ROMNYI Ajühtuwa
Ajühtuwa
Paul zhü pi Romnyi kecü hana Paul ma Rom wi kemehu tsü hhainan wale kesalina kiden ben lalo kesa zhü pi kesun kechi. Ma kemeshen ciwi wala matsü keu Khristanyi jawi kuli nu mathu kekiqa sen nu Spain wi wale sa. Ma Khristanyi kenondi cüki ha chü nu tsüna Khristanyi kahang ghena khati nsathu yishü khe ma jjügi zhüchi. Lesüshen ha wi Paul na ma ketsijüh khi cencu kechi tsüdila ben.
Ma shalom pi Rom wi kemehu nyithu cü nu mathu ghena kekhie saben le kesa pi kekiza seng wi Paul na ma lesü zhüchi keben jühtonwa: “Jühtheü Kemehaiwa hana Anyiza na khati nu anyi pi ma tuwi meshonya thsü khe pi ccüca chiben; tsüna aghatsan na wala asakhen kecu kenondi wina.” (1.17)
Tsaseng wi Paul na ma jühtonwa tsü khizighe chi. Judah nyithu le Judah nyi nkenyethu lela tsüdila Anyiza tuwi meshon meyathu yishü, kepaghenanye anyi na makesü kesami kekhang kekhu wi ben. Anyi ha Jisu Khrista kenondi wina Anyiza tuwi meshon yaden. Tsaseng wi Paul na Anyiza gweghe meshonkeya ketheü ha ghena Khrista wi kahang ketheü sakeya jjügi zhü theng. Kenondiwa na Anyiza ssinu gweghe kecca bendha nu Anyiza Ghamu na kesami nu keshü kekhang wina ma lisha chi cüdha. Kezhü 5-8 wi Paul na kenondithu kahang wi Anyiza Yenwa jjügi nu Anyiza Ghamu kekhang kekuli cüki khiben. Tsaseng wi apostelwa na Anyiza na anyi ghena kekiden wi ha khati nu Judah nyi nu Judah nyi nkenyethu gweghe ya ben nu kesa jjügi ghena khi. Ma asakhen wi cen keyawa na Judah nyithu na Jisu meya mvula kesa ha Anyiza kemeshen anyi tsüdila ssinu Jisu Khrista wina Anyiza nanketizen witsü ghoya thsüle kesalina, nu ma Judah nyithu na anuphanla Jisu meya mvu sa nben kesa nondiben. Asakhenwa, Paul na Khristanyi kahang ha ketizen wina khati nu nyu gweghe nhangthu yishü khe tsü zhüchi. Ma ajühton hathu ha khi: Anyiza kekuli kesa, Khristanyi na kidhan nu khokho tuwi kekuli-u keben, nu kemeshen kemetha jjügi. Ma ketanla ma ketsijüh nu Anyiza keseng jühthu pi asakhen sa theng.
Hawi Kebenthu
Ajühtuwa nu Ajühton 1.1-17
Anyi na hangshakeya nsenthu yishü 1.18—3.20
Anyiza hangshakeya len 3.21—4.25
Khrista wi kahang ketheü 5.1—8.39
Israel na Anyiza kekiden wi keben 9.1—11.36
Khristanyi yencüki 12.1—15.13
Ajühsakhen nu Shalom kesathu 15.14—16.27
Currently Selected:
ROMNYI Ajühtuwa: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
ROMNYI Ajühtuwa
Ajühtuwa
Paul zhü pi Romnyi kecü hana Paul ma Rom wi kemehu tsü hhainan wale kesalina kiden ben lalo kesa zhü pi kesun kechi. Ma kemeshen ciwi wala matsü keu Khristanyi jawi kuli nu mathu kekiqa sen nu Spain wi wale sa. Ma Khristanyi kenondi cüki ha chü nu tsüna Khristanyi kahang ghena khati nsathu yishü khe ma jjügi zhüchi. Lesüshen ha wi Paul na ma ketsijüh khi cencu kechi tsüdila ben.
Ma shalom pi Rom wi kemehu nyithu cü nu mathu ghena kekhie saben le kesa pi kekiza seng wi Paul na ma lesü zhüchi keben jühtonwa: “Jühtheü Kemehaiwa hana Anyiza na khati nu anyi pi ma tuwi meshonya thsü khe pi ccüca chiben; tsüna aghatsan na wala asakhen kecu kenondi wina.” (1.17)
Tsaseng wi Paul na ma jühtonwa tsü khizighe chi. Judah nyithu le Judah nyi nkenyethu lela tsüdila Anyiza tuwi meshon meyathu yishü, kepaghenanye anyi na makesü kesami kekhang kekhu wi ben. Anyi ha Jisu Khrista kenondi wina Anyiza tuwi meshon yaden. Tsaseng wi Paul na Anyiza gweghe meshonkeya ketheü ha ghena Khrista wi kahang ketheü sakeya jjügi zhü theng. Kenondiwa na Anyiza ssinu gweghe kecca bendha nu Anyiza Ghamu na kesami nu keshü kekhang wina ma lisha chi cüdha. Kezhü 5-8 wi Paul na kenondithu kahang wi Anyiza Yenwa jjügi nu Anyiza Ghamu kekhang kekuli cüki khiben. Tsaseng wi apostelwa na Anyiza na anyi ghena kekiden wi ha khati nu Judah nyi nu Judah nyi nkenyethu gweghe ya ben nu kesa jjügi ghena khi. Ma asakhen wi cen keyawa na Judah nyithu na Jisu meya mvula kesa ha Anyiza kemeshen anyi tsüdila ssinu Jisu Khrista wina Anyiza nanketizen witsü ghoya thsüle kesalina, nu ma Judah nyithu na anuphanla Jisu meya mvu sa nben kesa nondiben. Asakhenwa, Paul na Khristanyi kahang ha ketizen wina khati nu nyu gweghe nhangthu yishü khe tsü zhüchi. Ma ajühton hathu ha khi: Anyiza kekuli kesa, Khristanyi na kidhan nu khokho tuwi kekuli-u keben, nu kemeshen kemetha jjügi. Ma ketanla ma ketsijüh nu Anyiza keseng jühthu pi asakhen sa theng.
Hawi Kebenthu
Ajühtuwa nu Ajühton 1.1-17
Anyi na hangshakeya nsenthu yishü 1.18—3.20
Anyiza hangshakeya len 3.21—4.25
Khrista wi kahang ketheü 5.1—8.39
Israel na Anyiza kekiden wi keben 9.1—11.36
Khristanyi yencüki 12.1—15.13
Ajühsakhen nu Shalom kesathu 15.14—16.27
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.