TATPATMEI 26
26
Ringhpouc tuang Pheykai
(Tat 36.8-38)
1“Ai bam nimei kalummei pheykai kainung tei nrymmei, haengcnrymmei khatni haenghmei gaymei linen langc rui dakloumei phey ruh rui katingh nina e. Mi guay khou tei kerubim maengc luanh chuyna luanhlou nina e. 2Phey kaguayna tei kasaeng kadai nchamcna chowbuk 28 saengc, padeih daic nina e. 3Phey panguh panguh hui kariuna kanaek kanei khou tei lou nina e. 4Katinmei phey tin khou tei langh nrymmei rui kanu lou nina e. 5Reymei pheykin tuang reymei phey tin khou tei kanu 50 lou nina e khatni kaneimei phey kin tuang nkhamhmei phey tin khou tei reymei tei lev zaengchamcna kanu 50 lou muay nina e. Kumna pheykin kanei tei khat khat ta puanc achow nina e. 6Mi pheykin kanei tei kachaekc tuang kanu 50 nai nina e kumna pheykin kanei tei gou kariulou nina e, hei tei rui pheykai akhat na sw khang e.
7“Mi pheykai tei gumbin khang ziuh hiw phey 11 kasiamh nina e. 8Mi guay tei kasaeng kadai nchamcna chowbuk 30 saengc, padeih daic nina e. 9Panguh rui kakin akhat khatni charuk rui kakin akhat twna hui kariu nina e. Charukmei phey tei kalummei pheykai kaimav khou tei nchung khou rui kadiplou nina e. 10Kakin akhat tuang nkhamhmei phey tin khou tei kanu 50 paanclou nina e khatni baihmei kin akhat khou tei ni katin akhat khou kanu 50 lou nina e. 11Mi pheykin kanei tei gou kariulou nuh khang tanzinc tuang khuay 50 ni paanclou nina e. Hei tei rui kai akhat na sw khang e. 12Phey laek akhat tuang kapaek mbumei tei pheykai kathei thangc tei thaengc keylou nina e. 13Kadai khou rui kanaek kanei khou chowbuk akhat akhat mbu patmei tei kainaek kanei khou tei thaengc keylou nina e.
14“Mi kai gwm khang tei nsangh haengcloumei lauziuchic gic khatni guaih gic gaymei rui kasiamhmei tuang kaigwm kanei kasiamh nina e.
15“Kai tiangc khang akasia thing rui kasiamh nina e. 16Katiangc akhat tei chowbuk 10 kauhmei khatni chowbuk akhat kapaek daihmei nina e. 17Katiangc guay tei nsuk alamv nuh khang katiangc khou tei rui kabaanc kanei saengc pat nina e. Katiangc kaguayna tei mi kumhmei mbu patmei baanc hei nai nina e. 18Dihba biak thangc khang katiangc 20 kasiamh nina e. 19Katiangc tei dungclou khang daandi tuang bamv 40 ni kasiamh nina e. Katiangc akhat khou tei daandi tuang kabamv kanei kanei lou nina e khatni kabaanc khou akhat akhat lou nina e. 20Pheykai tuang dihpy biak thangc khang tei katiangc 20 kasiamh nina e. 21Katiangc khang daandi tuang kabam 40 kasiamhna katiangc akhat bangc khou kanei kanei lou nina e. 22Neihkey biak kaithei khang tei katiangc charuk khatni, 23kakwn khang katiangc kanei kasiamh nina e. 24Mi kakwn tiangc kanei hei kaphayba khou kanei dwan puni katwan nganv loudacna lou nina e. Kakwn kasiamh nimei tiangc kanei tei mi hei kumcna kasiamh nina e. 25Kumna mi khang tei katiangc tachat khatni kabamv 16 nai nina e.
26“Akasia thing tuang kaluang 15 kasiamh nina e. Panguh rui pheykai naek akhat luang khang 27panguh akhat rui kanaek akhat thangc khatni baihmei panguh tei rui neihkey biak kathei thangc khang e. 28Nchungmei luang, katiangc pang tuang nchung khou patmei tei kalummei pheykai kaithei kaihu tei kathi alamv pat nina e. 29Katiangc guay tei kachaekc rui duam nina e, kumna kalangv tei karilou khang katiangc guay tei kachaekc tuang ntiangh-nu lou nina e. Mi luang guay tei ni kachaekc rui duam nina e. 30Kalummei pheykai tei ai rui nang khou chyngbut khou lyanlou kanmei tei kumcna kasiamh nina e.
31“Nrymmei, haengcnrymmei khatni haenghmei gaymei linen langc rui dakloumei phey khamthinghphey khang kasiamh nina e. Khoutei kerubim maengc luanh chuyna luanhlou nina e. 32Kachaekc rui duamloumei, khuay paancloumei, daandi tuang bamv padeih khou dingloumei akasia thing tiangc padeih khou tei hei tei thaengclou nina e. 33Mi khamthinghphey tei kairuak khou ntanh haengv thaengc suakloumei khou tei ntalou nina e, kumna ntauhpaek kanei loumei latdyng khuk tei khamthinghphey lungc thangc tei lou nina e. Hei tei rui Nthanmei khatni Nthan Liangmei Bamv kanei ta tei daengc langc puni.#Ibr 6.19; 9.3-5 34Zauzian bamvpaeng tei latdyng khuk ruc khou louna hei tei nthan liangmei bamv khou tei lou nina e. 35Nthan Liangmei Bamv paengc khou tei, ntyan paeng tei dihpy biak thangc khatni thauhmai tiangc tei dihba biak thangc lou nina e.
36“Pheykai kaimun phey khang nrymmei, haengcnrymmei khatni haenghmei linen langc gaymei rui dakmei phey kasiamh nina e. 37Mi tiangc khang tei akasia tiangc panguh kasiamh nina e. Hei tei kachaekc rui duam nina e khatni kachaekc tuang khuay duanclou nina e. Mi tiangc guay bamv khang tei tanzinc tuang bamv panguh kasiamh nina e.
Currently Selected:
TATPATMEI 26: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 26
26
Ringhpouc tuang Pheykai
(Tat 36.8-38)
1“Ai bam nimei kalummei pheykai kainung tei nrymmei, haengcnrymmei khatni haenghmei gaymei linen langc rui dakloumei phey ruh rui katingh nina e. Mi guay khou tei kerubim maengc luanh chuyna luanhlou nina e. 2Phey kaguayna tei kasaeng kadai nchamcna chowbuk 28 saengc, padeih daic nina e. 3Phey panguh panguh hui kariuna kanaek kanei khou tei lou nina e. 4Katinmei phey tin khou tei langh nrymmei rui kanu lou nina e. 5Reymei pheykin tuang reymei phey tin khou tei kanu 50 lou nina e khatni kaneimei phey kin tuang nkhamhmei phey tin khou tei reymei tei lev zaengchamcna kanu 50 lou muay nina e. Kumna pheykin kanei tei khat khat ta puanc achow nina e. 6Mi pheykin kanei tei kachaekc tuang kanu 50 nai nina e kumna pheykin kanei tei gou kariulou nina e, hei tei rui pheykai akhat na sw khang e.
7“Mi pheykai tei gumbin khang ziuh hiw phey 11 kasiamh nina e. 8Mi guay tei kasaeng kadai nchamcna chowbuk 30 saengc, padeih daic nina e. 9Panguh rui kakin akhat khatni charuk rui kakin akhat twna hui kariu nina e. Charukmei phey tei kalummei pheykai kaimav khou tei nchung khou rui kadiplou nina e. 10Kakin akhat tuang nkhamhmei phey tin khou tei kanu 50 paanclou nina e khatni baihmei kin akhat khou tei ni katin akhat khou kanu 50 lou nina e. 11Mi pheykin kanei tei gou kariulou nuh khang tanzinc tuang khuay 50 ni paanclou nina e. Hei tei rui kai akhat na sw khang e. 12Phey laek akhat tuang kapaek mbumei tei pheykai kathei thangc tei thaengc keylou nina e. 13Kadai khou rui kanaek kanei khou chowbuk akhat akhat mbu patmei tei kainaek kanei khou tei thaengc keylou nina e.
14“Mi kai gwm khang tei nsangh haengcloumei lauziuchic gic khatni guaih gic gaymei rui kasiamhmei tuang kaigwm kanei kasiamh nina e.
15“Kai tiangc khang akasia thing rui kasiamh nina e. 16Katiangc akhat tei chowbuk 10 kauhmei khatni chowbuk akhat kapaek daihmei nina e. 17Katiangc guay tei nsuk alamv nuh khang katiangc khou tei rui kabaanc kanei saengc pat nina e. Katiangc kaguayna tei mi kumhmei mbu patmei baanc hei nai nina e. 18Dihba biak thangc khang katiangc 20 kasiamh nina e. 19Katiangc tei dungclou khang daandi tuang bamv 40 ni kasiamh nina e. Katiangc akhat khou tei daandi tuang kabamv kanei kanei lou nina e khatni kabaanc khou akhat akhat lou nina e. 20Pheykai tuang dihpy biak thangc khang tei katiangc 20 kasiamh nina e. 21Katiangc khang daandi tuang kabam 40 kasiamhna katiangc akhat bangc khou kanei kanei lou nina e. 22Neihkey biak kaithei khang tei katiangc charuk khatni, 23kakwn khang katiangc kanei kasiamh nina e. 24Mi kakwn tiangc kanei hei kaphayba khou kanei dwan puni katwan nganv loudacna lou nina e. Kakwn kasiamh nimei tiangc kanei tei mi hei kumcna kasiamh nina e. 25Kumna mi khang tei katiangc tachat khatni kabamv 16 nai nina e.
26“Akasia thing tuang kaluang 15 kasiamh nina e. Panguh rui pheykai naek akhat luang khang 27panguh akhat rui kanaek akhat thangc khatni baihmei panguh tei rui neihkey biak kathei thangc khang e. 28Nchungmei luang, katiangc pang tuang nchung khou patmei tei kalummei pheykai kaithei kaihu tei kathi alamv pat nina e. 29Katiangc guay tei kachaekc rui duam nina e, kumna kalangv tei karilou khang katiangc guay tei kachaekc tuang ntiangh-nu lou nina e. Mi luang guay tei ni kachaekc rui duam nina e. 30Kalummei pheykai tei ai rui nang khou chyngbut khou lyanlou kanmei tei kumcna kasiamh nina e.
31“Nrymmei, haengcnrymmei khatni haenghmei gaymei linen langc rui dakloumei phey khamthinghphey khang kasiamh nina e. Khoutei kerubim maengc luanh chuyna luanhlou nina e. 32Kachaekc rui duamloumei, khuay paancloumei, daandi tuang bamv padeih khou dingloumei akasia thing tiangc padeih khou tei hei tei thaengclou nina e. 33Mi khamthinghphey tei kairuak khou ntanh haengv thaengc suakloumei khou tei ntalou nina e, kumna ntauhpaek kanei loumei latdyng khuk tei khamthinghphey lungc thangc tei lou nina e. Hei tei rui Nthanmei khatni Nthan Liangmei Bamv kanei ta tei daengc langc puni.#Ibr 6.19; 9.3-5 34Zauzian bamvpaeng tei latdyng khuk ruc khou louna hei tei nthan liangmei bamv khou tei lou nina e. 35Nthan Liangmei Bamv paengc khou tei, ntyan paeng tei dihpy biak thangc khatni thauhmai tiangc tei dihba biak thangc lou nina e.
36“Pheykai kaimun phey khang nrymmei, haengcnrymmei khatni haenghmei linen langc gaymei rui dakmei phey kasiamh nina e. 37Mi tiangc khang tei akasia tiangc panguh kasiamh nina e. Hei tei kachaekc rui duam nina e khatni kachaekc tuang khuay duanclou nina e. Mi tiangc guay bamv khang tei tanzinc tuang bamv panguh kasiamh nina e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.