LEVIYEN 15
15
Agwo wi Nkemetha na Keshhu
1Apvüwa na ayen hathu pi Mosa nu Aaron manyi cü, 2hawa ha Israel nyithu ghena. Khathansha wi npvüza kesü na ma gwo wi agwotssü na shhu khe tsüna nmetha, 3ma gwo wi agwotssü na shhuben le khen lela. 4Ma wa awe kesü miwi donki le khhali lela awe tsüna nmetha ladha. 5Anyi kesüle kesü lela wa ma kidhen 6nyelela anyi tsüwa na katsüha mi kedonki pen wi donki lethu ma athsümeni ghasü nu atssükizü nsathu yishü, nu ma minulen wi kecu nmethala benben. 7Anyi kesüle kesü lela anyi ma gwotssü shhu keben kekidhenwa ma thsümeni ghasü nu atssükizü nsathu yishü, nu ma minulen wi kecu nmethala benben. 8Keujüla anyi ma gwotssü shhu kebenwa na anyi kesü keccüna wi metha kebenwa mmi meshuki cü lethu anyi tsüwa na ma thsümeni ghasü nu atssükizü nsathu yishü, nu ma minulen wi kecu nmethala benben. 9Anyi ma gwotssü shhu kebenwa na asahyu kedonkipen nyelela apen katsüha miwi donki lethu tsüna nmetha ladha. 10Anyi kesüle kesü lela anyi tsüwa kedonki pen wi katsüha lela kepawa ma minulen wi kecu nmethala benden. Anyi kesüle kesü lela anyi tsüwa kedonki pen wi katsüha lela kepvüwa ma thsümeni ghasü nsathu yishü, nu ma minulen wi kecu nmethala benben. 11Keujüla anyi ma gwotssü shhu kebenwa na ma kwen nmetsi tegüla nyu pahan paya lethu, anyi tsüwa na ma thsümeni ghasü nu atssükizü nsathu yishü, nu ma minulen wi kecu nmethala benben. 12Anyi tsüwa na ayyipfü kidhen lela tsüpi pacha, nu achankhu kidhenya lethu tsü qhu nsathu yishü.
13Anyi tsüwa na ma gwotssü nshhula kesa seng wi ghanan tagü hieben lanu ma thsümeni ghasü nu atssümi kemetha wi atssükizü isathu ma keccüna wi metha shaben. 14Tazen ghanan wi ma nkhetsü nyelela tuktur keni sen wa Apvüwa ketenpen Nithsüjjen kedulen wi keqhaikediwa cüben. 15Keqhaikediwa na awa tsü kesü pi kesami ghena kekinyi nu kepawa pi mecang pi kekinyi saben. Hati nu ma anyi tsüwa satekemetha keccüna sa chiben.
16Npvüza kesü ma gwotssü keji lethu ma atssükizü nsathu yishü, nu ma minulen wi kecu nmethala benben. 17Athsümeni nyelela asahyu pi kesa katsüha miwi lela agwotssü keji chi lethu tsü ghasü nsathu yishü, tsüna minulen wi kecu nmethala benben. 18Npvüza nu nza manyi kegweghe seng wi manyi qho atssükizü nsathu yishü, nu manyi qho minulen wi kecu nmethala benben.
19Nza kesü asha kaghapen nzayen kesa wi ma ghanan tagü nmethala benben, anyi thowa na ma kidhen khe ma la minulen wi kecu nmethala benben. 20Ma asha kaghapen nzayen sa keben tsü wi ma mangwa miwi donki nyelela khhali khe tsüna nmetha ladha. 21-23Anyi thowa na ma we nyelela ma kedonki pen kidhen khe ma thsümeni ghasü nu atssükizü nsathu yishü, nu ma minulen wi kecu nmethala benben. 24Keujüla anyi kesü ma asha kaghapen nzayen sa keben jüwi ma gweghe lethu npvüzawa na nzawa nkemetha kaya nu ma la ghanan tagü nmethala benben, nu ma awe miwi khhali kesawa tsü la nmetha ladha.
25Keujüla nza kesü ma asha kaghapen nzayen kesa miwi ghanan kecheng mejü ma gwo wi ajjü keji nyelela khenighani miwi keji wa lethu, ma gwo wi tsü keji keben chu ma asha kaghapeng nzayen kesa tsü wi tsüti nmethala benben. 26Hati kesa tsü wi ma mangwa miwi khhali nyelela donki khe tsüna nmetha ladha. 27Anyi thowa na tsüthu kidhen khe ma nmetha ladha nu ma thsümeni ghasü nu atssükizü nsathu yishü; nu ma minulen wi kecu nmethala benben. 28Ajjü nkejila kesa seng wi ma ghanan tagü benla nu ciwi ccüna ma keccüna wi metha ben. 29Tazen ghanan wi ma nkhetsü nyelela tuktur keni sen nu Apvüwa ketenpen Nithsüjjen kedulen wi waben. 30Keqhaikediwa na awa kesü pi kesami ghena kekinyi nu kepawa pi mecang pi kekinyi saben, hati nu ma nzawa tsü satekemetha keccüna saben.
31Apvüwa na Mosa kiza nu Israel nyithu mathu nkemetha ghena kitsan chilo kiza, isa nu mathu kemnanpen non wi kebenwa ma ketenpen Nithsüjjen tsü n-nakhi thsüle kesalina. Keujüla mathu na tsüti sa lethu mathu pathia kesa.
32Ayen hathu ha npvüza kesü ma gwo wi nkemetha keshhu nyelela agwotssü kekiji, 33nza kesü asha kaghapeng nzayen kesa, nyelela npvüza kesü na nza kesü keccüna wi nmethala kebenwa gweghe kesa ghena.
Currently Selected:
LEVIYEN 15: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
LEVIYEN 15
15
Agwo wi Nkemetha na Keshhu
1Apvüwa na ayen hathu pi Mosa nu Aaron manyi cü, 2hawa ha Israel nyithu ghena. Khathansha wi npvüza kesü na ma gwo wi agwotssü na shhu khe tsüna nmetha, 3ma gwo wi agwotssü na shhuben le khen lela. 4Ma wa awe kesü miwi donki le khhali lela awe tsüna nmetha ladha. 5Anyi kesüle kesü lela wa ma kidhen 6nyelela anyi tsüwa na katsüha mi kedonki pen wi donki lethu ma athsümeni ghasü nu atssükizü nsathu yishü, nu ma minulen wi kecu nmethala benben. 7Anyi kesüle kesü lela anyi ma gwotssü shhu keben kekidhenwa ma thsümeni ghasü nu atssükizü nsathu yishü, nu ma minulen wi kecu nmethala benben. 8Keujüla anyi ma gwotssü shhu kebenwa na anyi kesü keccüna wi metha kebenwa mmi meshuki cü lethu anyi tsüwa na ma thsümeni ghasü nu atssükizü nsathu yishü, nu ma minulen wi kecu nmethala benben. 9Anyi ma gwotssü shhu kebenwa na asahyu kedonkipen nyelela apen katsüha miwi donki lethu tsüna nmetha ladha. 10Anyi kesüle kesü lela anyi tsüwa kedonki pen wi katsüha lela kepawa ma minulen wi kecu nmethala benden. Anyi kesüle kesü lela anyi tsüwa kedonki pen wi katsüha lela kepvüwa ma thsümeni ghasü nsathu yishü, nu ma minulen wi kecu nmethala benben. 11Keujüla anyi ma gwotssü shhu kebenwa na ma kwen nmetsi tegüla nyu pahan paya lethu, anyi tsüwa na ma thsümeni ghasü nu atssükizü nsathu yishü, nu ma minulen wi kecu nmethala benben. 12Anyi tsüwa na ayyipfü kidhen lela tsüpi pacha, nu achankhu kidhenya lethu tsü qhu nsathu yishü.
13Anyi tsüwa na ma gwotssü nshhula kesa seng wi ghanan tagü hieben lanu ma thsümeni ghasü nu atssümi kemetha wi atssükizü isathu ma keccüna wi metha shaben. 14Tazen ghanan wi ma nkhetsü nyelela tuktur keni sen wa Apvüwa ketenpen Nithsüjjen kedulen wi keqhaikediwa cüben. 15Keqhaikediwa na awa tsü kesü pi kesami ghena kekinyi nu kepawa pi mecang pi kekinyi saben. Hati nu ma anyi tsüwa satekemetha keccüna sa chiben.
16Npvüza kesü ma gwotssü keji lethu ma atssükizü nsathu yishü, nu ma minulen wi kecu nmethala benben. 17Athsümeni nyelela asahyu pi kesa katsüha miwi lela agwotssü keji chi lethu tsü ghasü nsathu yishü, tsüna minulen wi kecu nmethala benben. 18Npvüza nu nza manyi kegweghe seng wi manyi qho atssükizü nsathu yishü, nu manyi qho minulen wi kecu nmethala benben.
19Nza kesü asha kaghapen nzayen kesa wi ma ghanan tagü nmethala benben, anyi thowa na ma kidhen khe ma la minulen wi kecu nmethala benben. 20Ma asha kaghapen nzayen sa keben tsü wi ma mangwa miwi donki nyelela khhali khe tsüna nmetha ladha. 21-23Anyi thowa na ma we nyelela ma kedonki pen kidhen khe ma thsümeni ghasü nu atssükizü nsathu yishü, nu ma minulen wi kecu nmethala benben. 24Keujüla anyi kesü ma asha kaghapen nzayen sa keben jüwi ma gweghe lethu npvüzawa na nzawa nkemetha kaya nu ma la ghanan tagü nmethala benben, nu ma awe miwi khhali kesawa tsü la nmetha ladha.
25Keujüla nza kesü ma asha kaghapen nzayen kesa miwi ghanan kecheng mejü ma gwo wi ajjü keji nyelela khenighani miwi keji wa lethu, ma gwo wi tsü keji keben chu ma asha kaghapeng nzayen kesa tsü wi tsüti nmethala benben. 26Hati kesa tsü wi ma mangwa miwi khhali nyelela donki khe tsüna nmetha ladha. 27Anyi thowa na tsüthu kidhen khe ma nmetha ladha nu ma thsümeni ghasü nu atssükizü nsathu yishü; nu ma minulen wi kecu nmethala benben. 28Ajjü nkejila kesa seng wi ma ghanan tagü benla nu ciwi ccüna ma keccüna wi metha ben. 29Tazen ghanan wi ma nkhetsü nyelela tuktur keni sen nu Apvüwa ketenpen Nithsüjjen kedulen wi waben. 30Keqhaikediwa na awa kesü pi kesami ghena kekinyi nu kepawa pi mecang pi kekinyi saben, hati nu ma nzawa tsü satekemetha keccüna saben.
31Apvüwa na Mosa kiza nu Israel nyithu mathu nkemetha ghena kitsan chilo kiza, isa nu mathu kemnanpen non wi kebenwa ma ketenpen Nithsüjjen tsü n-nakhi thsüle kesalina. Keujüla mathu na tsüti sa lethu mathu pathia kesa.
32Ayen hathu ha npvüza kesü ma gwo wi nkemetha keshhu nyelela agwotssü kekiji, 33nza kesü asha kaghapeng nzayen kesa, nyelela npvüza kesü na nza kesü keccüna wi nmethala kebenwa gweghe kesa ghena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.