ROMNYI 9
9
Anyiza Nu Ma Nyithu
1Hi atsentsa khiben; hi Khrista ji nu hi milimesa nben. Kemetha Ghamu la hi kemeshen sen nu hi milimesa nben kesa chüti ben, 2hi ihathakina na di mtsü, nu ileben gükeccü na asakhen nmile kekhi wi 3tsüna isa nu ijjü, inyithu ghena le! Mathu ghena hi Anyiza kishen-keshi pvüya nu Khrista wina hi khupilo kheshülan. 4#Bvü 9.4 Mathu na Anyiza nyi; ma mathu pi ma tsangathu saya nu ma nyankethang pi mathu ccüca; ma mathu ssi nu cenkethenjüh saya nu Ayenwa pi mathu cüa; mathu na atsentsa kekinyi ben; mathu na Anyiza khishikechithu muya; 5mathu na Ibri bamyi kemechan shicübvüghathu; nu Khrista na asajjü wi tsü mathu mizza wina gho. Anuphanla tsüdi miwi kekhang sen ketenwa Anyiza kesengwa salo! Amen. 6Hi Anyiza na khishikechi tsü ncenladhale khi nben; kepaghenanye Israel nyithu tsüdila Anyiza na kessiya kesa nyithu nye. 7#Ade 21.12 Nyelela Abraham shicübvüghathu tsüdila Anyiza tsangathu nye. Anyiza na Abraham wi khi, “Isak wina hi no wi khishiketheng shicübvüghathu muyaden.” 8Ha ma jjügi asajjü wi tsangathu #9.8: asajjü wi tsangathu; Ha Abraham na ma wubvü Hagar wina mukeya tsawa Ishmael shicübvüghathu tsü khiben tsü pi Anyiza tsangathu le khi nten, isala Anyiza na khishiketheng kenie wina pvügha keyathu tsü pi atsentsa tsangathu le khiden. 9#Ade 18.10 Kepaghenanye Anyiza na khishikechi tsüna ajüh hathu wina: “Hi matsü ssan ketheng tsü wi gho neng den nu Sarah na atsa kesü muyaden.”
10Nu hawa ha tsüdila nye. Kepaghenanye Rebeka na aba kesütan ithu baqhaiwa Isak wina atsa keni muya. 11-12#Ade 25.23 Isala kessikeya atsawa tsü yala Anyiza kemeshenwa tsü saya thsüle kesalina Anyiza na Rebeka wi khi, “Atsa keqhaiwa na ghanyiwa kekuli saben.” Atsa keni tsü npi kepvügha nu manyi na kemehai keteshü mangla npi kesa tuwi na Anyiza na ajüh ha khichi; tsalina Anyiza na kessikeya tsüna ma cikeya wina khe manyi kekuli miwi na nye. 13#Mal 1.2-3 Ntsawajüh na khiben, “Hi Jakob tizen, isala Esau nanmeghü.”
14Isathu, ithu ma pi nkemeshon Nyiza le khi kwe? Tsüti nye le! 15#Bvü 33.19 Kepaghenanye ma Mosa wi khi, “Hi thowa nantizen chi mvu khe nantizenden; nu thowa tizen chi mvu khe tizenden.” 16Tsalina pala tsüdila Anyiza nanketizen wina khe anyi keya mvu nu kekuli miwi na nye. 17#Bvü 9.16 Kepaghenanye Ntsawajüh na Ejipt Kadimiwa wi kiza, “Hi kekhang pi ccüca nu inyan kemechan pi ayyi maben wi wa thsüle kesalina hi no pi kadimiwa sa thsü theng.” 18Tsalina Anyiza na ma thowa nantizen chi mvu khe nantizenden, nu thowa leben sa pi dhu mvu khe dhuden.
Anyiza Lebenketsu Nu Nanketizen
19Nthu meshu kesü hi wi hati khiben, “Keujüla tsüti lethu, Anyiza na khati nu anyi kesazzi bhaya mehai nu? Thowa na Anyiza kemeshen khenya mehai nu?” 20#Isa 29.16; 45.9 Isala ipvüshangwa, no thowa lenu Anyiza ssi nu keccücanliya mehai nu? Ayyipfü na khiela anyi ma kezhüwa wi “No mangkesa na hati hi zhüchi nu?” khiya nten. 21Ayyipfü kezhüwa na anisha tsü pi ma kemeshen saya kemehai kemeshon ben, nu ma anisha makesü pi ayyipfü keni zhü nu kesü pi keshathi tsathang wi kesen ji nu kepawa pi ajümu wi kesen ji saya mehai.
22Tsü makesü Anyiza la tsüti sa theng. Ma ma leben ketsu nu ma kekhang sa pi ccüca mvu sa. Isala ma ma leben ketsu pvüya nu dedi ketenthu tuwi ma lebensie nu kethankehi ntsa sagho. 23Nu ma ma nanketizen pi ithu miwi meyishachi kecüthu, ithu ma nyankethang muya thsüle kiden kethengthu miwi la ma nyankethang pongkemeni pi ccüca mvu sa. 24Kepaghenanye ithu na ma Judah nyithu nu Judah nyi nkenyethu jawi na cikeya nyithu. 25#Hos 2.23 Ma Hoseya lesüshen wi hawa hati khiben:
“Hi kheni inyi nkenyethu wi ‘Inyithu’ isa ciden.
Hi kheni tizen nketen mizzatenti wi
‘Hi ketizenwa’ isa ciden.
26 #
Hos 1.10
Nu apen tsüdi wila mathu wi
‘Nthu na inyithu nye’ le kiza,
isala ciwi mathu pi hangkebenwa
Anyiza tsangathu le ciden.”
27 #
Isa 10.22-23 Nu Isa na Israel cüki khi: “Israel nyithu na atssükedone katen wi ahachan ti jiben lela mathu keu ketan hangsha yaben; 28kepaghenanye Apvüwa na wan nu ayyi wi ma kekuli tsü sacen shaben.” 29#Isa 1.9 Tsüna Isa npi wina khitheng, “Keujüla kekhang ntsawa Apvüwa na ashicübvüghathu pahan pi ithu ntheng cüle keathu, ithu na Sodom ti sa, nu pi Gommorah ti sa thsüa kesa.”
Israel Nu Jühtheü Kemehaiwa
30Tsalina ithu na khiben, Anyiza tuwi meshonyale bha nketen Judah nyi nkenyethu tsüna kenondi wina ma tuwi meshonyadha. 31Isala Anyiza nyithu, ayenwa kesü na mathu ssi wa Anyiza tuwi meshonya thsü benle bha ketenthu na tsü mu meyala. 32Mangkesa na nu? Kepaghenanye mathu kenondi wi nyela kekuli miwi na le saden. Tsalina mathu “accü kemeshü lon” miwi accü meshü yadha, 33#Isa 28.16 Ntsawajüh na khi keben ti,
“Ghangchilo, hi alon kesü pi Zion miwi chi
nu anyithu ccümeshü thsüden,
alon tsüna mathu sa pi khuli thsüaben.
Isala thowa na ma nondiya khe
kejügheya thsüa nben.”
Currently Selected:
ROMNYI 9: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
ROMNYI 9
9
Anyiza Nu Ma Nyithu
1Hi atsentsa khiben; hi Khrista ji nu hi milimesa nben. Kemetha Ghamu la hi kemeshen sen nu hi milimesa nben kesa chüti ben, 2hi ihathakina na di mtsü, nu ileben gükeccü na asakhen nmile kekhi wi 3tsüna isa nu ijjü, inyithu ghena le! Mathu ghena hi Anyiza kishen-keshi pvüya nu Khrista wina hi khupilo kheshülan. 4#Bvü 9.4 Mathu na Anyiza nyi; ma mathu pi ma tsangathu saya nu ma nyankethang pi mathu ccüca; ma mathu ssi nu cenkethenjüh saya nu Ayenwa pi mathu cüa; mathu na atsentsa kekinyi ben; mathu na Anyiza khishikechithu muya; 5mathu na Ibri bamyi kemechan shicübvüghathu; nu Khrista na asajjü wi tsü mathu mizza wina gho. Anuphanla tsüdi miwi kekhang sen ketenwa Anyiza kesengwa salo! Amen. 6Hi Anyiza na khishikechi tsü ncenladhale khi nben; kepaghenanye Israel nyithu tsüdila Anyiza na kessiya kesa nyithu nye. 7#Ade 21.12 Nyelela Abraham shicübvüghathu tsüdila Anyiza tsangathu nye. Anyiza na Abraham wi khi, “Isak wina hi no wi khishiketheng shicübvüghathu muyaden.” 8Ha ma jjügi asajjü wi tsangathu #9.8: asajjü wi tsangathu; Ha Abraham na ma wubvü Hagar wina mukeya tsawa Ishmael shicübvüghathu tsü khiben tsü pi Anyiza tsangathu le khi nten, isala Anyiza na khishiketheng kenie wina pvügha keyathu tsü pi atsentsa tsangathu le khiden. 9#Ade 18.10 Kepaghenanye Anyiza na khishikechi tsüna ajüh hathu wina: “Hi matsü ssan ketheng tsü wi gho neng den nu Sarah na atsa kesü muyaden.”
10Nu hawa ha tsüdila nye. Kepaghenanye Rebeka na aba kesütan ithu baqhaiwa Isak wina atsa keni muya. 11-12#Ade 25.23 Isala kessikeya atsawa tsü yala Anyiza kemeshenwa tsü saya thsüle kesalina Anyiza na Rebeka wi khi, “Atsa keqhaiwa na ghanyiwa kekuli saben.” Atsa keni tsü npi kepvügha nu manyi na kemehai keteshü mangla npi kesa tuwi na Anyiza na ajüh ha khichi; tsalina Anyiza na kessikeya tsüna ma cikeya wina khe manyi kekuli miwi na nye. 13#Mal 1.2-3 Ntsawajüh na khiben, “Hi Jakob tizen, isala Esau nanmeghü.”
14Isathu, ithu ma pi nkemeshon Nyiza le khi kwe? Tsüti nye le! 15#Bvü 33.19 Kepaghenanye ma Mosa wi khi, “Hi thowa nantizen chi mvu khe nantizenden; nu thowa tizen chi mvu khe tizenden.” 16Tsalina pala tsüdila Anyiza nanketizen wina khe anyi keya mvu nu kekuli miwi na nye. 17#Bvü 9.16 Kepaghenanye Ntsawajüh na Ejipt Kadimiwa wi kiza, “Hi kekhang pi ccüca nu inyan kemechan pi ayyi maben wi wa thsüle kesalina hi no pi kadimiwa sa thsü theng.” 18Tsalina Anyiza na ma thowa nantizen chi mvu khe nantizenden, nu thowa leben sa pi dhu mvu khe dhuden.
Anyiza Lebenketsu Nu Nanketizen
19Nthu meshu kesü hi wi hati khiben, “Keujüla tsüti lethu, Anyiza na khati nu anyi kesazzi bhaya mehai nu? Thowa na Anyiza kemeshen khenya mehai nu?” 20#Isa 29.16; 45.9 Isala ipvüshangwa, no thowa lenu Anyiza ssi nu keccücanliya mehai nu? Ayyipfü na khiela anyi ma kezhüwa wi “No mangkesa na hati hi zhüchi nu?” khiya nten. 21Ayyipfü kezhüwa na anisha tsü pi ma kemeshen saya kemehai kemeshon ben, nu ma anisha makesü pi ayyipfü keni zhü nu kesü pi keshathi tsathang wi kesen ji nu kepawa pi ajümu wi kesen ji saya mehai.
22Tsü makesü Anyiza la tsüti sa theng. Ma ma leben ketsu nu ma kekhang sa pi ccüca mvu sa. Isala ma ma leben ketsu pvüya nu dedi ketenthu tuwi ma lebensie nu kethankehi ntsa sagho. 23Nu ma ma nanketizen pi ithu miwi meyishachi kecüthu, ithu ma nyankethang muya thsüle kiden kethengthu miwi la ma nyankethang pongkemeni pi ccüca mvu sa. 24Kepaghenanye ithu na ma Judah nyithu nu Judah nyi nkenyethu jawi na cikeya nyithu. 25#Hos 2.23 Ma Hoseya lesüshen wi hawa hati khiben:
“Hi kheni inyi nkenyethu wi ‘Inyithu’ isa ciden.
Hi kheni tizen nketen mizzatenti wi
‘Hi ketizenwa’ isa ciden.
26 #
Hos 1.10
Nu apen tsüdi wila mathu wi
‘Nthu na inyithu nye’ le kiza,
isala ciwi mathu pi hangkebenwa
Anyiza tsangathu le ciden.”
27 #
Isa 10.22-23 Nu Isa na Israel cüki khi: “Israel nyithu na atssükedone katen wi ahachan ti jiben lela mathu keu ketan hangsha yaben; 28kepaghenanye Apvüwa na wan nu ayyi wi ma kekuli tsü sacen shaben.” 29#Isa 1.9 Tsüna Isa npi wina khitheng, “Keujüla kekhang ntsawa Apvüwa na ashicübvüghathu pahan pi ithu ntheng cüle keathu, ithu na Sodom ti sa, nu pi Gommorah ti sa thsüa kesa.”
Israel Nu Jühtheü Kemehaiwa
30Tsalina ithu na khiben, Anyiza tuwi meshonyale bha nketen Judah nyi nkenyethu tsüna kenondi wina ma tuwi meshonyadha. 31Isala Anyiza nyithu, ayenwa kesü na mathu ssi wa Anyiza tuwi meshonya thsü benle bha ketenthu na tsü mu meyala. 32Mangkesa na nu? Kepaghenanye mathu kenondi wi nyela kekuli miwi na le saden. Tsalina mathu “accü kemeshü lon” miwi accü meshü yadha, 33#Isa 28.16 Ntsawajüh na khi keben ti,
“Ghangchilo, hi alon kesü pi Zion miwi chi
nu anyithu ccümeshü thsüden,
alon tsüna mathu sa pi khuli thsüaben.
Isala thowa na ma nondiya khe
kejügheya thsüa nben.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.