TATPATMEI 22
22
Khangc Datmei Riak
1“Thowkumhmei rui guaih hamh e thei lauziu houc lana swluai the hamh e thei zuanc the, hei kumc e thei kamei tei guaih akhat khang guaih panguh khatni lauziu akhat khang lauziu padeih khangc nina e. 2Kaihouhmei gaanv khat rui kaihouh khang zingbangc gut tina kata swluai e thei swluaimeipu tei meicdowmei tuang khuay maek ge. 3Kum e tiki hei tei kalaanv e thei meicdowmei tuang khuay nai e. Kamei rui houc kanmei guay tei khangc dat nina e, kakhou ramhkhat na sini maek ge thei kata bangh khang zuancna khangc dat nina e. 4Guaih pwni, kuanniam pwni, lauziu pwni houc kanmei khouringc tei ringcna naibam khwan e thei akhat zaeng kanei tii dat nina e.
5“Thowkumhmei rui katuang khouringc ramvpuk khou hamh e thei drakhalau khou mpatlou tina mi guaic tei meic kai lau gutna meic kai tuang phunling ta tu ngamlou e thei hei tei katuang laupuk khou rui khangc dat nina e.
6“Thowkumhmei rui kalau mailou khou rui ramhac patna meic kai tuang nap-bi raw e thei, mailoumeipu tei rui hei tei khangclou dat nina e.
7“Meic akhat tuang syan hamh e thei kunghmei puat rylouna bam khou rui meic kai rui houc kan e thei, houhmeipu ta tei nymtow e thei kadam kanei tikhangc nina e. 8Kum e tiki houhmeipu ta tei nymtow mak ge thei, puatc kaipouc ta tei latzanpouc nunc bamv khou nduangh guangna kamei hei tei howlou e twmei tuang latdyng mi khou tei sw nina e.
9“Guaih, kuanniam, lauziu, pheybaan khatni baih baihmei puat lam khou lat pat pwkhou, lat patmei gaanv nei ta tei latzanpouc nunc bamv khou nduangh guang nina e. Ravguangc rui nkhuai e twna saloupui mei tei kadam kanei khangclou nina e.
10“Thowkumhmei rui gaanv khat tuang kuanniam pwni, guaih pwni, lauziu pwni, hamh e thei baih baihmei khouringc pwni nruaihna bam khou, theihmei bu ny, zamhmei bu ny, kwamlaamei nunc guangna laa kan tu bu ny patna hei tei sakhi maek ge thei 11mipu tei Ringhpouc bamv thangc tatna mi khouringc tei kamei houh mak ge twmei latdyng sw nina e. Mi khouringc tei houh mak ge thei thu, hei tei amaan the twna kakaipouc rui laalou nina e; hei tei nruaihmeipu ta tei tikhangc lak nina e. 12Kum e tiki mi khouringc tei houc e thei thu kakaipouc khang tei khangc dat nina e. 13Hei tei nwmbangc khouringc rui swluai e thei, tu nsaekcloumei tei sakhi khang laaguang nina e; kumna khouringh rui swluaimei khang tei thu khangc dat khang hamh e.
14“Thowkumhmei rui meic gaanv khat tuang khouringc nsucna lou bammei dak khou, kakaipouc bam mak khou zamh nangc e thei mipu tei rui khangc dat nina the. 15Hei tei kakaipouc bam khou e thei thu khangc dat khang hamh e. Hei tei kamanv tiina nsucmei khouringc de kumna nsucmei manv tei rui amaan kanmei manv tei thwn tang the.
Lunghriak
16“Meic khang thanvlou makmei tunac gaanv khat ta nthiamna zip kariulou e thei kamei rui manv tiina kaw nina e.#Ria 22.28,29 17Kum e tiki kapu rui tii mu e thei liuchang manv swna tiina kaw nina e.
18“Duaih-raengh sinmei ntumei ta swluai nina e.#Ria 18.10,11
19“Thow thow pwni Khouringh lev ntu-nahmei ta swluai nina e.#Lev 18.23; 20.15,16; Ria 27.21
20“Ringhpouc akhang na hamhna rav baihmei khang khaengpui mei ta tei swluai nina e.#Ria 17.2-7
21“Kandih baih thangc meic nunc ta sina sa riu; nangniw Izip khou gin swna lungc bam khwan e twmei amuc riu.#Tat 23.9; Lev 19.33,34; Ria 24.17,18; 27.19 22Swmmaypui khatni nruna nunc ta sina sw riu. 23Kaniw rui nkhavlou khang kauc pw e thei Ringhpouc ai rui kaniw khou dawlou puni, 24kumna alungpuamcna suc-rih khou nangniw ta swluai puni. Nangniw now nunc amay sw puni, nangniw nac nunc nruna sw puni.
25“Nangniw rui lungcsimei amei nunc khou syandui tipoulou pwkhou syandui lanvguanhmei nunc kumcna sw riu khatni kathuay laa riu.#Lev 25.35-38; Ria 15.7-11; 23.19,20 26Thowkumhmei rui nang khou katuang thiula kapow khang sindaanclou e thei hei tei neih key mak khou tii dat nina e,#Ria 24.10-13 27kalam thu katuang lumhmei pheybaan kiu hei tei na di the. Kakhang baihmei baanv zip khang phey maek khe. Kamei rui nkhavlou khang akhou kauc pw e thei, ai rui dawlou puni kalam thu ai hei zauzian thaymeipu e.
28“Ravguangc ta sa kasic riu khatni nangniw tuang kaipouc nunc ta ni siang riu.#Lat 23.5
29“Nangniw tuang nap-bi, drakhadui, khatni Olive thauc tuang puatkat tii nimei tei kaganv chana tii nina e.
“Nangniw tuang nareimei mpouh tei akhang tii nina e. 30Nangniw tuang guaic khatni lauziu khou puanc reymei tei akhang tii nina e. Kachic puanc reymei tei kakui daeng khou zaeng chanei bam kan e thei zaeng tachatmei nungc hei tei akhang katlou nina e.
31“Nangniw hei akhang katgutloumei nthanmei nunc sw puni, kumhpui zaeng rui nwmbangc khouringc rui swluailoumei zanc nangniw tu nuh mak ge, hei tei si nunc khang tii nina e.#Lev 17.15
Currently Selected:
TATPATMEI 22: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 22
22
Khangc Datmei Riak
1“Thowkumhmei rui guaih hamh e thei lauziu houc lana swluai the hamh e thei zuanc the, hei kumc e thei kamei tei guaih akhat khang guaih panguh khatni lauziu akhat khang lauziu padeih khangc nina e. 2Kaihouhmei gaanv khat rui kaihouh khang zingbangc gut tina kata swluai e thei swluaimeipu tei meicdowmei tuang khuay maek ge. 3Kum e tiki hei tei kalaanv e thei meicdowmei tuang khuay nai e. Kamei rui houc kanmei guay tei khangc dat nina e, kakhou ramhkhat na sini maek ge thei kata bangh khang zuancna khangc dat nina e. 4Guaih pwni, kuanniam pwni, lauziu pwni houc kanmei khouringc tei ringcna naibam khwan e thei akhat zaeng kanei tii dat nina e.
5“Thowkumhmei rui katuang khouringc ramvpuk khou hamh e thei drakhalau khou mpatlou tina mi guaic tei meic kai lau gutna meic kai tuang phunling ta tu ngamlou e thei hei tei katuang laupuk khou rui khangc dat nina e.
6“Thowkumhmei rui kalau mailou khou rui ramhac patna meic kai tuang nap-bi raw e thei, mailoumeipu tei rui hei tei khangclou dat nina e.
7“Meic akhat tuang syan hamh e thei kunghmei puat rylouna bam khou rui meic kai rui houc kan e thei, houhmeipu ta tei nymtow e thei kadam kanei tikhangc nina e. 8Kum e tiki houhmeipu ta tei nymtow mak ge thei, puatc kaipouc ta tei latzanpouc nunc bamv khou nduangh guangna kamei hei tei howlou e twmei tuang latdyng mi khou tei sw nina e.
9“Guaih, kuanniam, lauziu, pheybaan khatni baih baihmei puat lam khou lat pat pwkhou, lat patmei gaanv nei ta tei latzanpouc nunc bamv khou nduangh guang nina e. Ravguangc rui nkhuai e twna saloupui mei tei kadam kanei khangclou nina e.
10“Thowkumhmei rui gaanv khat tuang kuanniam pwni, guaih pwni, lauziu pwni, hamh e thei baih baihmei khouringc pwni nruaihna bam khou, theihmei bu ny, zamhmei bu ny, kwamlaamei nunc guangna laa kan tu bu ny patna hei tei sakhi maek ge thei 11mipu tei Ringhpouc bamv thangc tatna mi khouringc tei kamei houh mak ge twmei latdyng sw nina e. Mi khouringc tei houh mak ge thei thu, hei tei amaan the twna kakaipouc rui laalou nina e; hei tei nruaihmeipu ta tei tikhangc lak nina e. 12Kum e tiki mi khouringc tei houc e thei thu kakaipouc khang tei khangc dat nina e. 13Hei tei nwmbangc khouringc rui swluai e thei, tu nsaekcloumei tei sakhi khang laaguang nina e; kumna khouringh rui swluaimei khang tei thu khangc dat khang hamh e.
14“Thowkumhmei rui meic gaanv khat tuang khouringc nsucna lou bammei dak khou, kakaipouc bam mak khou zamh nangc e thei mipu tei rui khangc dat nina the. 15Hei tei kakaipouc bam khou e thei thu khangc dat khang hamh e. Hei tei kamanv tiina nsucmei khouringc de kumna nsucmei manv tei rui amaan kanmei manv tei thwn tang the.
Lunghriak
16“Meic khang thanvlou makmei tunac gaanv khat ta nthiamna zip kariulou e thei kamei rui manv tiina kaw nina e.#Ria 22.28,29 17Kum e tiki kapu rui tii mu e thei liuchang manv swna tiina kaw nina e.
18“Duaih-raengh sinmei ntumei ta swluai nina e.#Ria 18.10,11
19“Thow thow pwni Khouringh lev ntu-nahmei ta swluai nina e.#Lev 18.23; 20.15,16; Ria 27.21
20“Ringhpouc akhang na hamhna rav baihmei khang khaengpui mei ta tei swluai nina e.#Ria 17.2-7
21“Kandih baih thangc meic nunc ta sina sa riu; nangniw Izip khou gin swna lungc bam khwan e twmei amuc riu.#Tat 23.9; Lev 19.33,34; Ria 24.17,18; 27.19 22Swmmaypui khatni nruna nunc ta sina sw riu. 23Kaniw rui nkhavlou khang kauc pw e thei Ringhpouc ai rui kaniw khou dawlou puni, 24kumna alungpuamcna suc-rih khou nangniw ta swluai puni. Nangniw now nunc amay sw puni, nangniw nac nunc nruna sw puni.
25“Nangniw rui lungcsimei amei nunc khou syandui tipoulou pwkhou syandui lanvguanhmei nunc kumcna sw riu khatni kathuay laa riu.#Lev 25.35-38; Ria 15.7-11; 23.19,20 26Thowkumhmei rui nang khou katuang thiula kapow khang sindaanclou e thei hei tei neih key mak khou tii dat nina e,#Ria 24.10-13 27kalam thu katuang lumhmei pheybaan kiu hei tei na di the. Kakhang baihmei baanv zip khang phey maek khe. Kamei rui nkhavlou khang akhou kauc pw e thei, ai rui dawlou puni kalam thu ai hei zauzian thaymeipu e.
28“Ravguangc ta sa kasic riu khatni nangniw tuang kaipouc nunc ta ni siang riu.#Lat 23.5
29“Nangniw tuang nap-bi, drakhadui, khatni Olive thauc tuang puatkat tii nimei tei kaganv chana tii nina e.
“Nangniw tuang nareimei mpouh tei akhang tii nina e. 30Nangniw tuang guaic khatni lauziu khou puanc reymei tei akhang tii nina e. Kachic puanc reymei tei kakui daeng khou zaeng chanei bam kan e thei zaeng tachatmei nungc hei tei akhang katlou nina e.
31“Nangniw hei akhang katgutloumei nthanmei nunc sw puni, kumhpui zaeng rui nwmbangc khouringc rui swluailoumei zanc nangniw tu nuh mak ge, hei tei si nunc khang tii nina e.#Lev 17.15
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.