DANIEL 5
5
Guangh Belshazar tuang Khwmkih Ngai
1Zingbangc akhat Guangh Belshazar rui meicdaihmei 1,000 ta khwmkih dai kic the kumna kaniw guay tei zouh zangv kariu the. 2Kaniw zouh zangvna bam khou, Jerusalem tuang Ravkai khou rui kapu Nebukadnezar rui phungc guangmei kachaekc khatni daandi tuang buangc guay khatni tamkuak guay tei laaguang khang Belshazar rui latdanv tii the. Katuang meicdaihmei nunc, khatni kanow nunc rui mi khou tei rui zangv khang guangh tei rui laaguang o twna samei tuang the. 3Kachaekc tuang buangc khatni tamkuak guay tei kaluak kalat laaguang the, kumna kaniw guayna mi khou tei rui zouh zangv the, 4khatni kachaekc, daandi, tanzinc, ntanh, thing, khatni ntauh rui kasiamhmei rav nunc ta thuanc the.
5Khoutei thay mak daekna maansei baanc akhat patna ngaengsaengc khou, thauhmai riw gaanclou ranv liangmei kaanv khou hy thau the. Hyna bammei bamv tei guangh tei how the. 6Kamei kazaw ping ndavdyan dian the khatni kakhubut kadyang kaluakh luak the. 7Duaih thaymei nunc, mangmuh nunc, khatni gaanchuangcna madanhmei nunc ta kaw the. Kaniw guang pwkhou guangh rui kaniw khou sa the, “Mi hyloumei hei pac patna mi kabac hei dinclou ngampui mei khang tei guangh tuang haengcnrymmei thiula saenghmei piulou puni, champouhmei tuang kachaekc tuc kaguang khou nleilou puni, khatni mi guangcdic khou hei ngamv khou kathumhmei khou bam puni.” 8Guangh tuang ningtyngmei nunc guang the, tiki kaniw gaanv khat na sini hyloumei tei pac pat ngam mak khe khatni kabah tei dinclou ngam mak khe. 9Kalung ryanrana Guangh Belshazar tei mbaeng laengh laeng thau the, kumna katuang meicdaihmei nunc tei tabui sw nina cho twmei thay mak khe.
10Liammav tei guangh khatni katuang meicdaihmei nunc rui kachin karo bammei khwan tei chu lana khwmkih bamv khou tei gut the. Kamei rui sa the, “He Guanghle, panty lungsing o! Nang lung heidikamv katuakc riu khatni heidikamv ping bam riu. 11Nthanmei rav nunc tuang bumaengc kakhou naimei gaanv khat nang guanghdic khou nai e. Nang pu guangh sw bammei douc, mipu khou hei rav nunc kumcna how duhmei, ningting khatni takh nai khwan e. Kumna nang pu Guangh Nebukadnezar rui kata ravkhanmei nunc, duaih thaymei nunc, mangmuh nunc khatni gaanchuangcna madanhmei nunc tuang kapy tiswlou bam khwan e. 12Mang kabac dinhmei khou, lat tammei khou khatni thay tangc lakmei kabah dincloumei khou kakhou meic baihmei khou maekmei ngammei khatni ningting khatni thaymei nai bam khwan e. Kumna sa bammeipu Daniel, guangh rui kazanc Belteshazar twna ni phuakloumeipu ta tei kaw khang thouclou tho, kumna kamei rui nang khou mi guay kabac hei dinclou puni.”
Baanhdangv Lat Daniel rui Dincloumei
13Kaluak kalat Daniel ta guangh hu khou nduangh guang the, kumna guangh rui kakhou sa the, “Nang hei Daniel, apu rui Juda thangc rui nym guangmei Jihudimeipu kiu cho? 14Nthanmei rav nunc tuang bumaengc nang khou nai e kumna nang hei thay e, ningting takh nai e twmei ai chu the. 15Ningtyngmei nunc khatni duaih thaymei nunc ta kaw guangna mi hyloumei hei paclouna mi kabac hei dinclou khang sa the, tiki kaniw mi kabac hei thay pat ngam mak khe. 16Nkamhlou bammei kabah nang thay ngam e khatni thay tangc lakmei guay tuang kabac dinclou ngam e twmei ai chu the. Mi hylou bammei hei nang rui pac patna mi kabac hei dinclou ngam e thei, nang khou guangh tuang haengcnrymmei pheybaan baanvlou puni, champouhmei tuang kachaekc pareiriang nang guang khou nleilou puni, kumna ngamv khou mi guangcdic khou kathumhmei tiswlou puni.”
17Daniel rui daw the, “Nang tuang kaipat guay tei nang khang lou do, hamh e thei mi guay tei meic baihmei khang tii tido. Hylou bammei hei ai rui pac patna guangh khang kabah dinclou puni e.
18“Kauh Liangmei Ravguangc rui nang pu Nebukadnezar ta guangh daihmei tiswlouna katik kahym tidaiclou the. 19Kamei hei heidikamv daic e twmei thu kandih kapwm, zaatc kapwm, khatni lat kapwm tuang mei nunc rui kata ping kadunh khwan e. Kamei rui swluai niimei nai e thei swluai the; kamei rui tiringclou niimei nai e thei tiringclou the. Kamei rui chakhwang swlou niipui mei ta chakhwang swlou e khatni tizaklou niipui mei ta tizaklou e. 20Kamei kagaengh sw e, kalung tanc e, khatni meic nzi e. Kum tipui zaeng rui, kata guangh bamvpaeng khou rui laa pat the kumna kata chakhwang champouhmei tei amaan kan the. 21Kata maansei pang khou rui alay ganc the, kumna kalung tei khouringh lung kumc kan the. Kamei nwmbangc kuanniam pang khou lungc kan the, guaituam kumcna pucbwan tu kan the, khatni zikdui khou rui sungloumei maekmei bamv ramvpuk khou zip kan the. Kauh Liangmei Racguangc kamei rui maansei tuang guanghdih kapwm hei sin e. Kumna kamei rui kadahloumei khou tei guanghdic tei tii ngam e twmei kamei nkhamh khou thay pat the.
22“Tiki kanac nang hei thu mi guay hei thay bam sini niamh key mak he. 23Nangniw tingkauh kaipouc rui nuh makmei taanv taancna katuang Ravkai khou rui laaguangmei buangc khatni tamkuak guay tei laaguang the. Nang tuang meicdaihmei nunc khatni nang now nunc lev mi khou tei rui zouh zangvna, kachaekc, daandi, tanzinc, ntanh, thing, khatni ntauh rui kasiamhmei rav nunc how ngam makmei, chu ngam makmei ramhkhat sini thay makmei rav nunc ta thuanc the. Nang theih khang ringh khang kabaanc khou naimei khatni nang rui taanhmei guay ta sin bammei Ravguangc ta nang chakhwang sw mak khe. 24Hei zaeng rui mi lat hei hy khang Ravguangc rui mi baanc tei tiguangmei tuang the.
25“Hylou bammei tei mi hei the: ‘Kasing chak the, chak the, karith ndat the, nzanh the,’ 26Mi tuang kabac kiu mi hei the: kasing chak the, Ravguangc rui nang guanghdic tingmik sing chak the kumna hei tei tiluailou the; 27karith ndat the, nang ta duh khou louna nang rith ndat pwkhou nang hei nthaan the. 28Nzanh the, nang tuang guangcdic tei swbak patna Medimei lev Persiamei khang tiilou puni the.”
29Daniel khou guangh tuang haengcnrymmei phey piulou khang khatni champouhmei tuang kachaekc pareiriang kaguang khou nleilou khang Belshazar rui kabangc nunc khou kadyng khou latdanv pat the. Kamei rui kata mi guangcdic khou tei ngamv khou kathumhmei khou lou the. 30Mi nungc zingbangc tei Babilonmei guangc Belshazar ta swluai the; 31khatni Medimei Darias, katingkwm 62 tanghmeipu rui guangh ngamv tei asut kan the.
Currently Selected:
DANIEL 5: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
DANIEL 5
5
Guangh Belshazar tuang Khwmkih Ngai
1Zingbangc akhat Guangh Belshazar rui meicdaihmei 1,000 ta khwmkih dai kic the kumna kaniw guay tei zouh zangv kariu the. 2Kaniw zouh zangvna bam khou, Jerusalem tuang Ravkai khou rui kapu Nebukadnezar rui phungc guangmei kachaekc khatni daandi tuang buangc guay khatni tamkuak guay tei laaguang khang Belshazar rui latdanv tii the. Katuang meicdaihmei nunc, khatni kanow nunc rui mi khou tei rui zangv khang guangh tei rui laaguang o twna samei tuang the. 3Kachaekc tuang buangc khatni tamkuak guay tei kaluak kalat laaguang the, kumna kaniw guayna mi khou tei rui zouh zangv the, 4khatni kachaekc, daandi, tanzinc, ntanh, thing, khatni ntauh rui kasiamhmei rav nunc ta thuanc the.
5Khoutei thay mak daekna maansei baanc akhat patna ngaengsaengc khou, thauhmai riw gaanclou ranv liangmei kaanv khou hy thau the. Hyna bammei bamv tei guangh tei how the. 6Kamei kazaw ping ndavdyan dian the khatni kakhubut kadyang kaluakh luak the. 7Duaih thaymei nunc, mangmuh nunc, khatni gaanchuangcna madanhmei nunc ta kaw the. Kaniw guang pwkhou guangh rui kaniw khou sa the, “Mi hyloumei hei pac patna mi kabac hei dinclou ngampui mei khang tei guangh tuang haengcnrymmei thiula saenghmei piulou puni, champouhmei tuang kachaekc tuc kaguang khou nleilou puni, khatni mi guangcdic khou hei ngamv khou kathumhmei khou bam puni.” 8Guangh tuang ningtyngmei nunc guang the, tiki kaniw gaanv khat na sini hyloumei tei pac pat ngam mak khe khatni kabah tei dinclou ngam mak khe. 9Kalung ryanrana Guangh Belshazar tei mbaeng laengh laeng thau the, kumna katuang meicdaihmei nunc tei tabui sw nina cho twmei thay mak khe.
10Liammav tei guangh khatni katuang meicdaihmei nunc rui kachin karo bammei khwan tei chu lana khwmkih bamv khou tei gut the. Kamei rui sa the, “He Guanghle, panty lungsing o! Nang lung heidikamv katuakc riu khatni heidikamv ping bam riu. 11Nthanmei rav nunc tuang bumaengc kakhou naimei gaanv khat nang guanghdic khou nai e. Nang pu guangh sw bammei douc, mipu khou hei rav nunc kumcna how duhmei, ningting khatni takh nai khwan e. Kumna nang pu Guangh Nebukadnezar rui kata ravkhanmei nunc, duaih thaymei nunc, mangmuh nunc khatni gaanchuangcna madanhmei nunc tuang kapy tiswlou bam khwan e. 12Mang kabac dinhmei khou, lat tammei khou khatni thay tangc lakmei kabah dincloumei khou kakhou meic baihmei khou maekmei ngammei khatni ningting khatni thaymei nai bam khwan e. Kumna sa bammeipu Daniel, guangh rui kazanc Belteshazar twna ni phuakloumeipu ta tei kaw khang thouclou tho, kumna kamei rui nang khou mi guay kabac hei dinclou puni.”
Baanhdangv Lat Daniel rui Dincloumei
13Kaluak kalat Daniel ta guangh hu khou nduangh guang the, kumna guangh rui kakhou sa the, “Nang hei Daniel, apu rui Juda thangc rui nym guangmei Jihudimeipu kiu cho? 14Nthanmei rav nunc tuang bumaengc nang khou nai e kumna nang hei thay e, ningting takh nai e twmei ai chu the. 15Ningtyngmei nunc khatni duaih thaymei nunc ta kaw guangna mi hyloumei hei paclouna mi kabac hei dinclou khang sa the, tiki kaniw mi kabac hei thay pat ngam mak khe. 16Nkamhlou bammei kabah nang thay ngam e khatni thay tangc lakmei guay tuang kabac dinclou ngam e twmei ai chu the. Mi hylou bammei hei nang rui pac patna mi kabac hei dinclou ngam e thei, nang khou guangh tuang haengcnrymmei pheybaan baanvlou puni, champouhmei tuang kachaekc pareiriang nang guang khou nleilou puni, kumna ngamv khou mi guangcdic khou kathumhmei tiswlou puni.”
17Daniel rui daw the, “Nang tuang kaipat guay tei nang khang lou do, hamh e thei mi guay tei meic baihmei khang tii tido. Hylou bammei hei ai rui pac patna guangh khang kabah dinclou puni e.
18“Kauh Liangmei Ravguangc rui nang pu Nebukadnezar ta guangh daihmei tiswlouna katik kahym tidaiclou the. 19Kamei hei heidikamv daic e twmei thu kandih kapwm, zaatc kapwm, khatni lat kapwm tuang mei nunc rui kata ping kadunh khwan e. Kamei rui swluai niimei nai e thei swluai the; kamei rui tiringclou niimei nai e thei tiringclou the. Kamei rui chakhwang swlou niipui mei ta chakhwang swlou e khatni tizaklou niipui mei ta tizaklou e. 20Kamei kagaengh sw e, kalung tanc e, khatni meic nzi e. Kum tipui zaeng rui, kata guangh bamvpaeng khou rui laa pat the kumna kata chakhwang champouhmei tei amaan kan the. 21Kata maansei pang khou rui alay ganc the, kumna kalung tei khouringh lung kumc kan the. Kamei nwmbangc kuanniam pang khou lungc kan the, guaituam kumcna pucbwan tu kan the, khatni zikdui khou rui sungloumei maekmei bamv ramvpuk khou zip kan the. Kauh Liangmei Racguangc kamei rui maansei tuang guanghdih kapwm hei sin e. Kumna kamei rui kadahloumei khou tei guanghdic tei tii ngam e twmei kamei nkhamh khou thay pat the.
22“Tiki kanac nang hei thu mi guay hei thay bam sini niamh key mak he. 23Nangniw tingkauh kaipouc rui nuh makmei taanv taancna katuang Ravkai khou rui laaguangmei buangc khatni tamkuak guay tei laaguang the. Nang tuang meicdaihmei nunc khatni nang now nunc lev mi khou tei rui zouh zangvna, kachaekc, daandi, tanzinc, ntanh, thing, khatni ntauh rui kasiamhmei rav nunc how ngam makmei, chu ngam makmei ramhkhat sini thay makmei rav nunc ta thuanc the. Nang theih khang ringh khang kabaanc khou naimei khatni nang rui taanhmei guay ta sin bammei Ravguangc ta nang chakhwang sw mak khe. 24Hei zaeng rui mi lat hei hy khang Ravguangc rui mi baanc tei tiguangmei tuang the.
25“Hylou bammei tei mi hei the: ‘Kasing chak the, chak the, karith ndat the, nzanh the,’ 26Mi tuang kabac kiu mi hei the: kasing chak the, Ravguangc rui nang guanghdic tingmik sing chak the kumna hei tei tiluailou the; 27karith ndat the, nang ta duh khou louna nang rith ndat pwkhou nang hei nthaan the. 28Nzanh the, nang tuang guangcdic tei swbak patna Medimei lev Persiamei khang tiilou puni the.”
29Daniel khou guangh tuang haengcnrymmei phey piulou khang khatni champouhmei tuang kachaekc pareiriang kaguang khou nleilou khang Belshazar rui kabangc nunc khou kadyng khou latdanv pat the. Kamei rui kata mi guangcdic khou tei ngamv khou kathumhmei khou lou the. 30Mi nungc zingbangc tei Babilonmei guangc Belshazar ta swluai the; 31khatni Medimei Darias, katingkwm 62 tanghmeipu rui guangh ngamv tei asut kan the.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.