LEVIYEN 14
14
Agükedsakenaa seng wi Sakemetha
1Apvüwa na pi Mosa kecü, 2#Mat 8.4; Mrk 1.44; Luk 5.14; 17.14.anyi kesü na agükedsanaa nu mehaikeya seng wi sakemetha keccüna kesa yenthu. Ma methadhale kekhishi ghanan wi ma ssinu keqhaikediwa wi ghoben, 3nu keqhaikediwa na ma ssishhu kemnanpen na ameiwa wi ma ghang kaketsü saben. Keujüla kekhuma tsüna ma wadha lethu, 4keqhaikediwa na awa kemetha keni, sedar chan kesü, anonwe kesü, nu shonpheghe tsang kesü tsüti sengholo ahza khuchiben. 5Tsaseng wi keqhaikediwa na awa kesü pi ayyipfü wi atssümi kemetha keben miwi tsü pathilo khiben. 6Ma awa kepawa khuya nu sedar chan, anonwe, nu shonpheghe tsang tsü saghu pi awa pathi ketheng jjü wi tsü ten chiben. 7Ma ajjü tsüpi anyi agükedsanaa nu samethale kebenwa miwi tagü tughu keghü chi, nu tsaseng wi ma anyi tsüna methadhale khishi chiben. Ma awa kahangwa tsüpi alli wi pighe bvü thsüaben. 8Anyi tsüwa na ma thsümeni ghasü, ma li whi, atssükizü, isathu ma keccüna wi metha ben. Ma kemnanpen non wi duya mehai isala ma nithsüjjen na ameiwa ghanan tagü nhangthu yishü. 9Ma kheneng tagü ghanan wi ma lissen, ma pang kenye, ma nyonkha kenye, nu ma gwo wi assen tsüdila whiaben; ma thsümeni ghasü nu atssükizü, isathu ma keccüna wi metha ben.
10Tazen ghanan wi ma khaghaneni zza amapi kesü ji nyu ghojünkeya mangla nkemi asüpon keni, aghala kesü, oliv deli pi awheng kesaghu kilogram kecheng, oliv deli liter kesü gishü kecheng wi kesü tsüti sengho ben. 11Keqhaikediwa na anyi nu atsanqai hathu khuya nu Apvüwa ketenpen Nithsüjjen kedulen wi wa. 12Keqhaikediwa na adeli liter kesü gishü kecheng wi kesü tsüpi khaghaneni süpon kesü manyi khuya nu pi kedhineng kekinyi sa chiben. Ma tsüthu kiden pi keqhaikedi ghena Apvüwa tuwi aju kemehai ntsa saben. 13Ma khaghaneni tsüpi kemetha pen wi kesami ghena kekinyi nu mecang pi kekinyi sahang kepathi pen wi pathiben. Ma ha nsathu yishü, kepaghenanye kedhineng kekinyi ha kesami ghena kekinyi ti keqhaikediwa ji nu ha metha ntsawa. 14Keqhaikediwa na ajjü tsü pahan sen wa anyi keccüna wi methadhale khishile kebenwa ma khuna laca ajewa, ma kwenshenpfü ajewa, nu ma ccüshenpfü ajewa miwi chiben. 15Keqhaikediwa na oliv deli pahan khuya nu pi ma kwenmeja tavüwa keshu chi, 16ma kwenzza ajewa pi ten chiya nu pi Apvüwa ketenpen wi tagü tughu keghü chiben. 17Ma kwenmeja wi adeli tsü pahan nu khaghaneni jjü tsü pahan sen wa anyi keccüna wi methadhale khishile kebenwa ma khuna laca ajewa, ma kwenshenpfü ajewa, nu ma ccüshenpfü ajewa wi chiben. 18Ma kwenmeja wi adeli kesentu tsüpi anyi tsüwa li wi chiben. Hati nu ma satekemetha keccüna ha kuli chiben.
19Tsaseng wi keqhaikediwa na kesami ghena kekinyi nu satekemetha keccüna kekuli sa chiben. Tsaseng wi ccüna ma mecang pi kekinyi sahang tsü pathi, 20nu kekinyipen miwi asu pi kekinyi sa chiben. Hati nu keqhaikediwa na satekemetha keccüna tsü sa chithu anyi tsüna keccüna wi metha ben.
21Keujüla anyi tsüna ketha-u nu tsü miwi khuchi meya lethu, ma satekemetha ghena khaghaneni süpon kesütan sengho kedhineng kekinyi sapi keqhaikediwa ghena Apvüwa tuwi aju kemehai ntsa sachi. Ma asu pi kekinyi ghena oliv deli pi kesaghu awheng kilogram kesü nu oliv deli liter kesü gishü kecheng wi kesü ketan sengho ben. 22Ma nkhetsü nyelela tuktur keni, kesü na pi kesami ghena kekinyi nu kesü na mecang pi kekinyi ghena la sengho ben. 23Ma satekemetha ghena tazen ghanan wi ma tsüthu tsü sen nu Nithsüjjen kedulen wi keqhaikediwa wi ghoben. 24Keqhaikediwa na khaghaneni nu oliv deli tsü khuya nu tsüthu pi keqhaikediwa ghena Apvüwa tuwi aju kemehai ntsa sa chiben. 25Ma khaghaneni tsü pathi nu ma jjü pahan khuya nu sen wa anyi tsüwa khuna laca ajewa, ma kwenshenpfü ajewa, nu ma ccüshenpfü ajewa wi chiben. 26Keqhaikediwa na adeli pahan pi ma kwenmeja tavüwa keshuchi, 27nu ma kwenzza ajewa wina tsüpi Apvüwa ketenpen wi tagü tughu keghü chiben. 28Ma ajjü pi kechipen witsü adeli pahan pi chiya, nu pi anyi tsüwa khuna laca ajewa, ma kwenshenpfü ajewa, nu ma ccüshenpfü ajewa wi chiben. 29Ma kwenmeja wi adeli kesentu tsüpi anyi tsüwa li wi chi, hati nu satekemetha keccüna kekuli sachi. 30Tsaseng wi ma nkhetsü nyelela tuktur kesü khupi 31kesami ghena kekinyi nu kepawa pi mecang pi kekinyi nu asu pi kekinyi saghu sachi. Hati nu keqhaikediwa na satekemetha keccüna tsü saben. 32Ayen hawa ha anyi kesü na agükedsanaa nu ma satekemetha kekinyi kesau sa meyala kesawa ghena.
Ajjen wi Agükedsakenaa Keben
33Apvüwa na pi Mosa nu Aaron manyi kecü, 34ajjen wi agükedsakenaa na pvükayi ben lethu ayenthu. (Ayen hathu ha Israel nyithu ghena Apvüwa na Kanaan yyi pi mathu cü nu mathu ji saya thsüle kesawa witsü dukeya seng wi senben.) 35Keujüla anyi kesü na ma jjen wi agükedsakenaa muya lethu, ma wa keqhaikediwa kiza nsathu yishü. 36Keqhaikediwa na ma wa agükedsakenaa tsü npi kaghang wi ajjen wi atsanqai tsüdila khushilo khiben; nyelethu ajjen wi pala tsüdila nmethale khishiaben. Tsaseng wi ma ajjen wi wa nu 37agükedsakenaa tsü ghang ben. Keujüla ajjen keshon wi mejjüdhi nyelela nmieni dsa du keben muya lethu, 38ma ghanan tagü ajjen tsü khen pi theng shaben. 39Ma tagü ghanan wi kheneng gho tsü ghang ben. Agükedsakenaa tsüna pvükayi benla lethu, 40ma agükedsakenaa na alon miwi keben mukeya lonwa tsü khusen wa anyunuti na ameiwa nkemetha pen wi khalachiaben. 41Tsaseng wi ma ajjen keshon nonwa kenyen tsüdi whengsha pi nu ma qan tsü pie wa anyunuti na ameiwa nkemetha pen wi khala nsathu yishü. 42Alon kepa wi pi alon khupi kesathu mithon witsü chi, nu ayyi ketheü pi tsü nyenbhon shaben.
43Keujüla ajjen wi alon khupi nu whengsha nu kenyenpfü seng wi agükedsakenaa tsüna kheneng pvükayi benla lethu, 44keqhaikediwa na wa tsü ghang ben. Tsüna pvükayi benla lethu, ajjen tsüna nmetha. 45Ajjen tsü pheghe shaben nu alon, achan, nu ma kenyen qan tsüdi sen wa anyunuti na ameiwa nkemetha pen wi khala nsathu yishü. 46Anyi kesüle kesü lela ajjen khen ketheng witsü du lethu ma minulen wi kecu nmethala benben. 47Anyi kesüle kesü lela ajjen witsü jen nu dsa lethu ma thsümeni ghasü nsathu yishü.
48Ajjen tsü kesaneng seng wi keqhaikediwa na wa agükedsakenaa tsü ghang nu tsüna nshhugho nengla lethu, ma ajjen tsüna metha benle khishiaben, kepaghenanye agükedsakenaa tsü khutha pidha. 49Ajjen tsü satemethale kesalina ma awa keni, sedar chan pahan, anonwe nu shonpheghe tsang kesü khuyaben. 50Ma awa kesü pi ayyipfü wi atssümi kemetha keben miwi tsü pathiben. 51Ma sedar chan, anonwe, shonpheghe tsang, nu awa kahangwa tsü khuya nu pi awa pathi ketheng jjü nu atssü kemetha wi ten chiben. Ma tsüpi tagü tughu ajjen tsü keghüben. 52Ma hati nu awa jjü, atssü kemetha, awa kahang tsü, sedar chan, shonpheghe, nu anonwe tsü sen nu ajjen satemetha ben. 53Tsaseng wi ma awa kahangwa tsüpi anyunuti na ameiwa alli wi pighe bvü thsüaben. Ma hati nu ajjen satekemetha keccüna tsü sa chithu ajjen tsüna keccüna wi metha shaben.
54Ayen hathu ha agükedsakenaa; 55-56kekhuma, avünen, kecüccen, nu agükedsakenaa na athsümeni nyelela ajjen wi keben ghena. 57Ayen hathu ha pala pahan na kusi wi methaben nu kusi wi nmetha lakhe pi kizaden.
Currently Selected:
LEVIYEN 14: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
LEVIYEN 14
14
Agükedsakenaa seng wi Sakemetha
1Apvüwa na pi Mosa kecü, 2#Mat 8.4; Mrk 1.44; Luk 5.14; 17.14.anyi kesü na agükedsanaa nu mehaikeya seng wi sakemetha keccüna kesa yenthu. Ma methadhale kekhishi ghanan wi ma ssinu keqhaikediwa wi ghoben, 3nu keqhaikediwa na ma ssishhu kemnanpen na ameiwa wi ma ghang kaketsü saben. Keujüla kekhuma tsüna ma wadha lethu, 4keqhaikediwa na awa kemetha keni, sedar chan kesü, anonwe kesü, nu shonpheghe tsang kesü tsüti sengholo ahza khuchiben. 5Tsaseng wi keqhaikediwa na awa kesü pi ayyipfü wi atssümi kemetha keben miwi tsü pathilo khiben. 6Ma awa kepawa khuya nu sedar chan, anonwe, nu shonpheghe tsang tsü saghu pi awa pathi ketheng jjü wi tsü ten chiben. 7Ma ajjü tsüpi anyi agükedsanaa nu samethale kebenwa miwi tagü tughu keghü chi, nu tsaseng wi ma anyi tsüna methadhale khishi chiben. Ma awa kahangwa tsüpi alli wi pighe bvü thsüaben. 8Anyi tsüwa na ma thsümeni ghasü, ma li whi, atssükizü, isathu ma keccüna wi metha ben. Ma kemnanpen non wi duya mehai isala ma nithsüjjen na ameiwa ghanan tagü nhangthu yishü. 9Ma kheneng tagü ghanan wi ma lissen, ma pang kenye, ma nyonkha kenye, nu ma gwo wi assen tsüdila whiaben; ma thsümeni ghasü nu atssükizü, isathu ma keccüna wi metha ben.
10Tazen ghanan wi ma khaghaneni zza amapi kesü ji nyu ghojünkeya mangla nkemi asüpon keni, aghala kesü, oliv deli pi awheng kesaghu kilogram kecheng, oliv deli liter kesü gishü kecheng wi kesü tsüti sengho ben. 11Keqhaikediwa na anyi nu atsanqai hathu khuya nu Apvüwa ketenpen Nithsüjjen kedulen wi wa. 12Keqhaikediwa na adeli liter kesü gishü kecheng wi kesü tsüpi khaghaneni süpon kesü manyi khuya nu pi kedhineng kekinyi sa chiben. Ma tsüthu kiden pi keqhaikedi ghena Apvüwa tuwi aju kemehai ntsa saben. 13Ma khaghaneni tsüpi kemetha pen wi kesami ghena kekinyi nu mecang pi kekinyi sahang kepathi pen wi pathiben. Ma ha nsathu yishü, kepaghenanye kedhineng kekinyi ha kesami ghena kekinyi ti keqhaikediwa ji nu ha metha ntsawa. 14Keqhaikediwa na ajjü tsü pahan sen wa anyi keccüna wi methadhale khishile kebenwa ma khuna laca ajewa, ma kwenshenpfü ajewa, nu ma ccüshenpfü ajewa miwi chiben. 15Keqhaikediwa na oliv deli pahan khuya nu pi ma kwenmeja tavüwa keshu chi, 16ma kwenzza ajewa pi ten chiya nu pi Apvüwa ketenpen wi tagü tughu keghü chiben. 17Ma kwenmeja wi adeli tsü pahan nu khaghaneni jjü tsü pahan sen wa anyi keccüna wi methadhale khishile kebenwa ma khuna laca ajewa, ma kwenshenpfü ajewa, nu ma ccüshenpfü ajewa wi chiben. 18Ma kwenmeja wi adeli kesentu tsüpi anyi tsüwa li wi chiben. Hati nu ma satekemetha keccüna ha kuli chiben.
19Tsaseng wi keqhaikediwa na kesami ghena kekinyi nu satekemetha keccüna kekuli sa chiben. Tsaseng wi ccüna ma mecang pi kekinyi sahang tsü pathi, 20nu kekinyipen miwi asu pi kekinyi sa chiben. Hati nu keqhaikediwa na satekemetha keccüna tsü sa chithu anyi tsüna keccüna wi metha ben.
21Keujüla anyi tsüna ketha-u nu tsü miwi khuchi meya lethu, ma satekemetha ghena khaghaneni süpon kesütan sengho kedhineng kekinyi sapi keqhaikediwa ghena Apvüwa tuwi aju kemehai ntsa sachi. Ma asu pi kekinyi ghena oliv deli pi kesaghu awheng kilogram kesü nu oliv deli liter kesü gishü kecheng wi kesü ketan sengho ben. 22Ma nkhetsü nyelela tuktur keni, kesü na pi kesami ghena kekinyi nu kesü na mecang pi kekinyi ghena la sengho ben. 23Ma satekemetha ghena tazen ghanan wi ma tsüthu tsü sen nu Nithsüjjen kedulen wi keqhaikediwa wi ghoben. 24Keqhaikediwa na khaghaneni nu oliv deli tsü khuya nu tsüthu pi keqhaikediwa ghena Apvüwa tuwi aju kemehai ntsa sa chiben. 25Ma khaghaneni tsü pathi nu ma jjü pahan khuya nu sen wa anyi tsüwa khuna laca ajewa, ma kwenshenpfü ajewa, nu ma ccüshenpfü ajewa wi chiben. 26Keqhaikediwa na adeli pahan pi ma kwenmeja tavüwa keshuchi, 27nu ma kwenzza ajewa wina tsüpi Apvüwa ketenpen wi tagü tughu keghü chiben. 28Ma ajjü pi kechipen witsü adeli pahan pi chiya, nu pi anyi tsüwa khuna laca ajewa, ma kwenshenpfü ajewa, nu ma ccüshenpfü ajewa wi chiben. 29Ma kwenmeja wi adeli kesentu tsüpi anyi tsüwa li wi chi, hati nu satekemetha keccüna kekuli sachi. 30Tsaseng wi ma nkhetsü nyelela tuktur kesü khupi 31kesami ghena kekinyi nu kepawa pi mecang pi kekinyi nu asu pi kekinyi saghu sachi. Hati nu keqhaikediwa na satekemetha keccüna tsü saben. 32Ayen hawa ha anyi kesü na agükedsanaa nu ma satekemetha kekinyi kesau sa meyala kesawa ghena.
Ajjen wi Agükedsakenaa Keben
33Apvüwa na pi Mosa nu Aaron manyi kecü, 34ajjen wi agükedsakenaa na pvükayi ben lethu ayenthu. (Ayen hathu ha Israel nyithu ghena Apvüwa na Kanaan yyi pi mathu cü nu mathu ji saya thsüle kesawa witsü dukeya seng wi senben.) 35Keujüla anyi kesü na ma jjen wi agükedsakenaa muya lethu, ma wa keqhaikediwa kiza nsathu yishü. 36Keqhaikediwa na ma wa agükedsakenaa tsü npi kaghang wi ajjen wi atsanqai tsüdila khushilo khiben; nyelethu ajjen wi pala tsüdila nmethale khishiaben. Tsaseng wi ma ajjen wi wa nu 37agükedsakenaa tsü ghang ben. Keujüla ajjen keshon wi mejjüdhi nyelela nmieni dsa du keben muya lethu, 38ma ghanan tagü ajjen tsü khen pi theng shaben. 39Ma tagü ghanan wi kheneng gho tsü ghang ben. Agükedsakenaa tsüna pvükayi benla lethu, 40ma agükedsakenaa na alon miwi keben mukeya lonwa tsü khusen wa anyunuti na ameiwa nkemetha pen wi khalachiaben. 41Tsaseng wi ma ajjen keshon nonwa kenyen tsüdi whengsha pi nu ma qan tsü pie wa anyunuti na ameiwa nkemetha pen wi khala nsathu yishü. 42Alon kepa wi pi alon khupi kesathu mithon witsü chi, nu ayyi ketheü pi tsü nyenbhon shaben.
43Keujüla ajjen wi alon khupi nu whengsha nu kenyenpfü seng wi agükedsakenaa tsüna kheneng pvükayi benla lethu, 44keqhaikediwa na wa tsü ghang ben. Tsüna pvükayi benla lethu, ajjen tsüna nmetha. 45Ajjen tsü pheghe shaben nu alon, achan, nu ma kenyen qan tsüdi sen wa anyunuti na ameiwa nkemetha pen wi khala nsathu yishü. 46Anyi kesüle kesü lela ajjen khen ketheng witsü du lethu ma minulen wi kecu nmethala benben. 47Anyi kesüle kesü lela ajjen witsü jen nu dsa lethu ma thsümeni ghasü nsathu yishü.
48Ajjen tsü kesaneng seng wi keqhaikediwa na wa agükedsakenaa tsü ghang nu tsüna nshhugho nengla lethu, ma ajjen tsüna metha benle khishiaben, kepaghenanye agükedsakenaa tsü khutha pidha. 49Ajjen tsü satemethale kesalina ma awa keni, sedar chan pahan, anonwe nu shonpheghe tsang kesü khuyaben. 50Ma awa kesü pi ayyipfü wi atssümi kemetha keben miwi tsü pathiben. 51Ma sedar chan, anonwe, shonpheghe tsang, nu awa kahangwa tsü khuya nu pi awa pathi ketheng jjü nu atssü kemetha wi ten chiben. Ma tsüpi tagü tughu ajjen tsü keghüben. 52Ma hati nu awa jjü, atssü kemetha, awa kahang tsü, sedar chan, shonpheghe, nu anonwe tsü sen nu ajjen satemetha ben. 53Tsaseng wi ma awa kahangwa tsüpi anyunuti na ameiwa alli wi pighe bvü thsüaben. Ma hati nu ajjen satekemetha keccüna tsü sa chithu ajjen tsüna keccüna wi metha shaben.
54Ayen hathu ha agükedsakenaa; 55-56kekhuma, avünen, kecüccen, nu agükedsakenaa na athsümeni nyelela ajjen wi keben ghena. 57Ayen hathu ha pala pahan na kusi wi methaben nu kusi wi nmetha lakhe pi kizaden.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.