TATPATMEI 23
23
Nchumh Nzihmei
1“Nchumh makmei lat tei rac tat riu khatni nchumh makmei lat sana nkhuaimei ta nkhav riu.#Tat 20.16; Lev 19.11,12; Ria 5.20 2Meic geihmei tei rui nkhuaimei taanc pw e; hamh e thei nchumhmei ta ti-nkhuailouna sa pwkhou laylou riu. 3Lungcsimeipu ta latzan sw pwkhou lungcsimei e twna malana sw riu.#Lev 19.15
4“Nang rui karaengmeipu tuang guaic khatni kuanniam pak duakna tat bammei ta ariw e thei, nym guanglou dat tio.#Ria 22.1-4 5Katuang kuanniam tei kapuat phungc tat lakna bowna bammei ta ariw e thei zay thaulou dat tio; howna ganclouna tat rio.
6“Lungcsimei gaanv khat rui latzan kai khou lat phungc guang pwkhou nchumhmei latzan swlou tio.#Lev 19.15; Ria 16.19 7Nchumhmei ta ti-nkhuai riu, khatni khuay maekmei ta swluai riu, kalam thu mi kumhmei simei taanv taanhpui mei ta ai rui latzan sw puni. 8Lanvbiwmei laa riu, kalam thu lanvbiwmei rui mik titiatna nchumhmei ta thay mak ge kumna nkhuai makmei ta sw kasic e.
9“Gin ta sinbin riu; gin hei akumh bu cho twmei nangniw Izip khou bamna thay the.#Tat 22.21; Lev 19.33,34; Ria 24.17,18; 27.19
Chaneimei Kwm khatni Chaneimei Tingmik
10“Tingkwm charuk nangniw laupuk khou lingc keyna kathai laa tu tho.#Lev 25.1-7 11Chaneimei kwm thu mi ta tei zaeng ti-nthaekc go kumna mi khou tei rui nthai patmei thai akhat na sini laa tu riu. Hei khou tei nthai patmei guay tei lungcsimei nunc rui tu kandiu kumna kaniw rui tu nsaekcloumei tei nwmbangc khouringc nunc rui tu kandiu. Drakhabang khatni Olive bang guay ta ni kumna sw nina e.
12“Kanit dak khou zaeng charuk taanvtaanc o, tiki chaneimei nungc thu taanvtaanh riu, kumna bangh nunc, syan phihmei gin nunc khatni khouringh guay ni zaeng nthaekc kandiu.#Tat 20.9-11; 31.15; 34.21; 35.2; Lev 23.3; Ria 5.13,14
13“Ringhpouc ai rui nangniw khou samei kaguayna hei nking o. Rav baihmei ta kalum riu, kaniw zanc nganvna saanh riu. Nang mwang khou nganvna sa kahi pat riu.
Khumngai Daihmei Kathumh
(Tat 34.18-26; Ria 16.1-17)
14“Ata chakhwang swna tingkwm khou ngay luan kathumh nina e. 15Nangniw rui Izip mpatloumei bw, Abib bw khou Khay loumakmei ntyan Ngai ai rui dincloumei tei kumcna ngay nina e. Mi ngai zaeng chanei lungc khou tei khay loumei ntyan tu nuh mak ge. Gaanv khat na sini baanh raeng guangna ata kalum nuh mak ge.#Tat 12.14-20; Lev 23.6-8; Sin 28.17-25
16“Nangniw laupuk khou lingc keyloumei phunling phunlu thailuanreymei tei laaguang pwkhou lautay ngai ngay nina e, nangniw laupuk khou rui phunling guay khuam luaina tingkwm luai pwkhou phunling khuam guangloumei ngai ngay nina e.
“Chakaan pat pwkhou Chaengkai Ngai ngay o. Hei tei nangniw tuang drakhalau khatni tingthai lau tuang kathai luakmei ganv khou ngay nina e.#Lev 23.15-21; Sin 28.26-31; Lev 23.39-43 17Tingkwm pum mi ngai kathumh khou hei nangniw nggaanvmei kathuicna Ringhpouc nangniw tuang Racguangc ata guangna kalum nina e.
18“Nangniw rui akhang khouringh khaengpui ganv khou khay loumei ntyan kat nuh mak ge. Mi ngai guay khou akhang khaengmei khouringh thav guay tei nthuanh lauthwan nganvna lou bam lak nina e.
19“Tingkwm kathuic laaguang reymei phunling phunlu gay liangmei tei Ringhpouc nangniw Racguangc akhang phungc guang bam nina e.
“Lauziu launa hamh e thei Ziuh launa ta tei kakui noudui khou suangh riu.#Ria 26.2; Tat 34.26; Ria 14.21
Latdyng khatni Latdyn
20“Zauclo, Ai rui chamdaanvloumei bamv khou tei nangniw ta phungc guanglou khang nangniw ta chaengkui khou gaeklou khang ai rui baanchara akhat ta nangniw hu khou thouclou puni the. 21Kalat tei nking o kumna piu o. Kalat liam riu, kalam thu ai rui kata thoucloumei tuang the. Nangniw rui kalat liam tithei kamei rui kuaklou ni tuang hamh e. 22Nangniw rui kalat piuna alatdanv guay taanc e thei nangniw ta zauczihmei guay ta tei ai rui adowlou puni. 23Atuang baanchara rui nangniw hu khou tatna Amormei, Hittimei, Perizimei, Kanaanmei, Hivimei, khatni Jebusimei kandic khou nduanghlou puni. Ai rui kaniw ta swmutlou puni. 24Kaniw tuang rav nunc ta tei nangniw kalum nuh mak ge khatni kaniw tuang ravriak tei laa nuh mak ge. Kaniw tuang rav guay tei swmaan o khatni kaniw tuang ravmaengc tauc guay tei swbau o. 25Nangniw rui Ringhpouc nangniw tuang Racguangc ata kalum e thei nangniw khang taektw khatni dui tiilou puni kumna nangniw tuang sunu guay laa ganclou puni. 26Nangniw kandic khou meic pui gaanv khat na sini kanac kathow-nzu lak ge khatni kanac maekmeipui nai lak ge. Ai rui nangniw khou panty lungsingmei tiilou puni.
27“Nangniw ta akhangvmei nunc ta tei ai rui ata tipinglou puni; nangniw rui adow nimei nunc khou tei ai rui meiczingc tiganclou puni, kumna nangniw ta zauczihmei guay ta tei nangniw hu khou tipaklou puni. 28Ai rui nkhuaih miwmei ta nangniw hu khou ndiulou puni, hei tei rui Hivimei, Kanaanmei khatni Hittimei guay ta alay ganclou puni. 29Ai rui kaniw ta tingkwm akhat na lungc khou alay gancparylou lak ge, kalam thu kum tithei mi kandic khou tei maansei mak tina khowmang geicna nangniw lungclou lak ge. 30Nangniw rui mi kandic khou tei lungc padik pat mak saanv khith khitna kaniw ta nthau ganc puni. 31Ai rui nangniw tuang ramvrei hei Ntou duipui khou rui Euphratis duithuak nganv khatni Mediterranean duipui khou rui tazikramv nganv tidaiclou puni. Mi kandic khou lungc bammei nunc ruc khou ai rui ngamv tiilou puni, kumna nangniw tat gut pwkhou ai rui kaniw ta nthau ganc puni. 32Kaniw lev khatni kaniw tuang rav nunc lev nangniw latdyng sw nuh mak ge. 33Kaniw ta tei nangniw tuang kandic khou tilungc nuh mak ge; nangniw rui kaniw ta tilungc e thei nangniw aruc khou paapc taanc the. Nangniw rui kaniw tuang rav nunc ta kalum e thei ai hei nangniw khang meic theic nimei phac zauclou tu di the.”
Currently Selected:
TATPATMEI 23: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 23
23
Nchumh Nzihmei
1“Nchumh makmei lat tei rac tat riu khatni nchumh makmei lat sana nkhuaimei ta nkhav riu.#Tat 20.16; Lev 19.11,12; Ria 5.20 2Meic geihmei tei rui nkhuaimei taanc pw e; hamh e thei nchumhmei ta ti-nkhuailouna sa pwkhou laylou riu. 3Lungcsimeipu ta latzan sw pwkhou lungcsimei e twna malana sw riu.#Lev 19.15
4“Nang rui karaengmeipu tuang guaic khatni kuanniam pak duakna tat bammei ta ariw e thei, nym guanglou dat tio.#Ria 22.1-4 5Katuang kuanniam tei kapuat phungc tat lakna bowna bammei ta ariw e thei zay thaulou dat tio; howna ganclouna tat rio.
6“Lungcsimei gaanv khat rui latzan kai khou lat phungc guang pwkhou nchumhmei latzan swlou tio.#Lev 19.15; Ria 16.19 7Nchumhmei ta ti-nkhuai riu, khatni khuay maekmei ta swluai riu, kalam thu mi kumhmei simei taanv taanhpui mei ta ai rui latzan sw puni. 8Lanvbiwmei laa riu, kalam thu lanvbiwmei rui mik titiatna nchumhmei ta thay mak ge kumna nkhuai makmei ta sw kasic e.
9“Gin ta sinbin riu; gin hei akumh bu cho twmei nangniw Izip khou bamna thay the.#Tat 22.21; Lev 19.33,34; Ria 24.17,18; 27.19
Chaneimei Kwm khatni Chaneimei Tingmik
10“Tingkwm charuk nangniw laupuk khou lingc keyna kathai laa tu tho.#Lev 25.1-7 11Chaneimei kwm thu mi ta tei zaeng ti-nthaekc go kumna mi khou tei rui nthai patmei thai akhat na sini laa tu riu. Hei khou tei nthai patmei guay tei lungcsimei nunc rui tu kandiu kumna kaniw rui tu nsaekcloumei tei nwmbangc khouringc nunc rui tu kandiu. Drakhabang khatni Olive bang guay ta ni kumna sw nina e.
12“Kanit dak khou zaeng charuk taanvtaanc o, tiki chaneimei nungc thu taanvtaanh riu, kumna bangh nunc, syan phihmei gin nunc khatni khouringh guay ni zaeng nthaekc kandiu.#Tat 20.9-11; 31.15; 34.21; 35.2; Lev 23.3; Ria 5.13,14
13“Ringhpouc ai rui nangniw khou samei kaguayna hei nking o. Rav baihmei ta kalum riu, kaniw zanc nganvna saanh riu. Nang mwang khou nganvna sa kahi pat riu.
Khumngai Daihmei Kathumh
(Tat 34.18-26; Ria 16.1-17)
14“Ata chakhwang swna tingkwm khou ngay luan kathumh nina e. 15Nangniw rui Izip mpatloumei bw, Abib bw khou Khay loumakmei ntyan Ngai ai rui dincloumei tei kumcna ngay nina e. Mi ngai zaeng chanei lungc khou tei khay loumei ntyan tu nuh mak ge. Gaanv khat na sini baanh raeng guangna ata kalum nuh mak ge.#Tat 12.14-20; Lev 23.6-8; Sin 28.17-25
16“Nangniw laupuk khou lingc keyloumei phunling phunlu thailuanreymei tei laaguang pwkhou lautay ngai ngay nina e, nangniw laupuk khou rui phunling guay khuam luaina tingkwm luai pwkhou phunling khuam guangloumei ngai ngay nina e.
“Chakaan pat pwkhou Chaengkai Ngai ngay o. Hei tei nangniw tuang drakhalau khatni tingthai lau tuang kathai luakmei ganv khou ngay nina e.#Lev 23.15-21; Sin 28.26-31; Lev 23.39-43 17Tingkwm pum mi ngai kathumh khou hei nangniw nggaanvmei kathuicna Ringhpouc nangniw tuang Racguangc ata guangna kalum nina e.
18“Nangniw rui akhang khouringh khaengpui ganv khou khay loumei ntyan kat nuh mak ge. Mi ngai guay khou akhang khaengmei khouringh thav guay tei nthuanh lauthwan nganvna lou bam lak nina e.
19“Tingkwm kathuic laaguang reymei phunling phunlu gay liangmei tei Ringhpouc nangniw Racguangc akhang phungc guang bam nina e.
“Lauziu launa hamh e thei Ziuh launa ta tei kakui noudui khou suangh riu.#Ria 26.2; Tat 34.26; Ria 14.21
Latdyng khatni Latdyn
20“Zauclo, Ai rui chamdaanvloumei bamv khou tei nangniw ta phungc guanglou khang nangniw ta chaengkui khou gaeklou khang ai rui baanchara akhat ta nangniw hu khou thouclou puni the. 21Kalat tei nking o kumna piu o. Kalat liam riu, kalam thu ai rui kata thoucloumei tuang the. Nangniw rui kalat liam tithei kamei rui kuaklou ni tuang hamh e. 22Nangniw rui kalat piuna alatdanv guay taanc e thei nangniw ta zauczihmei guay ta tei ai rui adowlou puni. 23Atuang baanchara rui nangniw hu khou tatna Amormei, Hittimei, Perizimei, Kanaanmei, Hivimei, khatni Jebusimei kandic khou nduanghlou puni. Ai rui kaniw ta swmutlou puni. 24Kaniw tuang rav nunc ta tei nangniw kalum nuh mak ge khatni kaniw tuang ravriak tei laa nuh mak ge. Kaniw tuang rav guay tei swmaan o khatni kaniw tuang ravmaengc tauc guay tei swbau o. 25Nangniw rui Ringhpouc nangniw tuang Racguangc ata kalum e thei nangniw khang taektw khatni dui tiilou puni kumna nangniw tuang sunu guay laa ganclou puni. 26Nangniw kandic khou meic pui gaanv khat na sini kanac kathow-nzu lak ge khatni kanac maekmeipui nai lak ge. Ai rui nangniw khou panty lungsingmei tiilou puni.
27“Nangniw ta akhangvmei nunc ta tei ai rui ata tipinglou puni; nangniw rui adow nimei nunc khou tei ai rui meiczingc tiganclou puni, kumna nangniw ta zauczihmei guay ta tei nangniw hu khou tipaklou puni. 28Ai rui nkhuaih miwmei ta nangniw hu khou ndiulou puni, hei tei rui Hivimei, Kanaanmei khatni Hittimei guay ta alay ganclou puni. 29Ai rui kaniw ta tingkwm akhat na lungc khou alay gancparylou lak ge, kalam thu kum tithei mi kandic khou tei maansei mak tina khowmang geicna nangniw lungclou lak ge. 30Nangniw rui mi kandic khou tei lungc padik pat mak saanv khith khitna kaniw ta nthau ganc puni. 31Ai rui nangniw tuang ramvrei hei Ntou duipui khou rui Euphratis duithuak nganv khatni Mediterranean duipui khou rui tazikramv nganv tidaiclou puni. Mi kandic khou lungc bammei nunc ruc khou ai rui ngamv tiilou puni, kumna nangniw tat gut pwkhou ai rui kaniw ta nthau ganc puni. 32Kaniw lev khatni kaniw tuang rav nunc lev nangniw latdyng sw nuh mak ge. 33Kaniw ta tei nangniw tuang kandic khou tilungc nuh mak ge; nangniw rui kaniw ta tilungc e thei nangniw aruc khou paapc taanc the. Nangniw rui kaniw tuang rav nunc ta kalum e thei ai hei nangniw khang meic theic nimei phac zauclou tu di the.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.