TATPATMEI 33
33
Sinai Chyng khou rui Tat Datmei
1 Ringhpouc rui Mousi khou sa the, “Mi bamv hei ganclouna nang khatni nang rui Izip khou rui nduangh patmei nunc tei ai rui Abraham, Isak, Jakob, khatni kaniw kikta khang tii puni twna nrianhloumei kandic thangc tei tat tho.#Tha 12.7; Tha 26.3; Tha 28.13 2Nang ta zaylou khang ai rui atuang baanchara thouclou puni, kumna ai rui Kanaanmei, Amormei, Hittimei, Perizimei, Hivimei, khatni Jebusimei guay ta alay ganclou puni. 3Nkhuaihdui khatni guaihnoudui luanghmei kandic thangc tei nangniw tat tho. Tiki ai kahak thu nangniw lev tat nchamc lak khe, kalam thu nangniw hei nutanhmei nunc e, kumna nangniw ta chaengkui khou rui swmaan nuh e.”
4Hei tei kaniw chu pwkhou kapna huay the, kumna gaanv khat na sini ntuh-ntah piu mak khe. 5Kumna meic nunc khou tei sa o twna Ringhpouc rui Mousi khou kumna latdanv tii the, “Nangniw hei nu tanhmei nunc e. Matat khat na sini ai nangniw lev tat nchamc e thei, ai rui nangniw ta sw kamut kamai ngamlou puni the. Nangniw tuang ntuh-ntah guay tei luak ganc o, mi tangv rui ai nangniw lev tabui sw kho cho twmei kakhanh dat puni.” 6Kumna Isaraelmei nunc tei Horeb chyng khou tei rui kaniw rui piu bammei ntu-ntah ganc ngamna piu dat mak khe.
Ringhpouc tuang Pheykai
7Isaraelmei rui zypui kasiamh thaumei kathuic Mousi rui nthanmei pheykai tei lai lana zypui khou tei rui ramhbiuc dou duhmei bamv khou katingh thaulou raph rap the. Mi ta tei “Ringhpouc Tuang kalummei pheykai” twna kaw e, kumna thow pwni Ringhpouc ta kachuc nimei guay tei mi khou tei guang the. 8Mousi rui mi thangc tei tat patpui kathuic, meic nunc tei kaniw tuang kalummei pheykai chaengmun khou dingna Mousi rui mi khou tei gut kan mak saanv zaucna bam raph rap the. 9Mousi rui gut kan e thei, muangh tiangc keyna kalummei pheykai chaengmun khou tei bam raph rap the, kumna Ringhpouc rui Mousi ta muangh khou tei rui kachuc raph rap the. 10Kalummei pheykai chaengmun khou tei muangh tiangc how e thei meic nunc tei nkhum key raph rap the. 11Maansei rui kapammei akhat ta kachucmei kumcna Ringhpouc rui Mousi ta zaw lev zaw puanc adyangna kachuc raph rap the. Mi tangv tei Mousi zypui khou guang dat the. Tiki Nun nac mpouh Joshua, Mousi ta nkhav bammei chabwan tei thu kalummei pheykai khou tei bam duc the.
Ringhpouc Kamei nunc ta Nchamclou Nimei Latryan
12Mousi rui Ringhpouc khou sa the, “Mi mei nunc ti hei mi kandic thangc tei nduanghlou khang nang rui ata sa the, tiki nang rui thow ta ai lev thouclou nchamc ni cho twmei nang rui akhou salou mak ge. Nang rui ata thay diangc siak siakna bam e khatni ata pianlouna bam e twna nang rui sa the. 13Kum e tw e thei, ai rui nang tuang siamruai swna nang ta tipian bam nuh diu khang rui nang tuang raeng guay akhou dinclou o. Mi zaat ti hei nang tuang sw khang nang rui kadahlou the twmei ni ningtowlou o.”
14 Ringhpouc rui sa the, “Ai nang lev tat nchamc puni the, kumna ai rui nang khou rih ngammei tiilou puni the.”
15Mousi rui daw the, “Nang rui aniw lev tat nchamclou mak ge thei, aniw ta mi bamv khou rui titat dat ri tho. 16Nang rui aniw ta tat nchamclou mak ge thei nang rui nang mei nunc ta khatni ata pianlou bam e twmei akumhna thay nina cho? Nang rui aniw pang khou bamloumei rui kandih nam ruc khou naimei zaatc baihmei guay khou rui aniw hei baic lath latmei sw puni the.”
17 Ringhpouc rui Mousi khou sa the, “Nang rui samei kumcna ai rui swlou puni the, kalam thu ai rui nang ta thay diangc siakh siak ge khatni ai nang ta pian e.”
18Khoutei Mousi rui kumna zaenghuay the, “Nang tuang hym gaanhmei tei akhou lyanlou o.”
19 Ringhpouc rui daw the, “Atuang hymgaanhmei nang hu khou tiguang puni the kumna nang hu khou atuang nthanmei zanc kauc pat puni the. Ai hei Ringhpouc e, ai rui zauzianlou ni twmei khou zauzianlou puni khatni nzianlou ni twmei khou tei nzianlou puni.#Rom 9.15 20Ai rui nang ta azaw tihow lak ge, kalam thu meic gaanv khat na sini ata how lana ringc bam ngam mak ge, 21tiki nang dingbam khang adaeng khou hei taudaic nai the. 22Atuang hym gaanhmei guang pwkhou, ai tat twan mak saanv, ai rui nang ta taudaic lang khou louna abaanc rui gumbinlou puni. 23Mi tangv tei abaanc laa ganclou dat puni, kumna nang azaw hamhna athei how puni.”
Currently Selected:
TATPATMEI 33: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 33
33
Sinai Chyng khou rui Tat Datmei
1 Ringhpouc rui Mousi khou sa the, “Mi bamv hei ganclouna nang khatni nang rui Izip khou rui nduangh patmei nunc tei ai rui Abraham, Isak, Jakob, khatni kaniw kikta khang tii puni twna nrianhloumei kandic thangc tei tat tho.#Tha 12.7; Tha 26.3; Tha 28.13 2Nang ta zaylou khang ai rui atuang baanchara thouclou puni, kumna ai rui Kanaanmei, Amormei, Hittimei, Perizimei, Hivimei, khatni Jebusimei guay ta alay ganclou puni. 3Nkhuaihdui khatni guaihnoudui luanghmei kandic thangc tei nangniw tat tho. Tiki ai kahak thu nangniw lev tat nchamc lak khe, kalam thu nangniw hei nutanhmei nunc e, kumna nangniw ta chaengkui khou rui swmaan nuh e.”
4Hei tei kaniw chu pwkhou kapna huay the, kumna gaanv khat na sini ntuh-ntah piu mak khe. 5Kumna meic nunc khou tei sa o twna Ringhpouc rui Mousi khou kumna latdanv tii the, “Nangniw hei nu tanhmei nunc e. Matat khat na sini ai nangniw lev tat nchamc e thei, ai rui nangniw ta sw kamut kamai ngamlou puni the. Nangniw tuang ntuh-ntah guay tei luak ganc o, mi tangv rui ai nangniw lev tabui sw kho cho twmei kakhanh dat puni.” 6Kumna Isaraelmei nunc tei Horeb chyng khou tei rui kaniw rui piu bammei ntu-ntah ganc ngamna piu dat mak khe.
Ringhpouc tuang Pheykai
7Isaraelmei rui zypui kasiamh thaumei kathuic Mousi rui nthanmei pheykai tei lai lana zypui khou tei rui ramhbiuc dou duhmei bamv khou katingh thaulou raph rap the. Mi ta tei “Ringhpouc Tuang kalummei pheykai” twna kaw e, kumna thow pwni Ringhpouc ta kachuc nimei guay tei mi khou tei guang the. 8Mousi rui mi thangc tei tat patpui kathuic, meic nunc tei kaniw tuang kalummei pheykai chaengmun khou dingna Mousi rui mi khou tei gut kan mak saanv zaucna bam raph rap the. 9Mousi rui gut kan e thei, muangh tiangc keyna kalummei pheykai chaengmun khou tei bam raph rap the, kumna Ringhpouc rui Mousi ta muangh khou tei rui kachuc raph rap the. 10Kalummei pheykai chaengmun khou tei muangh tiangc how e thei meic nunc tei nkhum key raph rap the. 11Maansei rui kapammei akhat ta kachucmei kumcna Ringhpouc rui Mousi ta zaw lev zaw puanc adyangna kachuc raph rap the. Mi tangv tei Mousi zypui khou guang dat the. Tiki Nun nac mpouh Joshua, Mousi ta nkhav bammei chabwan tei thu kalummei pheykai khou tei bam duc the.
Ringhpouc Kamei nunc ta Nchamclou Nimei Latryan
12Mousi rui Ringhpouc khou sa the, “Mi mei nunc ti hei mi kandic thangc tei nduanghlou khang nang rui ata sa the, tiki nang rui thow ta ai lev thouclou nchamc ni cho twmei nang rui akhou salou mak ge. Nang rui ata thay diangc siak siakna bam e khatni ata pianlouna bam e twna nang rui sa the. 13Kum e tw e thei, ai rui nang tuang siamruai swna nang ta tipian bam nuh diu khang rui nang tuang raeng guay akhou dinclou o. Mi zaat ti hei nang tuang sw khang nang rui kadahlou the twmei ni ningtowlou o.”
14 Ringhpouc rui sa the, “Ai nang lev tat nchamc puni the, kumna ai rui nang khou rih ngammei tiilou puni the.”
15Mousi rui daw the, “Nang rui aniw lev tat nchamclou mak ge thei, aniw ta mi bamv khou rui titat dat ri tho. 16Nang rui aniw ta tat nchamclou mak ge thei nang rui nang mei nunc ta khatni ata pianlou bam e twmei akumhna thay nina cho? Nang rui aniw pang khou bamloumei rui kandih nam ruc khou naimei zaatc baihmei guay khou rui aniw hei baic lath latmei sw puni the.”
17 Ringhpouc rui Mousi khou sa the, “Nang rui samei kumcna ai rui swlou puni the, kalam thu ai rui nang ta thay diangc siakh siak ge khatni ai nang ta pian e.”
18Khoutei Mousi rui kumna zaenghuay the, “Nang tuang hym gaanhmei tei akhou lyanlou o.”
19 Ringhpouc rui daw the, “Atuang hymgaanhmei nang hu khou tiguang puni the kumna nang hu khou atuang nthanmei zanc kauc pat puni the. Ai hei Ringhpouc e, ai rui zauzianlou ni twmei khou zauzianlou puni khatni nzianlou ni twmei khou tei nzianlou puni.#Rom 9.15 20Ai rui nang ta azaw tihow lak ge, kalam thu meic gaanv khat na sini ata how lana ringc bam ngam mak ge, 21tiki nang dingbam khang adaeng khou hei taudaic nai the. 22Atuang hym gaanhmei guang pwkhou, ai tat twan mak saanv, ai rui nang ta taudaic lang khou louna abaanc rui gumbinlou puni. 23Mi tangv tei abaanc laa ganclou dat puni, kumna nang azaw hamhna athei how puni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.