TATPATMEI 32
32
Kachaekc Guaituamchic Launa
(Ria 9.6-29)
1Mousi tei key dat makna chyngbut thangc bam saengcna bam kan ti khou meic nunc tei Aron daeng khou guang kaduaina sa the, “Aniu ta Izip kandic khou rui nduangh patmei Mousi tei tabui tuang sw la thena cho aniu thay mak khe, kumhpui zaeng rui aniu ta zaylou khang rav kasiamhlou tho.”#Lat 7.40
2Aron rui kaniw khou sa the, “Nangniw now nunc, nangniw nac mpouh aluh nunc mwn bammei kachaekc tadip guay tei khakpatna akhou laaguang tho.” 3Kumna meic guayna tei rui kaniw tuang kachaekc tadip guay tei khakpatna Aron khou laaguang the. 4Kamei rui tadip guay tei laana, sw nungc lana kachaekc guaituam— launa kasiamh the.
Khoutei kaniw rui sa the, “Isaraelmeile, mi hei aniu ta Izip khou rui nduangh patmei aniu rav tei the!”#1 Gu 12.28; Lat 7.41
5Khoutei Aron rui kachaekc guaituam launa hu khou tei ravchapaeng kasiamh thauna sa the, “Nthuanh kiu Ringhpouc khou ngay puni the.” 6Rawna khaeng khang khatni baihmei rui alamvpuatkat swna tu khang nthuanh lauthwan thwanzingh kaniw rui khouringh laaguang the. Meic nunc tei dungc keyna, tuna zangvna nthah-bowlahmei taanv taanc the.#1 Ko 10.7
7Khoutei Ringhpouc rui Mousi khou sa the, “Nang katumcna key dat tho, kalam thu nang rui Izip khou rui nduangh patmei nang mei nunc tei, ata mpatlouna paapc taanc bam the. 8Kaniw tat khang ai rui kaniw khou latdanv tiiloumei chaeng tei kaniw mpatlou kan the; kaniw tei kachaekc sw nungc lana guaituamchic launa kasiamh the kumna mi ta tei kalumna mi khang tei khaengna bam the. Hei tei kaniw ta Izip khou rui nduangh patloumei rav the twna kaniw sa bam the. 9Kaniw hei adih kaniw nu tanc kan tu cho twmei ai thay the. 10Ntaw thu ata khaam dat ri tho, ai lunghpuamcna kaniw ta swmaan puni the. Mi tangv ai rui nang khatni nang kikta ta zaatc daihmei akhat tiswlou dat puni the.”
11Khoutei Mousi rui Ringhpouc kaRacguangc khou huayna kumna sa the, “He Ringhpouc, pumtan baantan khatni ngamv dai kazauhna Izip khou rui nang rui kanpatloumei nang mei nunc ruc khou nang rui tabui swna heidi lunghpuamc bam nina cho?#Sin 14.13-19 12Chyngbut khou kaniw ta swluai khang kumcna kaniw ta swmutsutlou khang nang rui nang mei nunc ta nduangh patmei tuang the twna tabui swna Izipmei nunc ta tisa bam nina cho? Lunghpuamclou ri tho; nang lung kalaiclouna hei tei nang mei nunc ruc khou taanclou ri tho. 13Nang bangc Abraham, Isak, khatni Jakob ta ningtowlou o. Kaniw kikta tingpuk khou gaanchuangcna zu tiilou puni khatni kaniw khang tingsaengzaeng sw puni twna nrianhloumei kandic tei tiilou puni twna nang rui kaniw khou nthukmei latdyng swlou kanmei tei ningtowlou o.”#Tha 22.16,17; Tha 17.8 14Ringhpouc rui kalung kalaicna kamei rui tii puni twna samei dandi tei kamei nunc ruc khou tikeylou mak khe.
15Latdanv ruh kazat kanei thangc hyloumei tauhpaek kanei tei phungcna Mousi chyngbut khou tei rui key dat the. 16Ravguangc kamei kahak rui mi taucpaek tei kasiamhna latdanv tei mi khou tei hyloumei tuang e.
17Meic nunc rui kauc bammei khwan tei chu lana Joshua rui Mousi khou “Rih sw bammei khwan zypui khou tei chu e” twna sa the.
18Mousi rui daw the, “Mi hei rih ngamna kauhmei khwan kumh mak ge, zaw sina kapmei khwan ni hamh e; mi hei lu suanmei khwan de.”
19Mousi rui zypui tei ana guangna guaituam launa tei khatni alaamh bammei tei how pwkhou mai patna lunghpuamc the. Kamei rui phungc keymei taucpaek tei mi chingcphay khou tei siauc key the, kumna hei tei bak the. 20Kaniw rui kasiamhloumei guaituam launa tei laana hei tei sw nungc the, kabuay sow pat the, kumna hei tei dui khou kaguatclouna kamei rui hei tei Isaraelmei nunc ta tizangv the. 21Kamei rui Aron khou sa the, “Mi nunc hei rui nang ta tabui swlou pwna heidikamv si kanmei paap hei nang rui kaniw ta titaanh tu cho?”
22Aron rui daw the, “Ata lunghpuamclou rio; meic nunc hei simei taanv taanh khang kaniw lungning nai tina de twmei nang thay e. 23Kaniw rui akhou ‘Aniu ta Izip khou rui nduangh patmei Mousi tei tabui sw kanna cho twmei aniu thay mak khe; kumna aniu ta zaylou khang rav kasiamhlou tho; twna kaniw rui sa the. 24Kumna kaniw tuang kachaekc tuang karuh pwan guay tei adaeng khou laaguang khang ai rui sa the, kumna naimei kathuic rui khakpat lana akhou tiilou the. Ai rui mi guay tei mai khou phaiclou tina mi guaituam launa hei pat the.’ ”
25Aron tei rui meic nunc ta tei sa ngam la makna mi mbamei taanv tei kaniw ta zauczihmei nunc hu khou taanc bammei tuang di the twmei Mousi tei how the. 26Kumna Mousi tei zypui kailuangc tuang raengcmun thangc tei dingna kauc the, “Ringhpouc biak liangc nimei kiu tho adaeng khou guang tho!” Kumna Levimei guay tei kadaeng khou guang bam padik the. 27Khoutei kamei rui sa the, “Nangniw meic kathuicna katuang katuang baengsaeng sinna mi raengcmun khou rui thauna raenghmun akhat thangc tei nganv kai kathuic khou tatna kachana punav, karup karian, khatni kakaining laugeimei guay ta swluai tho twna Ringhpouc Isarael Ravguangc rui sa the.” 28Mousi rui samei theilayna Levimei nunc rui taanc the, kumna mi nungc tei meic 3000 dou ta swluai the. 29Mousi rui Levimei nunc khou tei sa the, “Aseic hei nangniw ta Ringhpouc khang rui reicpatlou kan the, kalam thu nangniw rui nangniw nac nunc khatni chana nunc ta nganvna swluai the, kumna kamei rui aseic hei nangniw ta suaihiamlou the.”
30Nthuanh thauna Mousi rui meic nunc khou tei sa the, “Si kanmei paap aseic hei nangniw taanc the. Tiki ai Ringhpouc daeng thangc ku dat ni the; kumna nangniw paap tei ai ney kuaklou kho ni nuh e.” 31Kumna Mousi rui Ringhpouc khou hanc guang datna sa the, “Mi mei nunc hei rui si kanmei paap taanc the; kaniw rui kachaekc rui rav kasiamhna mi ta tei kaniw kalum the. 32Kaniw tuang paap hei kuaklou o; kuaklou ngam mak ge thei, nang mei nunc zanc hyloumei buk khou tei rui azanc hei laa ganclou o.”#Kal 69.28; Nda 3.5
33 Ringhpouc rui daw the, “Akhou paapc taanhmei nunc zanc tei atuang latrik buk khou rui ai rui laa ganc puni the. 34Ntaw thu tat tho, ai rui nang khou saloumei bamv thangc tei kaniw ta nduangh tat tho. Atuang baanchara rui nang ta zaylou puni twmei amuc riu, tiki mi mei nunc ti hei kaniw khuay zaeng rui dandi tii nimei ganv guang pu the.”
35Kaniw rui namna Aron ta kachaekc guaituam launa tikasiamhmei zaeng rui Ringhpouc rui kaniw ruc khou meic ryam tiguang the.
Currently Selected:
TATPATMEI 32: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 32
32
Kachaekc Guaituamchic Launa
(Ria 9.6-29)
1Mousi tei key dat makna chyngbut thangc bam saengcna bam kan ti khou meic nunc tei Aron daeng khou guang kaduaina sa the, “Aniu ta Izip kandic khou rui nduangh patmei Mousi tei tabui tuang sw la thena cho aniu thay mak khe, kumhpui zaeng rui aniu ta zaylou khang rav kasiamhlou tho.”#Lat 7.40
2Aron rui kaniw khou sa the, “Nangniw now nunc, nangniw nac mpouh aluh nunc mwn bammei kachaekc tadip guay tei khakpatna akhou laaguang tho.” 3Kumna meic guayna tei rui kaniw tuang kachaekc tadip guay tei khakpatna Aron khou laaguang the. 4Kamei rui tadip guay tei laana, sw nungc lana kachaekc guaituam— launa kasiamh the.
Khoutei kaniw rui sa the, “Isaraelmeile, mi hei aniu ta Izip khou rui nduangh patmei aniu rav tei the!”#1 Gu 12.28; Lat 7.41
5Khoutei Aron rui kachaekc guaituam launa hu khou tei ravchapaeng kasiamh thauna sa the, “Nthuanh kiu Ringhpouc khou ngay puni the.” 6Rawna khaeng khang khatni baihmei rui alamvpuatkat swna tu khang nthuanh lauthwan thwanzingh kaniw rui khouringh laaguang the. Meic nunc tei dungc keyna, tuna zangvna nthah-bowlahmei taanv taanc the.#1 Ko 10.7
7Khoutei Ringhpouc rui Mousi khou sa the, “Nang katumcna key dat tho, kalam thu nang rui Izip khou rui nduangh patmei nang mei nunc tei, ata mpatlouna paapc taanc bam the. 8Kaniw tat khang ai rui kaniw khou latdanv tiiloumei chaeng tei kaniw mpatlou kan the; kaniw tei kachaekc sw nungc lana guaituamchic launa kasiamh the kumna mi ta tei kalumna mi khang tei khaengna bam the. Hei tei kaniw ta Izip khou rui nduangh patloumei rav the twna kaniw sa bam the. 9Kaniw hei adih kaniw nu tanc kan tu cho twmei ai thay the. 10Ntaw thu ata khaam dat ri tho, ai lunghpuamcna kaniw ta swmaan puni the. Mi tangv ai rui nang khatni nang kikta ta zaatc daihmei akhat tiswlou dat puni the.”
11Khoutei Mousi rui Ringhpouc kaRacguangc khou huayna kumna sa the, “He Ringhpouc, pumtan baantan khatni ngamv dai kazauhna Izip khou rui nang rui kanpatloumei nang mei nunc ruc khou nang rui tabui swna heidi lunghpuamc bam nina cho?#Sin 14.13-19 12Chyngbut khou kaniw ta swluai khang kumcna kaniw ta swmutsutlou khang nang rui nang mei nunc ta nduangh patmei tuang the twna tabui swna Izipmei nunc ta tisa bam nina cho? Lunghpuamclou ri tho; nang lung kalaiclouna hei tei nang mei nunc ruc khou taanclou ri tho. 13Nang bangc Abraham, Isak, khatni Jakob ta ningtowlou o. Kaniw kikta tingpuk khou gaanchuangcna zu tiilou puni khatni kaniw khang tingsaengzaeng sw puni twna nrianhloumei kandic tei tiilou puni twna nang rui kaniw khou nthukmei latdyng swlou kanmei tei ningtowlou o.”#Tha 22.16,17; Tha 17.8 14Ringhpouc rui kalung kalaicna kamei rui tii puni twna samei dandi tei kamei nunc ruc khou tikeylou mak khe.
15Latdanv ruh kazat kanei thangc hyloumei tauhpaek kanei tei phungcna Mousi chyngbut khou tei rui key dat the. 16Ravguangc kamei kahak rui mi taucpaek tei kasiamhna latdanv tei mi khou tei hyloumei tuang e.
17Meic nunc rui kauc bammei khwan tei chu lana Joshua rui Mousi khou “Rih sw bammei khwan zypui khou tei chu e” twna sa the.
18Mousi rui daw the, “Mi hei rih ngamna kauhmei khwan kumh mak ge, zaw sina kapmei khwan ni hamh e; mi hei lu suanmei khwan de.”
19Mousi rui zypui tei ana guangna guaituam launa tei khatni alaamh bammei tei how pwkhou mai patna lunghpuamc the. Kamei rui phungc keymei taucpaek tei mi chingcphay khou tei siauc key the, kumna hei tei bak the. 20Kaniw rui kasiamhloumei guaituam launa tei laana hei tei sw nungc the, kabuay sow pat the, kumna hei tei dui khou kaguatclouna kamei rui hei tei Isaraelmei nunc ta tizangv the. 21Kamei rui Aron khou sa the, “Mi nunc hei rui nang ta tabui swlou pwna heidikamv si kanmei paap hei nang rui kaniw ta titaanh tu cho?”
22Aron rui daw the, “Ata lunghpuamclou rio; meic nunc hei simei taanv taanh khang kaniw lungning nai tina de twmei nang thay e. 23Kaniw rui akhou ‘Aniu ta Izip khou rui nduangh patmei Mousi tei tabui sw kanna cho twmei aniu thay mak khe; kumna aniu ta zaylou khang rav kasiamhlou tho; twna kaniw rui sa the. 24Kumna kaniw tuang kachaekc tuang karuh pwan guay tei adaeng khou laaguang khang ai rui sa the, kumna naimei kathuic rui khakpat lana akhou tiilou the. Ai rui mi guay tei mai khou phaiclou tina mi guaituam launa hei pat the.’ ”
25Aron tei rui meic nunc ta tei sa ngam la makna mi mbamei taanv tei kaniw ta zauczihmei nunc hu khou taanc bammei tuang di the twmei Mousi tei how the. 26Kumna Mousi tei zypui kailuangc tuang raengcmun thangc tei dingna kauc the, “Ringhpouc biak liangc nimei kiu tho adaeng khou guang tho!” Kumna Levimei guay tei kadaeng khou guang bam padik the. 27Khoutei kamei rui sa the, “Nangniw meic kathuicna katuang katuang baengsaeng sinna mi raengcmun khou rui thauna raenghmun akhat thangc tei nganv kai kathuic khou tatna kachana punav, karup karian, khatni kakaining laugeimei guay ta swluai tho twna Ringhpouc Isarael Ravguangc rui sa the.” 28Mousi rui samei theilayna Levimei nunc rui taanc the, kumna mi nungc tei meic 3000 dou ta swluai the. 29Mousi rui Levimei nunc khou tei sa the, “Aseic hei nangniw ta Ringhpouc khang rui reicpatlou kan the, kalam thu nangniw rui nangniw nac nunc khatni chana nunc ta nganvna swluai the, kumna kamei rui aseic hei nangniw ta suaihiamlou the.”
30Nthuanh thauna Mousi rui meic nunc khou tei sa the, “Si kanmei paap aseic hei nangniw taanc the. Tiki ai Ringhpouc daeng thangc ku dat ni the; kumna nangniw paap tei ai ney kuaklou kho ni nuh e.” 31Kumna Mousi rui Ringhpouc khou hanc guang datna sa the, “Mi mei nunc hei rui si kanmei paap taanc the; kaniw rui kachaekc rui rav kasiamhna mi ta tei kaniw kalum the. 32Kaniw tuang paap hei kuaklou o; kuaklou ngam mak ge thei, nang mei nunc zanc hyloumei buk khou tei rui azanc hei laa ganclou o.”#Kal 69.28; Nda 3.5
33 Ringhpouc rui daw the, “Akhou paapc taanhmei nunc zanc tei atuang latrik buk khou rui ai rui laa ganc puni the. 34Ntaw thu tat tho, ai rui nang khou saloumei bamv thangc tei kaniw ta nduangh tat tho. Atuang baanchara rui nang ta zaylou puni twmei amuc riu, tiki mi mei nunc ti hei kaniw khuay zaeng rui dandi tii nimei ganv guang pu the.”
35Kaniw rui namna Aron ta kachaekc guaituam launa tikasiamhmei zaeng rui Ringhpouc rui kaniw ruc khou meic ryam tiguang the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.