ROMNYI 1
1
1Anyiza na ma Jühtheü Kemehaiwa pi nyu sansilo kesa ghena ciya nu kessi pi apostel kesü saya kesawa, Jisu Khrista maghawa Paul wina sa kechi. 2Jühtheü Kemehaiwa hana kheni Anyiza na ma tusenjüh-kechüthu wi khishi ketheng nu Ntsawajüh wi zhü ketheng tsü. 3Hana ithu Pvüwa Jisu Khrista, ma Tsawa cüki tsü; asajjü wi ma David shicü wina pvüghaya, 4isala ma kemetha wi Anyiza Tsawa le kesa keshü wi sa pi hangneng kecü kekhang keti pi ccüca chidha. 5Anyiza na mizzatenti tsüdila ssi wa nondiya nu nieya thsüle kesalina ma wina hi pi Khrista ghena apostel kesü saya thsü. 6Hana nthu Rom wi kebenthu Anyiza na ci pi Jisu Khrista ji saya kesathu la saghuben.
7Tsalina hi ha zhü pi nthu Rom wi kebenthu Anyiza na tizen nu ci pi ma ji saya kesathu tsüdi cüben. Ithu Bawa Anyiza nu Apvüwa Jisu Khrista yala nanketizen nu kecca pi nthu kecüwa salo.
Keseng Kekhie
8Atuwa sa hi nthu ghena Jisu Khrista wina Anyiza seng ben, kepaghenanye ayyi mabenla nthu kenondi cüki zaya bendha. 9Hi kahang tsüdi pi ma Tsawa cüki Jühtheü Kemehaiwa kekhi ghena kuli ketenwa Anyiza na hi atsentsawa khiben kesa chüben. 10Hi matsü tsüdi wi nthu meshen benden nu nthu ghena khie ben kesa Anyiza na chüben. Hi Anyiza wi khie nu ma kenen wina asakhen wi alen sa cü nu hi khili nthu wi gho tendha. 11Kepaghenanye aghamulen wi kemihhi pi nthu cü nu nthu satezü cüle kesalina hi nthu ghang chi mvu ntsa sa. 12Tsü jjügi na nthu hi kenondi wi kekiyi muya nu hi la nthu wi kekiyi muya le kesalina. 13#Kek 19.21 Icünyuthu, nthu ha chüyalo; hi matsü kejon wi la nthu hhainan chi nu hi Judah nyi nkenyethu jawi kekuli mehai keya tsüti nthu jawi la saya le sa, isala keshüthangla pala pahan na hi khen yaden. 14Kepaghenanye hi anyi tsüdi wi Grik nyi nu Grik nyi nkenyethu, pala kechüthu nu mangla nkechüthu tuwi la kekuli-u na ben. 15#Mrk 8.38 Tsalina hi Jühtheü Kemehaiwa pi nthu Rom wi kahangthu la sansi mvuben.
Jühtheü Kemehaiwa kekhang
16Hi Jühtheü Kemehaiwa ghena jüghe meyacha. Kepaghenanye tsü nondi ketenthu tsüdila hangshaya kemehaiwa tsüna Anyiza kekhang, tsüna atuwa Judah nyithu nu Judah nyi nkenyethu ghena la. 17#Ibr 2.4 Kepaghenanye Jühtheü Kemehaiwa na Anyiza khati nu anyi pi ma tuwi meshonya ten khe pi ccüca chiden, tsüna aghatsan na wa asakhen kecu kenondi wina. Ntsawajüh na khi keben ti, “Kenondi wina Anyiza tuwi meshon keyawa na hang yaben.”
Anyi Nkemehai
18Anyiza leben kekha na tang wi na anyi kesamithu nu nkemehaithu tsüdila mathu nkemehai na atsentsawa chükeya len khen tenle kesa pi ccüca chidha. 19Anyiza na kemeten pi mathu cüden, kepaghenanye anyi na Anyiza chüya keten tsü pi mathu ccüca chidha, Anyiza na ma ketanla ma pi mathu ccüca chidha. 20Anyiza na ayyi sakechi wina ma kemehai anyon pi muya nketen, ma anuphan kahang kekhang, nu ma yencüki tsü mehaitsü muben; Anyiza yencüki tsüthu tsüna ma sachi kethengthu miwi na methasi chüshi yaden. Tsalina mathu khiela kemeshon khi keya nmidha. 21#Efe 4.17-18 Mathu na Anyiza chüben, isala ma ji ma kekinyikü-u tsü pi ma ncüla, nyelela ma nsengla. Tsüti kesawa nye, mathu kemeshen na ma men nkemi nu mathu leben kaghacang tsüna kejang pi pongdha. 22Mathu na mathu metsa ben le khiden, isala mathu na kejüphonthu; 23#Aye 4.16-18 mathu na anuphanla shü nketen Nyiza tsü kekinyiwa nyela mathu na shü keten anyi, awathu, aghangsathu, nyelela ghapvü ketenthu tsi ti zhü nu kinyiden.
24Tsalina Anyiza na mathu yala mathu leben wi kenenkagha kesa mvuwa tsü sa thsü, nu mathu khokho tuwi nkemejüghe kekuli saden. 25Mathu na Anyiza cüki atsentsawa tsü pi milikemesawa tsü kemiliden. Mathu na anuphan wi la keseng kepvü qowa, Sahangkechiwa, Anyiza, tsü kekinyiwa nyela ma sa kechithu tsü kinyi nu tsüthu kekuli sa tenle! Amen
26Anyi na tsüti kekuli ghena Anyiza na mathu yala nkemejüghe kesa mvuwa tsü sa wa thsüa. Nzathu khala npvüza ssinu kegweghewa nyela mathu jüwi gweghe nkemehai kekuli saden. 27Tsüti npvüzathu la nza ssinu kegweghewa tsü teshi nu mathu khokho kenmvuli wa thsüa. Npvüzathu khokho ssinu nkemejüghe kekuli sa nu mathu nkemehai kekuli kutimen wina kemeten tsü muyaden.
28Mathu na Anyiza jüh atsentsawa tsü pi mathu leben wi ntheng mvu kesalina Anyiza na mathu teshidha. Tsalina mathu leben wi nkemetha meshen nu mathu na nkesau nkemehaithu tsü sa wadha. 29Mathu na nkemehai tsüdi gheshighena, nkemehai, nyu ji ketepagha, nu nyu nankemeghü pi pong pvüden; mathu na anyonghokepvü, nyu kepathi, kekitagha, nyu kemechu, nu milikemesa pi pong pvüden. Mathu nyu ghükesa, 30khokho kethenli; mathu na Anyiza nanmeghü, nyu kimenni, dithang, nu kapvü; mathu na nkemehai sa mvu pfüpfü; mathu bajjathu jüh nkina; 31mathu kemeshen nmi; mathu jüh kekhi tsü nie nten, nu mathu nyu tuwi kemehai nyelela nyu nanketizen nmi. 32Mathu na Anyiza yen wi anyi tsüti kesathu wi hang ketenthu na shü qo kesa tsü chüben. Isala mathu na kekuli hathu saki keten ketan nyela nyu kepa wi kekuli tsüthu sa ketenthu tsü jikiden.
Currently Selected:
ROMNYI 1: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
ROMNYI 1
1
1Anyiza na ma Jühtheü Kemehaiwa pi nyu sansilo kesa ghena ciya nu kessi pi apostel kesü saya kesawa, Jisu Khrista maghawa Paul wina sa kechi. 2Jühtheü Kemehaiwa hana kheni Anyiza na ma tusenjüh-kechüthu wi khishi ketheng nu Ntsawajüh wi zhü ketheng tsü. 3Hana ithu Pvüwa Jisu Khrista, ma Tsawa cüki tsü; asajjü wi ma David shicü wina pvüghaya, 4isala ma kemetha wi Anyiza Tsawa le kesa keshü wi sa pi hangneng kecü kekhang keti pi ccüca chidha. 5Anyiza na mizzatenti tsüdila ssi wa nondiya nu nieya thsüle kesalina ma wina hi pi Khrista ghena apostel kesü saya thsü. 6Hana nthu Rom wi kebenthu Anyiza na ci pi Jisu Khrista ji saya kesathu la saghuben.
7Tsalina hi ha zhü pi nthu Rom wi kebenthu Anyiza na tizen nu ci pi ma ji saya kesathu tsüdi cüben. Ithu Bawa Anyiza nu Apvüwa Jisu Khrista yala nanketizen nu kecca pi nthu kecüwa salo.
Keseng Kekhie
8Atuwa sa hi nthu ghena Jisu Khrista wina Anyiza seng ben, kepaghenanye ayyi mabenla nthu kenondi cüki zaya bendha. 9Hi kahang tsüdi pi ma Tsawa cüki Jühtheü Kemehaiwa kekhi ghena kuli ketenwa Anyiza na hi atsentsawa khiben kesa chüben. 10Hi matsü tsüdi wi nthu meshen benden nu nthu ghena khie ben kesa Anyiza na chüben. Hi Anyiza wi khie nu ma kenen wina asakhen wi alen sa cü nu hi khili nthu wi gho tendha. 11Kepaghenanye aghamulen wi kemihhi pi nthu cü nu nthu satezü cüle kesalina hi nthu ghang chi mvu ntsa sa. 12Tsü jjügi na nthu hi kenondi wi kekiyi muya nu hi la nthu wi kekiyi muya le kesalina. 13#Kek 19.21 Icünyuthu, nthu ha chüyalo; hi matsü kejon wi la nthu hhainan chi nu hi Judah nyi nkenyethu jawi kekuli mehai keya tsüti nthu jawi la saya le sa, isala keshüthangla pala pahan na hi khen yaden. 14Kepaghenanye hi anyi tsüdi wi Grik nyi nu Grik nyi nkenyethu, pala kechüthu nu mangla nkechüthu tuwi la kekuli-u na ben. 15#Mrk 8.38 Tsalina hi Jühtheü Kemehaiwa pi nthu Rom wi kahangthu la sansi mvuben.
Jühtheü Kemehaiwa kekhang
16Hi Jühtheü Kemehaiwa ghena jüghe meyacha. Kepaghenanye tsü nondi ketenthu tsüdila hangshaya kemehaiwa tsüna Anyiza kekhang, tsüna atuwa Judah nyithu nu Judah nyi nkenyethu ghena la. 17#Ibr 2.4 Kepaghenanye Jühtheü Kemehaiwa na Anyiza khati nu anyi pi ma tuwi meshonya ten khe pi ccüca chiden, tsüna aghatsan na wa asakhen kecu kenondi wina. Ntsawajüh na khi keben ti, “Kenondi wina Anyiza tuwi meshon keyawa na hang yaben.”
Anyi Nkemehai
18Anyiza leben kekha na tang wi na anyi kesamithu nu nkemehaithu tsüdila mathu nkemehai na atsentsawa chükeya len khen tenle kesa pi ccüca chidha. 19Anyiza na kemeten pi mathu cüden, kepaghenanye anyi na Anyiza chüya keten tsü pi mathu ccüca chidha, Anyiza na ma ketanla ma pi mathu ccüca chidha. 20Anyiza na ayyi sakechi wina ma kemehai anyon pi muya nketen, ma anuphan kahang kekhang, nu ma yencüki tsü mehaitsü muben; Anyiza yencüki tsüthu tsüna ma sachi kethengthu miwi na methasi chüshi yaden. Tsalina mathu khiela kemeshon khi keya nmidha. 21#Efe 4.17-18 Mathu na Anyiza chüben, isala ma ji ma kekinyikü-u tsü pi ma ncüla, nyelela ma nsengla. Tsüti kesawa nye, mathu kemeshen na ma men nkemi nu mathu leben kaghacang tsüna kejang pi pongdha. 22Mathu na mathu metsa ben le khiden, isala mathu na kejüphonthu; 23#Aye 4.16-18 mathu na anuphanla shü nketen Nyiza tsü kekinyiwa nyela mathu na shü keten anyi, awathu, aghangsathu, nyelela ghapvü ketenthu tsi ti zhü nu kinyiden.
24Tsalina Anyiza na mathu yala mathu leben wi kenenkagha kesa mvuwa tsü sa thsü, nu mathu khokho tuwi nkemejüghe kekuli saden. 25Mathu na Anyiza cüki atsentsawa tsü pi milikemesawa tsü kemiliden. Mathu na anuphan wi la keseng kepvü qowa, Sahangkechiwa, Anyiza, tsü kekinyiwa nyela ma sa kechithu tsü kinyi nu tsüthu kekuli sa tenle! Amen
26Anyi na tsüti kekuli ghena Anyiza na mathu yala nkemejüghe kesa mvuwa tsü sa wa thsüa. Nzathu khala npvüza ssinu kegweghewa nyela mathu jüwi gweghe nkemehai kekuli saden. 27Tsüti npvüzathu la nza ssinu kegweghewa tsü teshi nu mathu khokho kenmvuli wa thsüa. Npvüzathu khokho ssinu nkemejüghe kekuli sa nu mathu nkemehai kekuli kutimen wina kemeten tsü muyaden.
28Mathu na Anyiza jüh atsentsawa tsü pi mathu leben wi ntheng mvu kesalina Anyiza na mathu teshidha. Tsalina mathu leben wi nkemetha meshen nu mathu na nkesau nkemehaithu tsü sa wadha. 29Mathu na nkemehai tsüdi gheshighena, nkemehai, nyu ji ketepagha, nu nyu nankemeghü pi pong pvüden; mathu na anyonghokepvü, nyu kepathi, kekitagha, nyu kemechu, nu milikemesa pi pong pvüden. Mathu nyu ghükesa, 30khokho kethenli; mathu na Anyiza nanmeghü, nyu kimenni, dithang, nu kapvü; mathu na nkemehai sa mvu pfüpfü; mathu bajjathu jüh nkina; 31mathu kemeshen nmi; mathu jüh kekhi tsü nie nten, nu mathu nyu tuwi kemehai nyelela nyu nanketizen nmi. 32Mathu na Anyiza yen wi anyi tsüti kesathu wi hang ketenthu na shü qo kesa tsü chüben. Isala mathu na kekuli hathu saki keten ketan nyela nyu kepa wi kekuli tsüthu sa ketenthu tsü jikiden.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.