1 THESALONIKAMEI 1
1
Chaengriw Lat
1Paul, Sila, khatni Timothi rui—
Pu Ravguangc khatni Poubauhmei Jisu Khrista mei, Thessalonika phwamling tuang mei nunc khou hymei:
Zauzian khatni chuzaenghmei nangniw khou naimei sw diu.#Lat 17.1
Thessalonikamei nunc tuang Lwmmei khatni Panty
2Aniw huayneymei khou nangniw khang ningtow tanh tan bam e, kumna nangniw khang rui Ravguangc ta thuancku tanh tan bam e. 3Nangniw tuang lwmmei taanv, nzianmei taanv khatni Poubauhmei Jisu Khrista khou ntipna rigwn bammei, mi guay hei aniu Pu Ravguangc hu khou ningtow bam e. 4Ravguangc rui nzianmei chanathiu, kamei rui nangniw ta kapahlou the twmei aniw thay e. 5Kalam thu aniw rui nangniw khou gaychamv phungc guangmei tei lat na hamhna, Bumaengh Nthanmei tuang pumtan kazauhna hei tei kaling siakmei the twmei lyanlou kan the. Aniw nangniw daeng khou bam khou tei akumhna lungc kan tu cho twmei nangniw thay e. Hei tei nangniw khang rui e. 6Nangniw aniw thei khatni Poubauhmei thei lay nzeic o. Kalam thu nangniw ryanramei mpeyna ariw sini, Bumaengh Nthanmei tuang neihlamei lev kazauhna lat tei nangniw laalou kan the.#Lat 17.5-9 7Kumna nangniw hei Makidonia khatni Akhaiamei nunc khang lay nzeic nuhmei sw the. 8Poubauhmei lat hei nangniw khou rui Makidonia khatni Akhaia kandic kapwm khou tiipatmei na hamhna, nangniw Ravguangc khou lwmmei chamv hei ni kabamv kathuic khou chu lik tat kan the. Kum thena aniw sa dat khang kage maek khe. 9-10Aniw guangpui ganv khou tei nangniw aniw ta akumhna laalou kan tu cho khatni kalingmei ringhmei Racguangc tuang siamruai sw khang, khatni Ravguangc rui tiringcthaulou datmei, Ravguangc lungpuam khou rui aniu ta kanlou nimeipu kanac mpouh Jisu tingkauh thangc rui guang nimei ta nkhwan khang, nangniw akumhna ravmaengc khou rui Ravguangc khou guang kan tu cho twmei kaniw rac bam e.
Currently Selected:
1 THESALONIKAMEI 1: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
