ROMNYI 8
8
Aghamu wi Kahang
1Khilitsü Jisu Khrista wi hang kebenthu kemeshensa nmidha. 2Kepaghenanye Aghamu yenwa na Jisu Khrista wina kahang sengho ithu kecüwa tsüna kesami nu keshü yenwa wina ithu lisha chi cüdha. 3Anyi sajjü ha nkekhang ghena Ayenwa na sa nkeyawa tsü Anyiza na sa cüdha. Kesami meshensa thsüale kesalina Anyiza na ma Tsawa kesun pi ayyi nyi kesami sajjü ti gho thsü, ma gho ayyi nyi kesami sajjü ti sa nu kesami ghena ahhansha sa . 4Ayyi nyi sajjü kenen wi nyela Aghamu kenen wi hang ketenthu miwi nsathu keyishü ketsatan Yenwa tsü sa cenya thsüle kesalina Anyiza na ha sachi. 5Kepaghenanye ayyi sajjü kenen wi hang ketenthu na mathu leben wi ayyi sajjü kenenwa tsü meshenden, isala Aghamu kenen wi hang ketenthu na mathu leben wi Aghamu kenenwa tsü meshenden. 6Ayyi sajjü kenen kemeshen tsüna keshü, isala Aghamu kenen kemeshen tsüna kahang nu kecca. 7Tsalina ayyi sajjü kenen kemeshen wi hang keten nyi tsüna Anyiza ghinyi kesü; kepaghenanye ma Anyiza yenwa tsü nie nten, nu ma ntsakhiwa tsü nieya nben. 8Ayyi sajjü kenen wi hang ketenthu na Anyiza kenen saya nben.
9Isala keujüla ntsakhiwa Anyiza Ghamu na nthu wi hangden lethu, nthu na ayyi sajjü kenen wi nyela Aghamu kenen wi hangden. Anyi kesü le kesü lela Khrista Ghamu nkemiwa na ma ji nye. 10Isala keujüla Khrista na nthu wi hangden lethu, kesami ghena nthu sajjü kahang ha wi shü lela Aghamu na nthu wi hangben, kepaghenanye nthu na Anyiza tuwi meshonya kesalina hang yaben. 11#1 Kor 3.16 Keujüla keshü wina Jisu sa pi hang kecü Anyiza Ghamu tsüna nthu wi hangben lethu, keshü wina Khrista sa pi hang kecü ma Ghamu nthu wi hang kebenwa tsüna kahang pi nthu shü keten gwowa tsü la cüben.
12Tsalina icünyuthu, Anyiza Ghamu na ithu kiza keben ti ithu ayyi sajjü kenen wi hang yishü. 13Kepaghenanye keujüla nthu na ayyi sajjü kenen wi hangben lethu, nthu na shüaben; isala Aghamu wina nthu kesa mvu kekuliwa tsü pathi lethu, nthu na hang yaben. 14Anyiza Ghamu lenketsütson wi hang ketenthu tsüdila Anyiza tsangathu. 15#Mrk 14.36; Gal 4.6 #Gal 4.5-7 Kepaghenanye Anyiza na Aghamu pi nthu kecü tsüna nthu sa pi nssümaghathu sa nu nthu ya messi thsüa nben; isala Aghamu tsüna nthu pi Anyiza tsangathu sa, nu ithu na Aghamu kekhang wina Anyiza wi “Aba, iBa!” isa ci thsüden. 16Anyiza Ghamu na ma ketanla ithu ghamu gweghe nu ithu na Anyiza tsangathu le khishi thsüden. 17Ithu na ma tsangathu saya kesalina ithu na ma kemihhi pi ma nyithu ghena kiden ketheng tsü ghong yaden, nu ithu Anyiza na pi Khrista ghena kethengwa tsü la ma gweghe ghong yaden; kepaghenanye ithu na Khrista gweghe ketizen kesa ghena ma nyankethang wi la ma gweghe yaben.
Ghaketen wi Anyankethang
18Hi ithu na nansü ayyi ha wi ketizen kesa ha pi anyankethang pi ithu ccüca ketenwa tsü ghapeya nbenle kesa chütiben. 19Ayyi ha wi sahangkechithu mabenla Anyiza na ma tsangathu pi ccücachi keten tsü nmvuthi hieben. 20#Ade 3.17-19 Kepaghenanye sahangkechithu tsü meshensa pi ma jjügi nkemi sa, tsüna ma ketanla nyela Anyiza kemeshen wina tsüti sa. Isala ciwi kenondi na ben, 21sahangkechithu tsü ghanan kesü bighea keten tssüzü sa keben wina lishachi nu Anyiza tsangathu nyankethang kekhenkeghe nkemi wi tsü gweghe yaben. 22Kepaghenanye nansü kecu ayyi wi sahangkechithu tsüdila nza kepvügha wi kinaa ti ghadhi nu hieben. 23#2 Kor 5.2-4 Isala tsüna sahangkechithu ketan ghadhi nben; isala ithu Anyiza ju atuwa Aghamu kebenthu la ithu non wi ghadhi nu Anyiza na ithu pi ma tsangathu saya nu ithu kahang mabenla lisha chicü keten tsü hieben. 24Kepaghenanye kenondi ghena ithu hangshaya; isala keujüla ithu na nondi kebenwa tsü muten lethu, tsüna kenondi ntsakhiwa nye. Kepaghenanye thowa na ma mu kebenwa tsü nonditen nu? 25Isala keujüla ithu na mu nkebenwa tsü nonditen lethu, ithu na kethankehi nu hie yaben.
26Tsüti ithu na nkhangla keben wi Aghamu na ghola ithu kiqa cüden. Kepaghenanye ithu na khatile khieten khe nchüla keben wi Aghamu na ma ketanla gho ithu kuti wi kaghadhi jüh khishiya nkesa pi ithu ghena Anyiza wi khieden. 27Nu Anyiza na ithu leben muben, Aghamu kemeshen tsü mangwa khe chüben; kepaghenanye Aghamu na ma kenen wina nu ma nyithu kuti wina Anyiza wi khieden.
28Anyiza na pala tsüdi wi la ma tizen ketenthu nu ma kenen wina cikeyathu ssinu kemehaiwa ghena kuliten kesa ithu na chüben. 29Anyiza na kessiya nu pi ma Tsawa ti saya thsüle kesathu pi ma kepa theng, isanu Atsawa yala acünyuthu kejon jawi atssütsewa saya thsüle kesalina. 30Tsalina Anyiza na ci keyathu pi ma kepa sa thsüdha; nu ma ci keyathu pi ma tuwi meshonya thsüa, nu pi ma nyankethang wi gweghe ya thsüdha.
Jisu Khrista wina Anyiza Nanketizen
31Ha tsüdi miwi ithu khatile khi nu? Keujüla Anyiza tsüna ithu wiwa lethu, thowa na ithu matangya mehai nu? 32Anyiza na ma Tsa ntsawa tsü ccüla ntepaghala pi ithu tsüdi ghena khuchidha le! Ma ma Tsawa ccüla khuchi lethu, ma pala tsüdila ithu ghena kekila wi khuchi cü nben kwe? 33Thowa na Anyiza na kessiya kesa nyithu kimenniya mehai nu? Anyiza na ma ketanla mathu pi nsazzile khidha le! 34Isathu, thowa na mathu meshensaya mehai nu? Tsüna Jisu Khrista shü kesa ketan nyela hangneng wa Anyiza kwen ajewa ben nu Anyiza wi ithu ghena khie kebenwa la nye le! 35Isalethu, thowa na Khrista nanketizen wina ithu khuthiya mehai nu? Agükeccü, ketizen kesa, kemeten- kemesha, kaghama, kahhatu, kemessi, nyelela keshü na tsüti saya mehai kwe? 36#Zak 44.22 Ntsawajüh na khi keben ti,
“Nthu ghena ikhang na matsü tsüdi wila
shüya kemehai kemessi wi ben;
ikhang pi khaghaneni ssinu pathi wa
ketenthu ti saden.”
37Nyele, ithu na ithu nantizen kecüwa wina hathu ha tsüdi miwi khang yadha le! 38Kepaghenanye mangla ma nanketizen wina ithu khuthiya nben kesa hi chütiben: tsüna keshü le kahang lela, tangnyilothu le tang wi kekhang kesenthu nyelela kekhangthu lela, nansü kebenwa le ghaketenwa lela, 39ayyi miwi keben le ayyi cakhu wi keben lela, nu ciwi sahangkechithu tsüdi wi lela mangla ithu Pvüwa Jisu Khrista wina pi ithu ccüca kechi Anyiza nanketizen wina ithu khuthiya nben.
Currently Selected:
ROMNYI 8: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
ROMNYI 8
8
Aghamu wi Kahang
1Khilitsü Jisu Khrista wi hang kebenthu kemeshensa nmidha. 2Kepaghenanye Aghamu yenwa na Jisu Khrista wina kahang sengho ithu kecüwa tsüna kesami nu keshü yenwa wina ithu lisha chi cüdha. 3Anyi sajjü ha nkekhang ghena Ayenwa na sa nkeyawa tsü Anyiza na sa cüdha. Kesami meshensa thsüale kesalina Anyiza na ma Tsawa kesun pi ayyi nyi kesami sajjü ti gho thsü, ma gho ayyi nyi kesami sajjü ti sa nu kesami ghena ahhansha sa . 4Ayyi nyi sajjü kenen wi nyela Aghamu kenen wi hang ketenthu miwi nsathu keyishü ketsatan Yenwa tsü sa cenya thsüle kesalina Anyiza na ha sachi. 5Kepaghenanye ayyi sajjü kenen wi hang ketenthu na mathu leben wi ayyi sajjü kenenwa tsü meshenden, isala Aghamu kenen wi hang ketenthu na mathu leben wi Aghamu kenenwa tsü meshenden. 6Ayyi sajjü kenen kemeshen tsüna keshü, isala Aghamu kenen kemeshen tsüna kahang nu kecca. 7Tsalina ayyi sajjü kenen kemeshen wi hang keten nyi tsüna Anyiza ghinyi kesü; kepaghenanye ma Anyiza yenwa tsü nie nten, nu ma ntsakhiwa tsü nieya nben. 8Ayyi sajjü kenen wi hang ketenthu na Anyiza kenen saya nben.
9Isala keujüla ntsakhiwa Anyiza Ghamu na nthu wi hangden lethu, nthu na ayyi sajjü kenen wi nyela Aghamu kenen wi hangden. Anyi kesü le kesü lela Khrista Ghamu nkemiwa na ma ji nye. 10Isala keujüla Khrista na nthu wi hangden lethu, kesami ghena nthu sajjü kahang ha wi shü lela Aghamu na nthu wi hangben, kepaghenanye nthu na Anyiza tuwi meshonya kesalina hang yaben. 11#1 Kor 3.16 Keujüla keshü wina Jisu sa pi hang kecü Anyiza Ghamu tsüna nthu wi hangben lethu, keshü wina Khrista sa pi hang kecü ma Ghamu nthu wi hang kebenwa tsüna kahang pi nthu shü keten gwowa tsü la cüben.
12Tsalina icünyuthu, Anyiza Ghamu na ithu kiza keben ti ithu ayyi sajjü kenen wi hang yishü. 13Kepaghenanye keujüla nthu na ayyi sajjü kenen wi hangben lethu, nthu na shüaben; isala Aghamu wina nthu kesa mvu kekuliwa tsü pathi lethu, nthu na hang yaben. 14Anyiza Ghamu lenketsütson wi hang ketenthu tsüdila Anyiza tsangathu. 15#Mrk 14.36; Gal 4.6 #Gal 4.5-7 Kepaghenanye Anyiza na Aghamu pi nthu kecü tsüna nthu sa pi nssümaghathu sa nu nthu ya messi thsüa nben; isala Aghamu tsüna nthu pi Anyiza tsangathu sa, nu ithu na Aghamu kekhang wina Anyiza wi “Aba, iBa!” isa ci thsüden. 16Anyiza Ghamu na ma ketanla ithu ghamu gweghe nu ithu na Anyiza tsangathu le khishi thsüden. 17Ithu na ma tsangathu saya kesalina ithu na ma kemihhi pi ma nyithu ghena kiden ketheng tsü ghong yaden, nu ithu Anyiza na pi Khrista ghena kethengwa tsü la ma gweghe ghong yaden; kepaghenanye ithu na Khrista gweghe ketizen kesa ghena ma nyankethang wi la ma gweghe yaben.
Ghaketen wi Anyankethang
18Hi ithu na nansü ayyi ha wi ketizen kesa ha pi anyankethang pi ithu ccüca ketenwa tsü ghapeya nbenle kesa chütiben. 19Ayyi ha wi sahangkechithu mabenla Anyiza na ma tsangathu pi ccücachi keten tsü nmvuthi hieben. 20#Ade 3.17-19 Kepaghenanye sahangkechithu tsü meshensa pi ma jjügi nkemi sa, tsüna ma ketanla nyela Anyiza kemeshen wina tsüti sa. Isala ciwi kenondi na ben, 21sahangkechithu tsü ghanan kesü bighea keten tssüzü sa keben wina lishachi nu Anyiza tsangathu nyankethang kekhenkeghe nkemi wi tsü gweghe yaben. 22Kepaghenanye nansü kecu ayyi wi sahangkechithu tsüdila nza kepvügha wi kinaa ti ghadhi nu hieben. 23#2 Kor 5.2-4 Isala tsüna sahangkechithu ketan ghadhi nben; isala ithu Anyiza ju atuwa Aghamu kebenthu la ithu non wi ghadhi nu Anyiza na ithu pi ma tsangathu saya nu ithu kahang mabenla lisha chicü keten tsü hieben. 24Kepaghenanye kenondi ghena ithu hangshaya; isala keujüla ithu na nondi kebenwa tsü muten lethu, tsüna kenondi ntsakhiwa nye. Kepaghenanye thowa na ma mu kebenwa tsü nonditen nu? 25Isala keujüla ithu na mu nkebenwa tsü nonditen lethu, ithu na kethankehi nu hie yaben.
26Tsüti ithu na nkhangla keben wi Aghamu na ghola ithu kiqa cüden. Kepaghenanye ithu na khatile khieten khe nchüla keben wi Aghamu na ma ketanla gho ithu kuti wi kaghadhi jüh khishiya nkesa pi ithu ghena Anyiza wi khieden. 27Nu Anyiza na ithu leben muben, Aghamu kemeshen tsü mangwa khe chüben; kepaghenanye Aghamu na ma kenen wina nu ma nyithu kuti wina Anyiza wi khieden.
28Anyiza na pala tsüdi wi la ma tizen ketenthu nu ma kenen wina cikeyathu ssinu kemehaiwa ghena kuliten kesa ithu na chüben. 29Anyiza na kessiya nu pi ma Tsawa ti saya thsüle kesathu pi ma kepa theng, isanu Atsawa yala acünyuthu kejon jawi atssütsewa saya thsüle kesalina. 30Tsalina Anyiza na ci keyathu pi ma kepa sa thsüdha; nu ma ci keyathu pi ma tuwi meshonya thsüa, nu pi ma nyankethang wi gweghe ya thsüdha.
Jisu Khrista wina Anyiza Nanketizen
31Ha tsüdi miwi ithu khatile khi nu? Keujüla Anyiza tsüna ithu wiwa lethu, thowa na ithu matangya mehai nu? 32Anyiza na ma Tsa ntsawa tsü ccüla ntepaghala pi ithu tsüdi ghena khuchidha le! Ma ma Tsawa ccüla khuchi lethu, ma pala tsüdila ithu ghena kekila wi khuchi cü nben kwe? 33Thowa na Anyiza na kessiya kesa nyithu kimenniya mehai nu? Anyiza na ma ketanla mathu pi nsazzile khidha le! 34Isathu, thowa na mathu meshensaya mehai nu? Tsüna Jisu Khrista shü kesa ketan nyela hangneng wa Anyiza kwen ajewa ben nu Anyiza wi ithu ghena khie kebenwa la nye le! 35Isalethu, thowa na Khrista nanketizen wina ithu khuthiya mehai nu? Agükeccü, ketizen kesa, kemeten- kemesha, kaghama, kahhatu, kemessi, nyelela keshü na tsüti saya mehai kwe? 36#Zak 44.22 Ntsawajüh na khi keben ti,
“Nthu ghena ikhang na matsü tsüdi wila
shüya kemehai kemessi wi ben;
ikhang pi khaghaneni ssinu pathi wa
ketenthu ti saden.”
37Nyele, ithu na ithu nantizen kecüwa wina hathu ha tsüdi miwi khang yadha le! 38Kepaghenanye mangla ma nanketizen wina ithu khuthiya nben kesa hi chütiben: tsüna keshü le kahang lela, tangnyilothu le tang wi kekhang kesenthu nyelela kekhangthu lela, nansü kebenwa le ghaketenwa lela, 39ayyi miwi keben le ayyi cakhu wi keben lela, nu ciwi sahangkechithu tsüdi wi lela mangla ithu Pvüwa Jisu Khrista wina pi ithu ccüca kechi Anyiza nanketizen wina ithu khuthiya nben.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.