GALATIMEI 4
4
1Ai rui samei kiu thu, kapu tampy laa nimei nac tei kamei alauc bam saanv thu, kapu tampy tei katuang bam khwan sini, bangh kumcna bam tuang di he. 2Kapu rui saloumei ganv tangh mak saanv, langloumei nunc rui kata ni, katuang lanv ta ni sin bam tuang e. 3Hei tei kumcna aniu ni, angana sw bammei douc tei mbaanv tuang puat guay riak bangc khou bam khwan e. 4Tiki kating tangc pwkhou Ravguangc rui kanac mpouh ta ndiu guang the. Kamei ntumei gaanv khat khou rui puancna Riakdanv bangc khou lungclou khwan the. 5Hei tei Riakdanv bangc khou bammei aniu ta thuaklouna, aniu Ravguangc nac nunc sw khang e.#Rom 8.15-17
6Nangniw kanac nunc tipui zaeng rui,#Nangniw kanac nunc tipui zaeng rui; hamh e thei nangniw kanac nunc e twmei ndauhna. Ravguangc rui Kanac Mpouh tuang Bumaengc, Ravguangc ta “Abba, Apu” twna kawmei Bumaengc tei aniu lung khou ndiu guanglou the. 7Hei zaeng rui, ntaw thu nangniw bangh hamh the, kanac mpouh di the. Kanac mpouh tipui zaeng rui Ravguangc rui kanac nunc khang tii nimei dam tei nangniw khang ni tii puni the.
Paul rui Galatimei khang Kadanmei
8Tat kanmei ganv khou, nangniw Ravguangc ta thay makmei douc tei, rav hamhmei ta rav swna mi kumhmei bangc tei sw bam khwan e. 9Tiki nangniw ntaw thu Ravguangc ta thay the, hamh e thei Ravguangc rui nangniw ta thay the. Akumhna nangniw ramh sw ngam makmei suanmei riak khou tei karih tat dat niina ning pat bam tu cho? Nangniw mi kumhmei nunc tuang bangc tei sw dat nii di hena cho? 10Nangniw tingmik, bw, kakwm kaganv khatni tingkwm ta ngaek bam e. 11Nangniw khang ntingloumei azaeng guay hei nsa maan nina ny twna lungh kadan tuang nai e.
12Chanathiu, ai rui nangniw khou zaenghuay e: i nangniw kumhmei swmei kumcna nangniw ni ai kumcna sw o. Nangniw akhou ramhkhat na sini nkhuaimei tuang swlou mak ge. 13Nangniw khou gaychamv dinclou rey liangmei tei apumc khou suc numei naipui zaeng rui e twmei nangniw thay e. 14Atuang su nu tei nangniw ta nchanvmei tuang sw khwan sini, nangniw ata karaengna, hamh e thei malana ganc pat mak ge. Mi phaan tei nangniw rui ata kauh baanchara khat ta kumc, Khrista Jisu ta kumc laalou e. 15Nangniw ramneila tei tabui sw kan thena cho? Nangniw mik lat patna akhang tii nuh tuang ti thei, nangniw tii kan ni tuang dyng the twna ai sa ngam e. 16Latling samei hei rui ai hei nangniw khang zauczihmei sw thena cho?
17Kaniw tei nangniw khang mamav hakna karamh bam e; tiki hei tei gay khang hamh e. Kaniw rui kahawmei thu nangniw ta akhou rui sw ntamv patna kaniw biak thangc lungh gut bam dat khang tw tuang e. 18Ai bam khou na hamhna, kaganv kathuicna khou, gay nimei lam khou thu hei tei kumcna lungh gutna bam e thei gay e. 19Ai nzianmei alaucthiu, nangniw khou Khrista tuang lwnlung kasiamh thau mak saanv, ai nangniw khang rui meicpui narui kumcna ryanra bam e. 20Ai ntaw nangniw daeng khou bam e thei gay ni tuang e; ai nangniw ta mi kumcna sa bam nii mak ge. Nangniw khang alung mpeyna ryanra e.
Hagar lev Sara ta Champanhmei
21Riakdanv bangc khou bam niimei nunc nangniw khou ai rui mi kumcna thanv nii e: Riakdanv rui samei tei nangniw chu mak he nah cho? 22Mi kumna hylou e: Abraham nac mpouh gaanv nei nai e. Gaanv khat rui banghpui nac e, baihmei gaanv khat tei rui nyngswmeipui nac e.#Tha 16.15; 12.2 23Banghpui rui puanhmei nac tei maansei riak thei layna puanhmei nac e; tiki nyngswmeipui rui puanhmei nac tei thu Ravguangc tuang latryan thei layna puanh tuang e. 24Mi hei latgiam e: Mi meicpui gaanv nei hei latdyng kanei tei e. Kanac nunc ta bangh swna puancloumeipui Hagar hei Sinai chyng khou swloumei latdyng tei e. 25Arabia tuang Sinai chyng Hagar#Baanhhy baibal asaekc khou Hagar twmei hei maek ge. hei ntaw tuang Jerusalem hei e. Kalam thu Jerusalem hei kakhou bammei mei guay lev bangh sw bam e. 26Tiki tingkauh Jerusalem hei thu nyngswmei e. Kamei hei aniu pui e. 27Kalam thu nthanmei latrik khou mi kumcna hylou e:
“Nakamcpeic, nang neihla o!
Naruimei ariw zat makmeipui,
nang neihlana kauc o!
Kalam thu ganc nruloumeipui rui
kagaanv rui mpatlou makmeipui suangc kanac geic puni the.”#Isa 54.1
28Chanathiu, aniu hei thu Isak kumcna kalatryan thei layna puanhmei nac nunc e. 29Mi maansei riak thei layna puanhmei nac hei rui Bumaengh paan rui puanhmei nac ta tei sw kasic khang sw kanmei kumcna, ntaw ni sw bam muay e.#Tha 21.9 30Tiki nthanmei latrik rui akumhna sa bu cho? “Banghpui ta tei kanac tei lev alay ganc o. Kalam thu banghpui nac tei nyngswmeipui nac tei rui kapu tuang tampy laanimei dam tei lay laa nuh mak ge,” twna sa e.#Tha 21.10 31Hei zaeng rui, chanathiu, aniu thu banghpui nac nunc hamh e; nyngswmeipui nac nunc de.
Currently Selected:
GALATIMEI 4: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
GALATIMEI 4
4
1Ai rui samei kiu thu, kapu tampy laa nimei nac tei kamei alauc bam saanv thu, kapu tampy tei katuang bam khwan sini, bangh kumcna bam tuang di he. 2Kapu rui saloumei ganv tangh mak saanv, langloumei nunc rui kata ni, katuang lanv ta ni sin bam tuang e. 3Hei tei kumcna aniu ni, angana sw bammei douc tei mbaanv tuang puat guay riak bangc khou bam khwan e. 4Tiki kating tangc pwkhou Ravguangc rui kanac mpouh ta ndiu guang the. Kamei ntumei gaanv khat khou rui puancna Riakdanv bangc khou lungclou khwan the. 5Hei tei Riakdanv bangc khou bammei aniu ta thuaklouna, aniu Ravguangc nac nunc sw khang e.#Rom 8.15-17
6Nangniw kanac nunc tipui zaeng rui,#Nangniw kanac nunc tipui zaeng rui; hamh e thei nangniw kanac nunc e twmei ndauhna. Ravguangc rui Kanac Mpouh tuang Bumaengc, Ravguangc ta “Abba, Apu” twna kawmei Bumaengc tei aniu lung khou ndiu guanglou the. 7Hei zaeng rui, ntaw thu nangniw bangh hamh the, kanac mpouh di the. Kanac mpouh tipui zaeng rui Ravguangc rui kanac nunc khang tii nimei dam tei nangniw khang ni tii puni the.
Paul rui Galatimei khang Kadanmei
8Tat kanmei ganv khou, nangniw Ravguangc ta thay makmei douc tei, rav hamhmei ta rav swna mi kumhmei bangc tei sw bam khwan e. 9Tiki nangniw ntaw thu Ravguangc ta thay the, hamh e thei Ravguangc rui nangniw ta thay the. Akumhna nangniw ramh sw ngam makmei suanmei riak khou tei karih tat dat niina ning pat bam tu cho? Nangniw mi kumhmei nunc tuang bangc tei sw dat nii di hena cho? 10Nangniw tingmik, bw, kakwm kaganv khatni tingkwm ta ngaek bam e. 11Nangniw khang ntingloumei azaeng guay hei nsa maan nina ny twna lungh kadan tuang nai e.
12Chanathiu, ai rui nangniw khou zaenghuay e: i nangniw kumhmei swmei kumcna nangniw ni ai kumcna sw o. Nangniw akhou ramhkhat na sini nkhuaimei tuang swlou mak ge. 13Nangniw khou gaychamv dinclou rey liangmei tei apumc khou suc numei naipui zaeng rui e twmei nangniw thay e. 14Atuang su nu tei nangniw ta nchanvmei tuang sw khwan sini, nangniw ata karaengna, hamh e thei malana ganc pat mak ge. Mi phaan tei nangniw rui ata kauh baanchara khat ta kumc, Khrista Jisu ta kumc laalou e. 15Nangniw ramneila tei tabui sw kan thena cho? Nangniw mik lat patna akhang tii nuh tuang ti thei, nangniw tii kan ni tuang dyng the twna ai sa ngam e. 16Latling samei hei rui ai hei nangniw khang zauczihmei sw thena cho?
17Kaniw tei nangniw khang mamav hakna karamh bam e; tiki hei tei gay khang hamh e. Kaniw rui kahawmei thu nangniw ta akhou rui sw ntamv patna kaniw biak thangc lungh gut bam dat khang tw tuang e. 18Ai bam khou na hamhna, kaganv kathuicna khou, gay nimei lam khou thu hei tei kumcna lungh gutna bam e thei gay e. 19Ai nzianmei alaucthiu, nangniw khou Khrista tuang lwnlung kasiamh thau mak saanv, ai nangniw khang rui meicpui narui kumcna ryanra bam e. 20Ai ntaw nangniw daeng khou bam e thei gay ni tuang e; ai nangniw ta mi kumcna sa bam nii mak ge. Nangniw khang alung mpeyna ryanra e.
Hagar lev Sara ta Champanhmei
21Riakdanv bangc khou bam niimei nunc nangniw khou ai rui mi kumcna thanv nii e: Riakdanv rui samei tei nangniw chu mak he nah cho? 22Mi kumna hylou e: Abraham nac mpouh gaanv nei nai e. Gaanv khat rui banghpui nac e, baihmei gaanv khat tei rui nyngswmeipui nac e.#Tha 16.15; 12.2 23Banghpui rui puanhmei nac tei maansei riak thei layna puanhmei nac e; tiki nyngswmeipui rui puanhmei nac tei thu Ravguangc tuang latryan thei layna puanh tuang e. 24Mi hei latgiam e: Mi meicpui gaanv nei hei latdyng kanei tei e. Kanac nunc ta bangh swna puancloumeipui Hagar hei Sinai chyng khou swloumei latdyng tei e. 25Arabia tuang Sinai chyng Hagar#Baanhhy baibal asaekc khou Hagar twmei hei maek ge. hei ntaw tuang Jerusalem hei e. Kalam thu Jerusalem hei kakhou bammei mei guay lev bangh sw bam e. 26Tiki tingkauh Jerusalem hei thu nyngswmei e. Kamei hei aniu pui e. 27Kalam thu nthanmei latrik khou mi kumcna hylou e:
“Nakamcpeic, nang neihla o!
Naruimei ariw zat makmeipui,
nang neihlana kauc o!
Kalam thu ganc nruloumeipui rui
kagaanv rui mpatlou makmeipui suangc kanac geic puni the.”#Isa 54.1
28Chanathiu, aniu hei thu Isak kumcna kalatryan thei layna puanhmei nac nunc e. 29Mi maansei riak thei layna puanhmei nac hei rui Bumaengh paan rui puanhmei nac ta tei sw kasic khang sw kanmei kumcna, ntaw ni sw bam muay e.#Tha 21.9 30Tiki nthanmei latrik rui akumhna sa bu cho? “Banghpui ta tei kanac tei lev alay ganc o. Kalam thu banghpui nac tei nyngswmeipui nac tei rui kapu tuang tampy laanimei dam tei lay laa nuh mak ge,” twna sa e.#Tha 21.10 31Hei zaeng rui, chanathiu, aniu thu banghpui nac nunc hamh e; nyngswmeipui nac nunc de.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.