GALATIMEI 3
3
Riakdanv lev Lwmmei
1He mpangmei Galatimeithiu! Nangniw lung thow rui swchamamv thena cho? Khrista ta kros khou thaengcluailou kanmei tei nangniw khou nthanna lyanlou kan the. 2Nangniw Ravguangc Bumaengc laatowmei tei Riakdanv piupui paan rui ny, gaychamv tei chuna lwmpui paan rui cho, ai thay nii e. 3Nangniw adih mpang bam tu cho! Nangniw Bumaengh paan rui kahouh lana ntaw thu nangniw rana pumtan rui luailou dat nii the twna cho? 4Nangniw laatow kanmei guay tei nsa di the nah cho? Kiuc hamh e! 5Nangniw khou Ravguangc rui katuang Bumaengc tiilouna nangniw pang khou charynmei taanv mpeyna taancloumei tei nangniw Kariak Latdanv piupui paan rui ny, gaychamv hei chuna lwmpui paan rui cho?
6Abraham ta tei kakhanh o: “Kamei Ravguangc khou lwm the, kum tina kata ravchaptatmei twna chaklou the,” twna nthanmei latrik rui sa e.#Tha 15.6; Rom 4.3 7Hei zaeng rui, Abraham nac nunc ling kiu thu lwmmei nunc tei e twmei nangniw thay nina e.#Rom 4.16 8Ravguangc rui Zentelmei ta lwmpui paan rui ravchaptatmei tiswlou puni twmei how rey lana, “Nang paan rui zaatc guayna ta suaihiamlou puni,” twmei gaychamv hei Abraham khou dinc kasuakcloumei nthanmei latrik khou salou the.#Tha 12.3 9Abraham tei lwm the, kumna kakhou suaihiamlou the. Kumna lwmmei guay khou ni Abraham khou tiiloumei suaihiam tei tiilou the.
10Riakdanv ngaekmei khou ngangvlou bammei guay tei thu syang bangc khou bam e. Kalam thu “Riakdanv khou hyloumei guayna tei piu tanh tan bam makpui mei ruc khou tei syang nai e!” twna nthanmei latrik rui sa e.#Ria 27.26 11Riakdanv piumei paan rui gaanv khat na ta sini ravchaptatmei tiswlou mak ge twmei nthan the. Kalam thu, “Lwmmei paan rui ravchaptatmei swpui mei tei ringc puni,”#Lwmmei paan rui ravchaptatmei swpui mei tei ringc puni; hamh e thei ravchaptatmei tiswloupui mei tei lwmpui paan rui ringc puni twna nthanmei latrik khou hylouna nai e.#Ibr 2.4 12Tiki Riakdanv hei thu lwmmei tuang hamh e, kalam thu “Mi guay hei piupui mei tei ringc puni,” twna sa e.#Lev 18.5
13“Thing khou thaengcloupui mei tei syang phunghpui mei e,” twna samei kumcna, Khrista rui aniu syang phungclouna, Riakdanv tuang syang khou rui kamei rui aniu ta thuakpatlou the.#Ria 21.23 14Mi hei, Abraham khou tiiloumei suaihiam tei Khrista Jisu paan rui Zentelmei guay ni laa nuh khang kamei rui taancloumei taanv e— nrianhloumei Bumaengc tei lwmpui paan rui laa khang e.
Riakdanv khatni Latryan
15Chanathiu, meic tatpui riak tei champancna sa puni: meic gaanv nei rui ramh lam khat khou chwn chamcna latryan swlou kan e thei, hei tei gaanv khat na rui sini swbak dat nuh mak khe; haap ni haap dat nuh mak khe. 16Mi latryan hei Abraham khatni kakikta khou swlou tuang e. “Nang kikta guay” twna, meic mpeyna ta sa mak ge; “nang kikta” twna gaanv khat na ta sa tuang de. Mi kiu Khrista ta sa tuang e.#Tha 12.7 17Ai rui sa bammei kiu thu mi hei e: Tingkwm phay padeih tamruc tangv rui tii guang datmei Riakdanv tei rui Ravguangc rui Abraham khou swlou kanmei latryan ta tei swbakna nsa titaan mak ge.#Tat 12.40
18Ravguangc kaipat hei Riakdanv piupui paan rui laa ni tuang khwan e thei, latryan tei thu nsa di the. Tiki Ravguangc rui Abraham khou tiilou kanmei tei thu latryan thei layna tiilou kanmei tuang de.#Rom 4.14
19Kum e thei Riakdanv hei thu tabui khang cho? Mi hei haaplou datmei thu twanlyammei kiu tabui tei cho twmei lyan khang e. Mi hei kakhou latryan swloumei Abraham kikta kiu guang mak saanv na khang de. Riakdanv hei kauh baanchara nunc rui chakak tatmei gaanv khat khou tii guang tuang e. 20Tiki gaanv khat na rui taanhmei taanv khou tei thu chakak tatmei kage maek ge; Ravguangc karana de.#Ravguangc karana de; hamh e thei Ravguangc akhat de; hamh e thei Ravguangc karana taanv de.
Riakdanv tuang Taanv
21Kum e thei, Riakdanv hei Ravguangc latryan guay ta nuh makmei cho? Kiuc hamh e! Kalam thu ringhmei tiilou nuhmei Kariak Latdanv tiilou bam khwan e thei, hei tei piuna ravchaptatmei sw bam kan ni tuang e. 22Tiki mbaanv kapwm hei paapc pumtan bangc khou bam e twna Nthanmei Latrik rui sa e. Hei zaeng rui, Jisu Khrista khou lwmmei guay khang tiilou nimei nrianhloumei kaipat hei lwmmei guay khang tiilou khang e. 23Mi lwmmei paan rui ravchaptatmei tiswloumei tuang hei guang makmei hu khou, Riakdanv hei rui aniu ta kangmei nunc ta kumcna, mi lwmmei tuang hei ndauh pat mak saanv bangclou bam tuang e. 24Kumna lwmmei paan rui aniu ta ravchaptatmei tiswlou khang rui, Khrista guang mak saanv, Riakdanv hei rui aniu ta nachaicpeic kumcna makav bam tuang e. 25Ntaw thu lwmmei tuang hei guang thena, aniu Riakdanv rui makav bammei bangc khou bam dat mak khe.
26Lwmpui paan rui Khrista Jisu khou nangniw guayna Ravguangc nac nunc di the. 27Kalam thu Khrista khou duiluplou kanmei nangniw guayna hei Khrista rui pheybaan kumcna duam liamlou the. 28Hei zaeng rui, Jihudimei khatni Zentelmei, bangh khatni nyngswmei, nggaanvmei khatni ntumei twmei nai dat mak khe; Khrista khou bammei nangniw guay akhat na di the.
29Nangniw Khrista tuang e thei, nangniw Abraham nac nunc the, kumna Ravguangc rui nrianhloumei tei laa nimei nunc the.#Rom 4.13
Currently Selected:
GALATIMEI 3: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
GALATIMEI 3
3
Riakdanv lev Lwmmei
1He mpangmei Galatimeithiu! Nangniw lung thow rui swchamamv thena cho? Khrista ta kros khou thaengcluailou kanmei tei nangniw khou nthanna lyanlou kan the. 2Nangniw Ravguangc Bumaengc laatowmei tei Riakdanv piupui paan rui ny, gaychamv tei chuna lwmpui paan rui cho, ai thay nii e. 3Nangniw adih mpang bam tu cho! Nangniw Bumaengh paan rui kahouh lana ntaw thu nangniw rana pumtan rui luailou dat nii the twna cho? 4Nangniw laatow kanmei guay tei nsa di the nah cho? Kiuc hamh e! 5Nangniw khou Ravguangc rui katuang Bumaengc tiilouna nangniw pang khou charynmei taanv mpeyna taancloumei tei nangniw Kariak Latdanv piupui paan rui ny, gaychamv hei chuna lwmpui paan rui cho?
6Abraham ta tei kakhanh o: “Kamei Ravguangc khou lwm the, kum tina kata ravchaptatmei twna chaklou the,” twna nthanmei latrik rui sa e.#Tha 15.6; Rom 4.3 7Hei zaeng rui, Abraham nac nunc ling kiu thu lwmmei nunc tei e twmei nangniw thay nina e.#Rom 4.16 8Ravguangc rui Zentelmei ta lwmpui paan rui ravchaptatmei tiswlou puni twmei how rey lana, “Nang paan rui zaatc guayna ta suaihiamlou puni,” twmei gaychamv hei Abraham khou dinc kasuakcloumei nthanmei latrik khou salou the.#Tha 12.3 9Abraham tei lwm the, kumna kakhou suaihiamlou the. Kumna lwmmei guay khou ni Abraham khou tiiloumei suaihiam tei tiilou the.
10Riakdanv ngaekmei khou ngangvlou bammei guay tei thu syang bangc khou bam e. Kalam thu “Riakdanv khou hyloumei guayna tei piu tanh tan bam makpui mei ruc khou tei syang nai e!” twna nthanmei latrik rui sa e.#Ria 27.26 11Riakdanv piumei paan rui gaanv khat na ta sini ravchaptatmei tiswlou mak ge twmei nthan the. Kalam thu, “Lwmmei paan rui ravchaptatmei swpui mei tei ringc puni,”#Lwmmei paan rui ravchaptatmei swpui mei tei ringc puni; hamh e thei ravchaptatmei tiswloupui mei tei lwmpui paan rui ringc puni twna nthanmei latrik khou hylouna nai e.#Ibr 2.4 12Tiki Riakdanv hei thu lwmmei tuang hamh e, kalam thu “Mi guay hei piupui mei tei ringc puni,” twna sa e.#Lev 18.5
13“Thing khou thaengcloupui mei tei syang phunghpui mei e,” twna samei kumcna, Khrista rui aniu syang phungclouna, Riakdanv tuang syang khou rui kamei rui aniu ta thuakpatlou the.#Ria 21.23 14Mi hei, Abraham khou tiiloumei suaihiam tei Khrista Jisu paan rui Zentelmei guay ni laa nuh khang kamei rui taancloumei taanv e— nrianhloumei Bumaengc tei lwmpui paan rui laa khang e.
Riakdanv khatni Latryan
15Chanathiu, meic tatpui riak tei champancna sa puni: meic gaanv nei rui ramh lam khat khou chwn chamcna latryan swlou kan e thei, hei tei gaanv khat na rui sini swbak dat nuh mak khe; haap ni haap dat nuh mak khe. 16Mi latryan hei Abraham khatni kakikta khou swlou tuang e. “Nang kikta guay” twna, meic mpeyna ta sa mak ge; “nang kikta” twna gaanv khat na ta sa tuang de. Mi kiu Khrista ta sa tuang e.#Tha 12.7 17Ai rui sa bammei kiu thu mi hei e: Tingkwm phay padeih tamruc tangv rui tii guang datmei Riakdanv tei rui Ravguangc rui Abraham khou swlou kanmei latryan ta tei swbakna nsa titaan mak ge.#Tat 12.40
18Ravguangc kaipat hei Riakdanv piupui paan rui laa ni tuang khwan e thei, latryan tei thu nsa di the. Tiki Ravguangc rui Abraham khou tiilou kanmei tei thu latryan thei layna tiilou kanmei tuang de.#Rom 4.14
19Kum e thei Riakdanv hei thu tabui khang cho? Mi hei haaplou datmei thu twanlyammei kiu tabui tei cho twmei lyan khang e. Mi hei kakhou latryan swloumei Abraham kikta kiu guang mak saanv na khang de. Riakdanv hei kauh baanchara nunc rui chakak tatmei gaanv khat khou tii guang tuang e. 20Tiki gaanv khat na rui taanhmei taanv khou tei thu chakak tatmei kage maek ge; Ravguangc karana de.#Ravguangc karana de; hamh e thei Ravguangc akhat de; hamh e thei Ravguangc karana taanv de.
Riakdanv tuang Taanv
21Kum e thei, Riakdanv hei Ravguangc latryan guay ta nuh makmei cho? Kiuc hamh e! Kalam thu ringhmei tiilou nuhmei Kariak Latdanv tiilou bam khwan e thei, hei tei piuna ravchaptatmei sw bam kan ni tuang e. 22Tiki mbaanv kapwm hei paapc pumtan bangc khou bam e twna Nthanmei Latrik rui sa e. Hei zaeng rui, Jisu Khrista khou lwmmei guay khang tiilou nimei nrianhloumei kaipat hei lwmmei guay khang tiilou khang e. 23Mi lwmmei paan rui ravchaptatmei tiswloumei tuang hei guang makmei hu khou, Riakdanv hei rui aniu ta kangmei nunc ta kumcna, mi lwmmei tuang hei ndauh pat mak saanv bangclou bam tuang e. 24Kumna lwmmei paan rui aniu ta ravchaptatmei tiswlou khang rui, Khrista guang mak saanv, Riakdanv hei rui aniu ta nachaicpeic kumcna makav bam tuang e. 25Ntaw thu lwmmei tuang hei guang thena, aniu Riakdanv rui makav bammei bangc khou bam dat mak khe.
26Lwmpui paan rui Khrista Jisu khou nangniw guayna Ravguangc nac nunc di the. 27Kalam thu Khrista khou duiluplou kanmei nangniw guayna hei Khrista rui pheybaan kumcna duam liamlou the. 28Hei zaeng rui, Jihudimei khatni Zentelmei, bangh khatni nyngswmei, nggaanvmei khatni ntumei twmei nai dat mak khe; Khrista khou bammei nangniw guay akhat na di the.
29Nangniw Khrista tuang e thei, nangniw Abraham nac nunc the, kumna Ravguangc rui nrianhloumei tei laa nimei nunc the.#Rom 4.13
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.