TATPATMEI 25
25
Kalummei Bamv Kasiamh khang Tiipatmei
(Tat 35.4-9)
1 Ringhpouc rui Mousi khou sa the, 2“Isaraelmei nunc tei akhang tiipat khang sa tho. Thow thow rui pwni tii tiimei puatkat tei laalou tho. 3Mi tuang puatkat guay kiu thu: daandi, kachaekc, tanzinc; 4linen phey gaymei, ramh hiw phey nrymmei, haengcnrymmei khatni haenghmei; ziuh hiw phey; 5nsangh haengcloumei lauziuchic tuang gic phey; ramhgic gaymei; akasia thing; 6mai thauc; maruai khatni karym namh gaymei agaw 7tingkuh tuang pwan khou lou nimei kunghmei ntauh zaat guay hei kat nuh e. 8Ai rui meic pang khou tei bammei bamv khang meic nunc tei rui akhang nthanmei pheykai akhat kasiamhlou nina e. 9Mi kai khatni mi khou tei lou nimei puat guay tei ai rui lyanloumei theilayna kasiamh nina e.
Latdyng Khuk
(Tat 37.1-9)
10“Chowbuk kanei kapaek saenghmei, chowbuk akhat kapaek daihmei khatni chowbuk akhat kapaek kauhmei akasia thing tuang thingkhuk akhat kasiamh o. 11Kalungc kapaengc kapwm tei kachaekc rui duap liam nina e, khatni kakung guay tei kachaekc rui zuylou nina e. 12Puanhmei nu khang kachaekc tuang kahaengv padeih kasiamhna hei tei kahyang padeih khou tei duanclou nina e — kanaek akhat khou kanu kanei kanei lou nina e. 13Puanhmei luang khang akasia tuang thingluang kasiamhna hei tei kachaekc rui lup nina e, 14kumna hei tei kanaek kanei khou tei khat khat huilou nina e. 15Mi phuang kanei tuang kanu khou tei huilou kan e thei laa pat dat makna lou nzut bam nina e. 16Atuang latdanv guay hyloumei ai rui tii pw nimei ntauhpaek kanei kiu mi khou tei lou nina e.
17“Chowbuk kanei saenghmei khatni chowbuk akhat kapaek daihmei kagwm kachaekc nthanmei rui kasiamh nina e.#Ibr 9.5 18Kachaekc tuang kerubim kanei kasiamhna 19kagwm tuang kapy kaba khou tei lou nina e. Hei tei kagwm tei lev kapumc akhat na rui sw nina e. 20Kerubim kanei tei kaney zaw puanc achow nina e khatni kaney swkaeng tei baengc alamv nina e. 21Ntauhpaek kanei tei mi lungc khou tei louna kagwm tei rui gumbinlou nina e. 22Mi bamv khou tei ai rui nangniw ta ariw puni the kumna kerubim kanei kak khou tei rui Isaraelmei khang ai rui atuang latdanv tiipat puni.
Ravguangc khang Ntyan Katlou Nimei Ntyanpaeng
(Tat 37.10-16)
23“Chowbuk kanei saenghmei, chowbuk akhat daihmei khatni chowbuk akhat kapaek kauhmei akasia thing rui kasiamhmei paeng akhat taanc o. 24Hei tei kachaekc rui duap liamna katin tei kachaekc rui zui o. 25Baanhpav akhat paekcmei katin kasiamh nkuay lana mi tin tei kachaekc dui rui teylou o. 26Hei tei puanc kalw khang kachaekc tuang nu haengv padeih kasiamh nina e, kumna hei tei kahyang naimei kwn padeih khou tei akhat akhat lou tho. 27Puanc kalw khang kanu haengv lou nimei tei katin daeng khou tei kulou nina e. 28Akasia tuang thingphuang kasiamhna hei tei kachaekc rui luplou nina e. 29Drakhadui kat khou sinsw khang kuak, buangh, muanh khatni kaikhuang kasiamh nina e. Mi guay tei kachaekc nthanmei rui kasiamh nina e. 30Mi paeng tei latdyng khuk mav khou tei lou tanh tan bam nina e kumna mi paeng ruc khou tei akhang rui katloumei nthanmei ntyan mbaenglou tanh tan nina e.#Lev 24.5-8
Thauhmai Hyang
(Tat 37.17-24)
31“Kachaekc Nthanmei rui thauhmai hyang akhat kasiamh o. Kabamv khatni kahyang tei tandiak rui dyna kasiamh nina e; kapwang tei kapuangnuy paek khatni kamwm tei kapumc akhat na rui sw nina e. 32Khoutei kachiang charuk baanzat baandau kathumh kathumh nai nina e. 33Kachyang kathuic khou tei almon pwang kumhmei kapwang akhat akhat lou nina e. 34Katiangc khou tei almon pwang kumhmei padeih kasiamh nina e, akhatni kahyang kasing pum tei kamwm kasiamhlou nina e. 35Kachy patmei bamv bang kathuic khou tei kamwm akhat akhat lou nina e. 36Kamwm, kachy guay khatni kahyang tei dyloumei kachaekc nthanmei pumh akhat na rui sw nina e. 37Katiangc chanei khou tei thauhmai chanei lou o kumna hei tei kahu biak thangc tei gaanc gut bam khang daanclou o. 38Mi tuang tiangkap khatni puanhmei kuak tei kachaekc nthanmei rui kasiamh nina e. 39Thauhmai hyang khatni mi tuangna guay tei kachaekc nthanmei pound 75 rui kasiamh nina e. 40Ai rui nang khou chyngbut ruc khou lyanlou kanmei tei kumcna mi guay tei kasiamh khang sw nina e.#Lat 7.44; Ibr 8.5
Currently Selected:
TATPATMEI 25: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 25
25
Kalummei Bamv Kasiamh khang Tiipatmei
(Tat 35.4-9)
1 Ringhpouc rui Mousi khou sa the, 2“Isaraelmei nunc tei akhang tiipat khang sa tho. Thow thow rui pwni tii tiimei puatkat tei laalou tho. 3Mi tuang puatkat guay kiu thu: daandi, kachaekc, tanzinc; 4linen phey gaymei, ramh hiw phey nrymmei, haengcnrymmei khatni haenghmei; ziuh hiw phey; 5nsangh haengcloumei lauziuchic tuang gic phey; ramhgic gaymei; akasia thing; 6mai thauc; maruai khatni karym namh gaymei agaw 7tingkuh tuang pwan khou lou nimei kunghmei ntauh zaat guay hei kat nuh e. 8Ai rui meic pang khou tei bammei bamv khang meic nunc tei rui akhang nthanmei pheykai akhat kasiamhlou nina e. 9Mi kai khatni mi khou tei lou nimei puat guay tei ai rui lyanloumei theilayna kasiamh nina e.
Latdyng Khuk
(Tat 37.1-9)
10“Chowbuk kanei kapaek saenghmei, chowbuk akhat kapaek daihmei khatni chowbuk akhat kapaek kauhmei akasia thing tuang thingkhuk akhat kasiamh o. 11Kalungc kapaengc kapwm tei kachaekc rui duap liam nina e, khatni kakung guay tei kachaekc rui zuylou nina e. 12Puanhmei nu khang kachaekc tuang kahaengv padeih kasiamhna hei tei kahyang padeih khou tei duanclou nina e — kanaek akhat khou kanu kanei kanei lou nina e. 13Puanhmei luang khang akasia tuang thingluang kasiamhna hei tei kachaekc rui lup nina e, 14kumna hei tei kanaek kanei khou tei khat khat huilou nina e. 15Mi phuang kanei tuang kanu khou tei huilou kan e thei laa pat dat makna lou nzut bam nina e. 16Atuang latdanv guay hyloumei ai rui tii pw nimei ntauhpaek kanei kiu mi khou tei lou nina e.
17“Chowbuk kanei saenghmei khatni chowbuk akhat kapaek daihmei kagwm kachaekc nthanmei rui kasiamh nina e.#Ibr 9.5 18Kachaekc tuang kerubim kanei kasiamhna 19kagwm tuang kapy kaba khou tei lou nina e. Hei tei kagwm tei lev kapumc akhat na rui sw nina e. 20Kerubim kanei tei kaney zaw puanc achow nina e khatni kaney swkaeng tei baengc alamv nina e. 21Ntauhpaek kanei tei mi lungc khou tei louna kagwm tei rui gumbinlou nina e. 22Mi bamv khou tei ai rui nangniw ta ariw puni the kumna kerubim kanei kak khou tei rui Isaraelmei khang ai rui atuang latdanv tiipat puni.
Ravguangc khang Ntyan Katlou Nimei Ntyanpaeng
(Tat 37.10-16)
23“Chowbuk kanei saenghmei, chowbuk akhat daihmei khatni chowbuk akhat kapaek kauhmei akasia thing rui kasiamhmei paeng akhat taanc o. 24Hei tei kachaekc rui duap liamna katin tei kachaekc rui zui o. 25Baanhpav akhat paekcmei katin kasiamh nkuay lana mi tin tei kachaekc dui rui teylou o. 26Hei tei puanc kalw khang kachaekc tuang nu haengv padeih kasiamh nina e, kumna hei tei kahyang naimei kwn padeih khou tei akhat akhat lou tho. 27Puanc kalw khang kanu haengv lou nimei tei katin daeng khou tei kulou nina e. 28Akasia tuang thingphuang kasiamhna hei tei kachaekc rui luplou nina e. 29Drakhadui kat khou sinsw khang kuak, buangh, muanh khatni kaikhuang kasiamh nina e. Mi guay tei kachaekc nthanmei rui kasiamh nina e. 30Mi paeng tei latdyng khuk mav khou tei lou tanh tan bam nina e kumna mi paeng ruc khou tei akhang rui katloumei nthanmei ntyan mbaenglou tanh tan nina e.#Lev 24.5-8
Thauhmai Hyang
(Tat 37.17-24)
31“Kachaekc Nthanmei rui thauhmai hyang akhat kasiamh o. Kabamv khatni kahyang tei tandiak rui dyna kasiamh nina e; kapwang tei kapuangnuy paek khatni kamwm tei kapumc akhat na rui sw nina e. 32Khoutei kachiang charuk baanzat baandau kathumh kathumh nai nina e. 33Kachyang kathuic khou tei almon pwang kumhmei kapwang akhat akhat lou nina e. 34Katiangc khou tei almon pwang kumhmei padeih kasiamh nina e, akhatni kahyang kasing pum tei kamwm kasiamhlou nina e. 35Kachy patmei bamv bang kathuic khou tei kamwm akhat akhat lou nina e. 36Kamwm, kachy guay khatni kahyang tei dyloumei kachaekc nthanmei pumh akhat na rui sw nina e. 37Katiangc chanei khou tei thauhmai chanei lou o kumna hei tei kahu biak thangc tei gaanc gut bam khang daanclou o. 38Mi tuang tiangkap khatni puanhmei kuak tei kachaekc nthanmei rui kasiamh nina e. 39Thauhmai hyang khatni mi tuangna guay tei kachaekc nthanmei pound 75 rui kasiamh nina e. 40Ai rui nang khou chyngbut ruc khou lyanlou kanmei tei kumcna mi guay tei kasiamh khang sw nina e.#Lat 7.44; Ibr 8.5
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.