chyngbut phaybi thangc ai key tangc the,
karaengv kaikhamv laanclou
dat zat makmei kandic thangc key the.
Tiki, He Ringhpouc aRavguangc nang rui ata nthukmei khunc thangc rui ringcna laa patlou dat the.
7Abuc tut key pwkhou,
he Ringhpouc ai nang khou huayney khwan e,
kumna nang tuang nthanmei bamv khou rui nang rui chulou khwan e.
8Nsa ravmaengc nunc ta kalummei kaniw thu kaniw khang naimei zauzian tei laatow kan mak khe.
9Tiki ai thu nang ta thuancna suan ni,
ai nang khang khaeng ni;
ai nang khou nrianhloumei tei kat ni.
Guloumei hei Ringhpouc na rui de!”
10Khoutei Jona ta dui paengc khou nlicpatlou dat khang Ringhpouc rui khav khou tei latdanv tii tina nlicpatlou dat the.
Currently Selected:
JONA 2: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
